رواية عشكني ابن شيوخ الفصل الرابع بقلم مجهول
ومن فرط جمالها ظننتُ أنّ الله يقول لي: "إنظر إليها، كيف هي؟ فما بالك بجنتي!"
.............
هذا البارت لعيون طيبه حسين اكثر وحده دتشجعني شكراً حبيبتي ♥️♥️
#سلطان...
وره مخلصت الحنه رحت لبيت العروسه حتى اخذ اهلي طبيت وسلمت علزلم كعدنه بل استقبال واني عيوني دور عليها كون الكفها قدمو المي والجاي وكعدنه سوالف شويه ودخلت لو مداخله احسن حسيت الحراره بكل جسمي وعقدت حواجبي من العصبيه طبت لا حجاب وبجامه ضيكه وابن عمي كاعد فضل مدري شصار بيه ابوها اشرلها انو تلم شعرها هيه رتبكت وخجلت كبل طبت اني وراها كبل كتلهم نستأذن لان لو ابقه بعد اكثر خاف صير سالفه اني ماتحمل صح لا اعرفها معرفه شخصيه ولا تقربلي شي ومصار يوم من شايفها بس هاي دخلت كلبي وعقلي حطيتها براسي بعد كمنا سلمنا وصعدنا بلسياره الحجيه جدتي كعدت بصفي وليوره امي وخواتي شويه وجان والدتي كالت
... يمه هاي البت الي صير بت خالها لحنان شكد حلوه الله يستر عليها ليكول چنها كلوب . حجت وجان بيبتي تردها
... ي والله لا عاب حلكج ام سلطان هيج وانه عندي بخت يم الله واخذها لسلطان . انه نداريت عليها
... ها جده تردين تزوجيني الله ويدج . كتلها وانه اضحك
... ي جده الى متى انته هاي كعدتك ول لبكدك حيصير عدهم احفاد.
... ها جده شني قصدج انه شيبت لا جده لا مارضيتها منج . كلتها وانه اضحك
.. چا قابل اجذب ينضر عيني زوج وفرحنا بفريخاتك والله هاي البت دخلت كلبي كون تصير من نصيبك يبعد جدتك .
... الله كريم جده الله كريم .
جان والدتي تكول
... يمه من ساعه المباركه وافرح بيك وفريخاتك يملون البيت رايدلها بخت والله لذبح ١٠ طليان واوزعهم للمحتاجين كون الله وتصير يمه .
... نشالله يلغاليه .
وصلنا للبيت نزلنا طبينا
" ملاحظه: سلطان عايش ويه اهله اله جناح الاخير الثالث لان بيتهم ٣ طوابق اما مرته ف كاعده ويه امها كتلكم علاقتهم سطحيه بس هيه باقيه على ذمت سلطان لان سلطان خوفن عليها لان حتصير مطلقه واغلب مجتمعنا عقولهم متحجره حيبدون يحجون عليها وطلكت وامور هواي والشيء الاخر كونها بت عمته فا هيه وامها كاعدين بيت قريب على بيت ابو سلطان فا الشيخ وسلطان قايميين بواجبهم وياهم حتكولولي اكو مره متريد زوجها ؟!
حكلكم لان هيه وسلطان متفاهمين بهل موضوع من هاي ناحيه وهيه الي رادت من سلطان انو يبتعدون حتى هوه يشوف حياته والبارتات الجايه نشالله تشوفون شيصير من ناحيه علاقتهم ..."
صعدت فوك نزعت ورحت سبحت طلعت بقيت بس بل داخلي طفيت الاضويه ونسدحت عل فراش بقيت افكر بيها ونمت كعدت صبح غسلت وبدلت نزلت البيت هوسه علمود تحضيرات زفه فضل صبحت عليهم وكلت لاختي صغيره مرام
... يبعد اخوج حضريلي ريوك .
... ي خويه تدلل .
