رواية الضابط فهد ومريم الفصل الثامن والاربعون بقلم مجهول
فهد: ودعتهة وحسيت روحي راحت وياهاا طلعت من بيتهم واحس روحي بعدهة يمهم اريد اخذهة هية اختارت هذاا الشي متفهم نفسيتهة ولشي الي كاعد تمر بي طول هاي الفترة واني كلامي ينعد ع الاصابع لاا اكعد وية بشر ولاا احجي وية بشرر
ضليت اكول الزينب تخابرر وتستفسرر شلونهة وشخبارهة وخليتهة تنطيني وعد متكوللهة فهد سئلل لحد ماا اجتي فترة ماتحملت بعد كلت لازم اراسلهة واختم هلموضوع لشوكت احنة نضلل هيج فتحت تلفوني ودزيت
...
مريم: شفت ضوة رسائلل شتغلل بتلفوني جانن رسائل من فهد كاتب.
-ماتحملل بعد بوية فراكج هد حيلي ماضلل عندي حييل بعدج كسرتي ضهري
-شلون صابر بدونج مادري كلشي بدونج ماا الة معنى لييش هجولتينة هيج بوية يرضيج الوصلنة الة فرحانة هيج مرتاحة واذاا كلتي صابرة ومرتاحة بدونك هذاا شاربي مو علية اذا خليتج تشوفين خلقتي وميكون خاطرج الة طيب
.
ضليت صافنة للرسائلل رجعت قريتهن مدري كم مرة هوة متصل واني متصلة بلنهاية كتبت
مريم: هلاا بسندي الكطع فدنوبب هلاا بيك يلغالي عاش من شافك شعجب ذكرتني وييينن عنكك فهدد وينن
فهد: الله شاهد علية عايشة بروحي مريم ماعفتج ولاا لحضة دائماا عايشة وياي بكلل مكان وزمان بس هذاا الي انتي اختاريتي مابيدي شي اجبرج تعيشين وياي يعني
مريم: تدري شصار بية فهد هاي الفترة اكثرر فترة احتاجك بيهة احتاجيت حنانك واهتمامك بس كلماتك الي تخليني احب الحياة ردت تواسيني وتخفف عني ماردت غير هذا موصعب ولله فهد موصعب انت ماردت هيج اختاريت الموت اختاريت اموتة فهد ماكدر كلبي مينطيني احنة موو مجرمين
فهد: مريم اني اختاريت هلشي لان هذاا خطر عليج وكلتلج قبلل ميصير بي نبض الطفلل انتي شلون تريديني اختارر اخسركم ثنينكم مريم اني شلون اعيش اني متعلق بيج انتي هوة بعدة لحماية مابي حتة نبض اكيد اختارج انتي اختار حياتي وياج اختاريتج انتييي
مريم: وهذاا اختيارك دمرني فهد لتصعب الامور علية كللش نفسيتي تعبانة روح ماريد احجي هيج حجي
فهد: خليج مريم روحي تريدج
مريم: انتي تعرفني دمعتي بطرف عيني وتعرفني بسرعة ابجي على اي سبب مافكرت ماكلت بهيج موضوع شصار بيهة فهد كليي شلون نطااك كلبك تعوفنيي كلتلك صحح اني كلت عوفني لييش تسمع كلمتي انت متسمع كلمتي ولاا تصير وياي بتفكيري شصار هسة ليش صرت وياي ونفذت الكتلك علي احجي
فهد: تريدين تقنعيني انو اني رضيت مريم شكد حجيت شكد حاولت وياج انتي ردتي البعد مريم انتي اختاريتي هلشي مو انيي
مريم: صير وياي فهد تعبت بدونك ماعندي طاقة بعد محتاجتك
فهد: ولجج انتي مخبلة مريم تتوقعين هلشي منيي الله يشهد مافديوم عفتج كل يوم اراقبج بدون ماسويلج ازعاج كلبي وعقلي يمج مريم اني الي تعبت بدونج اني المحتاجج بيتي شمعة ونطفت بلياج
مريم: شفت الرسالة ومارديت طفيت التلفون ونمت نمت لان اريدة يثبت كلامة كول وفعل مو بس حجي.
..
