رواية عشقت رجلا متزوج الجزء الثاني الفصل السابع بقلم نجم اليل
حنين...نطق هل كلمه وياريت مانطقها احس كلشي ضاع مني الحجي حتى اعدل وكفتي احس رتخه جسمه لعد اني شكد ضعيفه عنده قويت حالي
ودفعته وكمت اضحك علي ودموعي تنزل.. هو يباوع عليه بقلق قربت علي
لزمت ايده ولويته وره ضهرا واني صرت وره وكتله
حنين...صدك باله شلون تحبني بهاي الحركه .. بعدت عنه صد علي وغمزت اله وضعيت شفتي ومسحت دموعي
وكتله لو هيج حبيتني ...
هو يباوع علي وساكت
حنين...لا انت غلطان والله اني مو ذيج القديمه الي تتقشمر بكلمه وبحركه ..
حبيتك غلط صح واكبر غلط سويته جيت عترفتلك
بس انت سويت كولي... حجيك مثل حجي الناس .. تعيرني بالفلام ..
تدري من رجعت شكد عانيت
هو يريد يحجي وكتله
حنين...خليني اكمل رجاً تدري صار بيه..
شهرين واني راح الحجي منى بس ابجي بصمت ..
تلفزيون حرمته ع حالي طلعه ونسه ضحكه حياتي صارت سودة بكلامك ..
-بس خليني افهمج
قاطعته وكتله
حنين...كلشي صار اسود حتى هنا 3 سنين ماجيت كله بسببك
حبيتك وماشفت غيرك بس انت شقدمتلي... انت مو كتلي ابن الشارع اذا هيج سوه دكومين تفكرين يحبج..
تخليني وي ابن الشارع...
بس انت نسيت انت قارنت حالك بأبن الشارع
محمد...هسه خلصتي خلي احجي
حنين...بروح كل من غالي عليك لا تحجي شي وروح اذا انت صدك بيوم حبيتني روح ولا تحجي شي ابوسها لايدك.. روح
محمد...راح اطلع بس وغلاتج كله لمصلحتج اليوم اتركج بعدين افهمج
هو طلع كعدت بالكاع ابجي.. ليش هيج يربي اني ناقصني يعني ..
تمددت حسيت بروده الكاع ع جسمي غمضت عيوني ودموعي تنزل
وبعده كلبي جمره مو راضي يطفي..
حسيت ضاع كل كلامي الي جنت محضرته اله بس مكدر طاقتي خلصت ..
كمت رحت سبحت وطلعت فرشت فراش وتمددت حطيت سماعاتي حطيته ع اغنيه وابجي...
اخخخ شوكت ياربي عيوني ينشفن من الدموع اني تعبت ومليت من روحي
حسيت روحي طكت ..
سمعت صوت عمتي مسحت دموعي كمت
افرك بعيوني ورحت ع الحمام سديت الباب
باوعت جان وجهي عباره عن قطعه حمره
عيوني مبين بجيانات تفحصت شكلي ..
متغيره 180 درجه من قبل 3 سنين
جنت شويه اسمن واضخم .. رغم عمري زغير جان وجهي مورد .. جان اكو ضحكه اكو شقاوة اكو بسمه ...
هسا وين ضعفانه كلش صح حبيت هل شي لان ماحب السمن احب جسمي بحلاته
وجهي صح دائري وخدود وعيوني كبار..
بس مبين تعبانه وعيوني ذبلانه ..
عيوني سود..
غسلت وجهي بقيت اخذ شهيق وزفير
وامسح وجهي ع كيفي .. طلعت بطلعتي اجت امي وعماتي وكلهم..
حطيت راسي ع رجلين امي بقت تمسح ع شعري ..
ماعرف احس حالي بحرب داخليه صراع عقلي متشتت وكلبي ضايع اذا صدك طلع يحبني ليش هيج سوه ..
