رواية عشقت رجلا متزوج الجزء الثاني الفصل الرابع بقلم نجم اليل
رحت كعدت بالزويه وابجي والباب تكسر واني بس ابجي شويه وسمع صوت امي ..
كمت فتحته شفتهم كلهم امي محمد وندى وعماتي ماحسيت غير ع راجدي من امي نصدمت ونقهرت كلش رفعت راسي محمد طلع
وامي جرتني من شعري طببتني جوه وندى وعماتي يحجن عليها
ام حنين...ولجج ادبسز من الصبح نركض وراج وندك الباب مابعينج احد كلبه حقيره ولا تحترم
اني عطت
حنين...لعددد شنو جذابه
امي هجمت عليه وتعيط
ام حنين...لا تعلين صوتج بوجهي كلبه جاي يضحكون وياج بس هذا كله من المبايل اني ولج والله اكول لابوج
حنين...حسيت وصلت حدها بكلشي يعيروني وين اروح وين اولي
حنين...حتى بهاي وتلفووون شله علاقه
ام حنين...نجبي ماسمع صوتج
دنكت وبقيت ابجي طلعته المبايل وضربته بالحايط صار طحين
وعطت..
حنين...والله مالزم مبايل بعد والله
هم ضربتني وبعدنها مني وطلعنها
كعدت بالكاع تمددت وابجي والكاع بارده وصلت بردتها لعظامي
حقدت ع محمد و ع خالدة هم من وراه نحرمت من الضحكه ومن التلفزيون وهسا من التلفون شيريد بعد
ضليت ابجي وجت عمتي كومتني مقبلت واجت ندى هم
حجن وياي وكالن جانت تضحك بقيت ساكته ودموعي تصب بدون توقف طلعن
شفت مبايل عمتي رنا ع الشحن اخذته وتصلت ع مريم كالت
مريم...الو هلا عمه
حنين...مريم اني حنين مو عمتي
هي ردت علي
مريم...حنونه شكو شبي صوتج شصاير
متحمت بجيت اني وحاجيها
مريم...حنين احجي شبيج امي وين بيها شي
حنين...لا مابيها شي بس مريم تعبت والله
مريم...خير ولج من شنو شبيج ترا قلقتيني امي وين عنج
متحملت سديته منها حسيت طاقتي خلصت اشعر بخيبات ونكسار جبير بداخلي فراق بداخلي خالي من اي شي مجرد صمت بالم اخذت نفس رجعت دكت مريم مرديت مره مرتين ورفعت
مريم...ولج احجيلي شكو
حنين...تعرفين هنا شغل رحت هنك لان كلهم وجت بنيه جيرانهم وسالت ع ندى وكالت صيحيلها وصحتها دكول لا مردت وشسمه محمد هم جان هناك يكول ماسمعتها والبنيه دكول علي اجذب واني احلف
طلعوني جذابه وكلت الهم محرم اطب بيتكم ورجعت ع بيت عمتي ضلو يدكون الباب لوين ياله فتحت وامي كتلتني وكل شغله وثانيه تعيرني بالمبايل كمت وضربته تعبت مريم شيردون مني تلفزيون عيروني بي تركته اجو ع المبايل تر ميصير هيج جاي اتفشل والله
كل شغله لو تلفزيون لو تلفون حتى هسا الناس مدري شدكول يكولون شوف شايفين بمبايلها تعبت مريم تعاي فدوة اخذيني ماريد اضل هنا
مريم....اهدي انتي هسا احجي امي
حنين....مريم بغلات امي لا تحجين تعاي وخذيني والله اذا حجيتي احد اسوي شي بنفسي فلا صاير ولا عرفج ولا تعرفيني
مريم...اسم الله شبيج تخبلتي انتي هسا اشوف ساهر
سديته منها وضليت ابجي مر وقت طووويل واسمع صوت مريم هي وساهر حسيت اجه الفرج كمت لبست عباتي واخذت ملابسي
طلعت الهم لكيت ساهر بس سلمت علي وكتله
حنين...وين مريم
ساهر...راحت ع عمتي
حسيت بخوف ماعرف هسا شنو ردة فعل امي بعد تصرفي الي ماعرف صح او غلط
☆☆☆☆☆مريم
بعد مادكت عليه حنين قلقت عليها حيل من نبرة صوتها امي يمكن ضاغطه عليها اعرف مو قصدها وامي كالت هيج بحاله عصبيه