زينب: ضليت تقريبا اسبوع ماحاجي احمد ورة اسبوع اجانة لبيتنة ضلينة كاعدين وية اهلي وية الضيافة طبعاا سالفة منا وسالفة مناا صارت الة ساعة هوة كاعد يمنة اترخص وطلعت ورا ب الحديقة
جتفت ادية واباوع ع كلشي الة وجهة واهز برجلي بلكاع
احمد: ترة طالعة جنج عبورة الدلالة من تفتر ع الدين مالتهة
زينب: فوكاهاا يشبهني بعبورة هذاا ميريد روحة اكيد باوعتلة بعصبية وكلت
وهسة شرايد مثلاا اضحكلج لو اكلك شكد محبوب ودمك خفيف
احمد: اي ليش لاا قابل مجذبة
زينب: رايد مني شيي عندي قراية تعرف بية سادس شكوو واكف يميي تريد اعيد سنة حتة تكاي بطلي ونزوج موو
احمد: يعمي شبيج شفتيني فتحت حلكي بهيج سالفة ترة اني مو متخلف زينب افرح اكثر منج من تعبرين مرحلة وقبلل ماحبج همم
زينب: من سمعت كلماتة الاخيرة حسيت نفسي راح اوكع وحسيتة ارتبك صد وجهة لغير مكان رحت وكفت كبالة وكلت
تحبنيي احمد
.بارعلي صفح وكال: شعندي مزوجج لعد شمعة فكر اخليج يمي
زينب: لاا لاا يعني قصدي تحبني مثل اليحبون يعني تعنيهةة من كلت احبج
احمد: اكيد اعنيهة زينب شتنتضريني اكول لاا اني جان قصدي احبج مثل اختيي شبيج ترة مرتي انتي
زينب: قصدك مرتك على ضرة احمد ربك ماكلت لاحد من اهلي
احمد: طلكتهة عيوني ميحتاج هاي اللغوة
زينب: كمزت بحماسس وكلت. احلفف
احمد: ولحمزة ابو حزامين
زينب: اليوم يومج يزينب شهلاخبار التفتح النفس شوف من هسة اكلك اني طلعت من السادس
احمد: واني شوكت اكول اليوم يومك ي احمد زنيبة
زينب: من اطلع من السادس يعسلل انت
احمد: انتي هم بطرانة ترة مالة دخل السادس ماراح اخليج بنكلادش ب البيت حالج حال زهراء تقرن سوة وحتة اذا تريدين ادخلج معهد تدريس خصوصي
زينب: اني ماكلت هيج ولاا يهمني الشغل هم داشتغل بيت اهلي بس راح التهي ب العرس واذا رسبت ب امتحان واحد يعني كلشي خلص
احمد: بعطلة نصف السنة وانتي اعتبري نفسج ماراح تزوجين احنة نحضرر كلشي
زينب: شنو انت جاي تقنعني عود افكرر
احمد: ماعوزج متقبلين ماكوو حجة بعد
زينب: شوف عزيزي اني زنيبة ترة اذا ماريد بدون ماطلع حجة الاريدة يصيرر
احمد: ولله ونعم خيالة
زينب: الله وين الخيلل
احمد: قصدج الخيالل زينب لجفصين
زينب: ايي الخيالل ولخيالة وين يصعدون على ...* الهايشة مثلاا
احمد: لسانج طولان زينب طبي جوة لاا ابتلي بيج
زينب: عابت عابت شكد غثيث يربيي شلون حبيتك انت شايف نفسك ب المرايةة
احمد: ايي شبية بلة كليلي
زينب: اووفف غيرر تشكك الكلب شكك
احمد: مخبلة طبي جوة لتموعين
زينب: وليش اموع يمة شنوو نمونة انتت
احمد: اللهم صبر ايووب
زينب: فوكاهاا تريد صبر ايوب انت دقيقتين ماتحملتني شلون تريد تعيش وياي روح عمي بطلت بس جهالي يبقون يمي تسوي بيهم حالة نفسية
احمد: طبي جوة زينب ولسلاب هذاا لتلبسي بعد
زينب: ايي ادري هذاا مستور ادلل راح البس ازيد منة يلاا فارج
احمد: اشككهن عليج زينب قسماا بالله
زينب: اوويي شنو محد يشاقة شكد نفسية لخاطرر ربكك اني اترخص داقرة للامتحان بعدين نحجيي .