جنت محتاجه اشكي همي لاحد افضفض
احس شايله شي اكبر من حجمي..
بس المن وشراح اكول...
حبت شخص متزوج باي حق اصير دخيله ع بيته .. بعدت 3 سنين عنه
وحتى عن ندى
بعد ماريدهم ثنينهم ندى صح مالها ذنب بس مأكدر لازم ابتعد عنهم ثنينهم ..
مر اليوم عادي بس هو ماجه وهيج احسن
وثاني يوم بال11 نطتني عمتي اكشر بتيته وقطعها..
رحت بصاله كعدت حطيت سماعاتي وكشر بالبتيته حطيت بس سمعه وحده لا
حسيته وكف فوكي
وتسلل عليه عطره بعده عطره من 3 سنين
باوعت علي بغصه شفت بعيونه الندم
بس بعد مايفيد شي .. يمكن لو قبل 3 سنين من جنت طايشه هيج كايلي وممخه هيج الامور جان قبلت بحبه...
دنكت وهو راح ع عمتي هي دازه علي مدري يسوي البوري مدري واير ..
مرفعت راسي ابد خلصت الي بايدي ورحت
ع المطبخ انطيتهن لعمتي هي كالت بس الزمي هاي لزمتها وهي طلعت ضلينه وحدنه..
جان بس الصمت سيد الموقف هو يشتغل وعينه علي صفنت علي..
ظلت بس نظراتنه تحجي وتعاتب هو عاد كال..
محمد...روحي هاي خلصت
بعدت عنه لان فعلاً محتاجه ابعد عنه كل البعد ..
مشيت.. جان التفت شفته لتفت علي درت وجهي وكملت مشي
كعدت بالمرجوحه شويه واجت ندى وياها خالدة..
جانت لابسه ثوب اخضر وشال حليبي ومصبغه ادينها احمر طوخ ومنزله كذل وحاطه حمره حمرا كرهتها هاي السمها خالدة .. سلمت عليه وعتذرت وكتلها عادي مصار شي عاد هي كالت
خالدة...يمه هل عيار مالتج بس هو هيج انتن البنات عوب وعيارات هههههه
حنين...ههههه زين انتي مو بينه بس عرفتي حالج ولد هههه
ندى...ههههههههه
هي سكتت ومنبين مو عاجبها
طلع محمد وهي كالت ..
خالدة...الله بالخير ابو الشباب ابوي يريدك ..
محمد...ماكدر كوليله
خالدة...اني ماعليه يريدك
محمد...دولي عني
هي ضاجت عوجت حاكه ومشت.. وهو راح للبيت وكلت لندى
حنين...هاي عود ليش هيج هي يعني شو تجي وحدها وهيج تحجي..
ندى...هاي من زغيره مرات من اهله يجون تجي وشلون دكولين صداقه وجيرانه تجي .. بس تدرين ماتلامين بيها مو مال واحد يسكت الها..
وخلاقها فد نوب مو زينه لسانه طويل وتعيب ع الرايح والجاي وتتكبر .. حتى علاقه بشباب عده ضحك وسوالف معدها لاعيب ولا مايصير..
حنين...لعد واهله وين...
ندى...هههه اهلها ترللي يمعودة البو بس بشغل ويعرف يعلف امها حرمه ملسنه ومفضحه .. وهي بنتهم الجبيره..
وخوانها صغار .. ويوميه دايحه بيت ..
وعلينه تجي بس مرات عمتي تسمعها حجي ..
وحنه مانريدها حتى تجي بس شنسوي بتلينه ..
جاي نحجي وجه عمر كال لندى ابوي يريدج ..
هي راحت واني بقيت صافنه ..
صاحولي ع الغدة مجان الي نفس بشي ..
اكلت شويه وكمت
ضل مشهد البارحه ينعاد عليه... من حضني يكولي احبج والله..
بس لازم هذا الحب ينتهي باي طريقه...
لان صاري كلشي غلط ..
