رواية لبوة الحياة الفصل الخامس بقلم ساره العبيدي
يا غائبين بكى الزمان لبعدكم ... فهل لنا بعد الغياب لقاء
إشتقنا لكم يا ليتنا لم نفترق ... فـ البعد فيه مذلة وشقاء
لا تقطعوا سبل المودة بيننا ... فإن القلب يفرح بـ اللقاء
عهد سنبقى دائماً بذكركم ... وعهد الحر يتبعه الوفاء 🌼
شنو هاي شلون طبيت اهنا ماتخجل ماتسحتي أنت
هسه اذا اجه شخص ولكاك اهنا شنو راح يكول شنو يحجي اطلع بره يلا لا هسه اصرخ وافضحك والله
أسيد: انجبي واسكتي لا قسم بالله هسه ادفنج اهنا وحتى محد يقرأ الفاتحه عليج ارجع الف مره اكول إني ابن عمج وماعندي شئ مو زين وياج اجيت اعايدج قبل الكل والعيد الجاي اعرف اشلون اتصرف وياج
جوري: ابن عمي لعد مافكرت شلون تدخل للبيت تعرف كلش زين ماكو غيري بي
أسيد: صوتج لا تعلي فهمتي لو لا ردت احجي وياج اكثر من مره وانتي ماتنطين مجال بس لسان لخاطر الله شلون راح اخذج اني
جوري: بقيت فاتحه حلكي شنو
أسيد: ليش نصدمتي اي احبج واريد ازوجج
جوري: أنت صدك تحجي لو تبقه اخر رجال بدنيا ما اوافق اخذك اكيد شارب شئ انت منو هو اني ماعرفكم أصلا
أسيد: شوفي جوري لا تستغلين حبي الج هذا الكلام ولسان طويل بطلي لا قسم بالله اعلمج شنو أسيد وجه الثاني
جوري: دروح عمي روح جايني هسه يحبني ويريد يزوج شنو مالي رأي اني هسه ممكن تطلع قبل ما يجي أحد
أسيد: اي ليش لا اطلع يازوجتي العزيزه اني هم اخاف اجيب كلمه الج
تقرب عليه واني ارجف من الخوف شيريد يسوي هذا
أسيد: شبيج لا تخافين رايح بس الباب وراج واريد اطلع
جوري: خرب بعقلي خجلت دنكت فشلني ابن......
طلع من يمي عبالي راح والله يالله يريد اخذه هو شكلك مامتقبلته نوب ازوجه درت وجهي لكته بوجهي
اخ يابه شسالفه اليوم رجع عليه
أسيد: شنو كلتي زوجتي ارجعي عيدي الكلام
جوري: ها مصدومه مو راح شعنده باقي واكف وراي
أسيد: احجي شبيج مو ماتخافين
جوري: طبعاً ماخاف وعمري ماراح احبك يلا بره لان صار ساعه متحمله وجودك يلا بره
تقرب عليه لزم ايدي وباسني بخدي وهمس هاي هيج طايره هلمره لان وكت ماكو
المره الجايه بس تتجاوزين اسوي شي مايعجبج و طلع واني بقيت مصدومه واكفه بمكاني هذا شنو سوه شلون هيج يتجرأ
طلعت طبكت الباب ورا كون الله لايردك اكرهك طاح حظي عفت دلال واجيت اهنا شوكت يبدأ الدوام وأرجع لبيت جدي
اذن عصر صليت وسويت اكل وسبحت
اجه ابن خالي صغير حسوني عمره 10 سنوات ياخذني لبيت جدي
رحت لكتهم يمه كلهم مجتمعين يبؤؤ تعالي عيديهم بوسي الكل شيخلصهم ههههههه
يلا جوري عليج عليج طبيت عايدتهم كلهم وبقينا تعشينا واتفقوا بعد يومين يرحون لبغداد يخطبون لخالي طه
طبعاً صح تواجد قوات الاحتلال قل بلمنطقه بس الاوظاع بعدها مخربطه مو أمان ...
