رواية احببته لكنني متزوجه الفصل السادس بقلم مجهول
ومر الحال كما هو لحد ما اجه يوم وجنت دا اتصفح على الفيسبوك لكيت منشور من صدك ضحكني :
اكو محشش وية صديقة دا يتمشون فات من يمهم صاروخ المحشش يكل لصديقة شنو هذا كالة صاروخ كالة وابيش يبيعو كالة 100 مليون كالة وين الله ويوكع ابيتنة
كتبت اله تعليق _
Suha Facebook: ههههههه
Ahmed Facebook : دام نبض كلبج
Suha Facebook : دام نبض كلبك
Ahmed Facebook : فدوة لكلبج وردة
مجاوبته بعد وكمت اتصفح كل يوم والكه منشوراته وعلقله وهو يجاوبني الى ان اجه يوم دزلي رسالة وجان كاتب بيها : هلاو سهى شخبارج واسف لان دخلت الخاص بس حبيت اسلم عليج لان انتي من اشد المتابعين اليه اشكرج هواية واسف لان دخلت الخاص اتمنالج يوم سعيد . قريت الرسالة ومجاوبته المهم كل يوم واني اشوف منشوراته وعلقله وهو يجاوبني الى ان كتب سهى طبعا دزيتلج رسالة قريتيها لو لا كتبت اي قريتها كتب اي زين يعني مزعلانة مني منو كلت لا وليش ازعل كتب الحمدالله فرحتيني كلش والله . اجه يوم واحمد مكام ينشر واني استغربت ليش ما نشر اتصفحت اكثر وطبيت لصفحته الخاصة لكيت منشور ابن عمه استشهد
وهو كلش حزين بالتعاليق ماعرفت شسوي كلت يالله خلي اواسيه دزيتله رسالة كتله الى رحمة الله ان شاء الله مثواه الجنة والعمر الكم جاوبني وكال :
احمد : شكرا الج سهى فرحتيني برسالتج .
سهى : لا شكر على واجب انت ضحكتني دوم واليوم اني وياك بحزنك
احمد : ما احب تكونين ويايه بالحزن احب تكونين بس تفرحين وتضحكين
سهى : هسه اترخص احمد لان اجه زوجي ولازم اصبله الغدا
احمد : اوك اخذي راحتج بعدين نتحاجه ممكن ؟
سهى : ما اعرف اخوية
احمد : بدون كلمة اخوية سهى
سهى : مع السلامة
رحت حظرت غدا لزوجي وصبيت الاكل واجه يونس واتغدى واني دا اتغده افكر بالمحادثة الي صارت بيني وبين احمد وافكر ادردش وياه لو لا ؟ معرفت شسوي كلت يالله اكيد راح يدزلي واني راح اجاوبه .خلصنه اكل رحت للمطبخ نظفت الصحون بسرعة وما ادري ليش كلبي جان ديدك عرفت دكة الكلب يعني هذا الشي غلط . ما فتحت الفيسبوك لمدة يومين وبعدين فتحتها لكيت احمد دازلي رسالة وكاتبه بيها : وينج سهى ضل بالي عليج والله وخايف لا صايرلج شي بسببي جاوبيني فدوة لربج والله قلقان عليج كلش واذا صاير اي شي اني اتحمل المسؤولية
عجبني رسالته وخاصة جملة ( اني اتحمل المسؤولية ) جاوبته لا مصار شي بس اني متزوجة احمد وما اريد اسببلك مشكلة واسبب لنفسي مشكلة وراها بـ 3 ساعات جاوبني احمد وكتب الف الحمدالله ماصايرلج شي الف الحمدالله فرحتيني والله واخذي راحتج وااعتذر عن ازعاجج .