كلامها خوفني من كالت اسوي بحالي شي كلت خاف تنتحر تنهزم صخااام بوجهي
دكت ع ساهر وكتله كال جايج لان جان يوم عطله وهو طالع
جهزت حالي ورحنه وصلنه عفت ساهر بيت عمتي ورحت
ع امي بالبيت الثاني طبيت تفاجو جانو كلهم موجودين سلمت عليهم وكلت لامي
مريم...تعاي ماما اريد احجي وياج
هي طلعت والكل يرقبه يكول شكو كلت ماكو شي لان كسو الشي مو طبيعي
مريم...خير يمه شصاير شبيها حنين
ام حنين...خليها تولي جلبه وانتي علمودها جيتي
مريم...انتي صدك تحجين هسا غير تفهميني خبرتني تبجي دكول لا اسوي بحالي شي باله هيج اسويلها
امي كالت بخوف
ام حنين...خييرر صاير وينها شبيها
مريم...مابيها شي تدرين بيها حساسه وحبسه ع حالها تبجي تعيرنها بالمبايل وتدرين بيها تتخبل يايمه مو هيج اني اكلج اذا ضليتو هيج وياها البنيه اطير من ادينكم
هي عاطت بيه
ام حنين...انجبيي
مريم...اي انجب واسكت شكو شي بليتو بيها تابعت تلفزيون عيرتوها اخذت مبايل عيرتوها ع كلشي لاحكيها وهي مشاء الله حساسه بعد ليش هيج مخوفتها
ام حنين...اختج بخبال هي اجيب الحجي لنفسها
مريم...ادري كتيلها بحاله عصبيه مو تقصدين بس ميصير يمه هاي اني كتلج والله
اريد نمشي اني وامي طبيت عليهم اريد اسلم باوعت شفت البنيه الكالت عليها حنين باوعت عليها بحقد
مريم...وانتي اختي عيب عليج دكولين عليها جذابه ..
ردت اطلع وكلت لامي
مريم... والله اذا صار ع حنين شي انتو المسؤلين
ام حنين...دولي وحترمي شويه والبنيه تضحك وياها
امي دفعتني ورحت طلعت واني رحت وراها وجن عماتي وندى ومحمد والبنيه ردت اعيط بيها بس تركتها مو وكتها
وصلنه لكينه ساهر بره يحجي بمبايله وحنين لبسه عبايتها ومكرفصه تبجي
رحت عليها شالتني وحضنتني تبجي وتشهك باوعت ع امي بعتب ونظرات ياس وهزيت راسي بمعنى شوفي
ضلت تبجي واني اهديها سكتت بس صوت شهكاتها مسموع باوعت ع امي من بين دموعها وامي باوعت عليها وكالت
ام حنين...ها ولج تريدين تتركيني
هي ضلت ساكته بعدها كتلها
مريم...ياله حنين
رنا...لا وين متروح حنين والله اضل هنا يمي
ندى....يا ولج حنين صدك شبيج ابقي امانه
امي حجت
ام حنين...يعني ازعليني منج هيج
هي حجت
حنين...ماما مو ازعلج والله بس تعبت اختنكت احس بخنكه والله
☆☆☆☆☆☆حنين
حنين حسيت نفسي ضاك امي وحجي كمت كوه اخذ نفس امي جرتني لحضنها وعاطت مريم ركضت هي وعمتي يجبن مي
ندى فوك راسي هي ومحمد
حسيت عيوني غوشن بس اشوف سراب اسود بعد محسيت
☆☆☆☆☆☆☆مريم
حنين وكعت علينه اني وامي وعمتي كمنه نعيط ساهر اجه يركض
نرش عليها مي ماكو محمد دفعنه وكال خلي ناخذها اني وابجي اكوم بيها
اني وعمتي مشيناها كوه وصلنه لسياره صعد ساهر ومحمد وامي وعمتي وراحن ضلت ابجي وراها وندى تهدي بيه
باوعت ع البنيه كمت تهجمت عليها واخرمش بيها
واصيح
مريم....والله ثم والله اذا صار شي ع اختي متلوين حالج
عمتي وندى فكني منها وندى كالت الها روحي هي وصلت يم باب الصاله وكالت
خالدة...خيه واني شعليه هي بس ضحكنه وي اختج شمدريني هل كد نفسيه والله يالله
مريم...ولي لا ابتلي بيج
ندى راحت عليها دفعتها وكالت الها بهمس اطلعي
طلعن واني ضال بالي يمهم ..
