رواية احببته فخذلني الفصل الرابع بقلم ساره العبيدي
- "لو علم الذين أذونا ما كان لهُم من خير في قلوبنا، لما فعلوا."🌺🌹
جماعة الواتباد. صوتوا للقصه من تقرأ 🤦♀️
أيهاب: دعيت عليج لان جنت أحب وحده وبسببج أبويه رفض ياخذها لي وهسه مقرر قرار لو أبويه يوافق يخطبها لي لو انهزم وياها
ليلى: إني مايهمني شنو تريد تسوي سوي المهم احجي ويه عمي كوله لا اني اريدها ولا هيه تريدني
رجاء اني ماريدك ولا بيوم احبك وكل طموحي أكمل دراستي
إيهاب: اني ما أحجي لابويه وحدي إذا تردين تعالي علينا ونحجي سوه ويا
ليلى: أنت مو تحب وحده وتريد تزوجها خلص أحجي ويه أبوك ليش الا اني أكون موجوده نوب عندي امتحانات اريد ادرس رجاء حل الموضوع انت
إيهاب: خلص نأجل الموضوع بعد الامتحانات وتجين ونحجي سوه ويا
ليلى: الله كريم كلش واضح سبع ماتخاف وتنهزم ما شآء آلله
سديت الخط وكعدت أفكر بلي راح يصير نمت
وهاي الفتره لتهيت فقط شغل بيت ودراسه
حتى اسماء قليل نتخابر كله بس أدرس اريد انجح 🤦♀️
بعد يومين على امتحانات كعدت الصبح من الفجر ادرس واراجع الماده مال الامتحان وكملت ب10 ونزلت اساعد امي بشغل البيت كملنا
كعدت اتغده حسيت شيء بشفايفي مو طبيعي من أكل
ليلى: يمه راح احجي باوعي على شفايفي بيها شي
امي: ليش مو شايفتج اباوع عليج كلشي مابيج
ليلى: يمه شبيج باوعي عليه بيهم شيء
أبويه: شبيج بنتي شبيهم
ليلى: يابه ما جاي اسيطر عليهم احس بيهم شيء مو طبيعي
ابويه: كومي غسلي وجهج تعالي عليه للغرفه
كمت غسلت اباوع على وجهي بلمرايه حلكي مو بمكانه شي مو طبيعي صاير بي اعوجاج
تخبلت كعدت بلشمس الطم وابجي وهو يزود عليه
طلعت امي عليه واخواني وابويه واني ابجي
اخذني أبويه حظني يهدأ بيه
ليلى: بابا بيه شئ ليش هيج صار بحلكي ليش باجر عندي امتحان شلون شسوي
ابويه: بنتي مابيج غير العافيه هذا من القلق والتفكير هيج صار العصر اخذج لدكتور كلشي مابيج كومي نامي ارتاحي لا تنقهرين ممنوع تباوعين بلمرايه
كمت نمت واني ابجي وكعدت العصر أخذني ابويه لدكتور طلع هوا الشرجي كعدت ابجي نهار كله والكتاب بيدي
بقيت يوميه من أرجع من الامتحان ارتاح اكعد ادرس والعصر لدكتور علاج طبيعي وكلش تبهذلت منا هم دراسه منا هم العلاج ونفسيتي كلش تعبت
ليث صرت كل يوم. اداوم أشوفه تعودت اشوفه لكن ما أهتم ولا لي واهس اباوع بوجه بشر
كلش تعبت وتغيرت حتى وجهي خرب طلع بي حب
ماكملت امتحانات الا وروحي طالعه
ارتاحيت اسبوع بقيت مستمره اراجع دكتوره
بيوم راجعه المغرب من الدكتور لكت ليث متصل عليه
رجعت اتصلت بي
ليث: وين جنتي يمعوده
ليلى: يم دكتور خير شكو
ليث: تكاونت ويه حبيبتي مو خلصتي امتحانات شوكت نحجي ويه أبويه
ليلى: اكولك ترا انت رجال مو اني ماتحجي ويا وتفهمه لو تريد ذبها براسي
إيهاب: مو صوجج بس اني اعرف شلون احل سالفه
سد الخط وراح واني دايخه مالي خلك لاي شيء عفت جهاز ونمت
كعدت على صوت امي