... مايدلل عليج ضالم
احنا عدنا خادمات بلبيت بس انه طبعي نحس من ناحيه الاكل و الترتيب جناحي محد ينضفه غير اختي مرام والاكل لو من ايد امي لو من ايد مرام
حضرت وخلصت حطته كدامي اكلت شربت جاي تحمدت وكمت سلمت وطلعت رحت يم عريسنا اليوم زفه الغالي ابن الغالي فرحانله حيل رحت جهزت سيارته واموره بس ذيج الحلوه اوف يابه تعبتني كون الجحها اليوم خلصت امور فضل
فضل اقرب شخص اليه واحجيله كلشي ودائماً يساندني ويسمعني اذا جنت مهموم فا لهذا اركضله بعرسه يدلل الغالي رحت جهزت نفسي صارت بحدود ال٤ وال٥ العصر اخذنه العشيره ورحنا لبيت مرة فضل دنزفهم بعد وصلنا والهلاهل والمزيقه طب فضل لبيت العروسه وهوسوله و١٠ دقايق وطلعو وجان الجحها لحوريه كلبي شايله بدلت العروسه بس جمدني بمكاني وصعد الدم لراسي لبسها اوف يا لبسها وشعرها فاتحته هلاوو اليوم ميمشي على خير اباوع نضرات زلم بودهم ياكلوها غير اني شطت بلزايد مدري شصار بيه فارت اعصابي عصرت ايدي وضليت واكف واباوع عليها وحق الكعبه لو بسسس لو بسس حتى لو قارين فاتحه او الي سطله عليها لا ادفنها بمكانها واضمهااا من عيون ذول شحيخلصه اليوم صعدت العروسه وعدلت بدلتها ومدري شحجو وراها وخرت عنها وسدت الباب والكل بهل اثناء بده يصعد سياراته بقى كم شخص عاد هيه ندارت دترجع للبيت ويه اهلها تصعد وكع موبايلها بلكاع جان دنج انه هنا دين مابقى براسي صعدت عندي ركضت عليها ولزمت متونها حيلل وكتلها
" البارت السابق ... "
عاد فلتت من ايدي واني حتركت حرك حركت شيب الخلفوني هلبت الكلب بديت انافخ واستغفر رحت صعدت سياره وطبكت الباب حيل واني مفور شفت اهلي بسياره كاعدين دينتظروني احرك والدتي تفاجأت من السويته
... يا يمه شمالك جايينه مفور هم جتي الطباكات .
... ماكو شي يمه .
رحنا وصلنا للفندق نزلنا زفينا صح اضحك واهوسله بس كلبي نار من وراها باوعت منا منا ماكو ما لكيتها شفت اهلها موجودين غريبه شعجب ما نزلت! طبو العرسان وبدو ياخذون صور عاد دك موبايلي رحت بعيد عن الهوسه يم سيارات دك واحد صديقي على سالفه صغيره يريدني احلها داحجي ومندمج نتبهت على سياره بيها الاخذت كلبي وانه اكول حورية كلبي ماكو ثاري باقيه بل سياره خلصت مكالمه ورحتلها جانت عايفه جامه مفتوحه
...ها بويه شو كاعده بلسياره !
...هم انته شتريد عاد " كالتها ودارت وجها استفزتني بهلحركه
...احجي عدل لا شوفيني هيج وياج احجي ما تعرفين خبالاتي
...كيفي احجي شون ما اريد شعليك والله حلوه هاي بعدين لا شفتهم كلش زين اياني اياك تمد ايدك مره ثانيه عليه فتهمت !
...والله وطلعلج لسان يصغيرونه .كلتها وانه ابتسم ابتسامه ساخره
...شبيك عمو وبعدين يعني ! .كالتها وهيه تبتسم ابتسامه استهزاء هنا حيل صعدت هرمون عصبيه عندي والله هلطفله مو سهله
...خل نشوف هل عمو شون يصيدج ، وغمزتلها
...هه يصيدني مو اني سمچه اكلك عفيه وبعدين يعني
...هذا شاربي مو عليه اذا ما اخذتج ذكري هاي حجايتي كلش زين يحوريه" بتسمتلها ابتسامه جانبيه وعفتها ورحت يم زلم ...
