رواية لبوة الحياة الفصل السادس 6 بقلم ساره العبيدي

أزهار: شحجي شكول مات مات وبعده شاب ماشايف شيء من حياته 

نريد نفهم شي ماكو بس تصيح ومات وبعده شاب احنا مصدومين مانعرف نبجي نصيح  

اخذت ريم جهاز اتصلت على وسام 

ريم: خويه فهمني شصار منو مات منو لنكتل شصاير 

وسام: ولج سندي حزام ظهري راح طه ولج كاتلي 

سد الخط ريم كامت تضرخ تشك بملابسها ولك خويه وين رحت جاي نحضر لعرسك مو لموتك  يمه لحكي خويه راح ولكم كتلوا يمه ابو طول الحلو مات تلطم على خدها نسوان خوالي يسكتون بيها ولا عبالك موجوده  والكل يبجي ويصيح بعده شاب  جاي نحضر لعرسه مو لفاتحته  ربي ليش هيج  حرام نفرح ناس تروح كتل وناس تروح خطف وناس تختفي مالها اثر شباب بعمر الورد راحو مانعرف نتلكاها من وين 

الكل  غيم عليه الحزن ويبجي ويلطم راح حتى يخطب ويفرح حاله حال الشباب لكن الموت كان ينتظره 

ريم تخربطت وكل شوي نذب مي عليها حتى  تصحه الجيران اجوي على  صايح والكل يبجي لان ماعنده شر ويه احد ولا له شغل بأحد  حسبي الله ونعم الوكيل على كان السبب 

بقيت واكفه ماصدكت كل جاي اسمعه معقوله هذا كان صديق لي مو خال هو يهتم بيه ويسأل عني ويفتقدني معقوله بيوم وليله يروح هيج بدون سبب 

ياسمين ذبحت حالها من بجي لان عاشت وياهم 

اجوي خوالي وحالهم حال توني طبو للبيت وامي وخالتي كام يصيحون ويشكون بملابسهم ويلطمون  ولي تجر بشعرها ولي تلطم على خدها طلعت عليهم ريم 

كعدوا امي وخالاتي وحده تنعي وحده تلطم وحده تصيح وتشك بملابسها وشكد حاولوا يسكتوهم يهدؤهم مافاد اصلا ولا عبالك بدنيا معزولين بحزنهم وفاجعتهم 

وسام اخذت الفلوس بعد ماجمعتهم من محلات كانت عدنا ونطلبهم كان عدنا خير من الله الحمدلله ورحت واتفقت ويه بقيت الولد يمشون مسافه بعيده عني خاف يصير شي عليه لو جلاب يخلفون بلكلام 

خابرني الخاطف 

الو أستاذ وسام وينك اذا مبلغ او أحد  وياك اقرا الفاتحه على يمي وانساهم 

وسام: اطمئن وحدي نفس  ما امرت بس اترجاك لا تسوي بيهم شيء 

الخاطف: هسه  انت وين بلمكان كتلك عليه  

....... 

وسام: نعم بنفس المكان ب....... 

الخاطف: انزل خلي الفلوس يم باب البيت الركن لون اسود وامشي ولا تلتفت والا لنا كلام ثاني 

وسام: واخواني شنو يضمن كلامك صحيح  شنو يضمن عايشين لحد الان 

الخاطف:  كلمه زايده ماريد خلي الفلوس واخوانك انطيك مكانهم وتروح عليهم 

وسام: ماشي  رحت خليت الفلوس نفس ماطلب ورجعت بدون ماباوع وراي وامشي وارجف عثرت مرتين اجيت اوكع  اخواني ربي اترجاك احفظهم لي  والله  امي تموت اذا صار بيهم شيء  وابويه مايتحمل هيج صدمه إلهي  

رجعت صعدت بسياره اتصل 

وسام: الو الفلوس  يمك اخواني وين هسه اريد اشوفهم اسمع صوتهم 

الخاطف بمكان.............!!!!!!!!! 

وسام: سديت خط خابرت على ولد كتلهم اطلعو قبلي للمكان اني راح  لحك بيكم 

طلعت اسوق كل سرعتي وقلبي يدك الف دكه خايف لا كتلوهم ربي احفظهم لي 

وصلوا الولد قبلي خابروني موجودين بس علي صوتك بي شي ليش هيج 

علي:مابيه شي تعال بسرعه 

علي طبينا للمكان كال عليه وسام واحنا مسلحين وخابرنا على الشرطه تلحكنا للمكان  

اول ماطبينا لكنا مكان مهجور وصخ وريحه تكتل ماتنحمل  شلنا سلاحنا داهمنا مكان 

لكناهم شادين عيونهم  ويبجون ذبيت سلاح رحت اركض فتحت عيونهم وايدهم  وهيام وام جوري يحجون كلشي مافهم منهم يأشرون على شي وراهم 

رحت شلت غطاء عليه وكعت بلكاع اجوي ولد عليه 

طه كاتلي مخلي كدامهم اخ ابجي واصيح شكول امي نايمه بلمستشفى تنتظره شكول لابويه ليكولي انتم حزام ظهري انتم مثل سيف بيدي  ماكدرت ارد اخواني 

حالنا ماينوصف لحظات كلش صعبه 

صعبه على الرجل يبكي لكن ماكدرت اخويه لي اخطط شنو لبس بعرسه وشلون ازفه ونفرح بي مات مات على ايد ناس ماتستاهل تعيش 

اجوي شرطه بس بعد شنو خلص خسرنه كلشي 

اخذنا الجثه والبنات منتهيات فاقدات منا اخوهم منا نكتل كدام عيونهم اما حسام هذا طفل الله يكون بعونه على شافه 

بدت الفاتحه والكل اجه خاصه احنا ناس الكل يحبنا ويقدرنا ومالنا شر ويه  أحد........

