رواية الإرهابي وذات النقاب الجزء الثاني الفصل السابع بقلم ام غايب
هواي حبوني لچن ماخذني وجهك
حزني من وجوه ناسي الما تشبهك
حزني من يحچولي عنك
يا بعد كل ضحكه بيه ..وحزني منك
_فواز رشم
__________
شي انكسر ... باوعت على الباب مااحس اله باسني بخدي درت علي بسرعه باسني بشفتي بقيت اباوع علي
خضر .. جنتي هادئه هيج اليوم تخبلتي علينه بس خبالج هم احبه
ميمونه .. خضر انت متحس بيه
خضر .. لو ما احس بيج واعذرج جان على عملاتج الهواي مسكتت
ميمونه .. سكتت ... ضربتني ... وحجيت عليه وعيرتني بعلاجي الي جنت ماريده ... والله جنت ماريد اتعالج
خضر .. خلي نعوف الي صار اليوم كله ... ونبدي من جديد وكام يتلمس وجهي بأصبعه بعدته مني ...اني اسفه على الي سويته ... اسفه لان مكتلك من البدايه واعترف مكتلك اله من شكيت عزوز كلك بس والله جنت اريد اكلك بس من ترتاح واسفه لان عليت صوتي عليك وبدون قصد هم والله بس الي صار ال فلك والقبلهه مرضي ومرضك ومشكلتنا حسيت انهارت اعصابي
ميمونه .. تقرب مني ودنك عليه راد يبوسني .... بعدت وجهي عنه
خضر .. اني هم اسف
ميمونه .. خضر عوفني اليوم متوتره اعصابي
خضر .. ليش راح تكبرين الموضوع
ميمونه .. اني مكبره ليش تنسه كل الي عشته وبعد اهلك مموافقين علي والله اعلم
خضر .. انتِ اهلي وكل ناسي
ميمونه .. ودنك عليه حاول يتقربلي بس جنت بارده اتذكر البارحه من طردني واليوم من عيرني بده يباوس بيه مكدرت اتقبل جنت محتاجه وقت اهدأ شويه بس هو لح وضغط عليه الحد ما وخر عني
خضر .. ميمونتي
.....................................
فلك .. جنت بالمطبخ كاعده وافكر وابجي وادعي يارب يطلع عايش ابني حمصه خله امل عندي برجعة علي عطشت مي ... كمت اشرب بس الدنيا افترت بيه ووكع الكلاص مني
ارتبكت وفزيت مااحس اله حمصه دخل للمطبخ... دخل باوعلي ورجع طلع بسرعه اني هم دنگت بسرعه ألم الگزاز شلت القطع الكبيره ولازم مكناسه لبست النقاب وطلعت لگيته راجع لمكانه يباوع على الباب اول مشافني گام وحجة من بعيد
حمصه.. خوما انجرحتي
فلك.. هزيت راسي ب لا
حمصه.. مبينه أوضاعهم زينه
فلك.. باوعت بعيني وعقدت حاچبي
حمصه.. اقصد خضر وميمونه اني اروح مادام الوضع هادئ يلله مع السلامه
فلك.. طلع توه من الباب صحتله حمصه دار عليه ورفع تك حاجب
حمصه.. احمد ام حجل
فلك.. احمد شتگول شگد بالميه ابني عايش
حمصه.. إن شاء الله بدون نسبة ولا رقم وعدتج ثقي بيه يلله مع السلامه
فلك.. دنگ لبس حذائه وراح بقيت واگفه اباوع عليه من يطلع... گلت الله يسمع منك ياحمصه رجعت گلت اقصد احمد والله علي سوالف
رحت ليمت الگزاز وسويت جاي شويه وطلع خضر شاف حمصه ماكو... خابر عليه وگله ليش رحت وشوكت رحت مااعرف مافهمت بس واضح جان يحجي على علاقته بميمونه گله الوضع تعبان والله
بقيت الوب على ميمونه ماطلعت وهو مضوجني اكو كلام بگلبي احسه خانگني... گعد گبال الابتوب وطلع جگاره يدخن ويگلب بيهه والكلام يلوب بگلبي تقربت يمه خضر... دار عليه وهو يدخن هاا ام علي
فلك.. انت ليش تأذي اختي ليش متحسب حسابهه
خضر.. اني
فلك.. لا اني انت اناني واني تريد الصدگ ماابلعك.. واحسك عن قصد تأذيها
خضر.. واني شعليه بأحساسج المعوق... اني أگول احتاري بروحج وبحزنج وعوفج مني اني وميمونه
فلك.. اختي هاي
خضر.. الي گاعد تحجين عنهه روحي والنفس الي اتنفسه... وماكو حياة مابيهه مشاكل وبكل حياة اكو خذلان... شنو نسيتي من خابرتج وانتي طعنتي بشرفهه
فلك.. من أگول بلا ضمير مغلطانه
خضر.. ام علي مااريد اجرحج بالكلام بس مااقبل تدخلين بحياتنا ولتخافين على ميمونه اني اخاف عليهه من الهوى الطاير
