رواية اسود توب الفرح الفصل الرابع بقلم خالد أسامه
اكيد اصير عندج دوخه لان ماماكله شي من الغده مال البارحه صار عندج هسه هبوط بالضغط
حروح اسويلج ريوك واجيبه الج
لا لا اني اجي للمطبخ احسن خلي اتحرك لان تعبت من الفراش
ع راحتج
لعد اطلع اني احضر وانتي تعاي وراي
الام ..صباح النور حبيبتي هااا شلون صارت بان
ماما احسن وان شالله تتحسن بعد بس راح اسويلها حليب هسه وبيضه نص استاو حتى تاكله وتاخذ علاج
اي امي سوي كلشي يعجبج خليها تاكل لتعوفيا بدون اكل ل
تروح توكع ابمرض لا سامح الله تره الصخونه حيل تخوف
النوب هذا جونه المليان مكروبات مايصدك يلكه جسم تعبان كبل يلزك بي ويمرضه والحمدلله
انتهاء ..اكلج عمه اليوم العصر عندي موعد ويه الدكتوره
عود نروحلها ساعه ٣ العصر مو تنسين
الام..لاان شالله نروح وتبشرنه خير
انتهاء ..امين عمه والله همي كله اسعاد منتصر
الام ..الله كريم حبيبتي اتكلي ع الله وان شالله تنولين امرادج
بان ..صح صار يومين ع جيه بيت عمي بس مجاي اكدر انسه تصرف خالد ويايه احس نفسي بعدني عايشه بهذا الكابوس ومدا اكدر اصحه منه كل شويه اذكر شلون تقربلي وشلون ضمني الصدره بذراعه وشلون راد يبوسني كمت اخاف اغمض عيوني لان كبل يصير الموقف كبالي كمت ابجي ع حالي اريد اصحه من هالكابوس وعيش يومي طبيعي
مهيمن ..صرت مدمن بالتفكير بهاي البنيه اخذت كل فكري وعقلي ويمكن حتى كلبي اخذته صرت كل شويه صاعد السطح ادعي بالك اشوفها مره ثانيا يمكن صرت مجنون بيها ههههه😁😁😁 حتى اسرح بالخيال وياها اوووف ياربي ارجع اجمعني بيها من جديد
المشكله ماعرف هي طالبه لو ربه بيت بس كون تطلع طالبه حتى اكدر اشوفها يوميه من تروح ومن ترجع من المدرسه صرت انتظر السبت يخلص ابساع حتى اشوفها الاحد
اداوم لو لا
رغد ..كضه النهار واجه خالد اتغده يمنه لان جانوا طالعين هوه منتصر وسأل ع بان
جاوبته اني
بان تغدت كبلنه وراحت تقره لان باجر عدها امتحان ويادوب تلحك عليه
خالد ..متكلني شكاتلات ارواحجن عالدراسه هي شنو مهنه المره غير بيتها وزوجها وطفالها
رايحات ميتات عالدراسه واول وتالي كاعدات ومجبوبات بالبيت
رغد ..اي متكول هذا الكلام الخواتك ليش عايفيهم بالمدارس يدرسن
منو كلج اخليهن يكملن بس ياخذن شهاده المتوسطه اكعدهن كبل
ماعدنه مره تكمل دراسه
اي مو احنه ابزمن الجاهليه وانت هذا تفكيرك البدائي
الحمدلله انت مو اخويه
اي اكيد الحمدلله بنت عمي لجان شلون ازوج اختج
اسكت شحدك توصل الها شنو تايهه هي لو ماعدها اخوه لو ماعدهم لكمه وراح يشمروها عليك
هاي كطنه وطلعها من اذنك خالد
والله 😠 وطلعلج اللسان يارغده ومحتاج كصه
كافي خالد تره زودتها لتنسه انت كاعد ابيتنه
اي بله شسوين يعني شوفيني عضلاتج لو اللسانج الطويل
شوف تره الانسان هو اليجيب الاهانه النفسه وهو اليجيب الاحترام النفسه
