رواية فصلية اخي الفصل الخامس بقلم مجهول
ابوها صرخ عليها وراحت جوه اجت مرة عمار سلمت عليه حسيتها حبابه هواي ارتاحيت شويه لان راح اعيش وياها +
كالت اعتبريني اختج تعالي اراويج غرفتج واحنه صرنه اهل نزعي البوشايه حركت راس بنعم
رحت وياها كالت هاي غرفتكم انتي و علي حطيت غراضي لكيت خانه فارغه هيه طلعت
اني رتبت غراضي قفلت الباب نمت اذن الليل كمت صليت و كعدت اقره قران
سمعت صوت باب ركضت لبست البوشايه اندك باب فتحته طلع علي كله ينفض نار الغضب خفت رجعت للوراء كال علي المن لابسه هاي ع وجهج بالغرفه بعصبيه
واجه كمشني و دفعني ع الحائط وكعت البوشايه وطلع شعري درت عليه ضل صافن بيه
علي خذتها مرة اخوي لمياء للغرفه اني ظليت جوه ماردت اصعد اشوف قباحة وجهه لان متاكد تخوف قبيحه كلش
صار الليل و بنات حضرن العشه كال ابوي صيح مرتك
رانيا كلتله هم فصليه وهم مطموره و فوك ظاهر دم اخوي راح هيج حسيت بغضب ع كلامها صعت حته أجرها من شعرها و انزلها قربت يم للغرفه
سمعت صوت القرآن بصوت يجنن هدئت شويه عرفت هيه جاي تقرء ردت أدخل باب مقفول
دكيته فتحته هيه لابسه محرم الصلاة و البوشايه كمشتها لان لابسه كتلها بالغرفه المن لابسته وجريتها ودفعتها ع الحائط
وكع المحرم الصلاة و البوشايه هم انفتح شعرها يموت طويل ناعم فهيت عليه دارت عليه صفنت بخلقتها نسيت حتى المن جاي
العيون كبار عسليات الحواجب و الخشم و الحلك مال اكل يبو مو مره تطركع بداخلي فرحت ع طاكاعه الشكل بس تذكرت عماد طلعت من الغرفه صحتها تنزل بدون بوشايه فقط حجاب
3
رفل ظل صافن بوجهي خجلت منه هدى حسيته انسان ثاني شويه وصرخ عليه انزلي بدون بوشايه بس بالحجاب طبعا لبست الحجاب لان بدون ما يكولي متعوده ع لبس محتشم ابيت ابوي نزلت
علي تعالي كعدي تعشي همه دارو عليه كلها صافنه بوجهي
لمياء اللهم صل على محمد وآل محمد شهل جمال رفوله عين البارده عليج و فاطمة هم بس
رانيا عوجت حلكها قالت عمليات ضاله رديت عليها كتلها اعوذ بالله ما عدنه هيج سوالف
كسر كلام عمار لان اكيد يعرفها مراح تسكت وراعيه مشاكل كال كعدي اخويه تعشي
كعدت تعشيت وياهم كل شويه علي يباوعلي خجلت هواي بس نظراته ما تتفسر غضب و اعجاب
علي نزلت من الدرج لابسه حجاب اسود فستان ملاك ويمشي ظليت صافن ع حشمتها وجمالها الصراحه انعجبت بيها من اول ساعة بس كلت اكيد طرية عرس وبعدين تتغير وهيه اخت عدوي لازم اذلها و اكرها تعشينه و خلصنه
ظلو يسولفون سئلوني عن نفسي حابين يتعرفون عليه حجيتلهم عني تاركه دراسه و ملتهيه بالبيت و اعرف اطبخ كل شي و اخبز وهم حجولي عن نفسهم ما عدا علي و رانيا
علي ظل صافن ساكت يباوع ع التلفزيون عمار حجالي عنه كال فقير وحباب وكلبه طيب بس شويه عصبي من مات عماد صار عصبي نار
عرفت مقهور ع اخوه و هيج صاير بركان غضب سئلت راينا تحجيلي عنها اشو هاي تحجي بنت وانتي شكو كلج خلك فصليه