مر وقت 3 ساعات واجو ..
جانت امي وعمتي رنا سانداتها ويمشنها جابنها وحطنها بالفراش وساهر جان شايل المغذي بايده تمددت وعلكو البطل وساهر شكله الها
وكلت الهم
مريم...ها شبيها
ساهر...مابيها شي ضغطها هابط وحطولها مغذي
مريم...وهل كد تتأخرون
ساهر...مو ازدحام
سكتت ورحت يم راسها اهمس الها اذا محتاجه شي هي هزت راسها ب لا ضلينه كاعدين وامي تباوع عليها وبجت
هي باوعت ع امي بقله حيله متكدر تكوم عليها عاد كلتلي بصوت ناصي
حنين...شوفي امي لاتخلينها تبجي مابي شي كوليلها
هزيت راسي ب اي وكلت الامي
مريم...يمة حنين دكول لا تبجي مابي شي
امي من سمعت هيج اجت ع حنين وحضنتها وتبجي وكالت الها
ام حنين...يامي انتي .. كولي اكو شي يوجعج تريدين شي
حنين هزت راسها ب لا ..
سكتت وضلو يحجون عاد اجت ندى سلمت عليها وكالت والله جانو يتشاقون وياج هي هزت راسها برضه وراحت ندى ومحمد هم وعماتي هم راحن لان عايفات الغدة والعمال خطيه راحو ..
عاد كلت لامي
مريم...يمه انتي مو ع كل شغله وسوين وياها هيج..
امي جاوبتني هي ودموعها
ام حنين...يمه لعد اني اكيف ياهو الي يجي يكولي شبيها بنتج خبله ومعقده هاا هذا حجيهم عنها وهي اذا كابلت التلفزيون بعد ماتتحرك
وتابع بخبال..
واذا لزمت المبايل 24 ساعه سماعات وغاني والي يحجي وياها تكب بوجها دكول بانزين وطشو ع النار اني احجي عليها علمود تحس
دنحجي ونسمع حنين تبجي لتفتنه عليها امي حضنتها ودكول الها اسكتي بنيتي وهي وتبجي كامت بصوت عالي عاد كالت..
حنين...والله مو يمهم تو كعدت رحت صليت وهي اجت سلمت وكالت وين ندى كتلها جوه كالت صيحيلها وكمت صحت الها دكول والله ماصحت عليج حتى هذا محمد اسألي
وهو مجان موجود يكول اي صح ماسمعت وهم كالتلي جذابه فشلوني كدام الحرمه يعني شسوي هسا انتي تقبلين واحد يكولج جذابه من شخص ماتعرفينه ..
