رواية عشكني ابن شيوخ الفصل الثامن بقلم مجهول
نزلنه من سياره صار سلام بين زلم ف دافوت صارت عيني بعينه خزرني خزره احس جمدت يمه نضرته تخوف كبل طبيت ويه امي وعمتي جوه فتنا من الاستقبال بدو يسلمون علينا من البيبيه للصغار كعدنه ورحبو بينا طبت مرام كمت باوستها وكتلها
.. الله يتمملج ع خير حب مروم اريد هديه عهل معروف وغمزتلها "
... مو تدللين شا شبد بد نتي هديتج ثكيله .. شاورتني وضحكت سمعنا صوت زلم طبو للمضيف وبده موضوع طلب ايد مرام وقراه الفاتحه وامي هم فتحت موضوع كالت
... والله ام سلطان منلكه احسن منكم ومن اخلاقكم ،، وو حجي الي معروف عنه بطلب الايد
مرت ساعه تفقو على مقدم وماخر وامور خطبه
صار المغرب بدو يحضرون العشى
كلت بيني وبين روحي ، بلا اني الثوله لبست فستان المن كل ضني عبالي حتصير خطبه ليوم يعني يجيبون سيد وهاي بس طلعت على باجر عقد سيد ووره يومين محكمه واسبوع جاي النيشان كلت هسه شسوي نحرجت كلهم لابسين شي عادي الا اني فستان وهم لازم اكوم اساعد وياهم عيب دغيت حنان
.. حنان اريد اكوم وياهم اساعد عيب بس فستان لابسه شون بله
... لا عادي يمعوده كعدي
... نجبي عيب صيحي مرام بله
.. كيفج مطي هسه اصيحها تعاي كومي ويايه شكو بيها
.. لا عفيه استحي
.. دكومي بابا
.. دقيقه ، ماما حكوم ويا حنان
.. ي ماما روحي
كمت ويا حنان بيتهم مشالله يجنن ومليان نسوان وجهال طبينا للمطبخ
.. مرام تعاي، حنان صاحتها
.. ها حبي كولي
.. عندج شي تلبسه سلار لان ضايقت بلفستان
.. ي طبعا من عيوني امشو اغرفتي
صعدنا لغرفتها كلش نازكه جانت وحلوه
.. اممم شنطيج شنطيج انتي مو محجبه ف ملابسي محتناسبج هواي بس عندي هاي دشداشه مخصره تعجبج؟ ، طلعت دشداشه لونها بصلي فاتح ونص ردن مخصره حبيتها
.. ي هاي حلوه شكرا حبيبي ،
... دللي كلبي
دخلت للحمام نزعت الفستان غسلت ولبست الدشداشه وشلت شعري ليفوك لان حتريت طلعت
.. ها شرايكم بنات ؟
.. جننين ونبي ، مرام
.. تخبل عليج ، حنان
.. ثنكيو بيب يلا ننزل ولو مستحيه من دشداشه خاف عيب
.. عيب شنو دنجبي وامشي ، مرام وحنان
.. نزلنا جوه نسوان وحده صلت عنبي وحده ويا ثاني تبسبسن عبالك طبيتلهم ببدله عرس ههههه
رحت للمطبخ وياهم ماعرف شسوي صح مرام لحت انو ماسوي شي بس عيب شويه خلمد ايدي هههه
.. مرام باعي اني.زينه بترتيب الزلاطات وهاي سوالف جيبي خلسوي
.. تمام حطلعلج وسوي ولو زحمه كتلج كعدي
.. بابا شبيج قابل احنا غربه صرنا كرايب بعد وجان ادغها واغمزلها هيه ضلت تضحك
سويت زلاطه ورتبتها بمواعين شطح وترتيبات عبالك مال مطاعم اني بطبعي احب اسوي وارتب المقبلات وزلاطه بس بذني فالحه 😂
خلصتهن تقريباً ٧ مواعين بس محسيت بتعب لان شغله سهله ولو هوه محيكفيهم لان مشالله فيلق ههههه بس علقل سويت فدشي خلصت
.. مروم خلصت اني
.. روحي رتاحي كلبي كلفناج
.. دنجبي لج بلا رسميات
.. مو وجهه نعمه انتي ولي يلا ههههه
.. هههه شرايج بتبخي وضليت اعوج بحلكي عود يعني اتكيت وكذا بس هوه شقه 😂
.. واو عنجد بيجننو 😂
.. بشكرك يروحي
.. يا البي انتي
.. كافي لواكه 😂 اروح اغسل وين مغاسل
.. طلعين من مطبخ على ايدج اليمنى ممر اكو هناك الحمام ومغسله
.. تمام بيب
