رواية اخوات زوجتي الحلقة الخاصة الرابعة
عماد من الفرحه أن خلاص فاضل ااقل من شهر علي فرحه مشغل اغاني بصوت عالي وبيرقص ويردد الاغنيه بصوتة
كل الاغاني يقول دي بتعبر عني كأنهم حاسين بيا
الكل تعب من الصوت حتي سهي خطبته بس من حبها بدلت الاغنيه وشغلت أغنيه يانجف بنور يا سيدي العرسان بس الكل ضحك وخاصه نبيل
علي مقدمة الاغنيه ال بداءت بموال
يا ليل يا ليل يا ليل يا عيني
يا ناس قتيل الغرام ، مقتول وساح دمه
يا حزن أهله عليه، يا طول عياط أمه
كان قبل ما يحب، ورد أحمر وبنشمه
العشق خلاه دبل، وأصفر يا عيني
امتى الحبيب يرحمه، ويبوسه ويضمه
يا ليل يا ليل يا ليل يا عيني
يا نجف بنور يا سيد العرسان
يا قمر ومنور ع الخلان. نبيل يرد بزمتك ياشيخه قمر دي جات منين لا يمكن عمدة ينطبق عليه الكلمه دي.
يا نجف .. آه يا نجف .. حلو يا نجف آه عماد يردد يا نجف ويلعب حواجبه
على خدك 100 مليون وردة
وعينينا عليك ساقعة وباردة
في الدنيا ما فيش غيرك فردة
في خفافة الدم يا غضن البان
يا نجف .. آه يا نجف .. حلو يا نجف آه
حلو ومدلع من يومك
واسم الله عليك ملو هدومك
والدنيا دي عايمة على عومك
بتغني أمان يا لالالي أمان
يا نجف .. آه يا نجف .. حلو يا نجف آه
الشمع أهه قايد ومنور
حواليك يا كحيل العين يا أسمر
فرحان بك وانت بتتمخطر
يا عيون غزلان يا زين الخلان
يا نجف .. آه يا نجف .. حلو يا نجف آه
نبيل يضرب كف بكف علي حركات عماد يابني اهداء
افرح واعمل ال انت عوزة بس بلاش
ضوضاءك ده صوتك بيعملنا صداع ووطي الصوت شويه الجيران اشتكوا .
عماد :لازم الدنيا كلها تعرف اني خلاص هجوز وفرحي خلاص أخر الشهر يعني بعد أسبوعين
والنحس هيتتفك .
اتت اغنيه هجوز لسعد الصغير.
ظل يرقص ويغني ويقول وخلاص النحس أنفك
وفرحي يوم السبت والكل يفرح ويغني دا عمدة
العسل هيجوز وفجاءة قدمه تنزلق من حافه الدرج يسقط أسفله وسط صرخات دودو وسهي .
ليقترب منه نبيل يكتم ضحكاته علي حال عماد
وسط نظرات الغيظ من عماد له ونظرات نبيل
الشامته فيه .
اتي يقف عماد لم يستطع ااه رجلي مش قادر ااقف
عليها .
الكل اقترب منه ومراد ومروان سندوه .
نبيل ..بسرعه علي المستشفي ال جنبنا الا رجليه
يكون فيها كسر ولا حاجه.
سهي شهقت بصوت عالي .
عماد .. التف سريعا الي نبيل حرام عليك فال الله ولا
فالك كسر ايه ده التواء وبس.
متقلقيش يا سهي قلبي رجعلك من تاني.
ذهب الجميع مع عماد المشفي وبعد الكشف والاشعه
الطبيب ... كسر في القدم الشمال وشرخ في الايد
اليمين وارتجاج في المخ للاسف ممنوع يتحرك
لمدة شهر .
عماد .. اايه وفقد الوعي وهو ويقول شرارة.
منك لله يا لي في بالي .
نبيل ضحك بصوت عالي علي حال عماد تستاهل
عشان تبقى تتنطت وتقرفنا ادي الفرح اتاجل والعطله من عندك مش من عندي .
دودو ..حرام عليك يابلبل مش كفايه ال هو فيه .
عماد : يفتح عنه أنا فين هو ده حقيقه ولا بجد انا فرحي قبل شهر ازاي مش هتحرك شهر لا حرام
لا يمكن يحصل ابدا لازم اجوز واخش دنيا .
سهي بدموع تقترب منه ،اهدي يا عمدة فرح ايه ال بتفكر فيه المهم صحتك.
عماد ... محدش يقولي اهدا أنا حظي فقر كل ما اقول خلاص هتتعدل وتحلو وهخش دنيا تجي مصيبه تانيه تأجل الفرح ااه ياحظك الفحم ياعمدة .
نبيل ... هههههههههههه تعالي يا سهي من جنبه ده شرارة ابن عمه قال حظ قال أنت منحوس منحوس .
عماد ماهو كله منك وعنيك ال في الجوازة رشقه.
