رواية أحببت من لايبالي الفصل الخامس بقلم مجهول
زين
اول ما دخلت للبيت استقبلتني امي الي جانت تبجي رحت حضنتها حيل واشم عطرها احبها هواي واحسها المره الوحيده التستحق الحب والاحترام بهالوقت انوب حرجتني كامت تبوسني عبالك طفل اكلها يمه كافي متقبل تعوفني انوب رحت اسلم على اهل ابويه عماتي طاحلي بوس واني اقرف من واحد يبوسني تلعب نفسي انوب هذني لا بوسه ولا ثنين لزكن الف ياالله يا عافني وبناتهم يسلمن وضاربات ميانه عبالك صار سنين اعرفهم يا ربي يعني لازم وين مااروح اشوف هالنماذج كتلهم اريد اروح انام لحد يطبلي ولا احد يحاجيني صعدت لغرفتي الي كتلهم اريدها بمكان معزول احب المكان الاكعد بي يكون هادئ فتحتها وشفتها زينه لا باس بيها اول مادخلت نزعت ملابسي وسبحت وطلعت كبل نمت بطرك الشورت لان مااعرف انام واني لابس شي وين ياله كعدت كمت اريد جاي نزلت للمطبخ شفت نجمه كتلها
نجمه شجاي تسوين
نجمه : داسوي اكل لقصي تريد اسويلك شي
زين : اي اريد جاي
نجمه : اي هسه بس اودي الاكل لقصي
زين : هزيت راسي بمعنى اي ورحت للمرسم الي خليتهم يجهزو قبل لا اجي ونقلت كل لوحاتي واغراضي بي قبل جيتي بيومين من بديت ارسم تذكرت ناسي جكايري بالغرفه طلعت اجيبهن وارجع اخذتهن ورجعت وجان الكه وحده كصيره تفتر بالمرسم ضليت واكف اشوف منو هاي وشعدها هنا جان اشوفها شافت لوحتي العاريه الي رسمتها قبل فتره بدون ملامح بوضعيات ممكن يعتبرها البعض غير اخلاقيه بس اني اشوفها فن المهم خلت اديها على عيونها واجتي تطلع انضربت بيه كالت بسم الله ووخرت اديها شافتني خترعت بزايد كتلها منو انتي شو هاي صفنت احاجيها مترد بعدين اجتي نجمه كالت هاي بت عمتي ناديه حذرتها متدخل لغرفتي مره ثانيه وطلعت جابتلي نجمه الجاي وراحت واني هم بديت ارسم وبعدهاا رجعت نمت
____________
صباحا
كعدو بيت جهاد يستقبلون يومهم منهم كعد بابتسامه مثل مريم الي جانت فرحانه بجيه ابنها واكتمال تجمع عائلتها ومنهم الكعد متشائم مثل زين اكيد
براء : كعدنه اني ونجمه بدلنه اخذت منها دشداشه مارونيه بس شطولها تسحل لبست شالي ونزلنه شفنه خاله مريم دتحضر الريوك هي وشمس وجميله والولد طالعين همه وخالو للشغل اجيت اريد اساعدهم مقبلو فكعدت انتظرهم يخلصون من خلصو بدينه ننقل الاكل
اثناء مداخلي الاكل شفت هذا الي اسمه زين نزل لابس بجامه سوده وتيشيرت اسود حاضن متونه وكعد بدون ميكول حتى صباح الخير هذا شبي عافس وجهه اجو كعدو واني رحت كعدت بصف نجمه بدو ياكلون واني استحي اكل اكلت شويه وكمت
مريم : وين حبيبتي مااكلتي
براء : لا خاله شبعت
نجمه : واني هم شبعت تعالي اراويج البيت البارحه ما راويتج اياا
براء : اوك
رحنه نشوف البيت بيتهم يجنن متكون من تلث طوابق الطابق الارضي بي الصاله والاستقبال والمطبخ والمخزن والطابق الثاني بي غرفهم عددهم 8 غرف والمرسم مالت هذا المعقد والطابق الثالث احلى شي بالبيت صاله رياضه ومسبح ما شاء الله يعني البيت خرافي بمعنى الكلمه
انوب نزلنه نساعد خاله بالغده كالت حتسوي دولمه وسمج لان زين يحبها يبووو هم دولمه شلون بيه اني مااحبها اووف اجو خالو واولاده
زين
صارت الدنيا ظهر واجو ابويه والولد واني والولد رحنه كعدنه بالصاله وابويه راح يرتاح لبين ميكمل الغده نزلت هاي الاسمها براء راحت للمطبخ فكال قصي
قصي : لك شوفو خرب يومج على هالجسم مال م....
