رواية فصلية بديلة الفصل الخامس بقلم ام ملكوت
شهم_
سحبني ابوي من عنده كوه وطلعني بره وانه عيوني عليه واحس الدنيا سودت بعيني هانت الدنيا بعد وعليهه العفى ..
طلعت كعدت بصاله الانتضار واني بالي يم اهل البيت اتوسل بيهم يوكفون وياي بمحنتي ومصيبتي على وليدي بقيت كاعد انتضر خروج وليدي واني مخلي بالي مصيبه الحسين عليه السلام
يوم الطف حتى تهون علي مصيبتي بابني واني اردد "يارب صبرني يارب اشدد عزيمه قلبي" ..
شويه وطلعوا مرتضى بالسديه وركبو بسياره الاسعاف واخذناه للمغيسل وغسلناه بس بقت عين من عيونه مفتوحه متانيه تشوف احد تعرفه
رغم كلهه جانت موجوده وشافهم بس بقت مفتوحه ماعرف على منو كال ابو المغيسل ان عينه منتضره تشوف شخص عزيز عليه بس ماعرفنه منو
5 ت
لان كلهه جانت موجوده خلصنه وطلعنه للنجف دفناه وودعناه وزرنه ورجعنه بنفس اليوم وصلنه لميسان بليل
دخلت الغرفتي واني مضيع دربي وروحي رحت بيدي دفنت قطعه من روحي وليدي رحت وياه ورجعت من دونه
تمددت على الجربايه وبدت ذكرياته تنهل علي من كل مكان شفت صورتنه اني وياه واخوه المعلكه بالغرفه وكمت ابجي بحركه واعاتب صورته..
_ليش ياوليدي عفتني ورحت بويه نومت التراب موش الك جانت المفروض الي ..
ليش التراب طم وجهك الجان يشرق علي الصبح مثل الشمس ولك بويه حركت قلبي عليك ومايعوض فقدانك شي بهالحياة بويه ..
بقيت على هل حال منا لغفيت وماحسيت بروحي بعد منا لكعدت على صوت امي..
الشيخه: يمه شهم اكعد تغده يمه دنيا ضهر
شهم: ها يمه كايم ..صباح الخير
الشيخه: صباح النور وليدي الساعه ب٣ الضهر هسه ياصباح..كوم تغده صارلك ٣ ايام ما ماكل شي غير المغذي
شهم: مالي نفس يمه عوفيني كاعد بحدي
الشيخه: يمه شهم مايصير تريد يصير بيك شي وتموتني قهر عليك
شهم: لا اسم الله عليج امي بس ماشتهي ومالي نفس والله اني من اجوع انزل اكل..
1 تع
الشيخه: براحتك وليدي بس تجوع انزل تغده..
............
#وره يومين
شهم_
كعدت الصبح واني حيلي ضايع بقيت صافن عل صوره و وسوس الشيطان براسي...
اليوم الا اخذ بثارك وليدي مثل مانطم وجه ابني بالتراب اليوم اطم وجهه الحرمني منك اليوم الحكه بيك الجان السبب بالحادث....
4 تع
خابرت على اخوتي وولد عمي واخذنه سلاحنه ورحنه استفسرنه على الحادث ومنو السواه لابني وين بيتهم
انطوني العنوان وبالضهريه رحنه كلمن طلع سلاحه وخرطنه بيتهم خرط ماجنت اهتم اذا جان اكو احد بالساحه او بالبيت اطفال نسوان زلم مايهمني جان بالي اخذ روحهم وادفنهم وره ابني .
.شويه ورجعنه ركبنه بالسياره وسمعت صريخ النسوان بيتهم واجه اخوي الصغير يركض..
ساجد: ولك خويه تصوبت بنيه من عدهم شنسوي هسه احنه اجينه نخوفهم ماجنه حاسبين حساب شخص بالساحه يطلع..
شهم: بس انه حاسب حساب ..لا تخاف ان توفت المره اكون اخذت ثار ابني وارتاحيت وان عاشت الي حساب ثاني وياهم ..
روح انت كلهم حدكم ٥ ايام اذا مانطونه ابنهم خلي يشيلون لان ماخلي بيتهم لا مره ولا طفل وكلهم السن بالسن والدم بالدم ..
ساجد_
رحت دخلت للبيت شفت بنيه شابه سابحه بدمهه بالارض والنسوان تراكضن للبيت شفت رجال شايب وولده ويا تهجمو علي رادو يضربوني بس الشايب منعهم ..وحجيت..
الشيخ:بصياح... ولكم يا ادبسزيه انه كتلكم روحو هجمو عل ناس هاا.. لو مصوبين منهم احد
ماجان صار الحق علينه وانت جبيرهم عبالي عاقل وفاهم بدال ماتمنع اخوك رايح هادود وياه ..
باقر: بويه بس اسمع
الشيخ: اشش ولا كلمه هسه كلمن يخلي سلاحه يمي وترحون لبيوتكم ماريد اسمع منكم شي فاهمين
تردون الناس تحجي علي من تالي عمر وتكول الشيخ يمنع الدم بين العشاير ومن صارت السالفه تخصه سواهه دموم ..
شهم: بويه ثار ابني اريد اخذه مايهمني اليحجي ولا يهمني احد
الشيخ: بصياح...ولك شهم ..ولك مايهمك احترام ابوك وكرامته كدام الناس ولك بعده ماولد من بطن امه الينزل احترامي وكرامتي وسمعتي بين الناس فاااهم..
الشيخ: خلاص انتهى النقاش ذبو اسلحتكم وكلمن لبيته وغرفته يله ..
راحو كلمن لغرفته والمتزوج راح البيته واني رحت جبت رقم ابو الولد السوه الحادث وخابرته..
......................
رشا_
من بعد ماسكت الرمي طلع ابوي وسمعنه صوته يصيح الحكوني ماتت البنيه الا شويه جان وكف قلبي
طلعنه كلنه نركض واشوف سماء مطروحه عالارض وسابحه بدمهه بقيت مصدومه مامصدكه الصار كبالي
5 ت
عبالك حلم مو حقيقه كلهه راحت تشيلهه وفجاتا دخل علينه ولد شاب بنص عمره دخلن النسوان
خلو وطلعو راحو للمستشفى واني ومريم بقينه وحده حاضنه الثانيه ونبجي وندعي مايصير بيهه شي..
_ ولج مريم شفته شلون ينبع الدم شفته بعيني مكان الاصابه صاير فتحه صغيره بس تخوف مريم
بس لا تموت سماء والله اموت وراهه مريم كولي مابيهه شي وراح ترجع وياهم مريم
مريم: بجي.
.اششش اهدي حبيبتي اهدي مابيهه شي بس تطيب ترجع وياهم مابيهه شي انشالله انتي بس ادعي ربي يكومهه بالسلامه..
رشا: انشالله راح ادعي راح ادعي رايحه اصلي ركعتين لوجه الله وادعيلهه..قصص ماي هوبس
مريم: يله كومي حبيبتي ..
راحت رشا تصلي وتدعي واحنه بقينه منتضرين احد يتصل علينه ويخبرنه عن حالهه
مرت ساعات وماكو خبر اخر شي كلنه لمرت اخوي تتصل على رائد وتساله عنهه وصدك خلت واتصلت عليه...
