رواية عشكني ابن شيوخ الفصل السادس بقلم مجهول
#سلطان:
البصره ، بيت ابو عزيز ساعه ١٢:٠٠ ضهراً
" بويه هذا ابن ابو سعيد مسوي سالفه ويه بيت ابو رافد البارحه دك علي كلي اريدها منكم تحلي ياها نشالله ليوم يجون .. الشيخ ابو سلطان كال لسلطان
... نشالله بويه نحلها خل نكول للحريم يحضرن امورهن من الجايات وضيافه
رحت خبرت الحريم حتى يجهزون
صعدت لغرفتي بين ما يصير الغده دخلت سبحت لبست دشداشتي تعطرت وصليت خلصت نزلت
ناصبين الغده كعدت سمينا بالله وتغدينه خلصنا شالو السفره هسه وكت الچايات ليعدلن الراس
... مرام چاي من ايدج رويحتي ، سلطان كاللها
... مو تدللون هسه اصبلكم
جابت الجاي
... اي والله رحم الله والديج تعاي كعدي مرام يمنه لا هم تزبكين للغرفه خل نشوفج
... ههههههه شعندك سوالف خويه
... هههه اي سولفيلي شونج بل كليه خوما احد مضايقج متدنالج كليلي ما ارحمه والله
... لا والله حمدالله ماشيه واروح وارجع محد متدنالي وحتى لو يدنالي اني ذيبه موش خوافه ذيبه عليك خويه ههههه.
... ونعم والله هههههههه حتى لو جنتي ذيبه هم يبقون مالهم امان شيصير علميني تمام
... نشالله خويه تامر
... مايامر عليج ضالم يلا اترخص اروحن ارتاح ورايه كعده وعاشت ايدج عل جاي
... تمام خويه مرخوص الف عافيه اعجاب للصفحه ومتابعه لتصل جميع القصص التي ننشرها
صعدت فوك شلحت الدشداشه بقيت بل داخلي ماعرف انام الا هيج رحت نجطلت على جربايه تكلبت منا منا هاي بعدهي بالي يارب اريدن انام غير تروح بلكوات نمت كعدت ساعه ٥ كمت تحضرت للكعده نزلت لكيت يحضرن للزلم الجايات وهسوالف ضليت اكلب بل تلفون عل ما يجون ور ساعه اجو ستقبلناهم وبدينا الموضوع ناس تجر ناس تعر صالحناهم ونسدت السالفه تعشو وخلصت الكعده ...
#سلار .
بغداد. بيت ابو سلار ساعه ٦:٠٠ العصر
... ماما حيجون صديقاتي رغد وريم
... تمام ماما حضريلهم سوالف الكعده
... ي هوه حسوي كاستر ووصيت يوسف حلويات
رحت سويت الكاستر خلصته عاد ندك الباب رحت فتحته
... ياهلا نورت البيت والله
... بنورج حبيبي
... بنورج سلور
فوتو هلا بيكم
طببتهم سلمو على ماما وهاي ف صعدنا فوك بغرفتي
... شونكم مشتاقتلكم كومهه والله
... انيهم شخبارج. رغد
... انيهم، ريم
... والله تمام بعد ٣ ايام دوام اوففف
.. يي بس علقل نتشاوف. نطلع بلعطله ضوجه، ريم
... يي صدوك ، رغد
... لكم صح هوه بس كعدت الصبح دمرررر
... ييي خرب نوب شتى واحد ميهله يكوم ، رغد وريم
... شتشربون؟
... اي شي
تمام
رحت جبتلهم عصاير وحلويات وكعدنا ناكل ونسوالف كلش تونسنه تعشينا وصيت يوسف بيتزا وسوالف من بره راحو ب١٠ نزلت جوه لميت المواعين ف دارجعهن دخل سيف
... سلوره
... بسمالله خرعتني شبيكك عابتت بعدين شعندكك من سالفه اول مره دلعني
... عليمن عابت ولج
.. عليكك نننن
... حمشيلج ياها المهم اكلج تعاي خلصي لبايدج وتعاي للهول
... اوك
خلصت ورحت كعدت يمه
... كول فضول كتلنيي