رغد ..من رديت خالد بهالكلام بعد ما كدر يردني بحجايه ابد
طلعت من الاستقبال وجان يدخل منتصر
الله بالخير ابن عمي
عفتهم ودخلت غرفتي شفت بان هم نايمه وهم رجعت صخنت كتلها الباجر لداومين خلي امي تاخذج للمستشفى احسن شي
لان شو بالنهار صحتج زينه وبالليل تنكسين
احسن شي سوي فحوصات للاطمئنان خاف اكو جرثومه او شي يطلع عندج
عالاقل نتلاحكله
رغد ..صبحت الصبح بدلت وتريكت وكتلها الماما تاخذ بان اسويلها تحاليل لان حالتها مو زينه
وطلعت بالطريق امشيت وحدي ضايجه لان بان مو ويايه اني تعودت عليها نضحك نسولف
اريد اعبر الشارع وسمعت صوت
اوكفي اوكفي يبنيه
التفتت شفت شاب
تقرب عليه بالبدايه ماعرفته
بعدين اذكرت هذا نفس الولد الشفته بالسطح
عفته وركضت اعبر وبساع دخلت للمدرسه
وبعد حتى منداريت ورايه
من دخلت درت راسي اشوفه موجود او لا
بس شنو جسمي كله يرجف
بله هذا شيريد لاحكني للمدرسه خرب ليروح يشوفه واحد من اخوتي والنوب يبطلوني هذا شلون ما اخلي يلحكني
اكيد يريد يأذيني لان اول البارحه غلطت عليه هواي وجاي اليوم يرد عليه بالغلط شلون ياربي ساعدتي اوووف هاي وين جانتلي بله
اخذت الوكت كله افكر ليش الولد لحكني للمدرسه وشرايد ابد منتبهت ع الحصص
وصار موعد طلوعنه من المدرسه اني يوميه ارجع ويه بان واليوم هي مجازه يعني لازم ارجع وحدي
وكفت يم باب المدرسه اتلفت يمنه يسره اريد اشوف الولد واكف لو ماشي
باوعت ماكو احد طلعت وبديت امشي بس يدي ع كلبي ليروح يطلعلي في اي وكت
امشي ودعي بداخل كلبي ما اشوفه
شهلاء .جنت راجعه للبيت وصارت رغد كدامي حاولت الحك بيها بس مكدرت لان هي شو تمشي سريع حيل عبالك احد يركض وراها عفتها ع راحتها وظليت امشيبالطريق
وقبل لا اوصل ع محل ابو الكعك شفته يتلفت ويباوع
خطيه يريد يلمح بان ميدري هي اليوم غايبه اليشوفه يكول طفل ومضيع امه بالهوسه
ابتسمت لان شفت لهفته وعيونه الدور ع صديقتي الغاليه
وجتي عيوني ع رغد وشفتها تحجي ويه واحد بس حسيتها تحجي بخوف وهي تمشي بشكل ركضه وهوه يتبعها
ركضت ع رغد حتى اكون يمها او قريبه منها تقريبا وصلت الها وصحت عليها
رغد اوكفي
رغد
وكفت وندارت عليه وجان تحضني حيل خطيه وكامت تبجي
شهلاء ..هاي شبيج يمعوده خوفتيني
وانت شكو لاحكها شرايد من البنيه متحجي شو سكتت لو بس تحب تخوف بنات العالم
مهيمن ..لا لا اني جيت بس اعتذر منها ع يوم الجمعه مجان قصدي شي والله
شهلاء ..اي اعتذرت وكافي بعد لتلحكها شوف اسويت بيها انت خليتها تبجي يله امشي منا
اسامه ..شفت اخت بان في حاله مرتبكه وتركض ردت اروح عليها بس شفت بنيه وصلت يمها وحضنتها
وبعدين حجت ويه ولد
حاولت اتقرب بس الزمت حالي خاف يطلع اخ اوحبيب او صديق او كرايب وتفشل اني وخلي البنيه في موقف