ااه فينك يا روعه تشوفي خالك وال جراله بعد ما كان عريس وسيد العرسان بقي متكوم زي الشوال
وفرحه اتاجل شهر كمان .
نبيل صدق اول مرة تقول حاجه صح يابتسم بمكر
اهو اخيرا لقيت سبب اعكنن علي نادر هو كمان كام يوم ماهي روعه لا يمكن تسيب خالها الوحيد حببها
وصحبها بالحاله دي لوحدة .
اخرج نبيل هاتفه واتصل علي روعه .
_______
نادر يعود من العمل بعد يوم طويل من المداهمات
والقبض علي عناصر إجراميه .
نادر وهو بالطريق توقف بالقرب من محل ملابس ولانجيري اعجب بشي لفت انتباهه دخل الي المحل
وقام بشراءه وخرج والسعادة علي وجهه وصل المنزل وجد روعه بانتظار وعلي وجهها ابتسامه جميله .
نادر .. مساء الجمال علي اجمل روعه في الكون كله.
روعه ببتسامتها الجميله ، حمد الله علي السلامه قلقتني اتاخرت ليه من نص ساعه قلت انك قريب من البيت
نادر ابتسم ليها وقبل وجنتها اسف بس في رهان بيني وبينك من زمان وكنت بجيب حاجه مهمه عشان تنفذي الرهان ده بحريه .
روعه .. رهان ايه وايه الحاجه دي
نادر ... اقترب منها ينظر في عينها ، يتقدم وهي تعود للخلف حتي وصلت إلي مكان وقفها اول مرة اتراهن معاها نادر في زواجهم الاول .
نادر هنا بالظبط. قلتلك علي الشرط واخرج من حقيبه بيده .
روعه :شهقت لا يمكن أبدا البس البتاعه دي ،ومين قالك اني قبلت الشرط ده انت ال قلت وانا موافقتش عليه .
نادر ... لا وافقتي. وكمان بابا وماما ونيرة وسامر كلهم شاهدين علي الرهان وانتي قلتي موافقه .
روعه .. انت وقتها استغليت وجودهم وانا موافقتش .
نادر ... اقترب اكثر منها. ولو قلتلك عشان خاطري
نفذيه واوعدك هقعد موادب خالص بس اشفها عليكي .
روعه نادر صدقني مش هينفع خالص دي هتتلبس ازاي أنا مقدرش ألبسها ابدا
نادر. ... بس كدة انتي مش قد كلامك وبترجعي في وعدك.
روعه .. أنا عمري ما رجعت في كلمتي ولا وعدت وخلفت بس ال بتطلبه صعب وانا معرفش اعمل ده.
نادر .. البيسيها بس اشفها عليكي ، ومش مهم الباقي .
روعه بحرج بس
نادر جزبها من يدها ودخل غرفه نومهم ما بسش ادخلي البسيها عقبال ما اخد شور .
دخل نادر ياخد شور واتجهت روعه لتبديل ملابسها
وارتدت ما احضرة نادر وكان غايه في الجمال عليها
خرج نادر من الحمام لتقع عينه علي روعه وجمالها
اقترب منها ممسك بيدها يلفها حول نفسها ، مهما تخيلت لا يمكن اوصل الجمال ده .
ترك يدها وتوجه الي الاب توب وقام بتشغيل موسيقي شرقيه واقترب منها وطلب يلا بقي
نفذي الشرط.
روعه اتت تتحدث
نادر نظر لها بترجي .رفع الصوت للموسيقي وجلس علي اقرب كرسي يشجعها حتي بداءت روعه في
الرقص واندمجت مع الموسيقي وسط زهول نادر من جمال رقصها ،اقترب منها مع انتهاء الاغنيه فجاءة عالي رنات الهاتف .
روعه ابتعدت واسرعت تنظر للهاتف. ده بابا ال بيرن
ورانن كتير اوي .
نادر .. بغيظ هو الراجل ده مخاوي ولا مركب كاميرات في الشقه كل ما ااقرب من روعه يا يجي
يا يرن .
فتحت روعه الهاتف بسرعه الو .
نبيل .. روعه بقالي ساعه برن عليكي .
روعه .. بلبل لسه شايفه الفون دلوقتي في ايه قلقتني .
نبيل .. خالك عماد للاسف وقع من علي السلم وم.
روعه ..شهقت بصوت عالي عمدة جرالوا ايه قولي بابا ما ايه فهمني أنا قلبي هيقف .
نادر اقترب منها وهي تنتفض من الكلمه .
امسك الهاتف قبل ما يسقط الو الو عمي نبيل عمدة ماله .
نبيل .. بصوت يجاهد أن يجعله حزين وهو في قمة السعادة ،عماد وقع من علي السلم واحنا بيه في مستشفي السلام جنب البيت بتاعنا .
روعه بتمسك نادر من ايدة بسرعه يانادر نروح نشوف عمدة ماله .
نادر .. جزبها ليه حبيبتي عوزانا نروح كده ببدله الرقص وانا بالشكل ده عوزانا نتحبس .
