رواية كان اخي الجزء الثاني الفصل السادس بقلم مجهول
حسيت كلبي كام يدك عالسريع
ملك:-اكلج اريد اتأكد اكثر ترى معد اكدر اخاف الشريط هذا قديم
مرح:-لازم نجيب شريط من صيدليه..منو يروح هس يجيب بنص الهوسه والدنيا مغرب
ملك:-اني اروح والله بعد ماكدر هس ابدل عالسريع واروح امشي وياي
مرح:- يله امشي
رحت ويه مرح عالغرفه عالسريع بدلنه لبسنا عبايات وطلعنه بنص الهوسه والزلم محد انتبه النه موجودة موحيل بعيده علينه بالمنطقه رحنه على صيدليه لكيناه معزل فتنه عالبيت لان الصيدليه يم البيت طلع الرجال وفتحها اخذنه منه شريط ورجعنه..اول ماوصلنه الباب شافنه هيثم:-هااي وين جنتن
ذملك:- رحنه بشغله ضروريه بعدين اكلك
كلت بكلبي مااكله اله اتأكد
هيثم:-فوتن هس فوتن اريد اشوف وين رحتن
فتنه جوة وهو لحكنه
هيثم..-هاا وين رحتن
ملك:- بعدين اكلك
هيثم:-شنو بعدين كاعد اسألج جاوبي وين رحتن
لح عليه حيل اله كتله
ملك:-رحنه للصيديله اخذت شريط مال حمل
هيثم:-ليش شسوين بي
ملك:-يمكن حامل
هيثم:-صدك تحجين
ملك:- اي بس اريد اتأكد بالاول
هيثم:-يله روحي تأكدي انتضرج
فتت للحمام وهيثم كل شوي يكلي هاا شصار..متحمس اكثر مني
خليته الشريط وطلعت
ملك:-بعد شبيك اصبر ..امشي خل نطلع شويه ونرجع
طلعنه ورى البيت
ملك:-شتكول هيثم اطلع حامل لولا
هيثم:-ان شاءالله اي
ملك:-متوترة حيل....حتى بطني توجعني
هيثم:-على كيفج حياتي ..ها روحي شوفي هس
رحت صحت مرح وفتنه للحمام....طلعت الشريط مرح:-خطين خطين حامل حامل ولج
ملك:-يمااااااااه صرخت من الفرحه اخذت الشريط ورحت ركض على هيثم..جطيت علي وحضنته:-حاااامل والله
هيثم:-ههههههه عفيه ..الحمدلله يارب
ملك:- ممصدكه والله ممصدكه
هيثم:-كتلج توكلي على الله ولاتهتمين
ملك:-خل اروح اكول لعمتي ولهبه
رحت على عمتي جانت كاعدة بنص النسوان شاورتها كتلها اني حامل
سميه:-عفيه صدك تحجين تعاي خل ابوسج...تستاهلين والله.الضاهر نور كصت خير علينه
رحت هم على هبه وبشرتها احس الفرحه ماتسعني شكد جنت ضايجه ومالي خلك شي بسرعه تغير حالي والحمدلله مرح كالتلي عالشريط وله اني مومهتمه ابد
تعشت الناس وبدو يروحون ..اجه حسين تاياخذ نور للغرفه واني وهيثم واكفين يم باب غرفتنه نباوع عليهم ونضحك...هيثم راد يضحك حسين كاله:-شبييك خاييف صير رجال
حسين خجل:-موخاايف..رحنه فتنه لغرفتنه جنت حيل تعبانه من الهوسه بس نفس الوقت ماكدر انام من الفرحه مومصدكه اكو طفل بطني..خلص اليوم وكعدنه الصبح وكلها تنتضر العرسان يطلعون من الغرفه..ماطلعو اله الساعه11..من طلعو بدة الشقه والضحك والتقليد عليهم
حسين خطيه بطبعو من واحد يشاقي يخجل بس يتقبل عادي ويضحك عكس هيثم بهذا الشي وهو اكثر هدوء من هيثم قليل يتعصب.بس هيثم لا يتعصب اذا شي يزعجو يمكن لان هو الجبير ويحس نفسو المسؤل اكثر عالبيت ...مر تقريبا 10 ايام وامتحاناتي بعدلها12يوم وهيثم رجع الموبايل ليه.هو رجعه اني ماكتله. وحسين نور بعدهم بالعسل مالهم. حتى مايطلعون قليل من الغرفه...ونور صوته كلش ناعم ومايع عاد مرات نقلد عليها ...بدت شوي شوي تطلع وتشتغل ويانا مانخليها تشتغل هواي نكول بعدها عروس...فمره من المرات جنه كاعدين بالهول اني وهبه وهيثم احجت نور علينه ووجهه مكلوب كالت