زين : هاي عليمن هالحجي
قصي : على هاي الطركاعه براء ولكم باوعو الجسم والبياض فوكاهاه لابسه ماروني اويلي
زين : بحده تادب واحترم نفسك متستحي تحجي هيج جم مره كايلك بطل تباوع على اعراض العالم باجر عكبه يباوعون على عرضك
قصي : هاي شبيك هسه شكلت اني
زين : سؤال تقبل واحد يحجي على نجمه هيج
قصي : اكيد لا
زين : جاا اكل تبن ولتحجي باعراض العالم
قصي : شوو خلي اكوم احسن اني صوجي كعدت يم واحد عقده مثلك
راح قصي وطلعت براء ويه نجمه باوعلها زين من فوك ليجوه وانتبه على ملابسها وكال بكلبه
زين : حقه يباوع اذا هي لابسه ملابس تريد تطك عليها والله ولا يستحن هالبنات اخجل على روحي شويه والبس شي مستور لو ميكدرن اله يعرضن برواحهن
_________
براء
شفت زين يباوعلي صفح ومبين عصبي شبي هذا شمسويتله اني خاف بعده ضايج لان دخلت للمرسم مالته البارحه اروح اعتذر منه لو اكعد واسكت لا لا خلي اكعد لا يروح يرزلني مثل البارحه
صبت خاله الغده واجو كلهم تجمعو وكعدو رحت ما ردت اكعد يمهم بس نجمه الحقيره صاحتلي كدامهم رحت كعدت يمها انطتني ماعون دولمه وقربت السمجه يمي كال خالو
جهاد : شلونج بروئه حبيبتي انشالله متونسه
براء : الحمدلله خالو اي متونسه
سجاد : انتي هيج هادئه ببيتكم لو بس هنا
براء : انتبهت على زين باوعلي وابتسم بستهزاء شيقصد بهالحركه
نجمه : لا عيني هي هيج
سجاد : شوفي اني مستعد اقبل نصير اصدقاء بس عندي شروط
براء : ابتسمت على طريقته بالكلام كولش لطيف وبسرعه يخليك تاخذ عليه مو مثل اخو العقده والثاني الملعب
سجاد : تحبين الاكل
براء : اي اكيد
سجاد : زين شنو اكلتج المفضله
براء : البرياني
سجاد : خوش زين سؤال اخير تعرفين اطبخين
براء : اي شو هذا كام كعد يمي وكال ممكن نكون اصدقاء ضحكت وكتله ميخالف فكام انطاني دولمايه وحده وكال هذا عربون صداقتنه ياالهي هذا الولد شكد لطيف كتله شكرا
لؤي : يامحضوضه طبعا المفروض تحمدين ربج وتشكري لان سجاد ميطي من اكله لاحد لو يموت
سجاد : اسكت اسكت وهسه شراح تنطيني عربون صداقه
براء : اممممم شنو رائيك اسويلك كيكه كعربون صداقه
سجاد : عيونه كامن يلمعن قسم بالله احسن صديقه بالعالم انتي
براء : هههههه
لؤي : زين شنو هواياتج
براء : القراءه والطبخ
قصي : زين شنو اكثر ماده تحبيها
براء : القراءه والطبخ
قصي : زين شنو اكثر ماده تحبيها
براء : باستغراب الكيمياء
حسن : اي نوع من الاغاني تحبين
براء : الهادئه بس ليش كل هالاسئله
جميله : احب ابلغج انتي انضميتي لكروبنه
براء : شنو ؟
شمس : احنه مسوين كروب دائما نطلع ونجمع سوه نسوي حفلات ونلعب سوه واذا احد عنده مشكله نحاول نحلها اله وكذا يعني
براء : مدري ليش سالت هالسؤال منو بهالكروب
نجمه : لؤي وقصي وحسن وسجاد واني وجميله وشمس وزين وهسه انتي صرتي ويانه هم كولي مااقبل
براء : ابتسمت اكيد اقبل حبيت لمتهم ووسوالفهم اول مره احس نفسي كاعده بوسط عائله من صدوك احنه ابيتنه دائما كل واحد كاعد بمكان منجمع وحتى اذا كعدنه على الاكل منسولف ونتناقش كملو غده وشلنه المواعين وغسلناها كالت نجمه سوو جاي خلي ناخذه للحديقه اهلي هناك كلت
براء : اكولج نجمه اخوانج مو هستوهم اجو غير يروحون ينامون شو كاعدين
نجمه : يحظي همه كل واحد كاعد بمكتبه وتجي الاوراق جاهزه بس يوقع عليها واذا اكو شغل يجمعون يتناقشون بي يعني شغلهم مو متعب بس زين خطيه شغله كله تعب واعصاب