قبلل ميحجي طبيت جوة سويت نفسي طبيعية وطبيت الغرفتي ضليت امشي واقرة وادردم كملت طلعت بلصالة خالتي ام فهد يمنة
طبعا من راحت مريم ورة كم يوم كملو كهربائيات بيتهم ونقلو الة بس هية تبقة وحدهة فهد يضلل برة لوو ميكعد ولاا يحجي وية احد من يوم الراحت مريم وهوة هذا حالة
ومن جهة ثانية حالت مريم الي متنفهم ولاا الهة حلل كل الحلول لازم بيهة كسرر لواحد من الطرفين اذا بقت الطفلل فهد راح يعيش طول عمرة هيج وماعتقد يعيش اصلاا واذاا مريم نزلت الطفلل راح تعوف فهد وتحملة سبب هلشي يعني الطرفين محد فاهم الثاني المفروض يكعدون يحجون بحب وهدوء يحجوم كزوج وزوجة واحد يحب الثاني مو واحد يلوم الثاني هذاا الشيي ابداا مو حلل
.شفت خالة سعاد يمنة وتبجي كلت اكيد مريم بيهة شيي رحت بسرعة اسئلهة
زينب: بسم الله خالة شكوو شبيج
سعاد: اوف يمة بنيتي راحت عائلتي بيتي مهجوم يمة ماكوو سعادة فهيد ماهوو زين ييمة وراخ طلع وهوة ضايج ومستعجلل وحتة ماكلي شبي
افراح: لديرين بالج خالة ان شاء الله مابي شيي هية مرتة تفهم مخليتة دايح ب الشوارع مثل المخبلل فلاا تستاهلل مادري شورطج بهاية العرمة
الحجية: ماكوو غيرج عرمة بنت الخوش ادمي فارجيي حاروكة الله يطخج نشالله
زينب: راح اسكت لخاطرر امج بس ولة تعرفين اني شنو اكدر اسوي
افراح: شتكدرين زينب اني مو احمد متضحك علية وحدة مثلج بعدج متعرفيني زين
زينب: لاا ليش وين رايحة عنج اعرفج كللش زين افراح الخايسة الحاسودة بواكة الزلم
سعاد: يمة راح تبلشن احنة بياا حال يولن بياا حالل
الحجية: هذني الثنين مينصلحن الة ماكسرهن بطلن تصهرن فوك روسنة يلاا مناا مناا
زينب: تخلصون بيبي تخلصون نشالله وبعدين تعرفون منو الصح بس صدكوو ماسكت اني وشتردون تحجون عني احجوو ام السان اي ام السان
شتردون لعد اسكت لهاي الحية مو شفتوهة بعينكم شلون كاعدة تحرك فهموني مو شفتوهة اني هذاا طبعي ترضون بي او لاا
..
بيبي صدت لغير مكان ماعجبهة الوضع بس متكدر تحجي لان ام افراح مريضة وضلت تسمع وتنزل دموعهاا جانت تعبانة وماكدرت تحجي تعبت حتة وية بنتهة ابو طبع ميغير طبعا
عفتهم وطبيت الغرفتي
يعني الصح محد يصير وياا بعد شهلحياة هااي شلون اكو هيج بشرر متناقض وية نفسة وية العالم هاي الانسانة مصدر خباثة وكره بسس وية منوو وكعت وياي وية الشخص الغلط.
ولله عاد للعصر طلعت بلحديقة اني وكتابي افتر واقرة وافراح جانت تغسل ب الصبة البرة وكفت سيارة ابابنة وطب الشخص الي جان اخرر واحد اتوقعة يرجعع.
منوو هلشخص؟
....
