رواية الطالبة والعصبي الفصل الخامس بقلم مجهول
تذكير
نارين : اوف وأخيراً لكيتة خل ادك الباب وهية لو اسيب لو تخيب وتكيتة
سيف : ادخل
نارين : السلام عليكم
محمد وسيف : وعليكم السلام
سيف ابرود : اتفضلي اشرايدة
نارين : احم بس استاذ مو انقلت القاعة واحد وكلي مدير القسم لأزم اكتب اسمي عندك بلسجل مال قاعة
محمد بتسائل : انقلتي نارين ليش
نارين : احم اي استاذ لأن اختي وصديقتي بقاعة واحد
محمد : ياهية اختج
نارين : اختي ايه علاء
محمد بتفاجئ : اختج اختج يعني من امج وابوج لو من بس ابوج
نارين ببتسامة : لا اختي من امي وابوي
محمد : يعني انتن توئم والله ما اصدك
نارين : لا مو توئم بس هية اكبر مني ابسنة
محمد : ها بس للصراحة ابد ما تتشابهن
قاطعة سيف بعصبية مكتومة وهوة يكول : هسة انطيني اسمج خل احطة بلسجل
نارين : اسمي نارين علاء
سيف وهوة يكتبة : ماشي سجلته
نارين : شكراً استاذ يلا اترخص
سيف : مرخوصة
اول ما طلع رحت للسنتر البي البنات
وكعدت يمهن وسئلت سرى
سرى : ها بشري اشسويتي
نارين : يعني اشسويت رحت المكتبة وكتلة يكتب اسمي وكتبا يلا هسة خل نطلب اكل لأن راح اموت جوع
بنين : هههههه ولج انتي اشوكت ما جعتي
نارين : قابل ماكلة من جيبج
سرى : ههه والله يا نارين راح اصيرين دبة من كثر الكل
نارين : اوف هسة نطلب لو لا
هدى : ههههه عمي اطلبن اكل لا تاكولنة
سرى : اي والله رايحة اطلب شتردن
بنين : بركر وببسي
هدى : لفة كص وعصير
سرى : وانتي نارين شتردين
نارين : شرفي جيبيلي بيزة حجم عائلي ولفة بوكر ولفة كص وببسي اوكي
سرى : مو قليل اشوية
نارين : لا مو امي امسوية دولمة فا ما اريد تنسد نفسي عليهة
بنين : اححححح اححمم
وسرى : ولج لبنية انشحطت ولج هدى شربيهة مي لا تبقين فاكة حلكج
بنين وهية تشرب مي : هاي ما تردين تنسد نفسج وطلبتي هيج لعد لو تنسد نفسج اشلون
نارين : اعوذ بربي الفلق راح اتحسدني
يلا كومي سرى جيبي الأكل
سرى ؛ ههه عمي كايمة كايمة وراحت جابت الأكل وضلينة كاعدين ناكول ونحشش ونشاقة ولمن كملنة كل وحدة راح المحاضرتهة وكملت اليوم هيج بين المحاضرات والصديقات وهم اتعرفت علة طلاب القاعة واحد للصراحة ما ارتاحيتلهم نفس قاعة اتلاثة بس يلا هوة اني اجيت علة مود سرى وهم ايه ما اشوفهة غير بس با المحاضرة لأن عدهة اشون الكروب مال شباب وبنات تكعد وياهم وهمين ما ارتاحيتلهم وهيج خلص يومي لحد ما رحت للخط لأن اجة وبعد ما كمل عدد البنات البلخط رجعنة
للبيت ......