براء : ليش هو شيشتغل
نجمه : دكتور جراح
براء : هاا اكول ليش متعقد اكيد من وره الدم الي يشوفه كل يوم (بكلبها)
نجمه : اي يله تعاي
رحنه كعدنه بالحديقه افيش حديقتهم تجنن مليانه ورورد وشجر اشكال حتى احلى من حديقتي رحنه كعدنه اني ونجمه على نفس القنفه واجتي طفله تخبل شعرها اسود وطويل وعيونها زرق تمشي مثل البطريق من السمن ههه فدوه مال كرط راحت ركض على زين الي اخذها بحضنه وباسها وهي هم فد وحده شبكته وتبوس بي كلها
زين : هاا ياملعونه شلونج مشتاقتلج يكولون صايره وكحه
مريومه : جدابين ناني هبابه وهمه بس يسيحون
زين : هههه
براء : شفته يلعب مريم بت حسن ويضحك وياها ماااعرف ليش من سمعت صوت ضحكته كزبر جسمي وهو انتبهلي اباوعله نزلت راسي عززه شكد عيب هسه شيكول عليه الله يطيح حضج يا براء صحيت على صوت سجاد يكول
سجاد : براء شوكت تسويلي كيكه
براء : اذا موجوده المواد هسه اكوم اسويها معندي مانع
سجاد : حتى اذا ماكو موادها اني اروح اجيبها صدك جذب تحجين انتي أمري
قصي : طبعا كلشي يونس كرشك تروحله ركض
سجاد : ها ها ها مضحك
جهاد : سكتو سكتو الوو هاا هلا بيك ابو محمد تفضل لا ليش خليها عدنه والله مونستنه شنو السالفه مصارلها حتى يوم واحد لالا اخويه ماله داعي تزحم نفسك ماشي الله وياك
مريم : خير شيريد ابو محمد
جهاد : يكول جيبو براء وتعالو اليوم عازمكم على العشه حرجني يعني مالها داعي هالرسميات
براء : بالعكس خالو اصلا كولش نكيف بيكم والله
مريم : حبيبتي فدوه لكلبج
براء : ابتسمتلها
جهاد : جاا يله اروح انام شويه وكعدوني العصر حتى نطلع
الولد : حتى احنه راح نروح انام
حسن : يله بابا مريومه نروح انام شويه
مريومه : ما اليد ابكه يم امو دين
زين : عوفها تنام يمي وباسها بركبتها
براء : استغفر الله هاي شبيه اني الرجال باس بت اخو اني شعليه يرجف جسمي يربي شيجيب العصر وارجع لبيتنه لان الواضح انضرب عقلي من اجيت لهنا سامحني اللهي
ضليت اشيل ستكانات الجاي ويه نجمه وعزلنه المطبخ وكعدنه نسولف لبين ميصير العصر صارت الساعه بالاربعه كعد خالو وكال يله بدلو خلي نطلع
زين ماقبل يروح خالو كله عيب الرجال عازمنه كلنه ميصير متروح يله مااريد اعتراض
رحنه اني ونجمه نبدل لبست ملابسي الاجيت بيهن ونجمه لبست جبه نيلي وشال ماروني نزلو الولد كلهم لابسين بناطير وقمصان ونزل زين الي عطره سبقه لابس قميص اسود وبنطرون اسود ياربي هذا شنو مشكلته ويه الاسود شو ميلبس غير هاللون خاف ما عنده ملابس لا لج ثوله هو دكتور يعني اكيد غني وعنده ملابس بس مبين يحب هاللون
طلعنه لبره صعدنه اني ونجمه وسجاد بسياره خالو جهاد ولؤي وحسن راحو سوه بسياره لؤي وقصي وزين حيجون سوه بسياره زين
وصلنه البيتنه فتح الباب بابا استقبلهم دخلنه اني والبنات شفت احذيه (تكرمون ) على الكيشوانيه دخلت للمطبخ شفت بنات عمامي هاله وصفا وحلا وبنين مرت حسين (لا هلا ولا مرحبا) انوب شفت شهد واسيل وروئ هله كملت السبحه دخلت سلمت وكلت لماما هذوله شعدهم هنا كالت ابوج عزمهم كال فشله يستقبلهم وحده خابر اخوانه حتى يجون اووف اجن سلمن علينه واستلمن البنات اكلنهن اكل بالسلام خرب يومجن شكد لوكيات اجتني هاله
هاله : هلو بروئه حب شلونج مشتاقتلج
براء : باستغراب هاي وياي
هاله: اي شلونج مشتاقتلج
براء : بابتسامه مصطنعه تشتاقلج العافيه
هاله : اكولج براء ممكن اطلب منج طلب