مريم: بعد الصار وبعد ماا تعبت من البجي والتقلصات الصارت عندي وجع كلبي صارو مينحملون ابد اخذت علاجي ونمت
كعدت على صوت اعرفة كللش زين صوت يصيح ب اسمي بهدوء جنت محتاجة هاي النبرة محتاجة هذا الصوت
فتحت عيوني وشفت فهد بس لاا هذا مو فهد الاعرفة هذاا انسان هيكلل عبارة عن عيون بس هو منو المريض اني لوو فهد باوعت علي وهوة كذالك
بعد ماا استوعبت الصار شمرت نفسي بحضة بكلل ماا بقت عندي قوة بعد فترة كلش طويلة شفتة فهد كاعد كداميي واني بحضنة يارب ميكون حلم
شد ادينة ع خصري ودنك راسة على جتفي تنفس بصعوبة وكال
روحي بعدج جن عشيرة بلاا چبير*
هاي الجملة جانت ترن ب اذني وخرت نفسي من حضنة باوعتلة ودموعي على خدي كمت وكفت نفس الجهال وبينت بطني الصغيرة جانت بارزة شوية بس حلوة ضحك على شكلي وكال
فهد: ماا اميز بيناتكم بعد انتي الطفل لوو هوة؟
مريم: رجعت كعدت واخذت ايدة حطيتهة على بطني وكلت. احنة اثنينة اطفال ضايعين بدون سند فهد ثنينة يتيمين بدونك ومحتاجيك
رجع سحبني لحضة وكال: يمج ماا اروح مريمي
مريم: هسة ردت روحي تدري مشتاكة اسمعهاا بصوتك اكثرر من اشتياقي الكك
فهد: كومي حطي ايدج ب ايدي حتة تشبعين تملين منهة
مريم: وين
فهد: لعشنة لصغير
مريم: بس اني وياك نروح
فهد: اني وانتي وثمرة حبنة
مريم: هناا جانت الدنياا ماا سايعتني من الفرحة يعني قبلل بهذا الطفلل وراح يخلي بيناتنة ضحكت من كلل كلبي ضحكت بعد فترة طويلة ،تقدمتت حضنتة احاول اعوض عن غيبتة كل هاي المدة العشت بيهة بدونة
هناا انتصر حبنة بلنهاية ماكوو شيي يدوم للابد ماكو حزن يبقة للابد كلنة ندري بس اكو اشخاص يضلون متمسكين بلحزن وماعدهم ثقة بهلشي
ربك حط لكلشي سبب لعله يكون نفعاا لكك يجوز حطك بهذا الموقف حتة يبعدك عن شيي اكبرر شيي يدمرك وبلنهاية كلنة نكول
(لعلك تكره شيئاا وهو خيراا لكم )
مريم: رجعت لفهد ورجعت لحياتي مشتاكة لكل لحضة وياا انضلمنة بهلموقف بحياتنة ثنينة جنة ضحية هذا الشي بس الحمدلله ربنة مينسة عبدة المضلوم ونتهى اختبار صبري
طول الطريق وفهد ضلل يعيد اغنية تخليني ابجي مدري على شنوو فرح ندم شيي انزاح عن صدري
انتهت الاغنية ورجع عادهة للمرة الثالثة
'شووك
كلبي كبير عشكن كثيرر
مالاا اخيرر الشووك
احتاج الى اتنفسكك اناا احتااج هوااك
كلبي كبير عشكن كثيرر مالاا اخير الشووك
مكدر على بعدك دقيقة اناا مكدرر
.مريم: فهد موو مليت من كد ماعدتهة ادري بيك مشتاكلي ياا حبيبي بس ماعندك غيرهة كلي اني عنديي
باوعلي صغر عيونة وضحكك بصوت عالي
باوعتلة ب استغراب وكلت، شكوو تضحك كلت شيي يضحك يعني
فهد: شعندج انتي شتريدين تشغلين اغنية الحديقة السرية
مريم: تستهزئ بطفولتي حضرتك بس شعور هذيج الايام ماا ابيعاا بملايين الدنياا كلهاا جنت ماا افكرر بلمستقبلل جنت ماا ابجيي تدري شنو جنت اسوي افكرر باجر شنو اكلل من يطلع كوكب زمردا ماجنت اتعارك على شيي غيرر الريمونت
فهد: واني وين جنت يعني ماعشت طفولة حالي حالج بس لازم الواحد ينضج لائن بمجتمعنة اذا ضليت تحجي بهاي السوالف وانت بهذاا العمرر يلقبونك بلجاهلل فتبقة ذكرى حلوة بذاكرتنة احسنن
مريم: ماهتم شنو يكولون الناس احب هلجانب مني
فهد: واني احبة هم