ها تقبلين وكتلهم محرم ادخل هنا بعد ورحت ونتو اجيتو وانتي حتى ماوكفتي وياي تحجين وضربتيني كدامهم
ونتو اول الناس تحجون وتعيروني ع المبايل احنه مو بالبيت الي يسمع يكول شوف شافو بمبايلها ها منو يقبلها
ام حنين...ادري يامي بس ميصير هيج ماخليتي لاحد احترام اني ومحمد وندى والبنيه نركض وراج نكول اوكفي ماتكفين افتحي الباب ماتفتحين وعمال عمتج خطيه راحو طلعو
لحكناج نكولج اوكفي ماتكفين ندك الباب متردين اصيح يحنين متردين فشلتيني كدامهم وجيتي كسرتي مبايلج مخلتيلي حتى احترام كدامهم احجيج تصيحين بوجهي
ودكين ع اختج تخوفينها هيج ادري بيج عصبيه بس يامي احترمي المكان الانتي بي اتحكمي بعصبيتج
عيب حتى من الزلمه دك الباب ماتفتحين يركض وراج دفعينه وشالج وكع والعمال
هسا ابوج يدك عليج شنكوله اكوله يشاقون وبنتك هيج سوت
حنين...دنكت راسي وعيوني غوركن بالدموع عاد امي كالت
ام حنين...عاد تدرين لو مصورينج انتي وتركضين ههههههه
حنين...هههههه
ضحكت وياها وضحكت مريم هم
ام حنين...ياله اروح ويه عمتج عيب وانتي ضلي يم اختج
كالت هيج واشرت لمريم طلعت ومريم كالت
مريم...شلون صرتي خمه شي يوجعج
حنين...لا
مريم...حرامات فاتتني طلعتج الاوفر هههه
حنين...هههه
مريم...هههه شوفي حنونه انتي اختي الزغيره وقبل يكولون عليه فطيره ومسكينه واختج احسن منج جنت اغار منج بس هسا ليش هيج صرتي
ترا خطيه ماما هم جاي تسمع حجي وتسكت يعني انتبهي لتصرفاتج
يعني اذا كدام احد لا تلزمين المبايل ومحد يحجي عليج لا تخلين الناس تحجي علينه وع تربيه امنه ماشي حبيبتي
كالت هيج واني هزيت براسي وهي طلعت
اوووف يامريم لوتدرين سويت جان حتى لسانج مايطخ لساني
بقيت متمددة وصافنه ع المغذي صفنت اتامل قطراته مر وقت وجابتلي امي صينيه اكل مكلت بس هي جبرتني
سالت ع مريم كالت العصر تروح بقت امي يمي ومليت اخر شي نمت وامي نامت هم
كعدت العصر والكل كاعد والمغذي مخلص
وكمت اخذته وطلعت لكيتهم برا بالحديقه
رحت يمهم وصار الانظار عليه وبدو يسألون واني بس اهز براسي عاد كلت لامي
حنين...يمه هذا خلص وبعد ماريده بيدي جاي يذيني
امي كالت مأعرف والبقيه هم محد يعرف عاد عمتي وندى كالن محمد عاد امي وندى كامن ياخذني علمود ينزعها هي والكانونه
مشينه وامي مشيت مترددت ندى سبقتنه واني همست لامي
حنين...بس ماما اني حرمت ماروح
هي كالت
ام حنين...نجبي انتي وتحريم شنو
حنين...يماااا يعني لازم اصوم هففف
هي سكتت ماحجت مشينه وصلنه وهو جان متمدد ع الجربايه شافنه وعدل كعدته
اني درت وجهي ماريد اشوفه عاد ندى كالتله وأفق وامي مشتني لعندى كال اكعدي
بلعت ريكي بتوتر وكعدت بده يسوي والكانونه توجعني
امي وندى طلعن عود ميحبن يشوفن هيج ردت اكوم اني ادعي مانتلاقه وحدنه وهذني عافننه
هسا امي ليش طلعت هسا ندى ليش طلعت يجوز يحتاج شي
تأففت هو باوع عليه ورفع تك حاجب
اني درت وجهي ودنكت محجيت ..