بس كلت في نفسي اذا صار شي لا ما اسكت ودخل والحمدلله مصار شي
شويه والولد مشه منهم
شهلاء..يله رغد مشه الولد خلي نكمل طريقنه
رغد ..اي
شهلاء ..منو هذا
رغد ..ما اعرفه حتى ماعرف ع شنو جاي
شهلاء ..هااااا اوك امشي يله
رغد ..وصلت للبيت وكلبي وجسمي مثل سعفه
يرجف دخلت للغرفه لكيت بان ماكو طالعه بدلت وغسلت وتمددت بالفراش
بان..اشو رغد مجتي مو فاتت تبدل شو تاخرت حيل حروح اشوفها
دخلت الغرفتنه شفتها نايمه
رغد شو نايمه غير تتغدين
لا ماريد مو جوعانه بس عوفيني انام حتى من اصحه ادرس الامتحان
اوك
طلعت وطفيت الضوه وسديت الباب ورجعت للمطبخ كتلها الماما رغد نامت مو جوعانه
حسن رجع من دوامه وهم كعد ياكل ويانه
بابا ..اليوم بنو زينه مو باباتي
اي بابا الحمدلله فكتني الصخونه وهسه اني احسن
تغدينه وصبيت جاي لجميع وكمت غسلت الماعين بدل انتهاء
وبعدها دخلت غرفتي وطلعت كتبي وحضرت واجباتي وبديت اقره الامتحان تحضير الباجر
رغد ..صحيت المغرب ع صوت الكراكيع والمطر كمت فتحت الشباك اشم ريحه المطر لان حيل احبها جريت نفس عميق حيل وشكرت ربي ع هالنعمه الفضيله الي انعمها علينه
رجعت عالجربايه شلون صرتي بان
الحمدلله احسن اليوم
وان شالله باجر اداوم
رغد ..ان شالله حبيبتي ..خلي اكوم اكلي لكمه حتى ارجع ادرس
كمت رحت للمطبخ شفت امي وانتهاء جاي يحضرون للعشه
شلونكم ياجماعه
هلا رغده
شلونج انتهاء
الحمدلله
هااا اليوم رحتي لدكتوره
اي والله تكلي زينه ونطتني منشطات والله كريم
الله كريم
لتيأسين رحمه الله جبيره انتهاء
ان شالله
شنو اسوون
الام ..جاي نحمس لحم حتى انسوي جلفراي
ماما اريد شويه لحم اخلي بالصمونه لان جوعانه
الام..اي جيبي اخليلج
واكلت الفه كلها وشربت استكان جاي وكتلهم راح اروح ادرس لان عندي واجبات هواي
دخلت وظليت اقره وكل شويه اذكر الولد وموقف شهلاء شلون لازم اكللها متحجي شي البان
كملت دراسه شفت الساعه ١٢ بالليل طبكت الكتب وحجيت ويه بان شويه وبعدها غفينه ورحنه في سابع نومه
اكلج بان
هاا رغد
هوه خالد تقربلج لزمج .....؟
شحده غير اكسر يده اصلا بس شويه تقرب عليه دفعته من صدره بكل قوتي وركضت ولو متماده وياي والله اعيط ولم عليه اخوتي وابويه واليصير خل يصير خوما اخسر سمعتي ابسببه حتى ولو كان ابن عمي
اهم شي هو شرفي وسمعتي وكرامتي
رغد ..اي عفيه عليج بنو ابد لتنطين مجال الواحد مهما تكن مكانته
اني اختج يارغد وعند عيناج
والنعم منج يا اختي الغاليه
وبعدها نمنه
صحينه الصبح تحظرنه لدوام وطلعنه اني واختي وبدينه نمشي بالطريق وبدت علامات مطر تنزل
رغد ..بان ابساع خلي نمشي خاف تمطر بينه واحنه بالشارع
بان .اي امشينه ..فتنه من محل الكعك جان معزل بعده مفاتح نقهرت لان مشفت الوسيم
طبعا اني لان ما اعرف اسمه سميته الوسيم ع وسامته وشكله الحلو
