رواية كان اخي الفصل الخامس بقلم مجهول
طبعا ماتسمعيني لان فاتحه حلكج وبالج مو وياج
احس عركت من الفشله من كالي هيج وكدام البنات واركان.بقيت ساكته مارديت علي بس ضامها بكلبي اله اطلعها علي بسيطه
اركان:على كيفك يمعود يجوز ماسمعتك ليش هيج متعصب
هيثم: انت سكت محد حاجي وياك...ملك سوي جاي8 استكانات
طلع من المطبخ مالو خلك نفسو
اركان: هذا شبي وجهو مكلوب.
هبه:اكيد ضايج لان ماضل شي هديل تزوج وتروح
اركان:اي يمكن حقو والله
بقو يحجون ويبررون موقفو .بس اني ضامتلو اياها
سويت جاي وخصلنه غسيل مواعين.طلعت من المطبخ شايله صينيه الجاي .باوعت علي كاعد بالاستقبال ويه الولد كرايبهم اشرلي بحواجبو بمعنى لاتفوتين هس اني اجي اخذ الجاي.
اجه اخذ الجاي من ايدي
ملك:ودي الجاي وتعال
هيثم:وين
ملك:باوعت البيت مليان بس غرفتو مابيها احد....الغرفتك تعال انتضرك
باوعلي بطارف عينو وموعاجبو افتهم ليش اريدو يجي
رحت لغرفتو ضليت كاعدة انتضرو باوعت شفت طارف الكتاب جوة المخدة اخذته قريت اسمه اسمو(احرقتني بحبها) باوعت فتح الباب واجه اخذ الكتاب مني بعصبيه
هيثم: شي مايخصج لاتمسكينو
ملك:اها هيج....من شوكت بله هذا الكلام بينه ها من شوكت مامسك شي الك او انت ماتمسك شي ليه هاا .بعدين لاتضيع الموضوع شوف ترى ماقبل تجي هيج للمطبخ وتحجي وياي بهالاسلوب وتكلي فاتحه حلكج كدام الناس عيب..
هييم:خلصتي
ملك:اي خلصت
دار ضهرو ومشى ..متت قهر شون هيج يسوي وياي هو موهيج ابد
رحت ويه البنات كاعدات بغرفتنه يتسولفن على باجر شون تكون الخطوبه وشنو راح يلبسن ومدري شنو فجاة طفت الكهرب بذيج الفترة الكهرب هواي تنطفي ووحدة كامت تطعس بالخ.رحت اني وهديل شعلنه اللمبات وشغلنه صوبتين كازيات وحدة للزلم بالاستقبال ووحدة النه.حسيت نفسي حيل تعبانه ونعسانه بس اريد انام باوعت شفت غرفتنه مليانه وغرفت خالي ومرته هم مليانه وغرفه الخطار كلها هوسه باوعت غرفت هيثم فارغه ومابيها احد ودافيه وضلمه .طبعا غرفتو بيها تخت ابو النفر بس هوينام علي ومكتبه ومرايا وجرارات .كبل تمددت عالتخت وبس اسمع صوت المطر واللمبه عالمكتبه نمت كبل غفيت تقريبا ساعه بعدين حسيتو اجه وفتح الباب.فات كمت تااكوم
هيثم:لاتكومين ابقي نايمه .هس افرشلي جوة
ملك:لا هس اروح
هيثم:ماتروحين كلت
رجعت كملت نومتي وهو فرشلو فراش بالكاع.نمت وكعدت الصبح بالساعه8 .باوعت هو بعدو نايم بفراشو
طلعت من الغرفه ماشالله كلها كاعدة والجهال هم كاعدين عبالك عيد .سوينه ريوك وكعدنه نتريك الشباب وحد واحنه وحد.
سميه:كل الشباب موجودين بس حسين ماكو
ردت عليها اختها عمه شمسه قصص عراقيه واقعيه شمسه:الله كريم اهمشي دراستو عود يجي قابل راح يضل
سميه:بعطله نص السنه كال اجي....وانتي ملك شون دراستج
ملك:الحمدلله حيل زينه بس صارلي يومين ماخذة اجازة
شمسه:ماشالله عليج كبرانه وصايرة تخبلين ...
خجلت من كالت هيج..خلصنه ريوك وكمنه نشتغل كلنه عالسريع لان الخطوبه بالساعه3.كاعدين نشتغل ونسولف باوعت كعد هيثم
هيثم:ملك سويلي ريوك
ملك:هس
رحت سويتلو ريوك وخليته يمه .طبعا هو بالعادة يعجبو يصخرني اني اكثر حتى من خواتو كلشي اني حتى مرات بالشقه يكلي كل الدلال الي دللتج اياه من جنتي صغيرة هس اطلعو عليج ههه
رحت اسوي الغدة اني وبنت عمه شمسه يعني تصير بنت خالت البنات وهيثم
سوينه فاصوليا على لحم وتمن ودجاج
كاعد نصب بالغدة. اجه هيثم كام يباوع عالاكل
هيثم: ملك سويلي غير شي تعرفين ماحب الفاصوليا
ملك:والله طالعه تخبل بس ضوكها وشوف
هيثم:مو داكلج ماحبها شبيج تلحين سويلي اي شي غيرها وهاي هيه
ملك:تمام تمام
ياربي هذا شبي صاير يضل متعصب ومالو خلك ماجان هيج بس هالفترة معرف شبي
رحت كليتلو بطاطا وبيدنجان وياهن سلطه
وديتلو اياهن.تغدو وخلصو. هديل كبل تحضرت تاتروح هيه وهبه والبنات عالصالون
هديل:امشي ملك ويانا هم سوي تسريحه بسيطه ومكياج
ملك:هاا هيج تكولين
هديل:اي والله امشي وياي هييه تصير بالعمر مرة
رحت تحضرت ورحنه تانصعد بالسيارة
هنه سيارتين مالت هيثم ومالت ابن خالتو.باوعت سيارة هيثم بيها هديل وهبه وبنات خالتهم الخ امتلت
هديل:اصعدي بسيارة فهد بس بيها نور وفاطمه
رحت تااصعد بسيارة فهد ويه البنات
هيثم:ملك تعاي
رحت علي.
