رواية احببته لكنني متزوجه الفصل السابع بقلم مجهول
الجزء السابع
مر يومين واني ساده الفيسبوك لا اسوي شي غلط رجع يونس للبيت واني صبيتله الغدا باوعلي كلي :
يونس : ليش ما تضعفين روحج بقرة انتي شنو كلشي محجيت وبعدين كلي يالله لاتاكلين ويايه بلكت تضعفين .
سهى : يونس ترا جوعانة والله .
يونس : مو بكيفج تاكلين على الحاظر اني اتعب وانتي تاكلين وتسمنين من كلت ما تاكلين يعني ما تاكلين افتهمتي لو لا .
اكل يونس وانتظرته حتى اخذ الغدا للمطبخ اكل شوية وغسل الصحون لكيت يونس كام على حيلة واخذ الجدر وذب الغدا بسلة الزبالة باوعت عليه وتعصبت حيل وكتله :
سهى : ليش ذبيته مو حرام .
يونس : شنو انتي تعلميني الحرام ها ولج بقرة .
سهى : اي اني اعلمك الحرام من تحجي ويا بنات الناس كاميرا وتمارس العادة الخرا ما تساحي
يونس : هسه اعلمج منو الي مايستحي .
مسك شعري وبدا يضربني راشديات على وجهي ومددني على الكاع وكام يضربني جلاليق ويصيح محد ميحاسبني تفتهمين لو . راح يونس لاصدقائه واني رحت للحمام غسلت وجهي الى مغطى دم خشمي وحلكي وجسمي الي يتوجع من الضرب سبحت معرفت اتصل باخوية وياخذني وابوية هالمرة يرزلني ويضربني ويكلي انتي جذابة معرفت شسوي رحت تمددت ونمت كعدت على دفرات يونس كلي وين العشا ولج وين كعدت ورحت للمطبخ وحظرتله الاكل واكل واني رحت لفراشي فتحت موبايلي ودزيت رسالة لاحمد وكتبلته :
سهى : احمد موجود ؟
احمد : الحمدالله موجود بس كوليلي اشبيج ؟
سهى : تعبانة حيل احمد .
احمد : كوليلي شكو عرفت من رسالتج احمد موجود عرفت اكو شي والله كوليلي ؟
سهى : صارلي سنتين متزوجة وزوجي ما يحترمني ويضربني دوم ويخوني ويا بنات اصغار بالعمر ويطلع وياهم ويسكر مليت منه ما اعرف شسوي .؟
احمد : روحي لبيت ابوج وتطلكي منه .
سهى : ما اكدر اروح لبيت ابوية لان هو ابن عمي ومرة سويته زوجي كام يحلف على انه اني جذابة وانقلبو عليه كلهم .
احمد : والحل ؟
سهى : والله ما اعرف .
بديت احجي لاحمد قصة حياتي من صغري لكبري وشلون اعيش حياتي هسه واحمد ايظا كام يحجي ويضحكني ويحجيلي الي اكو والي ماكو ابيته الي مكونة من 3 اخوات و2 اخوان واحمد اكبرهم ومحد ما متزوج منهم حجينه هواية وطلب مني احجي صوت بالاول رفضت ولكن قبلت وحجينه لمدة 3 اشهر وطلب مني نحجي كامرة بس اني رفضت كالعادة بالاول وكتله :
سهى : احمد ترا اني محلوة وسمينة والله .
احمد : ميهمني تكونين سمينة او محلوة المهم اكتشفت بيج هواي شغلات حلوة
سهى : مثل شنو هاي الشغلات
احمد : هادئة كلش وكلبج طيب و حبابة كلش و ضحكتج حلوة و خلوقة كلش
سهى : اي بعد بعد ازحف هههههه
احمد : الج اي ازحف والله
سهى : اشاقة وياك احمد لاتزعل
احمد ومنو الي زعل ههههه يالله اتصل كاميرا تمام لخاطري
سهى : تمام اتصل
حجينه اني و احمد كاميرا وضلت صداقتنه 6 اشهر .
