رواية الطالبة والعصبي الفصل الثامن بقلم مجهول
اشراري بالنسبة ل قدر الشيخ براق... قيد الكتابة يعني من ينزل البارت 16 انزله الكم..... يفدوة
ام سيف : شسمهة ومنية ومنو اهلهة
ابو سيف ببتسامة : اسمهة نارين
ام سيف : يا نارين
ابو سيف بضحكة : يعني احنة اشكم نارين نعرف
ام سيف بصدمة : نارين بنت صديقك احمد
ابو سيف : اي
ام سيف بفرح ونعم ما اختاريت تربية وخلاق وهم نعرفهة من وهية اصغيرة بس
ابو سيف : بس شنو
ام سيف : بس نارين ما تحب فكرت الزواج والأرتباط وهم سيف اكبر منهة بهواي خاف ما توافق
ابو سيف وهوة ايطمنهة : لا تخافين با العكس اصلاً اهل نارين راح اكيد ايوافقون لمن اكللهم ونارين ابنية حبابة اكيد ما راح تعترض علة كلام ابوهة واذا علة فرق العمر فأ عادي مو اهواي فرق بس كولي انشأ الله ابنج ايوافق
ام سيف : انشأ الله ...........
_______________________
نارين
كعدت علة صوت المنبه الساعة با الستة لأن عندي امتحان فيزية فأ كعدت اراجع المعلومات المهمة بس استغربت علة ايه لأن امتحان شهري فيزية ومكاعدة تراجع بس بمتحان الكيمية اليومي كعدت من الصبح المهم اني شعلية جوز عدهة الفيزية سهلة وصدك كملت مراجع ورحت غسلت وصليت وبدلت ولبست
هذة البس وحطيت كحل وحمرة بناتي وردية خفيفة وخذت جنطة سودة جتافية والمزمة ونزلت وكلت
نارين ببتسامة : صباح الخير علة الحلوين طبعن ما عدة علاوي لأن اجكم
ابونارين ببتسامة : صباح انور هلا ببنيتي الحلوة
علي وهوة يحاول يستفز نارين : منيلهة حلوة جنة عبسي
نارين : اذا اني عبسي انتة شنو قرد
وقاطعت ام نارين عركهم وهية
ادكول : كافي عرك انتي ويا لا تتأخرون وبعدين وين اختج شو ماكو
نارين : هسة راح تجي بس اتكمل لبس
ام نارين : ماشي
ورة خمس دقايق نزلت ايه وصبحت عليهم وكعدت تتريك وجانت لأبسة
هذة البس وراهة اجة خطهن وراحن للكلية وكل عادة اول ما فاتن للكلية راحت ايه لكروبهة و نارين شافت سرى وكلتلهة ان الدكتور مال اول محاضرة ما جاي لهيج راحن علة كعدن مصطبة با الحديقة علة مود ايراجعن الأمتحان الحد ما صار وكت المحاضرة الثانية وراحن للقاعة وكعدن يكملن مراجعة بين ما يجي الدكتور ...........
