رواية فصلية بديلة الفصل الثامن 8 بقلم ام ملكوت

شهم_

بقيت مدنك راسي وابجي واول مره ادنك الراس لمن دريت بابوي شسوه وكله بسببي انه اي انه استعجلت ورحت بلحضه عصبيه

سويت السويته بدون ماحسب حساب لابوي وسمعته بين الناس بقيت فاير دمي ودموعي تنزل والجكاره بيدي 

من حركه قلبي على ابني وابوي وحالي بقيت اطحن بروحي للفجر نزلت لكيت ابوي كاعد وصافن بالصاله حسيت بي مانايم من امس وشلون ينام بهل وضع..نزلت صبحت عليه وبست راسه ورد علي بوجه ثكيل..

                ..........................

سماء_

خلص الاسبوع  وكال الدكتور باجر اكدر اطلع وطبعا اني رجلي صرت احس بيهه خفيف

بس ماكدر امشي عليهه الا كرسي او عوجيه تسندني خلص اليوم واجه ثاني يوم ..

كعدت الصبح جابتلي امي منشفه مسحت بيهه وجهي وجسمي وعطرتني وبدلتلي وكعدتني عل كرسي المتحرك وطلعنه للسياره

ووصلنه للبيت دخلت للصاله وصارت بيبي تشمر علي جكليت وذبحو دجاجتين فدى جواي واجت رشا ومريم يركضن حضنني ويبوسن بيه ويسالني على رجلي ..

باقر: خويه شهم اعتقد كلك الوالد اليوم الكعده ولازم نروح وياه بس وصاني احجي وياك واهديك

خويه انه وياك بكلشي راح تسوي وتكوله بس خويه ديربالك وفكر بكل كلمه تريد تكولهه

مانريد ننزل راس ابونه كدام الخلك والعشاير بالعكس اريد ترفع راس ابوي بيك ويفتخر بيك ماشي خويه

شهم: خويه مو بيدي تدري انه تفكيري كله هسه شلون راح اذلهم واهينهم وباي طريقه

باقر: لا خويه لا تغلط هل غلطه ابوك حس عليك تريد تسوي هيج هل وداني الك احاجيك ابوي مايريد مشاكل ومايريدك تحجي انت بالاخص

شهم: شلووون ولك خويه ابني المات شنو ماحجي شنو ابقى ساكت شتحجون انتم

خلصت نشفت وطلعت بدلت ونزلت جوه لكيت ابوي وخواني وعمامي وبعد ناس بالديوان كلهه منتضره وكاعده سلمت عليهم وخلينه وطلعنه

رحنه لبيت ابو رائد وصلنه لبيتهم واستقبلونه واني عيوني سيف اشتهه يكطع ركابهم ..

خلينه ودخلنه للديوان وبقينه نسولف لكينه شيخ عشيرتهم الشيخ زايد موجود وعمامهم وخوالهم ملتمه كلهه..

             .........................

ام سماء: كعدنه الصبح وكال ابوي راح يجون الناس اليوم الكعده حضرن جاي وماي والضيافه بقينه البنات نايمات 

وحضرنه كل الشغلات ودزيناهن بره عل حطب يم الديوانيه واكف عليهن اخوي ..

بقينه اني وامي بالصاله نسمع حجيهم وشيحجون لانهه قريبه عل ديوانيه ومسموع الحجي منهه ..

ابو رائد الصار قضاء الله وقدره وحسب الي عرفته من بحثت بالقضيه ان ابنه عبر طريق السيارات بدون ماينتبه 

يعني الغلط بهالحاله من عدنه ومن عدكم واني موافق تنحل السالفه بفصل وهاي هيه..

شهم_

سمعت ابوي هيج حجه وانه نطت عيوني وماشفت شي كبالي ردت اخذ بيدي الكتل ابني او احد من عائلته

اطلع بي ضيمي وقهري على ابني واقهرهم واحرك كلبهم عليه مافمرت بشي ثاني بس خليت ونطقت بصوت عالي..

                     ................