روعه نظرة لحالها ترك ايدة ودخلت الحمام بسرعه
ومعها هدومها بدلتهم وخرجت لنادر أنا جهزت بسرعه انت كمان اجهز معتش وقت .
نادر... بغيظ من نبيل اوم براسه ودخل الحمام بدل لبسه وهو خارج لفت انتباهه بدله الرقص أمسكها
منك لله يابلبل كان يوم اسود ساعه ما تحديتك
روعه ... بسرعه يانادر كل ده .
خرج نادر انا خلاص خلصت .
ذهبوا للمستشفي وسألوا علي اوضة عمدة عرفوا
أنه خرج من عشر دقايق بس .
نادر .. اهو الحمد لله طالما خرجوا يبق حالته كويسه
يلا بينا نرجع البيت وان شاءالله نعدي علية بكرة .
روعه ... مين ال هيصيبر للصبح ، البيت قريب خطوتين ونوصل .
نادر ... بغيظ منك لله يا ال في بالي زي مجبتنا علي ملا وشنا وفي الاخر رجعت البيت مكنت قلت من الاول
نادر وروعه وصلوا بيت نبيل ،روعه بترن جرس الباب بسرعه فتح ليهم معتز الباب .
روعه .. عمدة ماله يامعتز وهو فين .
معتز ... بوجه متجهم سلم عليهم وادخلهم ،اشار لهم علي غرفه روعه
تركت روعه نادر ودخلت تجري لغرفتها القديمه ، وجدت عماد جالس علي السرير ويده متعلقه بحامل وقدمه في الجبس . ورأسة مربوط بشاش ابيض
روعه ... عمدة حبيبي قلبي طمني عنك واحكيلي ايه جرالك .
عماد ... روعي صاحبي شوف عمدة وال جرارله
بعد خلاص ماقلت النحس أنفك وعماد شرارة هيجوز ،يجلي ارتجاج والفرح هيتأجل .
عماد هاتو لي عبدالله أنا عاوز عبدالله هو ال يعالجني
من الارتجاج ويجوزني .
نادر ... الف سلامة عليك يا استاذ عماد ، معلش فترة وتعدي .
عماد .. بلاش انت يانادر بلاش ازعل منك ال يواسني
يقولي الفرح مش هيتأجل .
روعه .. تمسك بايد عماد متقلقيش يا عمدة أن شاء الله الفرح مش هيتاجل ، اسبوعين دول تلتزم بالعلاج والراحة. وهتخف أن شاء الله ولو علي الارتجاج هنتصرف متقلقش ،بس المهم متحركش راسك ابدا .
دودو تدخل حمله صنيه اكل لعماد .
يلا يا عمدة عشأن تاكل وتاخد علاجك وترتاح.
عماد .. ما ليش نفس يا دودو ومنين هتجي الراحه والفرح خلاص راح .
روعه .. تنظر لسهي تجلس جوار عماد وتأكله .
سهي تشير بعيونها بلا وتنظر الي نبيل ودودو ونادر بمعنى تخجل منهم .
روعه ... عمدة هياكل من ايدي أنا ، هاتي يا دودو الصنية ... روعه يلا بقي بسم الله وامسكت ملعقه وبداءت بالشوربه. وقربتها من فم عماد .
عماد ... متتعبيش نفسك ي روعه ماليش نفس خالص .
روعه ..عشان خاطري هتكسف ايدي، يلا بسم الله .
عماد اقترب منها وفتح فمه لوضع روعه المعلقه في فمه واحده تلو الأخري
نادر ينظر إليها بغيظ وتدللها لخالها عماد .
نادر .. روعه هتجنني أنا دلوقتي بتمن اكون بدل عماد وتعمل معايا كده اكل من ايديها وتدلعني
ال ما عملت معايا كده من فرحنا ال بقاله شهر ونص.
عماد. ياكل ملعقه وراء ملعقة حتي انتهي من كل الطعام كاملا .
نبيل ... ينظر إلي روعة التي تطعم عماد بيدها وهي
تدلله . ... امال لو كان ليك نفسك يا خويا كنت اكلتنا
جزب روعه تعالي يا بنتي بعيد عنه ال يحلي بيكي.
دودو ... يلا يا جماعه الاكل جهز .
نبيل ... يلا يا نادر انت وروعه علي العشاء .
دودو ... يلا يا ولاد الاكل جهز .
نادر ... بعد اذنك يا عمي أحنا لازم نمشي عندي مهمه مستعجلة والحمد لله احنا متعشين قبل ما نجي.
روعه تبتسم علي كلام نادر ومتاكده أن بلبل عمرة
ما سيبهم ال لم يكلوا.
نبيل ... تلاقيكم جعتم وانت اول مرة تأكل معانا يا جوز بنتي ومتخلنيش احلف عليك انك تاكل. ولا انت مش عاوز تاكل معانا .
نادر ... لا طبعا ياعمي. من قال كده ،يلا يا روعه علي
العشي .