مريم: وصلنة للبيت نزلت من السيارة وايدي على بطني باوعت لفهد وابتسم تقدم يمي وحط ايدة بايدي حسيت ملكت الدنياا كلها بهلحضة
طبينة للبيت جانت زينب تفتر بلحديقة باوعتلنة وكفت لحضة صمتت افراح كذالك نفس الشيي بس بعدين استوعبت واجتي تركض حضنتني وتكمز واني وفهد نضحك عليهة
فهد: يمعودة هستوني جبتهة بقيلي منهة شوية
زينب: شهلسوالف العدكم ترة مو لفة فلافل هاي مريوة ولججج خالة رجعت رجعتتت
مريم: طبت زينب تعيط رجعتت رجعتت التمو على صوتهة طبيت اني وفهد وخالة سعاد كامت تبجي وحضنتني واني نفس الحالة
سعاد: يمة بنياتي كلهن انتي ماا حسيت نفسي ماعندي احد الة من رحتي يبعدد بيتيي ييمة
مريم: هاهية خالة موزين عليج هياتني رجعت ومتنعاد مرة ثانية نشالله
سعاد: عفية عليج يمة اروحلج فدوا
مريم: اباوعلهم كلهم يبجون حتة بيبي هناا ندمت لان رحت حتة لوو فهد غلط وياي جنت اكدر ابقة يم عائلتي الثانية دعيت ربي ميحرمني منهم بسس
كعدنة وحجيتلهم على الفترة الي راحت وشصار وياي جنت احجي وابجي وفهد حاط ايدة على راسة ومدنك كام وصعد فوك عرفتة ضاج استئذنت منهم وصعدت وراا طبيت للغرفة فارغة ماخذ كلشي لبيتنة الغرفة جانت عبارة عن حياطين وفراش باوعلي وكال
فهد: محتاجة شيي
مريم: ايي محتاجتك يمي وهاهية
تقدمت يمة حطيت راسي على صدرة بادلني الحضن دفنت راسي بصدرة احاول اعوض من شوكي الة وادري ماراح يكفي كل هذاا اهخخ بس يلفراك شكد يچوي چوي
رفعت راسي صارت عيوني بعيونة وكلت
انت الغالي الماا يسالل علية
فهد: تدرين من كد ماا اسئلل عليج صرت حتة احجي موضوع مو يمج ولاا يخصج احط اسمج بنص السالفة
مريم: لتخليني اعوفك مرة ثانية فهد احبسني بلغرفة لتكلي براحتج اني راحتي يمك ماعندي راحة بدونك
فهد: وليدي محليج
مريم: يعني ماجنت حلوة اني فهد جنت تضحك علية
فهد: هههههه ول بوية مشتاك لسوالفج اريد احجيج
مريم: خووش اني راح ابدلل وننزل سوة عيب
فهد: ماشي بليل نروح للبيت ترة
مريم: ماشي حبيبي
بدلت ملابسي لبست دشداشة لون ماروني بيهة شغلل مثل القفطان لفيت شالي ونزلت بطني جانت مبينة طبيت للصالة جان فهد بس من الولد موجود انتبه لبطني وبتسم ابتسمت وياا ورحت كعدت يمة
فهد: همام ويين
سعاد: وية الولد بلاستقبال ليش يمة
فهد; رايدة بموضوع وكدامكم
سعاد: بسم الله مسوي شي
فهد: لاا يمة شيسوي قابلل
الحجية: ولككك همييمم ابو راس الاحمرر
مريم: ضحكنة على سوالفهة واجة همام عاكد حواجبة
همام: انتو شلون وياكم جيس حب زلمة كاعد وياكم انيي
الحجية: سد بوزك واكعد فهيد رايدك بموضوع
فهد: تعال اكعد عريسنة
همام: يااا اللهه فرجت فرجتت يلربع
مريم: اجة تربع كدام فهد من الحماس ودفرة فهد عدلل كعدتة
فهد: انت مازوجك تريد تفضحنيي كدام العالم
همام: لااا يولل ابيض وجهك الاملح
مريم: يخبلل احسن من البرتقال
همام: انتي شداقج احسن من الزركاان
مريم: اسمة اسمرر اسمرر
همام: هسة شنوو شتريد يبعد اخووك بشرر
فهد: باجر تروح المشية مال زلم
همام: لاا بربك احلف ابوو، قبل ميكملل فهد كال
ابو عوض
مريم: كبل وجهت نضري علي ومستغربة عوض منوو هاي شوكت وهمام نفس الحالة مستغرب
همام: عوض منو ولك
فهد: عوض ابني منو غيرت رئيي واسمة صار عوض
مريم: بس ليش عوض
فهد: اريد يصيحولة (عوض فهد) واسمة بلجنسية يصير عوض فهد ...