#سلار..
ستغفرالله شون يغث هذا شاربي مو عليه نننن عابت
وره عشر دقايق من النرفزه والضوجه اجوي اهلي رجعنا للبيت كلش وحشه يربي 🥺 مكانها الحيوانه يبين عمتي دمعت عينها امي كلتلها
... ام حنان وج عيني كافي لا تفاولين عليها ادعيلها بلخير ربي يوفقها بحياتها ويسعدها
... ربي يسعدها ويحفظهم لبعض بس خيتي من تزوجين سلوره تحسين بيه والله
اني خجلت كلشش نوب اخواني وبابا وزوج عمي واكفين
... ههههه هوه حقج بس هيه مرايحه تقاتل رايحه لبيت رجلها
... بعد كلب ام
جان يوسف يكول
... والله يوم الهنى سلار من تزوج اذبح عشيره مال طليان بس تزوج
... ولك ديج عرفه شبيكك كاعده على كلبك الخايس على عنادككك
كلهم ضحكوو على سوالفنهً عاد بابا كال
... يابه حضرو غراضكم بل ٥ نطلع نشالله لبغداد
... وين يابو سيف بعد وكت ما شفناكم هواي . زوج عمتي كال
... ي والله خويه ليش ما تبقون بعد . عمتي كالت
... والله الولد شغل عدهم وانيهم وسلار كليه منكدر والله نشالله هم نجيكم ايام الله طويله بس ها مو احنا انتو هم تعالو نورونه صالكم هواي مجايين
... والله نشالله نجيكم وهم بعد وكت لروحتكم لوما ارتبطاتكم
... ي والله يابو حنان شنسوي
... عمتي اني ابدل واحضر العشى
... فدوه لايدج حبيبتي انيهم اخلص واجي نساعد عشى
رحت بدلت هدومي وغسلت جسمي شعري نضيف وحبيت اعوفه على ستريت مالته لميت شعري كعكه ونزلت لميت كم حاجه ويايه مرام هم ورحت ويه عمتي وامي سوينا العشى اكلنا وعلى سوالف وعلى ضحك خلصنا كمت لميت المواعين وخلصنا بابا كال حضرو شغلاتكم حضرت جنطتي خلصت رحت نمت كعدت على منبه الفون ب٥ كمت بدلت وحطيت هدومي بلجنطه واخذتها باوعت للغرفه شون وحشه حنان ماكو نزلت جوه صبحت عليهم عمتي جانت كاعده خطيه مسويه ريوك وزوج عمتي هستوه كعد كعدنا تريكنا وخلصنا ردت المهم عمتي كالت عوفيهم مقبلت عاد تباوسنه وسالمنه وطلعنا لبغداد حطيت سماعات باذني وضليت صافنه على الطريق وصلنا لبغداد بحدود ال1 ونص الضهر طبينا للبيت
نضفت البيت جان تراب ورتبت رحت سبحت ونمت كعدت ب 5 كلش جوعانه وذكرت حنان ماخابرتها كمت كلت اتغده واخابرها خاف نايمين شي عيب نزلت شفت هستوها ماما دتصب الاكل كعدت جانت مسويه تمن احمر وسمج اللهه عشقي اكلت وخلصنا لميت كلشي رحت كعدت دزيت رساله لحنان بعدين دزيت لصديقاتي كتلهم شنو الواجبات دزولياهن وبديت اقره جانو هوايه تعبت حيل للساعه 10 يله خلصت شفت حنان صالها نص ساعه من دازتلي
... اخ شحجيلج كومه حجيي ولجج
... شكو وكعتي كلبي . جاوبتني
... ليله من العمر والله شحجيلج لحجيلج
... ههههه امداج عبالي شي مبروك يروحيي برفاه والبنين
.....