نور:- وووووي ملك انقذيني(بصوت ناعم)
ملك:-خير شبيج
نور:- حسين كالي اكوي القميص واني مانتبهت خليت الدرجه مالت الكاويه عاليه وشتعل القميص شسوي
ملك:ههههه.....والله مدري وينه القميص شوفينياه
راحت تاتجيب القميص
هيثم:-بدت رحمه الله
هبه:-هههههههه
اجت ماسكه القميص..القميص محروك شي موطبيعي
هبه:-اوووو ولج هذا منتهي عالزباله كبل....خطيه حسين ليش هيج حضك
نور:- والله هس يرزلني اووف شنو اسوي
هبه:-اي طبعا يحجي لعد خما يسكت
نور:-ولج لتخوفيني
كاعد نحجي جان يفوت حسين اني وهيثم وهبه مقبين الضحكه
نور:-حياتي باوع حركت القميص مالتك بالغلط والله
ردلها حسين بكل برود
عادي حبيبي فدووة الج
احس ضلينه بسواد وجهنه . نور ردتله:-اووي حبيبي فديتك بعد ماحرك ابد ابد
متنه ضحك عليهم....
صارت دنيا ليل ورحت على هيثم يدرسني فيزيه..جان كاعد بغرفه الخطار ماسك لابتوب
ملك:- حياتي بس اريد تدرسني شوي
هيثم:-هاا حبي..بعدين فد ساعه هيج تعاي
رحت ورجعت علي بعد ساعه
ملك:-يله صار ساعه تعال درسني
هيثم:-يله تعاي عالسريع..كام يدرسني بس احسه باله مو هواي وياي مشغول بغير شي بس يريد يخلص
درسني شوي ورجع مسك اللابتوب
ملك:-شو بسرعه بعد اكو موضوع هم
هيثم:-ملك مالي خلك والله بعدين
رحت لغرفتي وكمت ادرس وحدي...صارت ساعه 1 مااجه للغرفه..طلعت رحت علي لكيته على نفس الكعدة ماسك اللابتوب ويضحك
ملك:-هاا ساعه1 شو ماجيت
هيثم:-هس جاي...جيت كعدت يمه جان يسد اللابتوب كبل :-يله امشي خل نروح نام
ملك:-اوك
رحنه للغرفه ...اول مافتنه حضني قوي وكالي:-اني احبج حيل والله رديتله واني بعد احبك حيل.نمنا وكعدنه الصبح هيثم راح للدوام واني سبحت فجر وبدلتله وخليته يم عمتي ورحت ادرس..بقيت الى الضهر ادرس.فاتت علي هبه:-تعاي تغدي
ملك:-دقيقه خلي اخابر هيثم اشوف وينه بلكي بالطريق.خابرته كالي:ماراح ارجع للعصر. كتله تمام
رحت تغديت ورجعت نمت كعدت العصر بس بعدة موجاي.رجعت خابرته:-هاا وينك
هيثم:-نص ساعه اكون بالبيت..انتضرته ورى ساعه تااجه.
ملك:-شو تأخرت اليوم
هيثم:-اي صار عدنه شغل اضافي ومكدرت اطلع..مشتاكلج حيل
ملك:-واني هم مشتاكتلك هووااااي
صارت دنيا ليل رحت كعدت اباوع عالتلفزيون بغرفه الخطار وهبه ونور وياي..كمت اشرب مي رحت للمطبخ شفت هيثم ديخابر ورى البيت ماهتميت رجعت بعد ساعه هيج كمت هم شفته بنفس المكان بعدة ديخابر
رحت علي
ملك:-صار ساعه تخابر ويه من؟
هيثم:-ويه صديقي..بشغله
ملك:-اوك
بعد اشوي فات للغرفه خله موبايله عالشحن وطلع
اني جنت كاعدة ادرس..كل شوي اسمع صوت الموبايل مثل صوت الرساله كل شوي نفس الصوت..رحت عالموبايل بس مقفول كل مرة يكلي عالرمز بس انسه..باوعت عالشاشه الرسايل التجي تبين بس موكلها شفت مكتوب( هاي وين صرت ) حاولت افتحه ماكدرت
اجت نوب رساله مكتوب(راح انام وبعدك مجيت)..صار عندي فضول اريد اعرف منو الي ديدز الرسايل..سمعت صوته بالهول ديحجي ويه عمتي كبل عفت الموبايل ورجعت ادرس جان يفوت
ملك:-موبايلك خبصني كل شوي تجي رساله خلي صامت قصص عراقيه واقعيه
هيثم:- هااا...اوك
راح مسك الموبايل كام يكلب بي واني اباوع علي..شفته مبتسم وهو يقره..اخذ الموبايل وطلع..