امي: ليلى ولج ليلى كعدي ابوج وعمج يردوج جوه شنو مسويه انتي كومي ولج من يومج مستهتره وعار
ليلى؛: شكو شصاير والله مامسويه شيء شبيهم
امي: نزلي بسرعه أمشي
نزلت ركض اريد اعرف شكو طبيت لكت عمي وابويه وفيصل بس شافني اجه سحلني من شعري كام يضرب بيه يدفر بيه
ابويه: عوف أختك ممنوع تمد ايدك عليها واني موجود فهمت لو لا
فيصل: يابه عوف خلي اربيها كاعده تتمعشك واحنا واثقين بيها نكول تروح تدرس طلعت تروح تعشك والله اليوم ماخليها عايشه
كعد يهلس بشعري ويضربني منو هذا ولج منين تعرفي احجي
ليلى: شكو منو والله العظيم ماسويت شيء
ابويه: كتلك عوف أختك اني شنو جاي احجي عوفها لا هسه اطردك من البيت
ليلى بنتي منو هذا الولد لي رافضه إيهاب علموده
ليلى: يابه ياولد تحجي عنه منو هذا منو كال لكم منين هذا الحجي
عمي: لا تغشمين روحج. انتي مو مخابره ايهاب كايله مازوجك لو أموت اني احب شخص واذا اهلي ما وافقوا انهزم ويا
ليلى: بابه والله العظيم جذب هو ايهاب كال هذا الحجي والله العظيم جذابين لا صدكهم
عمي: منو جذاب ولج ماتستحين زلم مشوربه طلعيهم جذابين
جانت يمه منفظه مال جكاير ضربها براسي ونشك راسي وفيصل كام يضرب بيه اجه ابويه حضني وتكاون ويه عمي وطرده من البيت
ممنوع احد يمد ايده عليها وانا موجود واذا هيه غلطانه اني بس احاسبها انتم ماتدخلون بيها فهمتوا لو لا
فيصل طلع من البيت ماعجبه الحجي وابويه اخذني للمضمد يخيط جرح مالتي
رجعنا لكنا البيت هدوء رحت تؤضيت جبت القران
ليلى: بابه والله هذا القران واني على وضوء مستعده أحلف الك هذا الحجي هو كاله لي مو اني
مستعده هم اثبتلك هسه
ابويه: بابه اني ماقبلت احجي كدامهم حتى مايستغلون هذا الشي يضربوج اكثر يكولون محد لها بس انتي غلطتي مفروض تجين عليه تكولين ماريد ايهاب
ليلى: بابه والله ماحجيت هو لي كال هسه اثبتلك
صعدت لغرفتي جبت جهاز خابرت ايهاب فتحت صوت
ليلى: الو ايهاب ليش هيج سويت مو حرام عليك اني مو كتلك احجي ويه عمي بس هسه مريضه وشايله هم شهاده والمرض ليش هيج سويت طعنت بيه اني بنت عمك
إيهاب: اسف ليلى بس والله مابيدي حل راح اخسر حبيبتي بسبب عادات قديمه وابويه قافل شسوي
سمعه ابويه واخذ جهاز مني
ابويه: لا يا ابن الجلب طعنت بشرف بنت عمك علمود بنت تحبها هسه اجيك واعلمك حجي الزلم شلون
سد الخط بس سمع صوت ابويه
عافني وطلع عليهم
لكه عمي وزوجته وابنه رضا وزوجته هم
إيهاب منهزم من ابويه حاجي ويا
وحاجي لعمي كل شي
عمي معتذر من ابويه رايد يجي يعتذر لان ضربني بس بابه ماقابل
الحمدلله خلصت من سالفه على هيج فيصل بعد ابد مايحجي وياي فوك صار نوب هو زعلان هيه الدنيا عكس
الحمدلله تحسنت صحتي رجع شبه طبيعي بس لازم استمر بعد على العلاج
العصر اجتي زوجة عمي حمزه
سلمت على امي وطبت للاستقبال
زوجة عمي:: شلونكم شخباركم شو ما تجون كاطعين
امي: والله تعرفين جانت امتحانات وهسه ليلى عدها مراجعه يم دكتور
زوجة عمي: صدك اجيت اكول الكم نتائج طالعه وخابروا على عمج انتي.....