... بس بينا يبقى فتهمتي
... اهووو عادد غير ينطق
... باعي
... باوعت دحجي عاد
... شون اصلخج دفره
... هههههههه يلا
... باعي هاي بت الشيخ مرام اسمها مو
... ي عيني اسمها مراامم
... نجبي مهم عندج تواصل وياها؟
... يي ليش
... تمام طيني رقمها
... سيف عزه عيب صدك تحجي تره بت شيوخ لا تصيرلنه مصيبه
... بلقران لو وجهج اشوهه هسه ميرتاح كلبي لج بابااا شبيججج اشايفتني ملطلط لو مراهق حتى العب ع بنات العالم نوب بت شيوخ لج بابا اريد بس اتقربلها حتى اشوفها اتعرف عليها وراها اخطبها ماتاخر عجبتني دخلت بالي بتل لذينه
... اويليي يابه الاخ واكع ومحد مسمي عليي لك هلااا
جان يباوع صفح عبالك بده يعصب
... ههههه شبيك اشاقه وياك سوسو
... ستغفرالله ربي سوسووو شنوو لا تكفريني بل ابليس والله لوما اريد هشغله منج فلا احجي وياج من تفاهتج
... ها صارت مصالح لعد يلا عيني اني اترخص ناس متحترمني مابقه يمها
كمت عود دافيك بل مشي ورافعه راسي
جان يجرني
... يابه لخاطر الله نعتذر تعاي عاد خنحجي مثل العالم دكعدييي
... اوك فتهمت شوف سيوفي عزيزي حطيك يا بس عيب خاف اهلها يعرفون شي هاي وبعدين صير سالفه وتتاذه هيه ف راح افهمها احسن حتى لا تصير مفاشل بينكم افهمها واطيك يا
... هوه خوش حجي بس خاف تكول لا تكول لا شنو ! غصبن عليها اخذه واحجي وياها
... ها سيف بدينا بل تامر مهم اروح ادزلها اشوفها كاعده حتى افهمها
... تمام سلار اريدها منج حتى هل كم شهر واخطبها
... هيج وصير من قسمتك وافرح وركصص اللهههه
... ي انتي خو همج بس ركص. دروحي شوفيها صاعد ابدل
... هههه طبعا ركص تمام
صعدت فوك ستحيت شون افتح موضوع وياها مهم تشجعت ودزيتلها مسج
... هلو مروم حبي شونج اخبارج كاعده لو نايمه؟
وره خمس دقايق ردت
... هلا سلور كاعده حبي
... تمام اريدج بموضوع اكو احد يمج اذا ماكو حدك عليج
... لا ماكو احجي
دكيت عليها كتلها كلشي
... صصدك تحجين م ماعرف شكلج سلار عفيه اخاف واستحيي
... فهمته اني بس يكول اتعرف عليها وراها اخطبها
... عزهه حموت خجل
... دنجبي لجج هسه شسوي
... سلار خاف اهلي يحسون شي كليله قبلت بس مو يدك هواي والله اهلي متشددين تعرفين بعد شيوخ
... اعرف حبيبي وهوه هم يعرف بهسالفه
... ولو عيب خاف ياخذ غير نضره عليه هسه يكول ما صدكت قبلت بلرقم
... خههههه لا بابا هاي شبيج
... تمام خايفه شون ححجي ويا
... هوه حقج بس باعي لا تاتاين هواي احجي طبيعي
... بعهاي شايفتني قابل خبره لج استحيي
... نجبي عاد اكلج مرو
.. كولي عيني
... بس بينا يبقى
... طبعا حبيبي
... سلطان اخوج
... ي شبي
... مين جاب رقمي؟ قبل يومين دك عليه
... صدكك؟!
... والله
... عفيه مداصدك بس خلي استوعب سلطان معنده هل سالفه
... حسولفلج كلشي من اول يوم شفته
سولفلتلهت المقتل كله
... يااا لج عوبه سلطان وكع بيج ومحد سمه عليي حطج براسه ونبي ياخذه مخبل تره
... صدكك تحجين لا عفيه !