ماحيل اهتميت للموضوع كلت يجوز صديقه....مر يومين وجان عندو اوراق قديمه مال معامله لصديقه فكالي راح يروح يسوي المعامله مال صديقه ..طلع من الصبح واني بالبيت ادرس ملتيهه..عزلت الغرفه الدنيا عصر جانت باوعت الاوراق موجودات خابرت علي
ملك:-الو حياتي شونك
هيثم:-هلا حبيبي الحمدلله انتي شونك
ملك:-بخير..اكلك انت اخذت الاوراق مال المعامله وياك
هيثم:-اي اخذتهن
ملك:-متأكد؟؟
هيثم:-اي ليش
ملك:-شفت الاوراق موجودات بالغرفه كلت شو موماخذهن
هيثم:-هااا ...مو عندي غيرهن
ملك:-اوك لعد روح كمل شغلك حسبالي نسيتهن بعدين اخابرك لان تاادرس
هيثم:-اوك
ملك:-اي صدك شوكت ترجع
هيثم:-باليل
ملك:-اوك انتضرك باي
هيثم:-باي....
يتببع
،💥💥💥💥💥💥💥💥
#بارت مفاجأة.
سديت الخط من عنده ورجعت ادرس بعد 10 ايام فقط ولازم ابذل جهدي اريد بس اخلص نفسيتي هواي تعبت
بقيت ادرس لليل تعشينه وخلصنه وصارت الساعه9 وهيثم مااجه اتصلت علي
ملك:- الووو هاا وينك
هيثم:-فد ساعه واكون بالبيت
ملك:-مو كأنو تأخرت حيل
هيثم:-اي اعرف بس شسوي مجبور
ملك:-اوك يله لعد انتضرك
هيثم:- تمام
رحت سويت حليب لفجر وخليته بالعربانه وضليت اكلب بالتلفزيون مرة وبالموبايل مرة ومرة ارجع اقره ...
بقيت انتضر هيثم صارت الساعه 10 ونص تايالله رجع سمعت صوت السيارة جوة بعد شوي فات عليه للغرفه
ملك:-واخيرا جيت ضجت بوحدي
هيثم:-اوووف تعبان حيل
ملك:-الله يعينك .اي شسويت
هيثم:-كملنه المعامله بس تأخرنا هواي..افوت اسبح طلعيلي هدوم وجيبيلي منشفه
ملك:-اوك
راح للحمام واني وديتله الهدوم والمنشفه فتت وياه للحمام كالي:-افركيلي ضهري..فركت ضهره وطلعت
رجعت اقره شوي..سمعت صوت موبايله دك
كمت ادورله ماعرف وين بس اسمع صوته باوعت بالبنطلون نازعه ومخلي بالتعلاكه.رحت طلعته وباوعت رقم غريب مومحفوض..كلت ماارد لان غريب يجوز صديقه..بقه الرقم يدك اكثر من مره كلت خلي اريد اكول بالحمام هيثم.رديت كلت الووو.سمعت صوت وحدة
كالت الووو هاا شسويت ..رديتلها:-منو انتي؟؟
رجعت كالت انتي منو انتي متصله بهيثم..كتلها:اني زوجته انتي منو؟؟كبل سدته...معد اكدر بقيت افوور بداخلي رجعت اتصلت عليها رفضته اول مره ثاني مره ردت..كتلها الوو احجي شتريدين من هيثم هو مشغول هس رجعت كالت:- من يخلص شغل خلي يتصل عليه
كتله:-حضرتج منو حتى يتصل عليج..رجعت سدته.خابرته نوب ونوب وماردت..اخذت الرقم وحفضته يمي....احس النار بكلبي راح تاكلني ماعرف شنو اسوي..احتاريت اذا اكول لهيثم لولا كلت لا مااكله اريد اتأكد هاي مني بالاول يجوز اذا اكله راح يثولها ويكول مادري ردت امسح المكالمه بس انقفل الموبايل رجعته بالبنطلون وعلكته بمكانه..طلع هيثم من الحمام...احس مكدر على نفسي كل شوي اريد اسألو وارجع امسك نفسي ..مشط شعره واجه كعد شوي ورجع مسك موبايله كام يكلب بي باوعلي وكال:-احد اتصل شي عليه