اكو بصف الحمام مغسله تجنن شكلها وطرازها ف فتحت البوري داغسل جان تنمد ايد على ايدي ماحجيلكم جمدت بمكاني وقشعر جسمي شميت ريحه اويلي مو عطر يوديك للتايهه تجنن رجاليه بحيث الا شويه اوكع ف نداريت عسريع وصار وجهي بصدره جمدت بمكاني جان يكول بصوته الخشن
.. شطالعه اليوم غير شتعل جدي السابع عشر انتي ليش مترحميني
.. ع ع عفيه و و وخر شن نو هل حركات ، كلتها واني اتئ تئ
.. ها سلوره كلبي شو هسه صرتي بزونه ماكلين لسانها وين جسارتج ها؟! كالها بابتسامه لاعوبه وشريره
.. ووخر لا يجي احد يفهم غلط عفيه وخر شبيك انت متستحي كلتها بعصبيه
.. لسانجججج وبعدين شنو هذا لبسج كدام الزلم وتفتريلي ب اخ منك يلساني شويه احتشمي لا بعلي اسوي شي مشايفته فتهمتي كالها بعصبيه يمه خوفني
.. شو انت ماكلني حاصل فاصل لا عبالك اختك حتصير مره اخويه معناته تقلل ادبك وياي فتهمت بعد عني احسلك كلتها واني رافعه اصبعي بتحذير جان يلزم اصبعي شويه حيل وكال
.. هذا الاصبع مينرفع بوجهي فتهمتي كتلج لسانججج وهسه اصبعج
.. وخرر عني ، جريت اصبعي حيل منه وغسلت ومشيت بس شنو كلبي يدك الف دكه. خربط احوالي هل مجنون مشايفه هيج رجل بحياتي لا هوه معجب لا هوه كارهه شون سالفه هاي ...
صار وكت العشى فرشو السفره للزلم بل مضيف ولنسوان بل استقبال هاي عادات الشيوخ ميخلون اي شخص يطلع منهم بدون عشى اذا جان بليل وغده اذا جان نهار بدو يرتبون السفره كملت وسمينا بالله بدينا ناكل اكلت جان تكول ام سلطان .. الله يمه مرام منو مسوي هل زلاطات شكد طيبه
.. يمه هاي سلار سوتهن
.. عاشت ايدج حبيبه طعمهن طيب كلش
.. ايدج العايشه خاله الف عافيه
كملنا اكل كمت اروح اغسل غسلت عسريع خاف هذا هم يطلعلي رجعت للاستقبال وبديت اشيل وياهم مع اصرار مرام وحنان ولنسوان انو اكعد بس شلت كم حاجه ورحت كعدت يم ماما وحنان وعمتي جابو الجاي اني ماحب جاي مشربت ضليت اكلب بلفون شويه واجت مرام كعدت يمي وضلينا اني ومرام وحنان نسولف عاد صارت ب٩ ونص بابا دك على ماما حتى نروح
... احنا نرفع الزحمه نتشرف بيكم وبيت العامر يوم لنفرح بولدنه
.. نشالله حبيبتي ام سيف هلا بيكم احنا النتشرف والله بعد وكت وين ، ام سلطان
... والله ابو سيف كال هم يلا زحمناكم
.. لا حبيبه ماكو اي زحمه جا نتشرف بيكم على راسنه بنتي ، البيبيه
.. بيج اكثر حجيه
باوستهم امي واني هم وعمتي سلمت علكل حنان كالت اكول لفضل ابات بيت اهلي حتى نسهر
سلمت على مرام وتباوسنه وذكرت اني بل دشداشه
.. عززه لج مرام ملابسي شون هسه اروح
.. ولا يهمج دقيقه خلجيبلج عبايه
.. عبايه! بس لا مال راس تره مالبسها ولجججج
.. لا لج عيع يا راس انيهم مالبسها عندي عبايه خليجيه تجنن خنروح اجيبها
.. ولو كلفتج حبيبي من ارجع ادزهن بيد حنان من تجي تجيبلج الدشداشه والعبايه
.. حزعل منج شهلحجي بابا شبيج نمونه قابل
.. فدوه لكلبج
راحت جابت العبايه كلش حلوه لبستها واخذت علاكه مال فستاني وباوستها مره لخ وطلعنا لكينا هوسه الشارع عسريع صعدت بلسياره رجعنا للبيت جتي حنان ورانا سبحت وبدلت ضلينا اني وياها كاعدين سوالف ونتذكر عرسها ونضحك ب١ نمنه كعدت صبح ب ٩ كعدتني امي كالت حيرحون يشترون الحلقات عمود ليوم والذهب قبل الحنه لان ميلحكون ف راحت هيه وعمتي وسيف وحيتشاوفون همه وام سلطان ومرام نزلت سديت الباب وراهم ورجعت غفيت كعدت ب ١١ ع صوتهم نزلت جوه شفتهم جايين وحنان دتحضر الريوك