.. ي والله تخيلي اني مرت اخوج ونتي مره اخويه عزهه
... يمه سمالله ماريد اخوج
... دنجبي لاكيه منه عساس
... صراحه هوه مشايفه منه يعني جمال وهيبه وشخصيه وكلشي بسس عصبييي ميتحملل عفيه
... يمعوده هوه منو مو عصبي بس حقج هوه فوك العصبي تره هاي لاشيء من عصبيته خاف كدامج عصب عصبيته بعد اضرب ايده والتكسير والبوكسات الحايط شحجيلج
... يمه خوفتيني شنوهذا
... ههههههههه
... مرو اكيد انتي ما منطينه رقمي؟
... لا وداعت امي بسس ياا ذكرتت ذيج مره كلي مرام جيبي موبايلج بله حتى اني خفت كلت شايف شي عليه عاد طيته يا ماكو خمس دقايق وكلي هاج اخذي يمكن هوه عمود رقمج
... عزه اخوج حطني براسه لو شنو الموضوع
... هههههه هوه هم هيج
... يلا حبي حنطي رقمج وتفاهمو تصبحين على خير
.. وك ونتي من اهله حبي
سديت الخط دزيت مسج لسيف كلي تعالي لغرفتي
رحت طبيت
... شكالت
سولفلتله
... تمام
... يلا تصبح على خير
... ونتي من اهل الخير
رجعت لغرفتي نمت ...
اجه الدوام
٧:١٢ صباحاً
... صباح الخير ماما
... صباح نور حبيبتي يلا تريكي
... ي هسه
كعدت
... وينهم لعد
... ابوج ديسبح ويوسف طلع للشغل واخوج لتحق من صبح الله ينور طريقهم
... امين يلا ماما بلعافيه اني كايمه حمدالله
... الله وياج دربالج على نفسج ونتبهي لمحاضراتج
... نشالله
بستها وطلعت صعدت للخط
... هلاو صباح الخير
ردو... هلا صباح نور
وصلت للكليه نزلت رحت للقاعه ماتي
... هلاوو
... هلا ... تباوسنه اني وريم
...شونج
... زينه ونتي
... والله بخير
... رغد وين. لعد ،
.. بعدها مجايه
.. امشي للكافتريا من تجي دك علينا هيه
... اوك
رحنا للكافتريا كعدنا دنسولف جان اجه ولد من قسمنا
... سلام عليكم
... عليكم السلام،، ردينا
... انسه سلار ممكن نحجي بنفراد
... اكو شي؟ بلا زحمه
... لا بس موضوع رايدج
... تمام
كمت ويا
... تفضل
... اولا اسمي مهيمن
... تشرفت
...شكرا الي شرف الموضوع شوفي سلار حكلج من دون لف ودوران اني معجب بيج واريد اخطبج
... شوف عيني اني احترم اخلاقك وكلامك الخلوق بس عذرني اني ما مفكره حالياً بهل شي انت مناقصك شي بس للاسف مالنا نصيب
... اخذي وقتج فكري لا تتسريعن
... ميحتاج الموضوع تفكير لان اني شايلته من راسي نهائياً اتمنى تتفهمني وربي يسعدك بحياتك عن اذنك اني اترخص
... تمام سلار مرخوصه
عفته ورجعت كعدت يم ريم
... ها شراد منج
سولفلتلها
... يا خطيه هههههه
... خطيه شنو اجذب علولد قابل
... اوك اوك لتعصبين ههههه اجتي رغود
.. صباح الخير صباياا
... هلا صباح نور ، ردينا
كعدنا سوالف وراها صار وقت المحاضره دخلنا بدت المحاضره واحنا ميتين خوففف لام حيعلنون النتائج
... عزه كلبي حيوكففف
.. احنا هم ، رغد وريم
بدينا نقره ايات ولازمين ايد لخ وخايفات
حمدالله ستلمناها وناجحينن كلشش فرحنااا حيل جنه خايفين