ملك:-اي اتصل رقم مجهول ورديت بس محد جاوب
هيثم:-اكيد محد جاوب
ملك:-اي محد جاوب
هيثم:- بس انتي راجعه متصله علي مو؟؟
ملك:-اي رجعت اتصلت بس هم مارد كلت الو بس محد رد
اخذ موبايله وراح طلع برة
رحت جبت فجر للغرفه ونيمته..متحملت اضل بالغرفه لحكته شفته يتصل بالحوش...رحت وكفت يمه كام بس يكول
اي واي
عرفت من جيت اني معد يحجي .بقيت واكفه اله ماسده.بس كلشي مفتهمت بس اي وماشي
ملك:-يله كافي تخابر شنو مومشتاكلي من الصبح طالع
هيثم:- اي طبعا مشتاكلج يله امشي خل نروح
فتنه للغرفه طفيت الضو وتمددنه عالتخت
هيثم:-كلش تعبان اريد انام
ملك:-اوك نام بس افتحلي موبايلك وانطيني اياه
هيثم:-ليش موعندج موبايل
ملك:-اي بس تااحول برامج على موبايلي
فتح موبايله وانطاني اياه..هو غفى واني بديت اكلب بالموبايل...فتت عالسجل مال المكالمات اخر مكالمه رقم مكتوب علي صالح..دخلت للرسايل ماكو شي.اووف ضليت اكلب ماكو شي كله ممسوح..عفت موبايله..ورجعت مسكت موبايلي..جان بوكته محمله برنامج الواتساب اراسل بي فرح ومرح دخلت للبرنامج شفت نفس الرقم بي حساب لان اني حفضت الرقم يمي فضهر يمي انو هذا الرقم بي حساب واتساب..دزيت رساله كتبت مرحبا..بس ماجانت فاتحه ماردت عليه....ضليت افكر وفكره تروح وفكره تجي مكدرت انام معرف شون غفيت بالكوة..كعدت الصبح مثل كل يوم شغل ودراسه وفجر...وهيثم بس مخلي راسه بالموبايل واني التفكير اكلني...كلت اليوم لازم اعرف هاي مني ..حاولت بكل طريقه اراقبه وكت يراسل واحاول اشوف بس كل مره ماترهم..اخر شي طلع فوك السطح يخابر..رحت تصنتت علي صوته بعيد موحيل واضح واني ماكدر اتقرب اكثر لان يشوفني هو فوك واني بالبيتونه..سمعت اخر شي كال(انشالله نشوفج اليوم ونتفاهم)حسيته اجه تاينزل نزلت ركض حتى تصوبت
سميه:-على كيفج انتي حامل..
فتت لغرفتي وكلبي يدك عالسريع...احس روحي تطلع من مكانه ياربي دخيلك شنو هالشعور اخخخ متت ...اريد اكله بس اخاف ينكر ومااحصل شي خلي اعرف بطريقتي ..صارت الدنيا ليل وتعشينه واني بالي بس يم هذا الموضوع ...
هيثم:-ملك اني اروح بشغله ماطول فد ساعه وارجع
ملك:- اوك
غير ملابسه وطلع صعد بالسيارة بس بعد ماطلع بره البيت..كلت ماابقه هين خلي الحكه اشوف مني هاي اريد اشوف كلشي بعيني حتى مينكر ابد
بدلت عالسريع وكلت لعمتي اروح يم صديقتي اخليها تساعدني شوي بالدراسه وارجع. خابرت على جارتنه ابوها يشتغل تكسي كتله اريد يوصلني لمكان عالسريع
كالت فد دقيقه هو يمج ..
طلع هيثم واني طلعت مباشره عالسريع رحت على جيرانه لكيته مشغل السيارة صعدت عالسريع وكتله اريد بس تلحك هيثم اني رايحه وياه لنفس المكان بس مااريده يشوفنه لان هو مايرديني اروح..كام يسوق ورى هيثم بقه وراه تقريبا نص ساعه السياره تمشي وكفت سيارة هيثم يم حديقه عامه ونزل....