روعه .. وقفت تحمل الصنيه احست بدوران وهي تقف كادت تسقط ماتحمله بيدها .اقترب منها بلبل ونادر بسرعه.
نبيل أخذ مابيدها اعطاة لنادر يحمله وضم إليه روعه قبل جبينها بخوف وحنان جعل نادر ينظر له لأول مرة يستشعر سر الارتباط بينهم .
نبيل .. مالك يا قلب بابا حاسه بايه .
روعه .. متقلقش كده يا حبيبي انا كويسه بس شكلي اتوترت وده وطي الضغط عندي .
نبيل ... تلاقيكي مااكلتيش طول النهار أنا عارف انك بتنسي الاكل طول ما انتي لوحدك تقدري تمشي للسفرة ولا اشيلك .
نادر .. هيجنني بلبل بعمايله ياربي نفسي اعرف عملت ايه بحياتي نبيل يبق كرهني بالشكل ده
بيتعمد يغظني ، لما هو يشيل مراتي وانا شايل صنية الاطباق الفاضيه منظري هيكون ايه قدمهم .
روعه ..ترفع يد والدها وتقبلها ربنا ما يحرمني منك
ياحبيب قلبي أنا كويسه اوي ،بلاش حكاية الشيل
دي ومعاذهنا بالبيت مش عاوزة احصل دودو وعضمي يتفشفش بدري .
نبيل .. ضحك بصوت عالي ،بقي كده يا روعه فقدتي الثقه فيا طب تحبي اجرب وتشوفي ابوكي يقدر يشيلك ولا لا
نادر ..عنك انت ياعمي اتفضل امسك دي وسييب الباقي عليا .
روعه بحرج احنا قربنا من السفرة خلاص لا انت ولاهو يلا اتفضلوا علي الاكل وانا هغسل ايديا .
نادر أنا كمان عاوز اغسل ايدي خديني معاكي .
دخلت روعه الحمام تغسل يدها دخل خلفها نادر واغلق عليهم الحمام ، روعه نادر بتعمل ايه افتح الباب منظرنا مش هيكون لطيف .
نادر .. اعمل ايه حضرتك نسياني خالص ،اصرفي لازم نرجع البيت أنا تعبان وعاوز ارتاح طول اليوم
واقف علي رجليه وجسمي مكسر .
روعه .. نتعشي معاهم ونستاذن ونمشي علطول .
نادر .. اقترب منها هو مينفعش نمشي وناكل في بتنا
أنا جعان اوي .
روعه ... افلتت ايدة اغسل ايدك بسرعه وتعال ناكل اناكمان جعانه اوي ، اكل ماما هيعحبك وتوجهت لباب الحمام واسرعت بالخروج قبله .
نادر .. هتشل هتشل علي ايدك يا بنت بلبل ، زنب مين بطلعه عليا بنت نبيل .
غسل يده وخرج وقف مكانه يري روعه تجلس بين نبيل ودوده ظفر بضيق واقترب من السفرة أشار له نبيل بالجلوس مرحبا به بحفاوة ويقدم له الطعام بنفسه .
نبيل ..اتفضل يا بني البيت بيتك متكسفش، اكل دودو لا يمكن تقدر تقاومه صحيح اكل روعه لا يعلا عليه بس دودو حاجه تانيه خالص.
نادر... تسلم ايديكي يا طنط .
بداءوا جميعا بالاكل وسط سكوت الجميع معتز وماذن ومروان ومراد ومعاذ، نبيل ينظر لهم بمكر
نبيل... يطعم روعه بفمها الاكل ولا يأكل ، ينظر لها بحب يربط علي يدها كلي يا قلب ابوكي وحشتني
القعدة دي.
روعه تضع الاكل بيدها في فمه وانا كمان يا بلبل وحشني الاكل من ايدك اوي .
دودو ... وانا موحشتكيش خالص ، وتضع الطعام بفمها .
روعه .. ازاي بقي يا دودو أنا وحشني اكلك كتير وكمان نفسي اكل زلابيه من ايدك تكون سخنه وغرقانه بالعسل زي زمان .
نبيل ... دودو بعد اذنك بعد العشي تعمليها لروعه .
روعه .. لامرة تانيه بلاش تتعب دودو ،وغير كدة
مش هقدر اكلها بعد العشي الجامد ده .
نبيل يضع قطعه من اللحم في فم روعه تنظر لنبيل بحب وتاكلها من يده وسط نظرات نادر المغتاظه وروعه تضع في فم بلبل الاكل وهي تترجاة ياكل من يدها .
نادر ... يارب صبرني وعدي اليله دي قبل ما اتجنن بسبب بلبل وبنته دول لو قصدين يجننوني مش هيعملوا كده .
روعه تنظر لاشقائها ببتسامتها المعهودة ،وحدوة يا امبراطوريه ميم مالكم كدة بتاكلوا وانتم مبوزين
نبيل ..سيبك منهم وكلي انتي دول معندهمش ذؤق
بقي خالهم يكون بالجبس وتعبان ونفسيته زفت
بسبب تأجيل الفرح ، وحضرتهم زعلانين أن فرحهم هيتأجل .