________________
سيف
كعدت الصبح شابع نوم لأن البارحة رجعت من وكت من الشركة وكمت سبحت وصليت ولبست قاط رسمي لونة كحلي وعدلت شعري ورشيت عطريت المفضل ونزلت صبحت علة الوالد والوالدة وتريكت وياهم وترخصت وطلعت للكلية وكل عادة طلعت سيارتي من الكراج وسديت الباب ورحت للجامعة وبعد ربع ساعة وصلت للكلية واني جاي اصف السيارة ابكراج الكلية شفت محمد جاي يقفل سيارتة ولمن شافني ابتسم وهم اني صفيت السيارة ونزلت منهة وسديت الباب وكال محمد
محمد بشقة : صباح الخير دكتور شرشبيل
سيف بعصببة : محمد
محمد بضحك : ههه يلا عمي بعد ما اشاقة ويلا خل انروح للدارة
سيف : ماشي وراح هوة ومحمد للدارة بس لفت نظر سيف نارين وهية كاعدة با الحديقة وجاي تراجع ولقلم بحلكهة وجان شكلهة شون الطفلة بلبسهة الجنة مال مدرسة وكف وضل صافن عليهة الحد ما قاطع صفنتة محمد وهوة يحرك ايدة كدام وجهة وكال
سيف وهوة يكعد من صفنتة : ها شبيك
محمد : لك يا ها صارلي ساعة احجي وياك والغي ونتة اتباوع علة ذيج الصفحة ومحمد وهوة ايدور علة نارين الي جان صافن عليهة سيف وبعد ما شافهة ابتسم امكر وكال : واني اكول عليمن صافن طلعت صافن علة نارين مو
وكمل كلامة وهوة يغمزلة
سيف وهوة ايحاول ايغير الموضوع : يا نارين يا بطيخ جنت صافن علة الحديقة
محمد : ها كلتلي يلا راح اسوي نفسي مصدكك
سيف بعصبية : وصدكت ولما صدكت طبك مرض وراح للدارة وعاف محمد وهوة يضحك ودخل سلم علة الدكاترة
وشاف اول محاضرة عندة ما عندة شي لهيج كمل الأوراق مال يومي تصحيح وضافهن لسجل انوب صارت المحاضرة الثانية وشفت الجدول طلع عد قاعة واحد فا اخذت جنطتي ورحت القاعة واحد يلي اول ما شوفون دخلت وكفو بحترام وشرلهم ايكعون ونوب كال
سيف وهوة يباوع علة نارين يلي جانت اتراجع با الملزمة ومو مهتمتلة فأ كال بعصبية وصوت عالي: صباح الخير
الكل : صباح النور
سيف بحدة : قبل شوية صححت اوراق اليومي وما شأ لله ترجاتكم زفت جني ما دا اشرح لعد عليمن متعب نفسي وشرح
ها شو ما تردون بس بسيطة هاي كلة من درجاتكم انوب بدة ايوزع الوراق وجانت اغلبيت الدرجات يا ٥ يا ٤ ( مو درجات كراوي ) لحد ما وصل الأسم ايه وكال
سيف : ايه علاء
ايه بفرح لأن تعرف نفسهة مجاوبة : نعم دكتور وراحت السيف الي جان واكف يم الصبورة وكال
سيف بعصبية: اتفضلي ١٢من ٣٠
اية ابصدمة: بس دكتور اني مجاوبة علة الشرح وعلة المعادلات
سيف : بلا اشوف انوب باوع علة الورقة وكال اني اصلاً جايبلج سؤال واحد شرح
وسؤالين معدلات وانتي اصلاً مجاوبة بسؤال الشرح بس المعادلات كلهة غلط حتة القوانين بس لا تخافين لأ يوميج جيد وانتي شاطرة
ايه ببتسامة بعد ما كللهة شاطرة فأ كالتله بدلع : شكراً كولش دكتور
سيف بحدة : لا عادي ويلا تفضلي ورجعت ايه المكانهة بحراج ورجع سيف ايذيع الأسامي لحد ما وصل السرى وكال
سيف : سرى سالم
سرى بخوف : نعم دكتور
سيف : تفضلي ماخذة ٢٠من ٣٠
سرى بفرح : شكراً ورجعت المكانهة
انوب كال
سيف : نارين علاء
نارين : نعم استاذ وكامت تاخذ الورقة
سيف بعصبية مكتومة : دكتور
نارين بستفهام : شنو
سيف بحدة : دكتور مو ستاذ وتفضلي ماخذة ٦ من ٣٠
نارين ببتسامة : شكراً استاذ ااسفة دكتور وجت تاخذ الورقة بس سيف كمش الورقة بقوة وكال