——————————————
سيف
وضلينة انسولف اني ومحمد ابمكتبي وتقريباً ورة نص ساعة اندك الباب وكلت
سيف : ادخل
وما اشوفلك غير هاي البنية القاطعتني با المحاضرة هية دخلت وسلمت وضلت تحجي هية ومحمد للصراح كلش انصدمت لمن كالت ان ايه اصير اختة
لأن ما كو اي تشابه بيناتهن يمكن لأن هاي اشوية خجول ولبسهة طويل ومتحط مكياج و ايه بعكسهة تماماً ولمن ضل محمد يسئلهة بيهة مدري ليش ضجت للصراحة وقاطعتهم واني اسئلهة علة اسمهة كالت اسمهة وكتبتة وترخصت وطلعت وراهة دار علية محمد واكال
محمد بصدمة : لك اصدك هاية اختهة ايه
سيف ابرود : ليش ما صدك
محمد : ولك وين نارين وين ايه
سيف : يعني لأن ايه اتحط مكياج وتلبس قصير يعني يختلفن
محمد : ومو بس سالفة مكياج وقصير مثلاً هسة ايه ماكو اكروب ما داخلته وغير طريقة كلامهة المستفة للدكاترة وكل يومية مشكلة وية ابنية شكل اما نارين فا بس صديقاتهة البقاعتي بنين وهدى ولي ماكو احسن منهن ادب وخلاق وهم صديقتهة الي بقاعتك وهم اكيد زينة
سيف وهوة ايبارع علة ساعتة : بعد ما ادري يلا هسة رايح لأن عندي محاضرة
محمد وهوة ايكوم : هم اني عندي محاضرة يلا خل نطلع
سيف : اوكي وطلعنة ورحنة كل واحد المحاضرتة ولمن كملت المحاضرات شفت ساعت كلش اتأخرت واليوم الوالدة عزمة رانية وارئد علة الغدة فا المهم اخذت الجنطة مالت والمفتاحة وطلعت للكراج استوني جاي افتح باب السيارة وسمعت صوت الدكتورة سارة اتعيط بسمي كلت ابكلبي شكل اليوم ما يخلص ودرتلهة وكلت
سيف : نعم دكتورة تردين شي
سارة : ها لا بس حبيت اسلم عليك لأن اليوم ما شفتك با الدارة
سيف : الله يسلمج واللله اليوم جان عندي محاضرات اهواية لهيج ما اكدريت اجي با الدارة
سارة : ها يعني تكدر تكعد انتة ومحمد بس ما تكدر تكعد ويانة با الدارة
سيف ابرود : شنو اتحاسبيني اذا اكعد وية ومحمد حضرتج لو شنو
سارة ابحراج : ها لا بس
سيف ابعصبية : لا بس ولا شي يلا من رخصتج وفتحت باب السيارة وسديتة ابعصبية وسقت ابسرعة للبيت ......
~~~~~~~~~~~~~~~~~~~~
نارين
دخلت للبيت وعيطت
نارين : يوم مامة يمة لحكي البنتج راح تموت من الجوع
ام نارين : اوجع عليش كول هل اصياح
نارين : مامة جوعانة والله
ام نارين : هسة روحن غسلن وصلن بين ما ابوجن ايكمل صلاتة علة مود اصبلك غدة
نارين وايه : ماشي
وصعدت اني وايه بدلنة وغسلنة وصلينة
انوب نزلنة صبينة غدة وية مامة وسلمنة علة بابة وكعدنة نتغدة وبابة سئلنة
ابو نارين : بشراً اشون الجامعة وياجن
ايه : عادية
ابو نارين : وانتي بابة نارين
نارين وهية تاكل : والله بابه اتخبل وتعرفت علة بنيتي حبابات وهم انقلت القاعة ايه وسرى
علي: واني عبالي اتفارقتن انتي وسرى
نارين : الله لا يكولهة بيش طالبنة وراهة ضلينة نتشاقة اني وعلاوي ونوب لمينة اسفرة وصبينة جاي وكعدنة انسولف ونضحك الحد ما ابوي كال
ابونارين : علياء اليوم راح يجي صديقي العصر ايزورنة