روعه وقفت واقتربت من أشقائها جلست بين مروان ومعتز امسكت معلقه وبداءت تقربها من فم أخيها مروان ميروا حبيبي كل عشان خاطري ومتقلقش أن شاء الله الفرح في معادة مش هيتاجل .
ابتسم لها مروان واخذ منها الاكل
التفت روعه لمعتز ، ميزوا حبيبي هتكسف ايدي .
اقترب منها معتز واكل ما بيدها ،نظرت أمامها تؤم روحي مالك انت كمان زعلان ليه كده دا حتي الملوخيه ال بتحبها تجنن من ايد دودو .
مراد اعمل ايه مفروض معادنا مع والد سارة بكرة الساعه ٨ وبل حصل لعمدة كل حاجه اتأجلت .
روعه ..مين قال كده المعاد في معادة وقبل تمانيه
هتكون هناك كل انت متزعلش .
مازن يعد نظارتة. اجيب مكرسكوب طالما أنا مش علي الخريطه.
روعه .. ازاي يا دكتور قلبي انت ما شاء الله واخد اول الخريطه وادي الملوخيه تشهد علي كده .
روعه عبقرينه مخترع سندوتشات العدس مالك مبتكولش وقامت من جنب مازن وجلست بينه وبين نادر وبداءت تأكل معاذ بايديها وتضحك علي حركاته
التفت معتدله علي الكرسي ابتسمت لنادر ال خلاص
مصدق انها جت جنبه ومسك أيدها ورافض يسبها
وبيشاور ليها بعنيه تأكله ببقه زي اخواتها .
روعه تترجاة بعنيها وتقله والدها واخواتها متقدرش
تعمل كدة قدمهم ،تشير علي إيدها أنه يسبها.
فجاءة نبيل قطع كلام عيونها .
بلبل ... مش بتأكل ليه يا نادر هو. ألاكل مش عجبك شايف إيدك جنبك من بدري وممدتهاش علي الاكل .
نادر ... بغيظ من نبيل ترك ايد روعه بصعوبه ،ازاي يا عمي ده الاكل تحفة تسلم ايدك يا طنط .
نبيل ..روعه حبيبتي مش هتجي تكملي اكلك
روعه ... الحمد لله شبعت .
نبيل ... لحقتي انتي يا دوب اكلتي لقمه من ايدي ولقمه من ايد دودو. .
روعه ... الحمد لله أنا شبعت .
معاذ .. طيب خدي دي من ايدي .
روعه ... مقدرتش تستحمل وهي بتقرب تاكل من ايد معاذ جريت علي الحمام تفرغ ما بجفها غسلت وشها وخرجت ليهم .
نادر .. مقدرش يقعد راح وراها الحمام سمع صوتها وهي بترجع اتي يدخل وجدها تخرج .
نادر ... مالك يا قلبي فيكي ايه .
روعه ...متقلقش اصلي افتكرت مقلب معاذ عملوا فيا زمان مقدرتش. استحمل .
معاذ ... هههههههههههه والله انا كنت نسيت ،بس انتي لسه فكرة من سنتين الكلام ده ايه فكرك فيه دلوقتي .
روعه... معرفش أمكن عشان من وقتها ما اكلتش من إيدك غير النهاردة .
نادر .. روعه لو حاسه بتعب نروح للدكتور نطمن عليكي .
روعه .. لا انا الحمد لله بخير ، مش مستهله دكتور
حاجه بسيطه وهتعدي متقلقش .
نبيل .. تعالي ارتاحي في أوضتي شويه وشك اصفر
وعيونك بهتانه .
روعه متقلقش يابلبل أنا شويه وهفوق .
نبيل .. عشان اكون مطمن عليكي ريحي عشر دقائق
دودو ارتاحي وانا هعملك كوبايه نعناع دافيه تريحك .
اخواتها وقفوا حوليها الكل عاوز يشلها يدخله اوضه
نبيل مصمم أنها تدخل اوضه نومه هو .
دودو .. نعملها حاجه سخنه تريحها
معاذ هشوف اختراع ينفع لحالتك دي واقيس الضغط
نادر .. ما نروح للدكتور يطمنا .
روعه .. بأااااس باااس أنا هدخل ارتاح شويه ، أنا شكلي مرهقه .
نبيل ..تعالي عندي الاوضه ارتاحي عقبال دودو ما
تجهزلك النعناع .
نادر ... منروح بتنا ترتاح .
نبيل .. لا طبعا مش شايف تعبانه ازاي ، ووشها اصفر
دي مش قادرة تقف علي رجليها وكمان لو مشيتوا
هنقلق عليها لكن هي بنا ترتاح ونطمن انها كويسه
وبعدين امشوا برحتكم
دخل نبيل بروعه جلس نادر مع اخواتها يتحدثون وهو بعالم اخر يلعن نبيل وتمسكه برأيه
،فهو قلق جدا عليها يود الاطمئنان عليها ،بعد فترة خرج نبيل وعلي وجهه ابتسامه ماكرة .