براء : تفضلي
هاله : روان كالت عندج مجموعه من الكتب بغرفتج عادي اشوفهن واستعار واحد اقرا وارجعه
براء : اي ميخالف
هاله : شكرا حبيبتي بس وين مكانهن
براء : بالكنتور الي على جهة اليسار
هاله : اوك صاعد اشوفهن
راحت براء تساعد امها متدري بلي راح يصيرها بسبب هاله
حضرنا الاكل وبدينه نفرش السفره الزلم وحد عن النسوان لان البيت ميكفي نكعد سوه هسه تكولون شلون تتقبلون بناتكم يكعدن ويه الغريب جوابي هو ببساطه عمامي سبورت الى درجه مااعدهم شي اسمه ميصير
كملنه عشه وهاله احسها تباوعلي بنظرات مااعرف شنو معناها رحت اصب جاي ووزعت على الكل وصلت لزين انطيته جاي اخذ بدون ميكلي حتى شكرا بس اريد اعرف ليش احسه يكرهني مع انو بس البارحه شافني كملت توزيع واجيت كعدت وره شويه اجتي هاله كالت كدام الكاعدين
مع انو بس البارحه شافني كملت توزيع واجيت كعدت وره شويه اجتي هاله كالت كدام الكاعدين
هاله : براء موبايلج يدوك
براء : لا هذا موبايلي شوفي المن هالموبايل
هاله : لا مبايلج لكيته بغرفتج يدوك
براء : مباشرة بابا باوعلي كلها جيبي
كلتله هاك عمو شوف المن حتى مابي رمز سال بابا كل الكاعدين هذا موبايلمن كلهم كالو مو النه
فتحه بابا وكام يكلب بي وعيونه صارت حمر من العصبيه وجان يجرني من ايدي
غيث : هاي مو صورتج احجي اميلج هذا الموبايل
براء : بخوف والله مو مالتي بابا
غيث : مو مالتج هاا حقيرره وصفكها راشدي كدام الكل
اجه جهال جرها من ايده وكال
جهاد : غيث شبيك ليش تضربها البنيه جاي تكلك مو الها
براء : بدموع خالو والله العضيم مو مالتي
غيث : مو مالتج مو ودخل على الرسائل شافها كله محادثات تخزي ميلبس عليها ثوب ويه ولد ايده كامت ترجف ورجع دخل على الستوديو وشاف صور لبراء بملابس البيت وبملابس نوم كام يدك على راسه ورح سحلها من جهاد ملخها تملخ يردون يجروها من ايده ميكدرون وهي تصيح وتنشغ وتكول والقران بابا اني ما ما دازه صوري لاحد ولا ل لا ماخذه صور بهيج لبس
غيث : لج ساقطه شحال لو ما شفت الصور بعيني لج والله اذبحج اليوم ومااخليلج اثر لو اعرف يحكموني اعدام كح.... ماجذبت اختج من كالت مثل الحيه تتختلين حتى تحصلين التردي
محمد : بابا صدوك تحجي انت براء مستحيل يطلع منها هيج شي شو جيب الموبايل
هذا الحجي كله براء ترجف من البجي والخوف وتحلف هي ما دازه صورها لأحد ولا مراسله رجال طول حياتها شافت محمد لزم الموبايل ودخل على جهات الاتصال لكه رقم واحد ودك على هالرقم وهي حست بامل لان واثقه الموبايل مو الها وبنفس الوقت اذا كال صاحب الرقم هو ميعرفها ممكن يصدك ابوها الموبايل مو الها دك محمد جان يرن موبايل حسين ابن عمها كلهم انصدمو راح محمد هجم على حسين ضربه بوكس ركضو الولد يردون يوخرون محمد عن حسين اثناء مديوخرون محمد سمعو صرخت براء شافو ابوها ركعها بالصينيه ووكعت بالكاع تصرخ من الالم وكامت تصيح وتبجي والله بابا جيب القران احلفلك عليه اني مدزيت صوري لحسين ولا اصلا عندي رقمه وحتى سأله وباوعت على حسين الي صدمها بكلامه
حسين : براء كافي انكشفنه ماله داعي تحلفين جذب اي عمي اني وبراء على علاقه من زمان وهاي الصور والمحادثات البيناتنه حقيقيه وكلشي صار بيناتنه برضاتها
براء : من سمعت كلام حسين الحقير اجيت احجي وجان يركعني بابا بنفاضه الجكاير على راسي وبعدها محسيت على شي
*****************************