مريم: ابتسمت وعيوني دمعت تمنيت بس اعيش وية ابني وحبيبي ونربي سوة ماريدة يعيش بدون ام ،
المهم خابر فهد الزلم وكرايبهم وشيوخ وقررو باجر يروحون المشية على نور خابرتهة وبلغتهة وحجيت وية امي وفرحت وابوية كال ماكول لاحد خلي يرد اعتبارة احسن هلشي
ورة العشة بساعتين فهد كال يلاا تحضرو حتة نروح الحجية وخالة سميرة ماقبلو بس فهد عاند كال تعبان اريد ارتاح ابيتي الصراحة اني هم متحمسة لحياتي هنااك وخاصتاا الحية بعدهة هناا وماتحملل نضراتهة وبساميرهة
رحنة للبيت وطول الطريق خالة سعاد تغني وتصفك ولهلاهلل ماسكتت وفهد ع الواهس وياهاا اول مرة اشوفة هيج فرحاان
وصلنة لبيت متوسط الحجم طابقين بس الواجهية مالتة جديدة كللش حلوة وية الاضائة الي مخليهة الولد لائن همة يعرفون بهلسوالف سباع من همة صغار يشتغلون
نزلنة طبينة للبيت وخالة سعاد كالت
طبت الخير عليكم يمة يوم التدخلين عتبت هلباب انتي وابنج يرويحتي
مريم: صارت حسرة بصدري بس بينت مابية شي ابتسمت وكلت، بعد روحي خالة اميين الله يسمع منج
سعاد: روحي ارتاحي يمة اذا باقية علمودي اول شي تعودت ثاني شي راح اخذ علاجي وانام يمة فهد اخذ مريتك وروح
فهد: ماشي يلغالية اذا احتاجيتي شيي اني هناا يمج
مريم: طبعا فهد مسوي غرفتنة بصف غرفت خالة سعاد وحبيت هلشي لان دائماا بلطابق الثاني ويخنك هم طبيت للغرفة نصدمت بجمالهة يمكن اكبر غرفة بلبيت السكف جان يجنن من الاضائة ولنقش البي سمعت صوت وراية يكول
عجبتج ،
مريم: صديت للصوت وكلت، فهد متت عليهة تخبلل
فهد: تستاهليهة حبيبي
مريم: مشتاكة اطردك من الغرفة تدري وخالة سعاد صارت قريبة علينة يعني بس تطلع مناا اطب للغرفة الثانية متت ولاا تنزل الدرج ويجوز اطردك انت وابنك بعدين
فهد: هوة شلكيتي حضي اني تدللين بوية بس اشوفج تمشين بلبيت ماريد شي بعد
مريم: تقدمت يمة لفيت ادية على ركبتة وراسي على صدرة وكلت
مشتاكتلك هوااي فهد جان حمل على كلبي كللش ثكيلل حارمني حتة من النفس احس حياتي بدونك ضلمة مابيهة معنى انت تكملني انت صدك اوكسجيني لان ماكدر اتنفس بدونك اتحسر علهوى لتخليني ابتعد عنك مرة ثانية الله يخليك
لف ادينة على خصري حيلل وحجة
مخبلة انتي لجج بابة لوو على كص ركبتي ماخليج تطلعين من بيتي زعلانة وشايلة بخاطرج علية شيبت بدونج كلبي شيب وحق كل حرف ب القران
مريم: كلشي جان حلو بهليوم روحي رجعتلي نسيت المرض نسيت حملي نسيت عذابي بدونة بوجودة يمي كلشي يهون
ثاني يوم قبل الضهر.