نبيل .. ممثل الجديه نادر هتضطر تنام هنا النهاردة في اوضه روعه عماد الولاد هينقلوة اوضته لان روعه من التعب نامت .
نادر .. بانزعاج يكاد ينفجر من الغيظ من روعه ونبيل اوم براسه .وهمس وزاعوا الاكوام وطلع الكبير كومي ، جات الحزينه تفرح ما لقتلهاش مترح
نبيل .. مراد هات لنادر حاجه من عندك يلبسها .
نادر .. لنفسه مين هيجيله نوم بس في الليله دي
منك لله يا بلبل ماشي يا ست روعه لما طلعت عليكي ال أنا فيه ده مكنش نادر .
مراد ومروان نقلوا عماد الذي يندب حظه .
عماد .. جات الحزينه تفرح ما لقتهاش مترح .
المنحوس منحوس ولو علقوا .
كنت حاسس عينك في الجوازة يا بلبل .
يافرحتك فيا تلقيك شمتان وبتغني كمان من فرحتك بتأجيل الجواز .
اه يا أنا ياما علي ال جرالي تعالي يغاليه شوفي ايه جرالي بعدك انا بقيت يتيم ومش لقي حنيه اه اه اه
أنا مش عارفني هو انا مين
نبيل لا حولا الله عماد قلب معدده يا بختك المنيل يا سهي يا حبيبتي .
عماد كله منك اه اه اه
سألوني، أنا مين
قلت لهم أنا، الأيام خانتني
أنا الزمان هدني، ولا حد بيودني
ولما أقول آه، في ناس تقول الله اه من عارفكم واولكم بلبل
أنا الزمان هدني، ولا حد بيودني
(ولما أقول (آه) في ناس تقول (الله منك لله يا لي في بالي يا لي شمتان فيا تمالي وبال حصلي فرحان .
أنا اللي تايه أنا، ويوم عذابي بسنة بعد ماقلت خلاص هجوز وارتاح وفرحي أنا فرحان جه الكسر وكمان ارتجاج واجلوه كمان شهر زمان وبلبل فيا فرحان .
نبيل ... يا بني انت اهبل هفرح فيك ليه ،مش فرح اختي وولادي معاك .
عماد اه منك انت والشماته في عنيك والكل حاسس بيك وانا متاكد من ده
أنا مين،
سهر الليالي، وحب غالي، ألقاه آسيه منك انت يا جوز اختي دانا كلي حنيه وياما سعدتك زمان ووصلت جوابات من غير اي ابتزاز .
نبيل اه ما انا فاكر والجواب بخمسه جنيه والورد بعشره والمكلمه بعشرين. وطول عمرك حنين ولا مرة ابتزيت كنت مرسال الغرام.
سهي ببكاء بلاش تتعب نفسك يا عمدة ده شهر ويعدي ال خلاك صبرت السنين دي اصبر كام شهر كمان .
عماد محدش حاسس بيا
والنار قايدة فيّ، والنار قايدة والكل مرتاح وانا قلبي تعبان وحببتي تقولي ما تزعلشيييي .
وجايين يسألوا أنا ليه زعلان
أنا مين، أنا مين، أنا مين،
خذت العذاب أنا من بابه واترج مخي يا خسارة اليمين بقي شمال وجالي حول كمان اهو كله من نقك كان فيها ايه لو جوزتني قبل انجرح وكلي مبقتش أنا
يا حزن قلبي يا عذابه
قولوا لي أشكي، أشكي لمين. والجاني هو الحامي ،ااقول عليه ايه مفيش في أيدي حاجه مخلاص بقت مشروخه لا نافعه بحاجه وهي بسناده
نبيل .. دخلوا عماد من قدامي بدل الارتجاج ما يكون فقدان ذاكرة وارتاح .
نادر .. لا حولا الله عماد خلاص أجنن .
نبيل ... اهو ده بقي ال بيحصل في ال بحطهم في دماغي ، نام ياجوز بنتي وارتاح شكلك تعبان .
نادر .. اوي يا عمي تعبان اوي اوي .
نبيل .. اوضة روعه مريحة اوي هتنام براحه .
نادر اوم براسه ودخل غرفة روعه وتبسم من جمال الغرفة وترتيبها وصورها هي واخواتها ووالدها امسك صورة لها وهي صغيرة وبجوارها نبيل
لاحظ جميع صورها مجتمعه مع والدها وصحباتها
واخواتها نبيل معها بجميع صورها حتي صورة التخرج واول مرافعه لها .
نادر .. ايه سر ارتباطك بروعه اوي كده يا بلبل
عشان بنت علي خمس ولاد ولا حكايتك ايه بالضبط.
دق الباب دخل مروان معه ملابس بيتيه اعطاها لنادر
شكرة نادر وخرج مروان ولكن توقف عند الباب
مروان ...نادر هي نيره بالنسبه لعمي عاصم موقعها ايه من الاعراب .