وحيل ضجت من شفتهم بعد ما مفتحين ركضنه للمدرسه لان المطر زاد بالنزول
دخلنه للصف شفت شهلاء حضنتني وتحمدتلي عالسلامه
وكعدنه ندفه وحده قرب الثانيه لان الجو بارد ومغيم بحيث يساعدك عالنعاس والنوم واحنه عدنا امتحان وتعال هاي شلون تحلها
امتحنه وصار الغش ابفلس لان صفنه بدون ضوه والدنيا مغيمه صار لون الصف ع ضلام يساعد عالغش ههههههه
وعده الوكت وباخر درس كانت المدرسه مجايه والصف كله هوسه يعني البنات ماخذات راحتهن حيل جتي مدرسه طلعتنه لساحه
اخذت اني وشهلاء مكان وكعدنه وظلينه نسولف
شهلاء ..اكلج شخبار الوسيم
بان ..ماعرف شي عنه واليوم معزلين
اي اني هم شفتهم معزلين
بان ليش متشترين موبايل
منو يخليج تلزمي غير اخوتي حقنه مايرضون ابد يكلج من تزوجين عود المحروس يشتريلج واحد
محد يرضه او يسمع النصيحه بان الموبايل ضروري صار في وكتنه هذا بالاخص وضع التفجير والخطف والله الستار
شهلاء ..اي والله يمعوده هسه مو هاي اني عندي اثنين اخوه محد اعترض منهم من بابا جابلي واحد
بان ..عيوني انتي اخوتج متفتحين خوما مثل اخوتي
شهلاء ..لا ان شالله يجيبون الج واحد
بان .ان شالله
بان ..بس انتي شذكرج اليوم عالموبايل
شهلاء ..مو من ما داومتي حبيت اسلم عليج ادزلج الواجبات واسئلج ع هذا الولد
بان ..ياولد ...قصدج الوسيم
شهلاء ..لا لا مو الوسيم
بان ..لعد منو
شهلاء ..البارحه واحد اتعرض الاختج بالطريق وهي كامت ترجف وبس تبجي وركضت عليها اني وطيحتلج حظه بالكاع وعافنه ومشه
ومن سألتها كالت ما اعرفه
بس هوه من حجه وياها عبالك يعرفها حتى كال اني اعتذر عن موقف يوم الجمعه ومشه
بان ..😳😳😳 كنت في حاله دهشه لان رغد ما حجتلي شي عن هذا الموضوع لا والنوب من يوم الجمعه صاير واليوم ثنين
هاي صدك تحجي بسيطه رغد متحجيلي شي واني كلشي احجي الج بس خل ارجع واني اعلمج
دك الجرس للبيت طلعنه شفت رغد سلمت عليها اني وشهلاء
رغد ..من شفت شهلاء لزمت كلبي بس لا هاي حاجيه البان وتعال ياعمي شيلنه
راح احاول انبهه شهلاء متحجي أأشر بيدي
هي ولا تفهم شي المهم مشينه واني حاسه هي مسولفه البان
بان ..امشي ويه رغد وشهلاء وابسمر الاختي عن اليضمون اسرارهم بس بكلوبهم
وبعدها ظليت ادعي اشوف الوسيم وصلنه تقريب للمحل وهم لكيته معزل حيل ضجت صار هواي مشايفته واني تعودت يوميه اشوفه بس صار ٤ ايام ماشايفته احس الدنيا ظلمه بعيوني
ومن حجتلي شهلاء عنه شلون البارحه يدور بالوجوه عن وجهي ويريد يشوفني
زاد حبي وشوقي اله لو بيدي هسه اول ما اشوفه احضنه اللللللللله ياريت
رجعنه للبيت دخلنه غيرنه وتغدينه ورحنه للغرفه سويت نفسي ماعرف شي وبديت اسئل بحجه اكو حدث البارحه صاير بس ماعرف ويامن
رغد ..اي حدث او وين صار
يكلون بالطريق ولد معترض لبنيه
رغد .غصيت 😞 خرب شرفج شهلاء مضمين سالفه بحلكج
بسيطه اعلمج الباجر