سولفلتي حنان الصار وحجينا حجي بنات بس يابه احس وجهي صار احمر مدري ليش! ههههه
ضلينا ساعتين نسولف كالت حروح بعدين نحجي حبيبي
... ي عمي روحي يروحي انتي . وضحكت
... هههههههه انجبي لج باي
... باي خبله
سديته وكمت حضرت هدومي الي البسهم باجر للدوام خلصت تصفحت تواصل اجتماعي خلصت رحت نمت .....
تسريع الاحداث...
جتني امتحاناتي نص السنه وصار عليه ضغط وارتباك جنه ناخذ محاضرات ودروس اني ورغد وريم صديقاتي مقربات
بدينا نمتحن وتفكير ماكلنا اكل خاف منجاوب خاف نطلع بدرس عاد حمدالله كضت وخلصنا هل اسبوعين وجاوبنه عطلنه صح ١٥ يوم بس هم نرتاح بيها عاد كضيت نص العطله لو مولات لو مسلسلات وافلام يعني حلو عاد بابا كال
... اني عساس اعزم بيت عمتكم وزوج حنان بس تقاليدهم هناك لازم تعزم اهل عريس هم ف نحرجت وضطريت اعزم اهل العريس مو الكل حيجي بس هم كومه عكب باجر العزيمه ها شنو رايكم؟
... والله يابو سيف صح عددهم جبير بس يبقون ضيفونا هلا بيهم لعد نروح اني وياك نسوك المتطلبات حتى احضر الغده باجر
... اووو عزيمه جبيره رح ينكسري ضهري هههههه بس كله لعيون حنون ماما اكوم اعزل كل البيت حتى وراها اساعدج بل اكل
... تمام حبيبتي يلا ابو سيف خلي نشتري المتطلبات
بابا وماما راحو للمول حتى يشترون الغراض من سوبر ماركت المول جان دنيا عصر كمت كلت خلي اعزل هسه شعندي وضوجه كمت عزلت البيت كله خلصت لليل اجوي ماما وبابا رتبنا الغراض ماما حضرت مواد حسوي دولمه وبرياني وبابا حيجيب ٧ سمجات من بره شوي
واكيد الطرشي واللبن كلش هلكت وماما هم خطيه وراها هلاك بل طبخ ههه خلصنا ترتيب رحت سبحت وبدلت كعدت خابرت حنان
... لج هلا
... هلا مخبله شونج سلور
... حمدالله حنون بابا كال باجر جايين كلكم
... ي لج عزه الله يساعدكم شحطبخون شحسوون عشيره ويانا جايه
... متت هههههه هلا بيهم شنسوي مهم انتي تجين لج عزلت البيت تكسرتتت وماما سوكت هيه وبابا ولفت الدولمه جواها ضلوع ودجاج الااا اشردددد باجر تحطها عل نار وبرياني صبح تكعد تسوي وسمج بابا يجيبه ماحجيلج الدولمه جدر شكبرهه الا انتحر بي
... اللههه شيجيب باجرر عزهه شهيتيني بهل ليل امداججج
... ههههههههه ليكون حامل ولججج
... دنجبي بعدني شهر مصايره يا حمل لج بتي هيه الدولمه حتى لو ما مزوجه تشتهيها مالا علاقه الحملل بتيي ههههههههه
... دنجبي يلااا ههه مخبله مشتاقتلج غير يجي باجر صدككك اكلج ؟
... نيهم والله هاا كوليي !
... شلبس باجر
... شتلبسين يعني بجامه
... بجامه شنو عيب حلبس بنطرون وسويتر مريح حتى ما اضايق بلحركه
... اوك بس اكلج خاف عيب تطلعين بدون حجاب كدامهم !
