رواية اسود توب الفرح الفصل السابع بقلم خالد أسامه
عقيل .منتصر لا اصدكهم تره يكذبون
حسين .انجب ولا كلمه لا اكسر راسك
منتصر .خير واحدكم يفهمني شنو صاير
حسين .هذا الجلب شفته
عقيل .لا اصدكه
حسين .كفخته ع راسه تسكت لو اشبعك ضرب بعد
الاب .عاط ولك حسين شنو هالتصرف شو ماكو حشيمه الي مو واكف كبالك ادبسز
حسين .كل الحشيمه الك يابه بس هذا المايستحي خلاني افقد اعصابي
الاب ..يله خلونه نسمع منكم اثنينكم
حسين .شفته ويه رغد في منظر مو لائق يعني اتبوس وتحضن وووو....
منتصر .طفرت عيوني فوك راسي وكبت النار بيه كمت ع حيلي ولزمته من ياخته العقيل ردت اضربه بوكس بس ابوي عاط بيه
الاب .منتصررررر اصبر اني كاعد واني الاحكم شو انتوا ماتحترمون جنكم تربات شارع متكولون ابونه كاعد بنصنه
منتصر .حشاك يابه تفضل
الاب .ولك عقيل شنو هالتصرف اليحجي عنه حسين
.عمي لا تصدكه اقسملك ما سويت شي
حسين .لك نجب بحضره ابوي وتكذب
الاب .اسكت حسين ..وانت احجي عقيل شنو الصار
عمي اني ورغد صار اسبوع مانتحاجه
حسين .اي حقها ماتحاجيك لان موخوش ادمي
الاب .وشلوت يحسين تعال اكعد ابمكاني وقرر انت عني
حسين .حاشه بويه
اي كمل عقيل .
اي عمي اليوم الاهل معزومين عدكم ف كلت الزينب خلي تطلع رغد لحديقه عندي اححايه وياها
البنيه طلعت بس استحت تحجي وياي لان معازيم ونسوان كتلها خل نروح للحديقه الخلفيه
رحنه حجيت وياها وفهمتها ليش اني مشغول عنها وليش ما اسئل عليها هي تفهمت الامر وبتسمت اني من فرحتي لان تفهمت امري بستها من خدها ودخل حسين علينه وشافنه هذا الموضوع كله
حسين .لك اسكت كذاب شفتك حاظنها وتبوس
عقيل .اي قابل ابوسها غفل لو عالطاير غير احضتها وبوسها
الاب .كافي افهمت ..عقيل تصرفك غلط صح انت عاقد عليها وهي شرعا زوجتك بس ميصير تحضنها وتبوسها في بيت ابوها احتراما لهلها واخوتها بعد متنعاد هاي السالفه
وانت ياحسين تصرفك هم غلط صح هي اختك وعرضك والموقف محلو كدام الناس واخوتها بس ما يصير هيج تضرب الزلمه اكو جبير ترحوله وهو يعرف شلون يحلها خوش
مراضي ع تصرفكم اثنينكم
عقيل .انه اعتذر عمي حقك ع راسي
حسين .يابه اني اعتذر
الاب .كوم عقيل بوس راس حسين
عقيل .بس عمي
العم .ماكو بس انت الاول غلطان
كمت بس روحي طافره من حسين لان دمه وجهي بس بسيطه ما تفض هيج وبس انه الك اله اردها الك اضعاف احجي مع حالي
الاب .كوم ياحسين بوس راس عقيل
يابه شلون هو تصرفه غلط
الاب .كتلك كوم لو تردوها كبور وسجون
عقيل .لا عمي اني مزعلان من حسين حقه هاي اخته والحجايه تعود عليه
حسين .جا من تعرف تعود عليه ليش سويتها لعد يالزين يالمحترم احجي مع حالي .كمت بست راسه لان ما اكدر اكسر احجايه الوالد
منتصر ..اني هالتصرف كله ما عجبني والنار كابه بيه بس ماسويت شي لان والدي كاعد عيب عليه اححي في مكانه بس اني مراح اسكت راح امنع دخلت عقيل للبيت بعد
ورغد بس ارجع اعرف شلون اربيها من جديد هالحقيره هاي
ام رغد ..ولج رغد تعاي احجيلي شنو الصار ليش هيج اخوتج كتلوا عقيل ولج مو راح اموت ابسببكم انتي واختج
بان .واني شكو لا تجمعين يمه
الام .انجبي انتي وحدتكم اطمطم لثانيه وما تحجن ..يله احجلي شكو
رغد .يمه اني مو صار اسبوع ما احجي ويه عقيل راد يصالحني دزلي خبر اطلعله بالحديقه الخلفيه لان يستحي من النسوان رحت من شافني باسني علمود الصلح فات حسين وتخبل