.. صباحوو شتريتو الحلقات اعجاب للصفحه ومتابعه لتصل جميع القصص التي ننشرها
.. ي شتريناها تعاي شوفيهم، ماما
الله يجننون حلقه مرام نازكه وبيها فص ليلو بنص وحلقه سيف عاديه يعني رجال حلقاتهم مابيها زغرفات واشياءات تكون ساده مهم تريكنا ونضفنا البيت حتى وره الغده ناخذ السيد ونروح نعقدلهم
تغدينا وخلصنا صارت وره الضهر كمنا نبدل ونجهز لبست فستان صيفي جوه الركبه مخصر لونه اصفر فاتح والاردان شفاف وعلي فراشات لون وردي فاتح على بياض كلش بسيط شعري سويته ستريت وشلته ذيل حصان حطيت لاينر وحمره لون ككوي فاتح ويم مدمع العين شدو اصفر فاتح لبست كعب لون هم اصفر كله اصفر كاستر😂💛💛 طلعت اجنن
خلصنا كلنا صعدنا بلسياره يوسف حياحذنه لان بابا وسيف بسياره زوج عمتي جابو السيد رحنا وصلنا همزين مجان اكو هواي زلم بشارع طبينا عسريع وماما طشت جكليت هيه وعمتي وهلاهل ومرام شفتها كاعده لابسه فستان لون بصلي فوك الركبه منفوش وشعرها مسويته ستريت من فوك وجوه كيرلي ورافعه كم غصله ومطلعله كم شعره لكدام ومكياجها جان ناعم وحلو كلش حلوه طالعه رحت بستها اني وحنان
.. فدوه لج شطالعه تخبليننن حيتخبل سيف عليجج اويليي شيخلصج اليوم
.. عزهه سكتيي حيوكف كلبييي من الخجل والارتباككك
... عادي حبي انيهم هيج جنت ارتاحي اهدي، حنان
.. والله حقها مروم حبي اهدي الله يتمملكم على خير
وره شويه جابو صينيه بيها شكر وتمن واشياء مال خطوبه واخذوها لبسوها سيت نوم ابيض اسقي وكصير وكعب ابيض كعدوها على كرسي قريب على باب المضيف حتى تسمعهم وحطو قران بيدها وحطو شال على راسها وحطو مي بطشت صغير ونزعت الحذاء وحطت رجلها بي مهم بده السيد يحجي
.. رددي ورايه بنتي نعم وانت وكيلي ، سيد
.. ن نعم وانت وكيلي
كالت هل كلمه وطشت الهلاهل والجكليت رحت بستها اني وحنان وماما وامها باسوها وبيبتها شالو الغراض منها وراحت لبسوها فستانها ورجعت كالو العريس يريدها وحدهم
.. عزهه اخوج شحيسويلي استحييي يربيي شون
.. ههههههه خربعرضج وين حبكم صار اشهر وين لهفتكم لج بابا شحيسويلج قابل يلا يلا لا تخلين اخويه ينتظر يلا لج طبت اكو هول متوسط هوه طب وهيه هم حتى ينفردون براحتهم طبت وهيه مثل سعفه مجلبه بيه
.. لا تعوفيني عفيه استحي
.. يلا بايي ، وضحكت بشر وسديت الباب
..... مرام
طبيت واني ارجف وميته خجل جان اسمع صوته الخشن
.. مبروك علينا
حسيته كام وتقرب مني اني متت شويه شويه صار كدامي كلش بينا شعرايه باس راسي
.. لا تخجلين ياروح سيف ما تعرفين شكد فرحان واخيراً ، احجي يروحي ليش ساكته لا تخجلين مني
.. ها ا ام مبروك ع علينا حبيبي ، مدري شون كلتهاا وطلعت مني عهل خجل
.. فدوه راحلج سيف ع كلمه حبيبي فدوه رحت لهل شفايف ليخبلن
جرني وكعدنه ع تخم رفعت راسي علي وره ثواني من الخجل باوعت على ملامحه الحاده لتخبل باوع بعيني جان يتقرب شويه شويه اني نفسي كام يصعد وينزل حسيت نفسه الحار كله بوجهي تقرب اكثر وباسني من شفتي ماحجيلكم الشعور خجل على سعاده على شعور غريب لزم راسي بايده وقربني اكثر علي بعد شويه باوعت بعينه شفته عينه صارت عبالك ناعسه وثنينا نلهث كام يتمادى باس ركبتي وخدودي وخشمي وشفتي واني ميته خجل .........
