رواية الدخيلة الفصل الخامس والاربعون بقلم مرج البحر
حسين:ها حبيبي
اصيل:كلش خجلت من كالي حبيبي ....
كتله ها
حسين:كملتي
اصيل: اي كملت
حسين:جا يلا انزلي اني خابرت عمي واترخصت منه وكالي براحتكم
اصيل:ماشي يلا نازله دقيقه وحدة
حسين:ماشي ...
اصيل:سديت الخط منه ولبست عباتي ونزلت حاجيت امي وطلعت ...فتحت الباب مال الشارع شفت سيارة حسين واكفه طلعت وسديت الباب وراية ونوب صعدت بالسيارة
اصيل:السلام عليكم
حسين:وعليكم السلام هي حبيبتي....شونج
اصيل: الحمدلله عيوني انت شلونك
حسين:مادام انتي وياي اني بنص الخير ....نتوكل
اصيل:يلا ...بس وين
حسين:مو كتلج نروح نتعشه
اصيل: ها زين بس مو نتأخر خاف ابوية ميقبل
حسين:لا حاجيت عمي كال علئ راحتكم وكتله نتأخر شوية
كالي بكيفكن بوية
اصيل: اها زين احنه نتعشه ونرجع علئ شنو نتأخر
حسين ماعليج بعدين ههههههه +
اصيل: الطريق كله حسين يسولف ويضحك وياي ومامقيدني ابد يحاول يخليني احبه مثل ماهو يحبني والصراحه اني بديت انجذب اله وتعجبني شخصيته ويارب يقدرني واسعدة
رحنه تعشينه وهم ضلينه سوالف وضحك ونوب نزل حسين كيك وعصير الي واله وكملنه سوالفنه صارت ب9:30
حسين:ها حبيبي نكوم
اصيل: يي كلبي ماعندي شي
حسين:يلا
اصيل: كمنه من الطبله مال الطعام وحسين لزم ايدي كلش استحيت ونزلت راسي المهم طلعنه من المطعم ونوب توجهنه للكورنيش علئ الشط
اصيل:الله حسين شنو هذا المكان يجنن
حسين:هههه اي صح اني كل ما اضوج احي لهنا مكان حلو
اصيل: اي والله ويفتح النفس
كعدنه وحسين اشت النه كرزات ونباوع ونكرز ونسولف اخذنالنه ساعه ونوب كمنه
حسين:يلا اصولة كومي
اصيل:يلا....بس عليك جيبني مرة الثانيه لهنا
حسين:تدللين يروحي كم اصيل عندي
اصيل: يحياتي
حسين تفاجأ من كالتها وقبل شوية كالتله حبي
اصيل فد خجلت من حسين صفن بوجهي والله مو بقصدي اكول يحياتي المهم صعدنه بالسيارة شغل اغنيه ...نوب دخلنه بشارع مو شارعنه
اصيل:حسين هذا مو شارعنه
حسين: ايي ادري
اصيل: جا وين راح نروح
حسين: هسه تشوفين من نوصل
اصيل: ماشي
وصلنه يم بيت
حسين: يلا اصولة انزلي
اصيل: نزلت ورحت يمه لزم ايدي ونوب راح فتح الباب بالمفاتيح الي عندة ودخلنه جانت واجه البيت كلش حلوة وبي حديقه زغيرونه وساحه هم تكفي كد سيارة ....راح حسين فتح الباب الداخلي
حسين:تعالي اصيل
اصيل: رحت يمه ودخلنه للبيت اول شي المطبخ يجنن شنو من ترتيب وتنضيف وبعدين الصاله هم مرتبة
اصيل:حسين هذا بيت منو
حسين:حبيبي هذا بيتنه
اصيل: انصدمت وفرحت بنفس اللحضة
صدك تحجي حسين
حسين: ايي والله شبيج
اصيل: يجننن البيت
حسين: وطبعا راح يصير كلش حلو من تنورين بي
اصيل:ان شاء الله يكلبي نورنه اثنيانتنه
حسين: تقرب حضنها من ضهرها وخله راسه علئ كتفها ان شاءالله يروح حسين
اصيل: ماحسيت بس حضني من ضهري وخله راسه علئ كتفي جسمي رجف
حسين:ليش ترجفين
اصيل: ها مو شسمه باردة
حسين: ههههه هو وينه البرد
اصيل:حسين حباب ابتعد عني شوية
حسين:لا
اصيل:شبيك حسين عفيه وخر
حسين:ماشي بس بشرط
اصيل: كول بله
حسين:بوسيني
اصيل:لا بلة
حسين:اي والله
اصيل: ماشي بس فكني خلي ابوسك
حسين: ماشي
اصيل:فريت عليه وبسته من هدة هو ضحك
حسين: عود تقشمريني
اصيل: حسين يلا نرجع
حسين:امري لله يلا نرجع ......