الام .عزه بعينج وبعين الخلفوج حقه حسين يتخبل منو يرضاها
رغد .ليش يوم هو خطيبي غير ..قابل غريب
الام .حتى لو خطيبج يبقه اكو اصول ولازم يحترمها يرضاها هو يشوف اخته يبوسها خطيبها لو هم يتعارك
هذا حسين يهون خلي يعرف ابوج او منتصر وتعال يعمي خلصني
رغد ..يوم عفيه لتعوفيني اواجهه مصيري وحدي كوني ويايه عفيه تعرفين منتصر يده والضرب وما يرحم عبد
الام .من تعرفين اخوتج هيج ليش رضيتي ورحتي شفتي
يمه فدوه قابل اني جنت شامه كفه يدي حتى اعرف عقيل شيريد يسوي فدوه رحتلج شتعرفيني احب هالسوالف اني
وصار الليل واخوتي وابويه رجعوا للبيت حضرنه العشه اني وبان وانتهاء
تعشينه كلنه سوه وكمنه لمينه الماعين بان وانتهاء يغسلن بيها واني حضرت الشاي وصيبته ورحت قدمته الاخوتي بس اني حيل مستحيه منهم عالصار احسهم كلهم ينظرولي نظره مختلفه ورجعت للمطبخ دمعتي مغرغره بعيوني وشويه اسمعت منتصر صاحلي
رحت عليه اركض
منتصر ..رغد وينج تعاي
اي جيتك ها منتصر محتاج شي
اي تعاي وراي
اي جايه
فات الغرفته وفتت وراه
سدي الباب وراج وتعاي
سديت الباب وحسيت هاي نهايتي لان تفاجاءت شعجب اخوتي سكتوا وماحجوا شي
تعاي وين صفنتي
هااا لا وياك هااا خويه تريد مني شي
اي احجيلي شنو سوه عقيل
والله 😭 مسوه شي دمعتي غلبت كلامي
اكلج لظلين تبجين احجي
اني جنت ما احجي ويه عقيل صار فتره مزاعلين واليوم دز اخته يريد يصالحني ما ادري بي جان بالحديقه الخلفيه رحت اشو كبل.......؟ وسكتت
كملي ليش سكتي
مو ميصير احجي بحظورك
هااا هسه استحيتي بس ماخفتي شيحجون علينه العالم واليوم امج مسويه كعده حبايب
منتصر محد شافني جنه بس اني وعقيل
ليش هو عقيل فقير يعني لو سكوتي تره اني وافقت عليه كله الخاطر امج لان ابن اخوها بس لوما امي ما اخلي يطول اظفرج او يناسبنه
لان هذا مو رجال
كملي
اي حظني وباسني 😭
وشافني حسين بس والله اني دفعته لان مقبلت ع هالتصرف منه والنبي
اسمعي رغد هذا اخر تنبيه الج من اسمع شي غلط بذر منج ابطلج وفصخ خطوبتج منه وتكعدين بالبيت بعد مالج طلعه افتهمتي
اي خويه صار ماعيدها بعد وعيونك
يله امشي طلعي
افتحت الباب وصار انتهاء بوجهي رادت توكع
عرفت جانت تسنط علينه بس محبيت افشلها عفتها ورحت الغرفتي غركانه بالدموع
بان .ها ولج شحجه وياج منتصر والله يدي ع كلبي ميته خوف عليج
عادي رزلني وهددني يكعدني بالبيت اذا انعاد الغلط
عزه بعينج رغد عفيه لعد انتبهي تره منتصر ميضحك من يحجي هيج
لا منو كلج يضحك
خليت راسي عالمخده مالي نفس بشي حتى ما قريت
صبحنه دوام صباحي طلعنه اني وبان نمشي
بان ابد متكعد راحه هم شافته الاسامه
الحلوه اشر الها هي جاوبته بالاشاره اي
قبل لا نوصل للمدرسه انتبهت عالفرع القبلها شفت الولد ابو السطح واكف
عزه بعينه بهالبرد واكف شنو مجبور الخاطر الله
فتنه
بان .ولج شفتي الولد
يا ولد
ابو السطوح
اي شبي
تره جاي علمودج
دطيري يمعوده شكد بطرانه
والله علمودج جاي ليش قبل ما جنه انشوفه اله هسه يله ظهر عالشاشه 😊😊😊
والله انصحج تعوفين عقيل وجلبين بي تره حلو ومبين عليه خلوق
اي من وكفته يم باب المدرسه لو من صعدته لسطح ويباوع ع بنات العالم حيل مؤدب
بان اسكتين لا ابتلي بيج والله
صباح الخير بنات
هلو شهلاء
شلونج
بخير