هيثم: مايحتاج تروحين وياهم
ملك:ليش
هيثم:كلت مالها داعي
ملك:غير اعرف ليش.بعدين رايحه حالي حال البنات
هيم:روحه مع فهد وغيرو ماكو
ملك:لعد روح نزل وحدة من البنات وخلي اصعد وياك
هيثم:عيب ماكدر انزل احد
ملك:لعد شون يعني
هيثم: مايحتاج تروحين روحتج مالها داعي
ملك:مشكور ماقصرت
حيل ضجت منو ورحت فتت جوة بالغرفه وبجيت انقهرت حيل منو ومن كلاكو وياي .هم راحو واني ضليت بس وحدي ويه عمه سميه وعمه شمسه وبنت عمه شمسه الجبيرة اسمها زهور مزوجه وعدها ولد
سميه:ها ملك شومو رايحه
ملك:ماكو مكان ورجعت
سميه: يمعود بعد احسن هس شوفي البيت فارغ روحي حضري نفسج على راحتج وخلي زهور تمكيج تعرف تمكيج ومضبوطه بهالسوالف
شويه سوتلي واهس ورحت سبحت وطلعت فيرت شعري بفير الهوى بعدين كبستو بالكابسه كامت تمكيجني زهور خلتلي مكياج يرهم للفستان.طبعا اني تراسيم وجهي ناعمه وحلوة بس طولي زين وسط وشعري حيل طويل وناعم
زهور: ورى ماخلصج مكياج راح اسوي شعرج يخبل
ملك:صدك
زهور :اي
خلصتني مكياج طلعت اخبل ورفعتلي نص شعري وبرملتو والنص الخ عافتو محلول وكبستو زين
ولبست الفستان وحذاء عالي اجن عمه سميه وشمسه
شمسه:ماشالله ولج تخبلين طلعتي لورايحه للصالون موهيج
سميه:كمر والله كمر
فرحت حيل من هيج كاللي ..تقريبا ورى شويه بدت الناس تجي والمعازيم شوي شوي البيت امتله .بعدين اجت هديل والبنات هم هديل طالعه حيل حلوة ومن شافني تفاجئن وكلهن بس يكوللي طالعه تخبلين
باوعت هيثم بس يباوع عليه بس اني جنت ضايجه منو ماهتميتلو
صارت الساعه3 جان يجون اهل الخطيب وياهم كرايبهم همين.مضل مكان شكد مو هوسه وشغلو ديجي وكامن يركصن كرايب الخطيب ويهلهلن.اني رحت للمطبخ من الهوسه. اجت زهور واركان هم للمطبخ وكام يشاقي اركان هم كالعادة من شافني كبل صفررر
اركان: ادري امج شنو ماكله هيه وحامل بيج
زهور هههههههه
ملك: ههههههه
كاعد نضحك وفات هيثم
اباوع علي عيونو يجدحن نار
هيثم:ملك تعاي الحكيني
رحت وراه صعد فوك اكو مخزن فوك وكف بي
ملك:ها شكو
هيثم: اولا لاتضلين تتمضحكين وياه وثانيا عليش هيج مخليه مكياج.على مود تطلعين حلوة وكلها تباوع عليج
تعصبت من كال هيج ونفتحت
ملك:شنوو هالحجي عيب هيج تحجي شنو اتمضحك مدري شنو هو الولد يعجبو يشاقي على كل سالفه.وثانيا واذا مخليه مكياج قابل بس اني شو هبه وباقي البنات كلهن مخليات مكياج شو ماكلتلهن لو بس عليه تعرف تجي.
هيثم:لاتكفرررينيييي الي اكلج علي تسوي لاتحسبين نفسج كبرتي وبعد ماكدر احاسبج متوهمه حيل شوفي اني المسؤل عنج واني الربيتج وشكلج تسوين وكلمتي ماتكسريها وهس تروحين تمسحين المكياج
ملك: المكياج مامسحو وشسوي سوي
هيثم:يعني تكسرين كلامي مو
تعصب حيييل ماشفتو مرة هيج متعصب وكام يضرب ويكسر ماجنت مفتهمه الي كاعد يصير وياه ابد
هيثم:ووولج شوكت تكبرين عقلج وتفهمييين شووكت موشلعتي كلبي برودتج.....