رجعنا لبيتنا وثاني يوم اجه عمي علينا وانطاني عيديه بس سألني سؤال غريب ناويه تكملين دراسه لو شنو
جوري: اي عمي اكيد شهاده تفيدني باجر
عمي: ماتفيد بشي ازوجي احسن الج الاوضاع هسه ماتساعد تكملين
جوري:عمي هسه خلي اوصل السادس وانجح والله كريم
عافنا وطلع واني افكر شنو قصده من الكلام هذا بس لا أسيد كاله شئ وامي مستحيل ترفض شي يكوله عمي
واسيد ما اجه ولا شفته ومرتاحه من هذا الشي بس معرف ليش خايفه من حجي عمي وياي
ثاني يوم كعدت بوكت كملت تنظيف وتريكنا لان اليوم يرحون لبغداد
راحت امي وخالتي وخالي وابن خالي واخويه حسام
خلي احجيلكم عن اخواني امممممممم
حسام الجبير م97 ابيض عيونه ملونه على خوالي طالع وماشاء الله ليشوفه يكول اكبر من عمره لان جسمه ضخم
اياد اخويه صغير م99 هذا لمدلل مالتنا لان اصغر واحد بينا اسمر وعيونه سود عكس حسام ههههههه بس كلش هادئ وحباب
نرجع طلعوا لبغداد بعد العصر ودعناهم وراحو
اني بقيت بيت جدي
للمغرب اجه خالي وسام مثل قلق كالت له بيبيتي وسام وليدي خابرت اخوك شفته وصل لا
وسام:اي يمه خابرت اكثر من مره مايرد
بيبيتي: يمه اسم الله بس لا صار شئ خابر خالتك لبغداد شوف يجوز مايكدر يرد لان تعبان وناس موجودين يخجل
وسام: هم صحيح هسه اخابر خالتي
وسام: الو خاله شلونكم شخباركم
خاله: بخير حبيبي انتم شلونكم
وسام: بفضل الله الحمدلله خاله صدك طه ماوصلكم طلع ورا العصر جاي عليكم
خاله: لا والله حبيبي ماوصل خابرته شفته وين هو
يمه سيطرات ماتخلي واحد يعبر بسهوله اصبر وشوف
وسام: اي خاله خابرت ومايرد يلا خاله خلي نصبر ونشوف اذا وصلوا خابرينا
خاله:ماشي عيوني انت هم طمني اذا رد عليك
مع السلامه
مع السلامه
بقه البيت كله بقلق وين صاروا وليش مايرد على جهاز
صار الليل واي خبر عنهم ماكو وكل خوالي اجوي وبيبيتي كل شويه متخربطه من الخوف عليهم
ب10 بالليل ودك جهاز رد خالي وسام
اي اني وسام اخو طه تفضل منو أنت وشرايد هذا جهاز طه شجابه يمك
احنا عصابه خطفناهم ولحد الان مانعرف شنو نسوي بيهم
خالي بقه يصيح اترجاك شتريد حاضرين بس رجعهم لا تسوي بيهم شيء كلشي تريده حاضر بي بس لا تأذي واحد منهم
بيبيتي من سمعت الحجي وكعت اخذوها للدكتور ضغطها صاعد
خوالي كلهم مصدومين مايعرفون شنو يسون ولازمين دمهم بيدهم
اني وياسمين متنا من بجي واياد يريد امي معرف ابجي على حظنا لو على اياد لي يبجي ويلطم مثل لمريه يريد امي لو على خالي طه لي جان صديق لي لو على خالتي
خالي علي كال لازم نخابر على عمامي لان اخويه وياهم ولازم يعرفون
خابر خالي علي على عمي واجه بنفس لحظه وكام يصيح ابن اخويه لو صار شي بي تتحملون المسؤؤليه كلمه منا وكلمه منا تكاون مع خوالي
كام جدو وصرخ بيهم كعدوا كلهم منتظرين اتصال من عصابه
الكل يبجي متاكدين ماراح يرجعوهم لان عصابه معروفين قتل حتى لو يستلمون الفلوس
ب1 بالليل اتصل رجل بس من رقم غريب
رد وسام عليه نعم تفضل
مجهول: اكو مريه عدها اطفال دوختنا تريد تسمع صوتهم
وسام: اترجاك لا تاذيهم هاي اطفالها وامي راح تموت قهر اعتبرها امك اي شيء تريده يتنفذ بس عوفهم
مجهول: بما أنك جاهز للتنفيذ باجر الصبح 80 مليون جاهزه صبح نتفق اي تبليغ منك اعتبرهم جثث تحلم تشوفهم
وسام: ماشي
ماسمعنا غير صوت امي تصيح ولك وسام راح راح خسرته بعد ماشوفه
نقطع اتصال
خوالي نصدموا من الخبر عمي يكول اكيد كتلو حسام وأنتم تتحملون مسؤؤليه
بيبيتي تخربطت كلش اخذوها للمستشفى فقدت وعيها
اني حاضنه اخواني وابجي ياربي لحدالان نار فراك ابويه بقلبي نوب افقد اخويه ماتحمل.يارب يكون مو هو
ياسمين كومي خلي نتؤضي ونصلي وندعي يرجعون مابيهم شي
كمت تؤضيت وفرشت سجاده صلاه اني وياسمين صليت كعدت ادعي وابجي ربي احفظهم رجعهم سالمين
وضع البيت كله تعبان ننتظر خبر منهم
خوالي لتهوا يجمعون الفلوس طلبوها منهم
وناس ملتهين ويه بيبيتي خطيه كلش تعبت تمرضت
الصبح ب10ونص اتصل نفس الرقم على خالي اتفق ويا
بمكان................................. بعد الظهر
تجي ممنوع احد يجي وياك
الكل خاف على خالي وخاف يروح ومايرجع نفس البقيه لذلك ابن جيرانهم عسكري اقترح على خالي يراقبه من بعيد لذلك قرروا يرحون خوالي وابن جيرانهم فقط وسام يتواصل مع خاطفين
هم راحوا واحنا بقينا ندعي ونبجي الوضع كلش صعب مستحيل انسه هاي الأيام قلق على خوف من الجاي على قهر معرف شلون اوصف الوضع لكم ان شاءلله مايمر بي شخص والله يكوز بعون لي مروا بهذا الموقف ويساعد كل شخص فقد عزيز على قلبه بسبب ناس ماتخاف الله حسبي الله ونعم الوكيل بيهم
بعد ساعه خابر خالي وسام على زوجته وفجأه صارت تصرخ وتصيح والكل لتم عليها
شكو ولج احجي احجي شصار.......