... شنوو عينيي شعليه بيهم والله اني كلشي ماحط على راسي شعليهم همه بيت خالي بيت عمي ماهتم اني اويي
... تففف هههههههه كيفج نعاله
... هههههه نجبي مطيه يلا ولي بعد روحي لزوجج وانيهم انام تعبانه كلش
... ههههه اوك مطيه تصبحين ع خير باي
... ونتي من اهلو باي
سديت الخط ونمت كعدت ساعه ب ٨ ماما تكعد بيه
... كومي سلوره هم يلا ورانا شغل كومه
... ي ماما كمت
كمت بلكوه غسلت وجهي ولميت شعري وسويت جاي حليب اليه كلش احبه وشربت متريكت لان مرات ما اشتهي اكل صبح كمت ويه ماما
فلست الدجاج للبرياني وحمست البتيته والدجاج وحطيت البزليا والجزر اني ماعرف اطبخ بس هاي سوالف سهله اعرفلهن خلصت ذوله باقي التمن والشعريه على ماما ماعرف اني رحت كلت اسوي تحليه سويت تراب الملوك ب بايركس جبير ٣ بايركسات وبل ثلاجه حتى يبرد
وسويت ترايڤل هوايه وحطيته بلثلاجه
مر الوقت صارت ب 1 بابا خابر زوج عمتي كله نص ساعه وهمه يمنا عاد كمت حطيت القوري عل نار طبعاً قوري من هاي الكبار وين يكفي ذوله 😂 صار الجاي طفيته كتلها لماما حروح اسبح صعدت سبحت علسريع بدلت لبست سويتر اصفر فاتح 💛 وجينز اسود وبانتوف لان شته نشفت شعري لميته كعكه رطبت بشرتي حطيت مسكارا وحمره لونها فاتح وخفيفه نزلت حضرت المواعين ماما راحت تسبح بابا كال لسيف
... سيف ابني روح جيب السمج والخبز هم يلا
... اي يابه رايح
راح سيف عل ما يجيبهن رحت فرشت السفره ورتبت علي اللبن بطاله صغار والمواعين الي تنصب بيها والخواشيك .
جاب سيف السمج ويه طبته ندك الباب بابا كال اجويي بقيت بلمطبخ بابا فتحلهم باب الاستقبال استقبالنه كلش جبير بيتنا مساحته ٣٠٠ متر وحمدالله ٣ غرف فوك وغرفتين جوه حمام فوك وحمام جوه ومطبخ جبير واستقبال جبير وعدنه هول صغير وحديقتنه وكراجنه جبير حمدالله كولو بيتنا جبير لان لو بيت صغير شيكفي هلعشيره ههههه طبو وصوت الزلم والنسوان طبت عمتي وحنان ومرام للمطبخ الباقيين كلهم بل استقبال كبل حضنت حنان وتباوسنه بست عمتي ومرام وماما هم باوستهم بابا واخواني يمهم بل استقبال ف ماما كالت يلا سلار امشي نسلم عليهم
... ماما استحي عفيه كومه شيفوتني يمهم اموت خجل
... وج هاي شبيج لاكفه انتي! امشي يلا تستحين شنو ، حنان كالت وتضحك
... لج والله استحي
... ماما عيب امشي نسلم عل عالم ، امي كالت
... اوف يلا
اني ميته خجل شون حطب بله عاد ماما فاتت وعمتي هم فاتت بقت حنان ويايه واكفه
... والله بيج كتله وج امشي عيب عادد رجلي دينتضرني
... اففف يلا
طبيت
... سلاام. عليكم ،
ردو ... وعليكم السلام
كلتها بخجل ماحجيلكم صرت بهدومي من الخجل بلكوه امشي طبعاً شحجيلكم تخيلو كلهم محجبات وعبي واني بدون حجاب ف نضرهم كله عليه والصدمهه الجبيره الرجال هذا هم وياهم لا يا ربك شو هذا هم عقج حاجبه يمه خلوخر عيني منه وخرت نضري منه ورحت سلمت اول شي على بيبتهم طبعاً حنان شاورتني كلتلي البيبه بعدين الاب بعدين النسوان
رحت بست ايدها وسلمت على ابنها الي هوه الشيخ عبد العزيز
... هلا بويه هلا بارك الله بيج بنيتي
... ش شكراً عمو وبيك ، كتله وابتسمت ابتسامه صغيره
وسلمت على زوج عمتي ورحت سلمت على نسوان الباقيين وطبعاً عينهم اكلتني اكل ويبسبسن عاد شفت مرام هاي الحبابه كلش فرحت لان اول مشفتها بكته حبيتها
" اوك هسه خلكلكم منو جايي : البيبيه والشيخ ابو سلطان وسلطان واخو فهد وعائلته وفراس اخو الصغير اختهم الجبيره ما اجتي زينب ومرام وام سلطان واجوي خوات الشيخ ام فضل ورنا وجهالها ال٣ وام شيماء شيماء مرة سلطان اجتي هيه هم ويه امها وام حميد وولدها وجناينها بناتها ماجوي مزوجات وبقت عمه وحده ام هاشم ما اجتي عدها ولد وبنيه الي حنان سميها حيه هههههه بس ذول اكو بعد بس الباقيين كرايب العريس اما ذوله اهل العريس ."