اكللكم مو اليوم الجو بي مطره شكله مغيم حيل
اي يمكن تمطر بعد شويه
رغد .يله اعوفكم اول حصه عندي امتحان
شهلاء .شبيها اختج شو مو ع بعضها
عادي متعلمتي عليها دومها كالبه الخلقه
🤣🤣🤣 اصلا من اشوفها تضحك مغص يلزم بطني
يله امشي قبل لا نترزل
بان اكلج
اي كولي
اني شفت قبل البارحه حسين عفيه هذا يموت شكله دمر اعصابي فدوه اريده شلون بان شوفيلي صرفه التقي بي او اخلي يحبني والله حموت بقهري ابسببه
شهلاء شبيج تخبلتي لج هو حسين هم ينحب الخاطر الله اصلا نغصه كوه يضحك او يحجي بالبيت عبالك عايش بسجن ميسولف ويه واحد
ميخالف اني راضيه بس خلي يلتفت اليه اني اغيره
اي عود احجيلج وياه
صدك بنو راح تحجين
هاي شبيج ترديني انكتل لو يبطلوني
ليش قابل راح تسرقين
والله السرقه عند اهلي ارحم من السوالف وياهم
المدرسه .عيوني خوانم بطلن سوالف ونتبهن عالدرس تونه حصه اولى بسم الله
اي ست اسفات
كملنه الحصص كلها وراح نطلع من المدرسه سولفت الشهلاء عن ابو اسامه وكتلها راح ينطيني موبايل وشجعتني اخذه وضمه يمي
طلعنه واحنه نمشي بالطريق شفنه لمه مال شباب يمكن عركه
وصلنه قريب عليها لان هي العركه بطريقنه
بان .لج عزه رغد هذا ابو السطوح جاي يتعارك خطيه
امشي بان لظلين تباوعين معليهم
بان .حتى اسامه موجود
وهواي شباب
رغد .كافي بان امشي اشو وكفتي الكل راح يشوفنه
شهلاء ..بنات بنات😲😲😲 حسن جاي كدامنه
رغد وبان التفتنه صار حسن اكبالنه مشينه سريع
هااا شو واكفات شعدكم
بان .لا دنمشي وصارت العركه كبالنه
حسن .يله امشن ولا توكفن وانتي عدلي شالج ليش شعرج طالع
بان .ما منتبهه طالع شعري هسه اعدله
مشينه
رغد .طاح حظج كله من وراج شافنه حسن واكفات شراح يخلصنه
بان .لا حسن شويه رحمه ميحجي
اي سوده عليه ابد ميفتح حلكه 😒😒
خل نشوف
وصلنه للبيت تعبانات شفت امي طامسه بالبيت
لعد وين ست الحسن شو انتي وحدج تنظفين ليش يوم
الام.لا خطيه توها راحت الغرفتها تعبت وهي حامل توها قابل شعندي اني شو هو البيت كله كشه وحده
ماما ميصير تشتغلين انتي لعد احنه ليش نزوج اخوتنه
انتي عليج بس الطبخ لان منحب ناكل غير من يدج الحلوه
مره ثانيه من تكون انتهاء تعبانه عوفي ومن نرجع اني ورغد انظف
اي عود عالجايات
رغد .اكلج اسامه شنو جان يكلج بالاشاره
يكلي احبج ويدزلي بوسات بالهوه واني اصيدهن حتى مايوكعن بالكاع
وجع والله وجع هاي صدك تحجين
اي لعد مثلج كلمه احبك ما تطلع من السانج
بابا الرجال شيحب بالمره غير دلعها وحبها لرجال اتعلمي مني
اني اله اغرك اسامه حب وعواطف وغزل
سكتي سكتي لا يسمعوج ويسوج بصل بدل العسل
رغد الله عليج هم اتحبين عقيل
اي احبه
بس انتي تحبين اشوفين مهيمن
لا ماحب اشوفه
هسه علينه اصلا عيونج تلمع تكوم من تشوفي وخدودج تحمر مو مثل عقيل من يجي ميصير هالشي وياه
يمكن لان مهيمن اول تجربه اعجاب مرت بيه عقيل مجرد ابن خال واجه خطبني محسيت بي حبيب
والله يارغد ماعرف ليش احس مهيمن يلوكلج اكثر من عقيل
كافي بان عفيه لتخربين واهسي بعقيل اني من غير كلشي متردده ابقراراتي وانتي تجين ازيديها عليه
فدوه انسي مهيمن
انتهاء .بنات عود طلعن ملابسكم مال المدرسه حتى نغسلهن
اي خليناهن عالغساله
ولج رغد عود انتي صعدي شريهن
دطيري والله ما اصعد
اشو اصعدين وتسكتين واني راح اراقبلج الوضع من جوه
يله خلي نروح نتغده