نادر.. قصدك إيه مش فاهم قصدك .
مروان ... ياعني عمي عاصم متعلق بنيرة اوي هتعب معاه ويكون حالي من حالك .
نادر... اه فهمت والله بابا عنده عادي بس بقي ربنا يستر ميتغيرش بعد جوازكم ،انت شايف والدك كان بيعملني ازاي ومن يوم فرحي أنا وروعه وهو قالب عليا وانت شايف عمليه .
مروان ... لا ده عادي بالنسبه لبابا ، روعه اهم حاجه في حياته ده كان بياخدها معاه المحكمه وهي عندها خمس سنين وغير السفر معاه دي من صغرها ضرة ماما ومرات ابونا ياما اتعقبنا بسببها ، معاذ اخويا اكتر واحد اتعاقب عشان بس قلها انا كنت معترض
علي خلفه البنات .
ولا مراد عملت ليه عاها في منطقه حساسه بسلحها الفتاك بدل هي متتعاقب هو ال اتعاقب واعتزر ليها .
نادر .. ابتسم عندما تزكر اول لقاء بينهم وتلك العضه التي لازالت علي يده علامتها .
مراد ... بس روعه دي نور عينينا دنيتنا متزعلش لو فيوم زعلتهامش هتلاقي بلبل بس هو ال واقف
هتلاقينا الخمسه واقفين ليك .
نادر ... ربط علي كتفه ، أنا بحسد روعه علي حبكم ليها .
مروان ... روعه جدعه اوي وصحبه وفيه لو قلتلك أنها كاتم اسررنا كلنا ودائما بنلجأ ليها في كل مشاكلنا من صغرنا بنعتمد عليها في كل حاجه حتي هدومنا هي ال مختراها عارف محدش فينا هينام من فرحته أنها بيته هنا وهتعرف ليه دلوقتي وانت بقيت اخ لينا من وقت روعه ما حبتك واتعلقت بيك استأذن مروان وخرج من الغرفه ابدل ملابسه وامسك صورة روعه وحضانها ضحك علي نفسه اخرتك يا نادر بتحضن صورة اعمل ايه فيكي وفي ابوكي يا روعه
بس هقول ايه ماهو بلبل معزور. ال يعرفك يتعلق بيكي انتي بقيتي الهواء ال بتنفسه .
-----
روعه نائمه في اوضه نبيل ودودو نبيل فرحان اوي أنها نائمه في حضنه ظل فترة طويلة يملس علي شعرها وقبل جبينها .
دودو .. ابتسمت ليه ضرتي نايمه جنبي وعلي سريري
وناسيني أنا خالص .
نبيل .. يشير لها ويهمس اش اش خليها نايمه
انتي عارفه لو صحيت من النوم استحاله تنام تاني
دودو .. اخرج يعني برة الاوضه ولا اعمل ايه بقي بزمتك ده اسمه كلام ، منيمها هنا جنبك بعيد عن جوزها .
نبيل ... وبنفس الهمس وفيها ايه ماهي بتنام جنبه بقالها شهر ونص وحشني نومها بحضني لو عليا
هنيمها سنه هنا جنبي ومش هتحرك من جنبها .
دودو ... وافقت علي جوزها ليه من الاول ،مادامك ندمان كده.
نبيل ... غلطه وندمت عليها ، مكنتش عارف هتعب اوي كده ببعدها عني بموت كل ليله وانا بدخل اوضتها وهي مش موجوده فيها ببق عاوز اروح
ليها اجبها من عند نادر غصب عنه وعنها .
دودو... حبيبي ربنا ما يحرمنا منك بس لازم تتعود علي كده دي سنه الحياة وكل البنات كده .
زي جدتي الله يرحمها ما كانت بتقول البنات طيبه وحنيه وغالوتهم معديه بس ياخسارة مربطهم خالي .
نبيل ماهو كله منك جبتلي خمس ولاد وبنت وحدة وانا كنت هموت علي اخت ليها وانتي ال رفضتي كان فيها ايه لو جبنلها اخت مش كنت أنا ارتح شويه من تعب القلب ده .
دودو .. حرام عليك يابلبل بقي بعد سته فوق روس بعض كنت شبه الارنبه كل سنه بعيل وتعبت من الحمل والرضاعه دول ال يشفهم يقول عليهم تؤام .
ظلوا يتحدثون حتي نامت دودو من الارهاق طول اليوم ومناهدتها مع نبيل .
نبيل ظل مستيقظ فترة وبعدها نام .
روعه .. فتحت عيونها برويه واتاكدت من نوم نبيل
ودود. قبلتهم الاتنين وبشويش نزلت من علي السرير من جانب دودو خوفا من شعور نبيل بنزولها .
خرجت روعه اخيرا من اوضه نبيل وهي تمشي بهدوء حتي لا يسمع .