عاد بابا كال
... يلا شيخنا تفضلو عل غده اكيد جوعانين وتعبانين
... يزيد فضلك يلغالي بس نغسل اول
... ي تفضلو شيخنا منا
عدنا حمام بل استقبال هذا خاص لضيوف بس
بدو يغسلون كام هذا الرجال يربي لحد هسه اكول رجال لان ماعرف اسمه خرب خنسئل حنان دغيت حنان
... ها شبيج وكرص ، بهمس
... هذا ابو الدشداشه البيضه شسمه؟
... ها ها سلوره
... نجبي عاد كولي منو عسريع داروح احضر
... هذا سلطان الحفيد الاول وايد شيخ اليمنى ابن عبد العزيز يعني هوه هم شيخ مثل ابو
... هاااا هذا سلطان اممم
... وعلا يلااا امشينا نحضر عيب
... ي حنون امشي رحت للمطبخ يم ماما وعمتي ماما كلبت الدولمه بصينيه شكبرها مشالله بع ريحه بويهه والبرياني بل بلام كبار ٦ ابلام كبار
وسمج هم بل بلام بدينا ننكلهم اني وحنان عاد مرام وبت عمه فضل " شيماء ، سلار متعرف سلطان مرته شيماء ،" كالو نساعدكم
... لا حياتي تفضلو كعدو نسوي زحمه عليكم خطارنا انتو
... لا عيوني شكو بيها امشي مرام وياهم
... ي يلا
... حياتي فدوه لكلبكم تسلمون
... يا خيه سكتي شهلحجي تدللين ،شيماء
كل الصار وسلطان عينه مشالها من سلار وسلار رتبكت بس سلطان بركان جوه صاير اويليي يابه ههههه
نكلنا الاكل البنات الباقيات هم كامو ويانا خلص كلشي
... يلا شيخنا تفضلو على الزاد
كلهم كعدو وسمينا بسمالله بدينا ناكل اني ماكلت هواي نسدت نفسي لان كله صار بخشمي الريحه وهم استحي صح بيتنا بس اني كلش خجوله عاد اكلت شويه نگنگت ودا اكوم جان تكول البيبيه
... يا وين كايمه يمه شكلتي جنج عصفور
... ههههه والله حجيه شبعت اكلو الف عافيه عليكم
... الله يعافيج حبيبه بس ما يصير هيج معدت عصفور هاي
ضحكو كلهم الا سلطان خوفني بنضراته بس يحمحم واحسه متضايق ايحوص بكعدته
... ههههه والله حجيه لا شوفيها هسه ما اكلت يوميه تاكل الاخضر واليابس ، يوسف كال
عزهه اني متت من الخجل هلكلب هذا
... يوسففف اني اكل الاخضر وليابس لعد انت شنوو
كلهم ضحكو صرت طماطيه
... خال عينك على خيتك مبين ما تاكل ، الحجيه كالت
... ههههه لا حجيه لا يغرج ضعفها .
كلهم ضحكو
... بابا كول ليوسف شنوهاي ، كلتها واني حمره
... يابه يوسف عوف اختك
... ههههه خلص يابه سكتت
كمت داغسل عل مغسله مال بيت مو مال استقبال جان ....