فلك.. رغم ودعي وحزني بس ميمونه روحي هواي صارت خلافات جرحتهه بالكلام لاارادي وجرحتني هيا هم مرات بس نبقه خوات والي تنزل دمعتهه ينوجع گلب الثانيه عليهه... عفته ورحت دخلت على ميمونه متمدده
شخبار رچلج
ميمونه.. زينه
فلك.. خليتيلهه شي
ميمونه.. لا بس صارت زينه
فلك.. تصالحتوا
ميمونه.. اصلاً ممتزاعلين
فلك.. حمصه أملني بعلي عايش
فلك .. وصي رجلج اجيب رصيد اخابر خاله اريد
ميمونه .. فلك عوفي خاله ... خاله من سمعت بالموضوع وخالد كللهه هم حقهه خافت على قاسم وراحت
فلك .. للأنبار راحت اكيد
ميمونه .. اي يم عيالهه .... حقهه شيريدهه لعد هو وحيد عدهه
فلك .. هنا حسيت روحي ضعت بالتفكير ... شلون بيه وين اروح وانطي وجهي جان عندي امل يم خاله ... انهضمت يعني خاله عرفت بوضعي وحتى مسألت عليه اختنكت حيل ... وزاد هم على همي
طلعت من الغرفه لان جانت ميمونه محتاجه تبقه وحدهه مبينه وبالهول كاعد خضر رجعت دخلت للمطبخ نزلت دمعتي لو كاتليني ويه حسين وابني احسن الي .... وين اروح وماعندي شي
تذكرت فلوس وبيت حسين كل ظني رادوني اوقع على الفلوس طلعت اشهد ضدضه زين ليش وهمه كتلوا
رجعت النفس الدوامه .... حسين معقوله احذ علي وعاقبني يحرمني منه ... بين الذكريات والخوف من المستقبل والامل برجوع علي وبين اليأس سمعت صوت باب الشارع نسد مبين طلع .... صدك رحت لكيته طالع جنت تعبانه تمدتت بالفراش .... و غمضت عيني يمكن جنت تعبانه بحيث اول مغمضت عينج هيج احلى من تبتسمين ابتسمت من تذكرته ... وبنفس اللحظه لمت روحي غمضت عيني واني اللوم بروحي ... شبرسرعه ابتسمت وبعت العثره الي بيني وبين حسين جنت احاسب روحي ....
ميمونه .. غمضت عيني غفيت وحسيت بشي بعد غير انجر الغطه مني فزيت
خضر .. داشوف رجلج بعدهي حمره .... جبتلج دهن بيهه حمار شويه لازم اخليلج
باوعت عليه مااريده يصير حنين عرفت خضر و حفظته على الغيب بس وكت اليحس راح نبتعد يعاملني بحنيه...
أحياناً فجأه بمواقف بسيطه تتأجج جروح قديمه... تبعدنا اكا مو شرط البعد يكون المكان فالبعد الحقيقي هو البعد الروحي...
حسيت تأججت الذكريات قديمه بطردته... بكلامه... طلاگي بلا سبب بس في سبيل يوصل للكتل اهله يعني بأختصار شي فائض بحياته يمكن بأي لحظه يمله
گمت گعدت على حيلي هو يخلي دهن وعينه بعيني
خضر.. مسألتي على ام تك وتك ابد
ميمونه.. البزونه
خضر.. اي... ابد مسألتي
ميمونه.. اكيد ضاعت مثل القبلهه
خضر.. گتلج ضاعت مره بعد مستحيل... گومي اكلي جبت كباب... فلك لگيتهه نايمه
ميمونه.. مااشتهي
خضر.. مو بكيفج
ميمونه..مااشتهي والله
خضر.. اسويلج لفه
ميمونه.. خضر أريدك تطلگني... گبل باوع عليه بحديه
خضر.. شگتلج اني مو متجيبين هالسيره ابد شنو معنى كلامج ميمونه
ميمونه.. اول مره اگولها... وگاعد اگولك قبل لا افجرهه گدام العالم
خضر.. تفجريهه گدام العالم
ميمونه.. انت قبل طلگتني قبل بدون سابق إنذار
خضر.. ليش گاعد تفتحين دفاتر قديمه
خضر .. كل الي كاعد يفهمه متحبيني ابد وكل تفكير وصخ بعقلي صار واحاول اتخلص منه كاعد تثبتي او توثقي ميمونه ديربالج تعديهه طلاق مااطلك ابي من هذا الشي لاهسه ولا اي سنه من السنين انتي الي عود من اموت بذاك الوكت تنفصلين عني
ميمونه .. ليش ... تاحضي
خضر .. سدي الموضوع مااريد اسمعه ابد
ميمونه .. تجبرني
خضر .. شحسبيهه احسبيهه
ميمونه .. اني مو بس هذا الموقف
خضر .. ولا اي موقف قديم اقبل يصير سبب بعدي عنج تحلمين اطلكج والله
ميمونه .. هو عباله ما احبه او فرحانه بس احسه غلط وراح يبقه غلط وماراح نرتاح ابد احبه واموت بدونه بس كلام اهله عني اختي واصلاً متقبلوني شلون يتقبلون فلك ... فلك مااعوفهه ابد ... لو شيصير ... مترهم اخذهه هناك خاصه بعد ما اكد خضر باجر نرجع البيت خالد حاولت ردت ويا قبل ليطلع من يمي اليوم بالنقاش الحاد الي جان بينا ...
