رواية الضابط والمخطوفة الفصل الخامس بقلم مجهول
مرام :.من گال اتشوفين مني شي عمرج مشايفته ..حجيت بيني وبين نفسي ......
انته الي راح اتشوف مني شي عمرك مشايفك وراح اكرهك باليوم الي عرفتني بيه
مرام :.بعد ماخلصت الخطوبه ........ رجعت حياتي مثل لاول رجعت المدرستي اداوم وصديقاتي يسالني ليش ماجنت اداوم
صبأ:.لج مرام ليش متداومين فاتنج هواي ادروس ومتحانات وين غايبه
مرام :.لج شحجيلج حته احجي ..... سولفتلها كل الي صار اوياي وكل العذاب الي شفته
صبأ:.ولج كل هذه صاير واني اخر من يعلم .
مرام :.هذه الي صار ...
صبأ:.لعد وليث !؟
مرام :.اني شنو الي موتني غير حبي اليث
صبأ:.زين هوه يولا
مرام :.لا بعده ميعرف ... لان هوه مسافر من يرجع احاجيه
زهراء :.انتي اشتحجين ليث مايحبج ليث يلعب على البنات وياخذ الي ايريده منهن ويعوفهن
مرام :.احترمي نفسج مااسمحلج تحجين على ليث ....ابن عمتي واعرفه وبعدين اني احبه وهوه هم ايحبني
زهراء:.على راحتج بس صدگيني مايحبج ويلعب عليج وراح تتندمين على حبج اله
مرام :.مااهتميت الحجي زهراء .
مرت لايام ابسرعه وصار يوم الحنه
جنه:.مرام ....مرام گومي گافي نوم يله
مرام :.همم ..... بس اشوي
جنه :.گافي كسل گومي يله صار الظهر وانتي مگاعده اشوكت اتلحگين لج اليوم الحنه وانتي لساعه ١٠ نايمه گومي ...
مرام :.فتحت عيوني......... من گالت اليوم الحنه احس شي كفخني وصحاني ...... گعدت لگيت محضرتلي فستان لون احمر .
صحت بيها ..... جنه ..... جنه. وينج
جنه :.اجيت رگض هاااا سمعت اتصيحيلي خيررر
مرام :.شنو هذه ؟؟ واشرت على الفستان
جنه :.فستان شنو
مرام :.اعرف فستان مو ثوله
اني ماالبس الوان ليش مطلعه لون احمر ؟
جنه :.مرام صح اني اختج الصغيره بس هم من حقي اشوفج فرحانه اعرف لابسه اسود على امي لله يرحمها بس يامرام الحزن باگلب والسود عمره مارجع المات ..
مرام :.انتي على اي فرح تحجين اني اكرها ومااريد اشوفه وانتي اتگليلي فرح
جنه:.ميخالف حبيبتي تتعودين عليه وتحبيه مع الايام .....وهسه گومي جهزي نفسج تره الكل اجه ويسال عليج اكو عروس اتنام الهيج وقت گومي ابسرعه وبعدين ابوي يسال عنج
مرام :.على شنو يسال عني مو هذه الي راده وراح ايصير
جنه :.مرام كافي حجي وگومي ابسرعه جهزي نفسج وتعالي
روكان :.صار يوم الحنه وسوينه حفله بينه الشباب صح اتونسنه لان ملتمين عمامي واهلي واصدقائي.....
لام :.يمه الف مبروك وان شالله ربي ايهنيكم ويجعلها زواجه الدهر واشوف جهالك ....
يمه هسه لازم انروح لاهل مرام حته انخليلها الحنه .
روكان :.لا يمه عذريني مااگدر اروح
لام:.لا لازم انروح عيب من اهل البنيه
روكان :.رحنه البيت اهل مرام شفتها لابسه احمر وطالعه اتجنن كل مااصير قريب عليها احس شي غريب ابداخلي بس مااعرف شنو هذه الشي اصلا مااعرف غير مشاعر الكبرياء والغضب .اتجاهلت كل مشاعري وباوعتلها ابنظره تجاهل وغضب ....+
مرام :.لبست الفستان الاحمر ورفعت شعري اشوي كلش طلعت حلوه وخليت كحل لان عيوني رصاصي يبرزهن صارت الحفله والكل فرحان اشوي وگالو راح يجي روكان ..
اشوي ودخل هوه وامه وخواته احس خواته ماطايقاتني غير ازل كلش حبابه وكلش جانت فرحانه
اول مادخل باوعلي ابنظره خبث وكره وغضب ... ماهتميت لان اني هم اكرها ومااريد اشوفه اصلا
خلالي الحنه وبقو اشوي وراحو .....
بعد ماخلصت الحفله والكل راح دخلت الغرفتي گعدت بس ابجي عبالك طفل ايريد امه واحجي ويه روحي يمه وينج ولله محتاجتلج يمه ..... مشتاقتلج .....وينج تعالي اريدج وياي ليش عفتيني ابهيج يوم .... جنت محتفظه ابشال منها طلعته وگمت ابجي عليه الحد ماغفيت ..... گعدت على صوت صبأ وجنه ....
مرام..... مرام .... لج گعدي كافي اشگد اتنامين لج گومي خل انروح لصالون
مرام :.گعدت لگيت هذه ايعيطن گعدي ماگعدي ....... عوفني كافي حجي على راسي
صبأ:.روكان اجه گومي ....
مرام :.من گالت روكان فزيت جني مرعوبه وينه .... شيريد مني ..
صبأ:.ههههههههه . وتگول اكرها دگومي گومي غسلي خل انروح
مرام :.هاااا يعني روكان ماجاي
جنه :.عوفيها يعمري مرومه تشاقه اوياج خل اتولي
مرام :.هف ارتاحيت من گالت جذب ماجاي روكان ..
گمت سبحت ورحنه اني وصبأ وجنه لصالون ........ كلش طلعت حلوه
صبأ:.لج اشطالعه اتخبلي ربي يحميج يعمري
جنه :.فديت اختي طالعه اتخبل .
مرام :.دكافي عاد هوه اني ميته من البدله مختنگه منها وهنه ايگولن اتخبلين
صبأ:.خاب بدليني .... تردين اصير ابمكانج والبسها
مرام :.ضربتها على جتفها .... متجوزين انتي
خلصنه من الصالون ورجعنه للبيت ......