حبي اله اعترافي اله حبو الي واعترافه كلهن غلط..
دكت مريم بس مابي حيل احجي سلمت ونطيته لامي..
ههففف ملل مدري وين اروح
وين اولي
طلعت امي تحاجي مريم بره طلعت وياها رحنه بالحديقه وحاجت مره خالي..
اجت ندى وراها محمد مبين كوه يمشي..
اجو عدنه وبدو يسلوفون هما وامي ..
اني ماشركت بأي حديث بس ع السلام
جان كل شويه يسرق نظره بس مو مثل نظراته المعتادة
لا نظراه واحد حاس بذنبه... كمت من يمهم رحت جبت مي ورجعت بالبيت وحدي
شويه وطب وعمتي صاحتله يكمل شغله
وصاحتني رحت وهو دزها مدري شجيب
بعدين كال..
محمد...شوفي خلي اكولج
قاطعته وكتله
حنين...اسكت ماريد دكولي شي امانه
هو تنهد وكال
محمد...ويعني شلون نظل هيج
حنين...وشبينه ليش شنو الصار علمود نظل هيح
خلينه هيج احسن الك والي ..
وهذا الحب لازم ينتهي باي طريقه لان كله ع يعضه غلط بغلط ..
محمد...لا ماينتهي ومو غلط ..
حنين...وندى
كلت هيج اجت عمتي بقينه نشتغل واني الزمله هو يريد لزم علمود مايفلت .. جان يصير وراي
وطخ ضهري صدره بسرعه بعدنه عن بعض .. وهو من جه واني من جه
خلص وكبل رحت ع الغرفه تعبت ماريد اعيد مثل التجربه دمع ونار داخلي لاا
صح ماخلصت منهن بس خليني ع لجمتي احسن مالجم لجمه جديده واني مو عايزه ..
وجه اليل الي كله هموم احبه لان اضل ابجي بي تعبت احس طاقتي خلصت شسوي وتالي عفيه حب
صارله شكد ماخلصت منه من3 سنين صراع بيني وبين نفسي..
وتالي ياربي .. شنو الغط السويته علمود اوكع بحب شخص متزوج...
ذبيته ع الصامت وي الكل حتى امي عباله راح صوتي.. بس حجيت كلمتين وضليت حابسه ع حالي
صخنت..
وامي كالت اهدي يأمي باجر يجي ابوج ونروح ..
نروح مانروح صار كله واحد انه صبري بده ينفذ
اريد اصيح اريد اطلع كل الوجع الحابسته سنين ..
اريد انزع هل حب الي مامنه فايده اضحك ع حالي..
اذا حبيته كلها تحاربني ولو يريد يزوجني
الكل يرفض .. واولهم انه هناك اكو ندى تعبت واني افكر بيها...
ولا اني الي مرتاحه ..
اجت خالدة ع عمتي مدري شتريد وجان محمد موجود..
وهي بس تباوع علي وهو موشايفه اصلا ..
انوب هاي مدري منين طلعت عله ع كلبي واني شكو
بس افكر بي شو هو حضرته ماخذ كل فكره لا كادره اتخلص منه شهل كابوس المرعب..
احساس صعب اوصفه بكل معانيه جنت اظن كرهته بس حبه بعده لاكدرت اخلص حالي من حبه ولا كدرت اكرها... بس عرفت احبه رغم اذاني ونطاني درس وحان درسه قاسي قاسي حيل حيل قاسي عليه .
حست بعد نكتب هذا العذاب علي احس روحي تريد تطلع... ليش هيج يصير وياي ...
ثاني يوم ابويه ماجه وهو يريد يحجي وانه ارفض
جانت الساعه بالعشرة اجه جنت كاعده ع المرجوحه
هو اجه وكف يمي وهمس..
محمد...شو اليوم لازم نجحي والله اذا محجينه شوفين شي مايعجبج..
سكتت وهو طب سلم شوين وطلع.