خضر ... اختي مااكدر اعوفهه وانت متقبل تبقه هنا
خضر .. يعني انتي عقلج وين تريدين تنهين حياتنا علمود شنو علمود فلك فلك ويانه بالحالتين اختي هيه وبدون متحجين شتتوقعين اعوفهه كافي فلك واجه تمدد بصفي
يمكن مصخن اني سكتت وبقيت اباوع على السكف
خضر .. بردان دفيني بلله شوفيني مصخن ... ميمونه شنو هاي صدك يعني لج انتِ مخبله والله
ميمونتي ولج والله احبج... شگد شلعتي گلبي هو اني المفروض ازعل
ميمونه.. خليت ايدي على گصته جان مابي شي ابتسمت وگتله ليش تجذب
خضر.. اذوب بهاي الابتسامة
ميمونه.. باوعت عليه جنت بيومهه مدري شبيه خنگه بصدري ومالي واهس بالدنيا... بقه يباوع عليه... وگال براحتج ميمونه...
بعد روحه شويه بس بقى داير وجهه عليه وغمض عينه بقيت اباوع عليه ابتسمت.. اموت بدونك شلون اريد اعوفك ماادري بقيت اتأمله وهو بقه مغمض أگول معقوله نام بسرعه مااعرف بقيت اباوع لحدما اني هم غفيت
حسيت عليه من حضني اني هم تقربت عليه حضنته شفته نار يحرگ حرگ بالحراره فزيت كمت رأساً حتى جان الضوء مشتغل
ميمونه.. خضر حبيبي... خضر... فتح عينه وابتسم جذابه... تبسم احبج... ميمونتي حتى واني صاحي احبج
ميمونه.. ابتسمت... ليش هيج نار
خضر.. من حبج
ميمونه.. بطل سوالفك يالله مصخن اكيد بردان
خضر.. تعالي حضنيني
ميمونه.. بقيت بيومهه ابد منمت حتى كمادات سويتله... الحد الاربعه الفجر... وهو كل شويه حاضنني ويبوس بيه اخر شي حسيت نفسي جوعانه طلعت كووه كل شويه و ساحبني اخر شي گتله اريد اروح للحمام... طلعت لگيت فلك مگابله مقاطع علوكي...چانو يصيحوله علوكي...
مدري منيه گعدت يمهه
فلك.. ورود هاي
ميمونه.. زوجه حسين
فلك.. اي
ميمونه .. اوي تخيل فدوه وجهه جنه قرصه شمس على كولة امي وابتسمت تتذكريهه الحلوه جانت هيج تكول عليهه
فلك .. اي ...همه ..... اشتاقيتلهه جانت كلش حبابه
ميمونه .. مرت حسين
فلك .. اي ... نقلتهن من حسين قبل ليتوفى
ميمونه ..الله يرحمه
فلك .. اشتاقيتله ... و هواي مو شلون ماجان كلبي ورم علي
ميمونه .. تحبي جنتي
فلك .. اتنفسه مو بس احبه تعرفين شصار بيه من جنت اشك هو مو زين اكثر شي وجعني حسيت بضياع عل الاقل هسه اعرف هو بريء حتى محزنت علي جنت بدوامة الحقد والاشتياق
ميمونه .. وهسه بس الاشتياق
فلك .. اي عل الاقل هسه اتذكر كلامه واحسه لان ممشكوك بيه ولزمت الكلادة وغمضت عيني ....