خلص دوامنا ورجعت للبيت تغديت وخلصت
مشت الايااامم واجانه الصيف صرنا بشهر ال٥ والدوام بدى ينتهي يعني نداوم بس مناخذ محاضرات هواي نكضيها طلعات وونسه ويه قسمنا او ويه رغد وريم
رغد خلال هل كم شهر تقدملها شاب من مرحله الرابعه هم يدرس قانون شاب مرتب وخلوق وافقت وعجبها اهلها وافقو هم وقرو بس الفاتحه كلوله تخلصون هلسنه ونخطبكم لبعض وهيه فرحانه الله يسعدها كلش فرحنالها وتحمسنه للحفله مالها الا نركص للصبح 😂 اما اخويه سيوفي ومرام علاقتهم قوه وسيف مثل المخبل وياها لا سوين لا طلعين وحبجيات واني باقيه ياكلني الجفاف😂☹️ وتفقو بينهم انو همين بس تخلص الامتحانات وهوه يكمل وضعه نروح نخطبها محد يدري بلبيت بس اني وسيف كال لامي امي كالت خليها لوقتها حتى لا تصير عرويجات
حنان حبلت هسه هيه بشهر الثالث فرحنالها حيصير عدها جهال هل مخبله هههههه اعجاب للصفحه ومتابعه لتصل جميع القصص التي ننشرها
اما سلطان من اخر مره بعد ما دك عليه بعد احسن مناقصني اني
بدينا فترة امتحانات كلش جنت خايفه وادرس اربع وعشرين ساعه ماريد اطلع دور ثاني حمدالله بدت وخلصنا وجاوبت واليوممم توزيع النتائج رحت شفت البنات هناك واستلمنه وحمدالله ناجحين كلش فرحت
... بناتت اليوم الاكل على حسابي
... والسينما على حسابي ، رغد
... والكريب على حسابي ، ريم
... تمامم تفقنا
ليوم تفقنا اذا ننجح كل وحده تعزم لخ ف حمدالله نجحنا كلنا نسوي طلعه جبيرههه من غده الى سينما الى چوكليت بار يعني نرجع متخميننن ههههه
رحنا تغدينا وسوالف وضحك بعدين رحنا للسينما شفنه فلم رعببب يجنن ضلينا ساعتين وراها خلصنه الفلم رحنا لچوكليت بار طبينا طلبنه ضلينا سنابات وضحك وسوالف يعني يوم رهيبببب صدك طلعنا كل ضغوطات فتره الامتحان حمدالله ربي مضاع تعبنا
... بنات ساعه٤ خل نخلص ونرجع للبيت تعرفون اهالينا شون يدققون، ريم
... تمام ، اني ورغد
خلصنا اكل كمنا تباوسنه ودعنا بعض رغد اجه عليها اخوها وكالت لريم اوصلج
واني خابرت يوسف اجه عليه صعدت
... مبروكككك سلوره
... الله يبارك بيك حبيبي وين هديتي يلا عسريعع ومديت ايدي واباوع علي برائه لواكه والله 😂
جان يحط ايده بايده وباسها كال ميكفي اني اخوج ☹️
... لا بلههه معليه اريد هديه ما ما
... دولي مو صوجج ام الوصخ تريد هديه حسافه تعبت حلكي وبست ايدج الوصخه
... هاي عليمنننن
... ههههههه اشاقيج حبحب شتردين فضينا
... اممم مو هسه باجر هسه تعبانه
... تمام
وصلنا
طبيت للبيت اهلهل واركص ههههه فرحانه
اني خابرت ماما اول ما استلمت النتيجه ف تعرف وكايله لبابا ولاخواني
... نجحتتت كلولوششش
... مبروك حبيبتي ،، بابا كالها وباسني براسي
... مبروك سلورتي . ماما كالت وباستني
... مبروك ، سيف
...الله يبارك بيكم
كعدت سولفتلهم على اليوم شسوينه ستاذنت منهم وصعدت سبحت لان متت حر وبدلت ونمت كلش تعبانه ....