ام نارين : يا صديق
ابو نارين : صديقي احمد
وكمزت نارين وكالت : صدك بابة عمو احمد راح يجي
ابو نارين وهوة يضحك : اي صدك
نارين : الللله صارلة اهواي مجاي متجي خالة مريم ( اصير زوجتة ) اويا
ابونارين : ما ادري والله بس مو اسوين وكاحة
نارين : ههه لا ابد يلا بابة اني رايحة اسوي كيكة وحلويات لأن عمو احمد راح يجي وهوة ايحبهن
ابو نارين : ها يعني لأن عمج احمد راح يجي الية مسوين
نارين : هاي زوجتك اسويلك اني رايحة باي
علي : هههه والله خبلة
ابو نارين : واحلاة اخبال بلبيت
نارين وهية اتمد راسهة من المطبخ : اكيد انتو بدون اخبالي ولا شي
الكل كام يضحك
نارين وهية باالمطبخ : هسة خن انسوي الكيكة وطلعت مكونات الكيكة وخبطتهن وحطيته با القالب وشغلت الفرن وحطيتهة انوب سويت حلويات ورتبت الستقبال وستوت الكيكة طلعتهة وخطيتة علة مود تبرد ورحت سبحت ولبست
لبست هذة التراك وشال اسود حطيتة علة جتفي خاف يجي عمو احمد ونزلت وسمعت صوت الباب يندك كلت هذة اكيد عمو احمد ورحت فتحت الباب
ولكيت .........
________________
سيف
وصلت للبيت وصفيت السيارة واول ما دخلت اجة ابن اخوي يوسف يركضلي حضنتة وشلتة ودخلنة اني ويا للستقبال سلمت علة اخوي رائد وعلة اسامة زوج اختي رانية وترخصت علة مود ابدل ودخلت للمطبخ وكلت
سيف : السلام عليك
ام سيف ( مريم ) : وعليكم السلام يمة
سيف وهوة ابيوس راس امة : الله يسلمج يلغالية ورفعت راسي وشفت اختي رانية واجت سلمت علية
رانية : اشونك خوية
سيف وهوة ابوس اختة من راسهة : ابخير اذا انتي ابخير
وسلمت علة جهال رانية وبوستهم وكلت
سيف : اشونج خيتي ام يوسف
ام يوسف وزوجة رائد : الحمداللة خوية
ام سيف (مريم ) : روح اوليدي غسل وصلي بين ما انصب الغدة اكيد جوعان
سيف : اي والله كلش جوعان يلا صاعد وصعدت الغرفتي غسلت وصليت ولبست تراك بيتي ونزلت للستقبال اتغديت وشربت جاي وكعدت وية ابوي واسامة ورائدة نسولف ونشاقة لحد ما ابوي كال
ابو سيف (احمد ): اليوم العصر راح اروح الصديقي علاء ام رائد تجين اوياي
ام سيف (مريم) : اجي لأن عيب صارلنة اهواي ما رايحيلهم
ابو سيف (احمد ) : لعد حضري نفسج با الربعة انروح
سيف : برية يا علاء شو ما عرفة
ابو سيف (احمد) : اكيد ما تعرفة لأن لمن سافرت اتكمل دراستك اتعرفت علي وصار صديقي الروح با الروح حتة زوجتة وامك صارن صديقات ولمن ازوج اخوك رائد واختك رانية همة اول الحاضرين حتة ابنة وبناتة صارن مثل بناتي واعز
سيف : ها لعد اني اوصلكم واروح للشريكة
ابو سيف : ماشي
وصدك صار العصر رحت بلدت ولبست قاط رسمي للشريكة واجة ابوي وامي اهم ابدلين صعد ابوي يمي با الصدر وامي ورة واجة يوسف ابن رائد وياهم وكعد يم امي وابوي انطاني عنوان بيتة جان قريب مو كلش بعيد تقريبن ربع ساعة وصلنة لبيت صديقة وكفت السيارة يم الباب ويوسف نزل قبل اهلي وراح دك الباب وفتحتلة الباب .........