اخيرا ابتعدت عن الاوضه واتجهت الي اوضة نومها وجدت نادر نايم وحاضن صورتها ضحكت علي حالته
واقتربت منه انحنت تاخد الصورة من علي صدره ملست علي شعره انا عارفه أن بلبل مزودها معاك
بس غصب عني وعنه .
فجاءة نادر مسك أيدها وفتح عينه .
ابتسم بفرحه وسعادة كنت هموت وانتي بعيده عني .
روعه .. بعد الشر عنك ، أنا عارفه انك مش هتعرف تنام في مكان جديد عليك .
نادر .. أنا معتش بعرف انام وانتي بعيدة عني ، قربك هو الراحه ال بحس بيها .
نادر ابتعد عن مكان نومه وجزب روعه تنام جواره يضمها اليه ويتنفس عبيرها قبل جبنها .
نادر ... حبيبتي هو ما ينفعش نروح بتنا .
روعه ... كلها كام ساعه والنهار يطلع نطمن علي عمدة
ونروح علي بتنا .
نادر... عمدة كويس الحمد الله نبق نيجي وقت تاني
نطمن عليه اصل انا الفترة ال جايه ممكن اتنقل أي وقت وبصراحه لسه نفسي اكمل الرهان ملحقناش نكمله وبلبل اتصل وبصراحه اكتر مش جايلي نوم هنا خالص.
روعه ... ابتسمت علي كلامه وبعدت عيونها عنه بخجل ،وهي تتذكر ما كانت تلبسه واندمجها بالرقص
نهضت من علي السرير واعدلت ملابسها مسكت إيده
تعالي معايا هسهرك سهرة مش هتنساها طول العمر.
خرجت روعه من غرفتها ممسكه يد نادر وفتحت باب المنزل .
نادر سعد فور خروجهم من المنزل لكن خاب ظنه بعد ما صعدت روعه للدور العلوي .
روعه ابتسمت بفرحه كنت هزعل اوي لو كنت جيت وملقتكمش هنا .
نادر بصدمه هي دي السهرة .
مروان .. واحنا نقدر يا كبير ننام قبل الاحتفال بيكي
وبنادر .
معاذ ... أنا من فرحتي سبت اختراع مهم عشان احتفال بيكي انتي ونادر .
جلست روعه بين اخواتها أشارت لنادر أن يجلس جوارها .
نادر .. ابتسم لها بعد تذكرة كلمات مروان له ، جلس جوارها .
معتز .. وسع وسع احلا طقم شاي من المهندس معتز .
مراد ... وادي طقم سندوتشات عمايل ايديا .
مازن .. وكل المسليات والشبس المخصوص ال روعه بتحبه .
روعه ... القاعده دي ناقصها عمدة ، هيزعل اوي لو عرف بسهرتنا من غيرة .
معاذ .. متقلقيش طول ما سهي جنبه مش هيفكر فينا .
ظلوا يتحدثون ويحكون عن طفولة روعه ومقالبها فيهم ويطعهموها بأيديهم .
نادر يحدث نفسه ليكي حق يا روعه تقولي سهرة هتفتكرها طول العمر حبك انتي وأخواتك بحسدكم عليه متعرفيش أنا بندم قد ايه علي بعدي عن اخواتي ، أنا من دلوقتي قررت اعمل عيله حلوة زي دي ،ان شاء الله ربنا لو رزقنا بأولاد هربيهم زي بلبل ما رباكي انتي وأخواتك.
اندمج نادر بالحديث معاهم وتقرب منهم ، حبهم وحب اهتمامهم باختهم وبداخله قرر يغير معاملته لأخته نيرة ، دعا ربه أن يرزقه ببنت تكون قريبه ليه وعلاقته بيها زي نبيل وروعه.
كالعادة بعد السهر نامت روعه واخواتها بنفس مكانهم الفرق المرة ديه نادر معاهم ضممها ليه .
--------
نبيل احس بخروج روعه من الاوضه فتح عيونه فور غلقها الباب خلفها ،قام من علي السرير يتسحب ببطء حتي لا تحس بيه دودو اقترب من الباب فتحه بشويش حتي لا يصدر صوت .
خرج رأسه ينظر ماذا تفعل روعه ، عندما وجدها تدخل غرفتها ،تاكد أنها كانت مستيقظه وعرفت بنوم نادر بغرفتها .
نبيل ... بقي تسبيني يا روعه وتروحي لنادر بتنصريه عليا .
هز رأسه هو أيه ال أنا بقوله ده ،شكلي زي دودو ما بتقول أنا مزودها ، اغلق الباب والتف .
وجد دودو تضع يدها أسفل راسها وتضحك عليه وتشير له علي السرير ،
نبيل ... شمتانه فيه أنا حاسس بيكي .
دودو ضحكت بصوت عالي علي كلامه وحركات وجهه وشردت قليلا تنظر للذي بيدها بكرة هتاكد اول ما روعه تقوم من نومها ، ولو ال في بالي صح
الله يكون في عونك يا نادر من ال جاي وال بلبل هيعمله فيك
انتظروا الحلقة الخاصة القادمة