اليوم جمعه (يوم عقد ريم واسد)
ريم: كعدت من الصبح احس بنفسي نشيطه كلش رحت غسلت ونزلت صبحت عليهم تريكنه وصغدت بدلت ونزلت طلعنه للسوك اني ونيران واصيل وخاله ام اسد اشتريت فساني للعقد اخذته لونة ابيض وبي تطريز من جوة بالذهبي جان قصير ونفش وبي حمالات رفيعات كلش حلو ونازك واخذت وياه تاج واسوار وحذاء لونها ذهبي نوب رحنه للصالون +
ام الصالون :حبيبتي البسي بدلتج حتئ امكيجج
ريم: ماشي ....رحت لبست البدلة وكعدت علئ الكرسي وبدت ام الصالون تسويلي بالمكياج سوته ذهبي وشعري فتحته علئ طولة و سوته من اجراقه كيرلي ونوب خلتلي التاج .....من شفت نفسي كلش انصدمت والله طالعه فد شي من جمالي خاله ام اسد ضلت تقرة المعوذات ......
مر هل يوم كلش حلو فرحت من عقد عليه اسد يعني صرت زوجته شرعاً خلص يعني مو حلم .....متمددة علئ الجرباية واتذكر تفاصيل اليوم وخصوصا ردة فعل اسد من ورا ماعقدنه ودخل يلبسني الذهب خطيه اول مادخل من باب الاستقبال شافني صل صافن بوجهي اني من شفته هيج خجلت نزلت راسي بساع اجه تقرب يمي
الشيخ اسد: مبروك ريمه
ريم (بتوتر):الله يبارك بيك شيخ
الشيخ اسد:هههههه لا بعد مامو شيخ نوب منا وجاي كله اسد
ريم:ان شاء الله شيخ ...اا اقصد اسد
الشيخ اسد:ههههه يلا عادي تتعودين
ريم: ابتسمت ونزلت راسي ....اجت خاله ام اسد وبيدها علب الذهب فتحتنهن
ام اسد: يلا شيخ لبسها الذهب
الشيخ اسد: بديت البسها الذهب ...بالبداية لبستها الحلقة ونوب الاسوار واني اباوع علئ ايديها شلون قطعه مال ثلج وترفه نوب لزمت المدالية وتقربت عليها يبوية الركبه تذبح انفاسي سرعت لبستها بسرعه وبعدت باوعتلها لكيتها صايرة حمرة من الخجل
.....صحت لامي
ام اسد:ها يمه تريدني
الشيخ اسد: اي يمه اريدها بالغرفه مال الشيخه اريد اكوللها علئ شي
ام اسد(ابتسمت):تدلل وليدي
الشيخ اسد: اني طلعت رحت لغرفه جدتي وكعدت انتضرها شوية ودخلت
الشيخ اسد:تعالي ريمه
ريم: ها وين
الشيخ اسد: ههههه تعالي يمي
ريم: تقربت يمه
الشيخ اسد: اكعدي
ريم: كعدت يمه بس شنو احس خدودي نار من الخجل ههههه
الشيخ اسد:ريمه صرتي الي
ريم: هزيت راسي وابتسمت
الشيخ اسد: شوفي ريمتي هسه اني صرت زوجج وسندج واعتبرني ابوج وامج واخوج وصديقتج واختج كلشي ماريد تضمين عليه واي شي تحتاحي تجين الي اي شي يضايقج او يضوجج تجين تكولين الي واني هم اي شي احي اكوله الج اريد قبل لا نكون زوجين اصدقاء حتئ نتخطئ كل العقبات ماشي ؟
ريم: ان شاء الله
الشيخ اسد: عفيه بنيتي
ريم: اوووي والله كلش خجلت
الشيخ اسد:يلا اني اطلع للديوان وانتي شوية واصعدي ارتاحي
ريم: ماشي ...انتبه لنفسك
الشيخ اسد: هههه وانتي هم بستها من راسها وطلعت والفرحه بنص كلبي مااكدر اوصفها رحت للديوان لكيت الناس رايحه باقين بس ابوي وعمامي والولد واني بس كبيت وهم كلها تسويلي ها ها
الشيخ اسد: ها شكو يمعودين