سيف بستهزاء : شكو البتسامة ترة راسبة مو ناجحة حتة تبتسمين وتفرحين
نارين بستفزاز : لا بس اني اصلاً ما قريت حتة اضوج او ازعل
سيف بعضبية مكتومة : ها وليش بلا ما قريتي
نارين بعفوية وغباء : والله جنت نعسانة ونمت وعبالي صديقتي سرى تغششني وتنطيني حل بس شو هاي طلعت اضرب مني وهم كلشي ما كو
سيف بعصبية من غبائهة : ها يعني رتي اتغشين من زميلتج لعد ليش ما تقرين مثلهة حتة تنجحين مو هاي زميلتج قرت وتعبت وجابت درجة زينة وانتي تجين علة الحاضر وتردين غش
نارين وما كدرت تتمالك ضحكتهة فا طكتهة ضحكة بحد ما دمعت اعيونهة (لأ نارين من بعد ما كملت حل بورقتهة شافت سرى تريد تبجي لأ ما عرفت اتحل فا شخطت اسمهة وكتبت اسم سرى وطت ورقتهة السرى وخذت ورقت سرى وشخطت اسم سرى وكتبت اسمهة ورادت اتحل بس الوكت خلص لهذة سلمت الورقة )
سيف بعصبية من ضحكهة : مومكن اعرف شنو سبب ضحكج
نارين بحراج من ظحكهة : اسفة استاذ بس اذكرت موقف فأ ضحكت وخذت الورقة ورجعت ابحراج للستاند وكعدت ودنكت راسهة من الحراج
وكمل سيف من اذاعة الأسماء انوب كال الطالب ايلم الوراق ونوب بدة بشرح موضوع ورة نص ساعةخلصت المحاضرة وخذ جنطتة وراح المكتبة ودخل وسد الباب ابعصبية ..........
_____________________
نارين
دا اراجع اني وسرى وكالو اجة الأدكتور فأ كمنة اول ما فات ونوب كعدنة وصبح علينة بس اني ما رفعت راسي لأن جنت اراجع انوب بدة ايعيط علينة لأن درجاتنة مو زينة با المتحان مال البارحة وبدة ايذيع الأسماء وكال اسم ايو وخطية طلعت جايبة ١٢ مع انهة قرت اهواي بس الحمد كاللهة الأستاذ شرشبيل عادي لأن يوميهة زين انوب ذاع اسم سرى وطلعت درجتهة ٢٠ ورجعتلي تضحك للصراحة كولش فرحتلهة جني اني جايبتهة وراهة ذاع اسمي وكلي ماخذة ٦ جان عندي عادي لأن صدك ما قريت وجاوبتة ابصراحة بس ما تحملت ونفحرت با الضحك لمن كلي قري نفس سرى لأن اذكرت لمن بادلت الأوراق بس كولش انحرجت لمن كلي ليش اضحكين انوب رجعت المكاني وردت اطم روحي من الحراج وخلصت المحاضرة با الكوة واول ما طلع اني اخذت سرى وحت للسنتر لأن من الحراج ما اريد اضل با القاعة وبعد ما كعدت علة الطاولة كالت سرى
سرى بحزن : اسفة نارين لأن انحرجتي بسببي
نارين : ههه لا عادي علة كولت علاوي نكبر وننساهة هسة يلا خل انراجع لأن ثالث محاضرة الأمتحان
سرى : ماشي بس رايح اسلم علة صديقتي ورجع
نارين بتسائل : ليش انتي عندج صديقة غيري اني وهدى وبنين
سرى بتوتر : اي ذاك اليوم اتعرفت عليهة هسة يلا رايحة بس اسلم عليهة ورجع
نارين وهية موكزة با الملزمة : ماشي بس لا تتأخرين
سرى : ماشي .........
____________________
سيف
كاعد كرسية ويشتغل علة اوراق مهمة وقاطعة دكت الباب فا كال
سيف بعصبية : ادخل
دخلت سرى وهية خايفة ومتوترة فأ رفع راسة سيف وتفاجئ لمن شاف سرى فكال
سيف : خير سرى اكو شي
سرى بتوتر : اي دكتور بس ردت اكلك شغلة
سيف وهوة رجع عينة الأورق وكال : كولي
سرى بخوف : دكتوربصراحة احم هاي الوراقة الي انطيتني ياهة اليوم
سيف بتملل : شبيهة الورقة خلصي لأن وراي محاضرات
سرى بتسرع وجنة واحد ماشي وراهة : هاي الورقة مو وقورقتي ورقت نارين
سيف بصدمة : شنوو.........
______________