فهد: هماااامم خمسس دقايق اذاا ماكملتت ابطلل ماروح
مريم: حبيبي شبيك انطي مجال يعني فرحان بنفسة يريد يطلع حلو شتريد منة
فهد: تريدين نتاخر ع العالم علمود يكشخ الاخ
مريم: ميخالف حبيبي لخاطري هسة شبيك عصبي انت بدون عصبية تشك انوب تعصب ترة اخذك وارجع للبيت متطلع
فهد: ههههه شبيج بوية انتي بدون هرمونات حملل شلونج هاهية الله يعيني
مريم: اطلب شي تجيبة وياك الي ولابنك
فهد: عيوني اطلبي
مريم: سالمة عيونك ،شسمة اريد سمج شوي وفوكاا لبنن حامض اويليي
فهد: شبيج معتي وكعتي بلكاع شلون رهمتيهة سمج ولبن بوية موزين لبن وسمج موو تدرين
مريم: ماكدر معلية اني غير اتنسة ترة اول طلب
فهد: اطلبي شتردين حبيبتي بس لبن وسمج مترهم موزين عليج
مريم: شسوي يعني هسة شسوي تطلع سمجاية بخدة
فهد: لتبجين اجيبلج عشرة موبس وحدة بس موزين عليج لبن
مريم: ردت احجي وفات همام وبيبي علكتهة بلهلاهل وتهوس وهمام يهوس ويدبج اضحك علي واباوع الفهد يضحك شكد احب ضحكتة ربي يديمهة على وجهة
انتبهلي ودنك وهمس
فهد: غطي بطنج انتي كصيرة وشعرج طويلل وخدود وكرش لاا هيج اقفلل عليج هاي السالفة متصرف عندي
مريم: عزة فهد وخر عني وخر عابت يعني وين اوديهة مثلاا اسويلهة اخفاء لشهر التاسع
فهد: هوة انتي بكد جفي فوكاهاا تصنف
مريم: ديلاا روحو روح وعوفني ماشبعت منك ترة
فهد: ترة ابطل ماروح ويطبة مرض همام
مريم: صخام بوجهي العالم تنتضركم روح يلاا انت مو مال واحد يشاقة ويااك
فهد: خطية راح اروح الاهلج وانتي كاعدة هناا
مريم: ايي روح اصلاا عادي ابقة اني ووليدي حبيب امة
فهد: ومنوو حبيب مرتة
مريم: حسيت الجوو هدئ باوعتلهم انضارهم كلهم علينة عزاا شهلموقف الحطيتنة بي فهد انتبهت الافراح عيونهة مدمعة وتباوع بخيبة
طلعو الولد كلهم منضرهم وهمة يمشون سوة ولبسهم المتشابه يستاهلل لوحة تتعلك بلحايط حرفياا صدك اخواان سقاهم وسوالفهم يعني لوو اخوان صدك هم جانت علاقتهم موهيج
سحبتني زينب لغرفتهة وسدت الباب
مريم: اوي شبيج على كيفج ترة حاملل روح ابطني
زينب: واني روح بخشمي مريم شوفي لتخليني اجفص بمصارينج هسة ترة هنااا السادسس واكفف هناا بطرف خشميي من يتعداا اتصيرر موخوش سالفة
مريم: شبيج عيني منوو مضوجج احمد وصار الجج شكو انوب شتردين شقة بدبي
زينب: بااع هاي ولجج احمد يريد يسوي العرس بعطلة نص السنةة
مريم: وانتو مابقة شيي لامتحاناتكم موو
زينب: ايي راح نعطلل اصلاا بس هليومين ونكعد نقرة
مريم: لعد رسبتي حبيبتي مبرروووكك
زينب: سلبية انتيي طاقة سلبيةة بحياتي اطلعي من حياتي ياا اختيي ماريد لاا زواج ولاا شهادةة انطيني ابنج اربي احسن اليي موو
مريم: شلون انطيج وليدي يولي يمصكوعة
زينب: اوي فاهية مايعة ديربالج لتوكعين سحتي
مريم: هههههه بهذاا البيت ماا مشتاكة غير لسوالفج هنيالة احمد ولله راح يضلل يضحك طول عمرة
زينب: غيرت رئيي انتي الروح ولرية ولحواصلل
مريم: عود ديربالج تكوليهة لاحمد ترة بعد مشوفين وجهة
زينب: متئثرة بلاحياء حيللل هههههه
مر اليوم عادي وية سوالف زينب ونكدهاا ونفسيتها صايرة ملخبطة الدراسة واحمد التمن عليهة
للعصر خابر فهد وكال ماخذين شيخ وعاقدين فرحت من كل كلبي لان ثنينهم على نياتهم حتة لوو نور بعدهي صغيرة بس هية عقلهة جبير وهوااي احسن من العذاب الي تعيشة وية بيت عمي
للمغرب اجوي وهمام جان مزاجة عال العال ومحد يكدر يخربة ولكل فرحان
جانو جايبين اكلل وياهم من المطعم وفهيداني جايب سمج الية
فهد: هم كولي ماا مدللني
مريم: وين البن
فهد: لجج مخبلة انتي وين اوديج مو داكلج موزين ياا قومم ارحمونيي
مريم: بس شوية هييج هييج شوية
احجي وائشر ب ايدي ضحك علية وسحبني لحضنة من ايدي الجنت ائشر بيهة
فهد: لسوين هاي الحركات الطفولية بوية
مريم: شكراا لوجودك بحياتي.