ابويه كوه واكف ياخذ التعازي لان طه لمدلل مال البيت اخر العنكود  لي راح فجأه الله يصبرنا  

شفت امي وخالاتي معرف ابجي لو اسكتهم اجوي رتبوا الفاتحه وجابوا تابوت صار صوت لعياط وصايح تهز البيت هز احتارن شنو يسون حتى تبرد نار قلبهم خوالي اني خالاتي لتمن كلهم على تابوت حضنوا  خويه نومه هاي مو الك بعدك ماشفت شي من شبابك كوم خلي نفرح بيك خلي نزفك خوالي يبجون خالاتي يلطمن وينعن

 نسوان خوالي كامن يهلهلن ويطشن جكليت وينعون والكل يبجي حتى مايعرفه بجه على شبابه 🥺

 زفوا للقبر مو لغرفته عريس وماخذ بيده بدلته 

طلعت الجنازه والبيت مابقه بي مكان اجوي كل الكرايب والجوارين وكل شخص يحجي شكل ويفسر بكيفه 

 خالتي هيام صارت معزوله حتى ماانتبهت لوجود زوجها ولا وجود اي شخص بس طلعت جنازه راحت لغرفه بيبيتي بقت تبجي وتلطم ولاتحجي ويه شخص

امي وريم كطعوا نفسهم لا بقت ملابس ولا شعر ولا خد سليم 

احنا بنات لتهينا بالفاتحه  مهما يكون لازم نسد مكانهم ونوكف ومانخلي قصور بالفاتحه 

ايام مرت كلش صعبه مهما احجي ماراح تنوصف كمية الحزن واكو هواي بيوت مرها الحزن وصار بيها هذا موقف الله يرحم اموات المسلمين ويعين كل قلب فقد غالي وعزيز 

صارت السبعه وهذا اليوم الكل اجه منطقه كلها وكرايبهم حتى من محافظات ومن بغداد اجوي بحكم شغلهم كان لهم هواي اصدقاء ومعارف وماخلوا شي ماسوا وقدموا بالفاتحه  وهاي السبعة ايام خوالي مانشوفهم ناس يم زلم وناس يم بيبيتي لي لازم تطلع ومحتارين شلون مانكول لها وأكيد هيه حاسه بصار  بس الولد كالوا لها لكناهم وموجودين بالبيت مايكدرون يجون عليها لان الناس تجي تتحمد لهم بسلامه 

اجه جدي بالليل بعد ماراحوا الناس بقينا احنا شوفوا باجر الحجيه راح تطلع ممنوع احد يحجي ولا يبجي كدامها لي راح الله يرحمه وحكه يجي يوم وناخذه  لكن الحجيه أهم من الكل فماريد ارجع اعيد الكلام مفهوم 

الكل يسمع وساكت وكل واحد ورا ماكمل جدي كلام توزعوا لي بصاله ولي بلاستقبال وناس بالغرف الفوك ناس نامت على فراش وناس بلكاع هدهم التعب والضيم والصدمه عاشوها ان شاءلله مايمر بيها بشر لان تاخذ الحيل 

كعدت ب6 صبح اني وياسمين وبقيت البنات نظفنا بره البيت وطبينا سبحنا وحضرنا ريوك لهم كعدوا ناس ورا ناس 

راح خالي احمد يجيب بيبيتي من المستشفى لان تحسنت أول ماطبت تلكيناها كلنا سلمنا عليها بعدين  اخذها خالي ترتاح وهيه تباوع بالعيون وتسال عن طه 

شو الكل موجود  طه وين متأكدين  مابي شي  لا ضمون عليه  احجولي طه  شو ما اجه عليه للمستشفى اني اعرفه مايصبر بدوني هسه وينه ما يجي يسلم عليه 

علي:يمه كولي يالله غير تعبان صار بي مو شويه 

بيبيتي: اني امه واعرف صاير شي احجولي ليش تخلوني بنار وين اخوكم 

جدي:هدئ يامريه ماكو غير الخير شنو خايفين منج ومانحجي ولد تعبان ونايم ودكتور كال مو زين على عيونج تعب 

ريم اخذي امج ترتاح 

بيبيتي: مارتاح ولا اتحرك الا اشوف طه 

جدي: عناد ماريد شنو مو بعينج احجي وياج 

علي: كولوا يالله صلوا على النبي يمه والله مابي شي بس نفس ماكال ابويه روحي ارتاحي هسه يجي 

كلنا نقنع بيها حتى تقتنع بلحجي وهيه مصره اكو شي 

فجأه حجت خالتي هيام كافي تره هيه أمه لشوكت تخبؤن عنها لحجي يمه طه مات كتلوا كدام عيني راح لمدلل مالتج وتلطم 

بيبيتي كبل وكعت بلكاع وفقدت وعيها نقلوها للمستشفى 

دكتور هاي متعرضه لصدمه لازم نحولها عنايه مركزه هسه ضروري والا..............