ميمونه .. ليش ابتسمتي من لزمتي الكلاده
فلك .. تذكرت كلامه من كلي عليهه
ميمونه .. شمخليه بيهه ياصورة بلله
فلك .. بعدني
ميمونه .. ليش
فلك .. لان اول مكلي اختاريت صورته وصورة علي وصورة بابا وماما
ميمونه .. هنيالج راضين عليج
فلك .. وانتِ هم راضين عليج
ميمونه .. لا ابد نهائي ماراضين عليه
فلك .. ليش هيج تكولين
ميمونه .. لان غلطي مينغفر
سولفنه اني وفلك وكمت سويت اكل لكينه جبن واصلاً واضح جان حمصه يبات بالبيت لان نضيف وبي مسواك وكم شغله ضايف للبيت كاونتر زغير وجدوره وهالسوالف وراهه دخلت للحمام سبحت لفيت روحي بالمنشفه لان مجنت مقرره اسبح بس المي دافي حيل
سبحت ودخلت للغرفه جان نايم خضر مجان عندي ملابس هنا لان ملابسي الي مخليتهن بكنتور خضر حمصه يمكن شايلهن لو مااعرف وين ملكيتهن وخانه مقفوله مدري شبيهه وملابسي وكعن بالحمام تنكعن وبردانه تقربت على خضر ردت اشوفه بدون ميحس اشوف صخونته باوعت نازع تيشرته كيفت سحبته ولبسته همزين سترني فادني الفرق بالطول
جان عطره علي مغيره بس هم حلوه ريحته خليت ايدي على كصته هم مصخن بس احسن من الاول كبل فز ... ميمونتي
شلون صرت حبيبي شتحس
خضر .. احس مشتاقلج هواي وسحبني ... سابحه ومبلل شعرج ليش هيج هسه تتمرضين تعالي واخذني الحضنه
بردانه
ميمونه .. اي ...قربني عليه اكثر
خضر .. احبج ميمونه ...ليش تكليلي طلكني هالكلمه تموتني يعني تكدرين بدوني
ميمونه .. لا اسفه والله بس مااعرف شبيه جنت مختنكه وتعبانه
خضر ..اني اريحج واوفر تعبج بس انطيني مجال خل نخلص من هالمصيبه والله احبج اني اغار عليج ميمونه من الهوا
رغم كل شيء فأنتي لي انتي من كتبت لي سطوري الضائعه انتي من اضاءت دروب روحي المظلمه.... انتي شمسي وضوايه انتي لي وطن أحبكِ لأنك كل شيء
________________________
بعد مرور خمس شهور
الأول مره ألبس بدله بيضه جان صوت الزفه عالي جنت انسانه ثانيه مبتسمه ممصدگه روحي وميمونه لازمه البدله جان عرس الف بنيه تتمنى... گالو يالله لازم ياخذولنه صور... والصور بأرقى مكان
طلعت واني فرحانه بس بوسط هالفرحه اكو شي غريب بصدري مخنوگه باوعت من بعيد الكل يرگص ابتسمت فجأه صار صوت رمي مااعرف منو خضر لو حمصه لو شاهين وگعوا... صرخت وركضت على أحمد فجأه سحبني واحد ملحگت ادور اشوفه وگعت شلون وگعت مااعرف رفعت راسي شويه صوته مو غريب عليه من گلي گومي فجأه ردت التفت عليه غطى عيني بسرعه بسرعه مااعرف نفسي وين فجأه الي بعيني سحبهه حتى شعري عته... ماادري احس عقلي راد يوگف صدمه على خوف على احس كل حواسي گامن ميشتغلن...
ومن جرهه حسيت كم خصله انشلعت بيده عطت وانسحلت بنفس الوكت المكان جان ضلمه من فتحت عيني
شفت حسين جر الكلاده الي بركبتي وعيونه بيهن حقد مو حسين ابد كأنما
فتحت عيني مخترعه بين الحلم والواقع وصوت علي
معبي البيت
مااكدر اتحرك عيون حسين جانت كانما هيه المقيدتني
فتحت الباب ميمونه
فلك ..... شلع كلبي علي
من طلع خضر الحد هسه يبجي
ميمونه-فلك فلك شبيج
فلك-باوعت عليهه حلمت حلم احس كلبي يوجعني منه الحد الان ومكاعد استوعب عبالك بالواقع مو مجرد حلم
ميمونه-شنو الحلم
فلك-كمت ال علي يبجي كل ميطلع خضر يبجي بالساعه
شوكت كعد
ميمونه-هو شنام بس سمع صوت الولد اجه هو والممه بحلكه مكلتيلي الحلم شنو
فلك-شلت علي وبسته وحاولت انومه بسرعه سكت لان جان نعسان
جنت لابسه بدله وحمصه مات
بالحلم هو وخضر وراشد وشاهين وكعو بالكاع و.........كملتلهه الحلم بكل تفاصيله
كملتلهه الحلم وكلبي بعده معصور فتحت رسالة
حتى اذا بالسجن اهم شي وفيت بوعدي الج ابد لتحسين بتأنيب الضمير ام عيون العسليه اذا تريدين شغله وحده بس اريدهه منج من تطلعين متلبسين خلخال
وتلبسين جواريب