بعد 7 اشهر
مرت هاي الشهور كانو اني بسجن بس ماحجيت وبدون ماحجي هلشي مبين علية بس صابرة لخاطر ابني ماريد ياخذو منيي
النفس اتحسر علي تحسر وجع كلبي ادية الي تزرك اضافري الي تحول لونهن اخضرر وتجمع الدم بيهن كل هذاا جان واضح علية بس اني اكللهم عادي ماحس بشي ماحس بتعب اريد بس تخلص عمليتي واشوف مصيري شنوو
وليوم هوة يوم عمليتي. يوم الرعب لحياتي
امددة ولابسة ملابس العمليات وفهد واكف يمي ولازم ايدي وصافن بوجهي
فهد: ديربالج مريم اذا عفتيني ماعيش اتحملي لخاطري اريدج قوية نشالله تطلعين بخير وسلامة انتي وابنة
مريم: اذاا صارلي شيي لتكرهة بغلاتي عندك
فهد: اشش حبيبتي ميصيرلج شي تطلعون ثنينكم بخير وسلامة
مريم: طبيت للعمليات ضلو يفترون فوك راسي شوية حضرو المخدر وضربوني الابرة وبعد ماحسيت بشيي
فهد: اخذوهة ورجلية بعد ميعينني امي ولولد وخالة سميرة وياي اني كاعد بلكاع وادية ع راسي وادعي ماسكت لساني من الدعاء
مرت ساعة وطلعت الممرضة شايلة الطفلل مارحت يمة ولاا باوعت بوجهة لان واضح عايش بالي يمهة ليش ماطلعت وين اخذوهة امي اخذت الطفلل وباوعنة للمرضة ننتضر الجوابب
فهد: احجيي شتنتضرين وينهاااا
جاوبت: هية بعدهي جوة راح نحولهة للغرفة بس منعرف اذاا راح تتحمل البنج وتكعد اوو لااا ادعولهاا بسس
فهد: يمةة شنوو تتحمل او لاا هاي شدتحجيي شنوو تتحملل يمة مريم موو بهلقوة ماراح تتحمل لييش خليتوني اخاطرر بحياتهةة
سعاد: يمة اهدئ مناا العالم مابيهة شي بس كول ياا الله امشيي نصعد نشوفهة راح يصعدوهة من هذا المصعد
فهد: صعدنة واني طبيت للغرفة امي وخالة سميرة راحت ينضفن الطفلل ويجهزو
وكفت يمهة بستهاا براحة وحاولت اصحيهة
مريمي كتلج ضلي قوية يلاا يكلبي لتضعفين ماحب هلضعف منجج اضعف وياج تدرين موو كومي نشوف ابنة سوة ونربي سوة
مرت 3 ساعات وماكعدت حيلي انهد ماكوو مجال بعد لازم اسوي هيج
طبيت للغرفة البيهة مريم وصرت اضربهة على وجهة وكرصت اديهة وارجع اضرب وجهة
ورة عشر دقايق بلشت تحجي حجي ماا مفهوم الي فهمتة بس كلمة
خلي يمك، ديربالك علي، لتحبهة
كلهن فهمتهن لزمت ايدهة وبجيت رجعتلي روحي رجعولي ثنينهم عائلتي كملت وانتهة الكابوس
طبت امي وراهاا الدكتورة وممرضة وشتغلن الخوات بلهلاهلل
وطبت وراهم زينب بطنهاا كدامهاا حاملل ونور وهمام عايشين مثلل عصافير الحبب
طبوو الطفلل وراهم رحت اخذتة وماجنت خايف جان ضايع بحضني حسيت نفسي شايلل مريم قطعة من عدنة كملت وكملتت حياتنة
ب ابني عوض.
اللهَ يعوض !
وعوض اللهَ چبير لدرجة مَ نتخيلـه بعقلنا ،
.
.
صور عوض راح تنزلل بحساب الانستاا
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
