رواية حرم الاسود الفصل الثامن بقلم بتول ابو الليل
.
من أنتِ؟ سألتها يوماً قالت: أنا حمامة ألايك ..نشوة الحب ..أنشودة المطر فقلت : انتِ ذبحة القلب وجع الروح وغصة العمر
____________♠___________
فتحت عيوني بصدمة يعني آرون باسني كدام العالم كلهاا بلعت ريكي وباوعتله نايم والله لو ما مّرَيَـضّ جان عرفت شلون احاسبك علئ هل عمله.
_وشكالو عنه العالم؟
جواهر : ياا خيه كلشي ماحجو غير يدرون بيج چا متي وهوه رادج تعيشين غير واحد هم هيج يساعدج ما كدامه حل ثاني.
هزيت راسي بأي وسكتت شلت الشال عن راسه غسلته ورجعته علئ جبينه.
جواهر : يلا انه نعست رايحه انامن تجين وياي لوو تضلين كاعده وياه
_لا اني هسه شويه واجي وراج
هزت راسها بأي عافتني وراحت بقيت كاعده يمه شويه خفت حرارته علئ الكمادات بقيت كاعده يمه وصافنه بكلام جواهر.
احسه جاي يستغلني واني منطيته مجال هواي لازم ابتعد عنه شڪدد ما اڪدر مستحيل اخلي مشاعري تسيطر عليه
فتح عيونه بهدوء وتحرك ابتعدت عنه ڪعد علئ حيله لزم راسه بثنين اديه متوجع.
آرون : اااخ بويه راسي
_نزلت حرارتك لاتمثل بعد.
رفع راسه باوعلي بستغراب من كلامي ضجت من كلام الحجته جواهر بلع ريكه بهدوء وكال
آرون : امثل ليش المرض بيه تمثيل؟
_انتَ بڪلشي شاطر مايصعب عليك التمثيل بالمرض
آرون : شبيج اليان صاحيه علئ ڪلامج روحي ادخلي جوه لاتبقين تسويلي ڪمادات ماطالب منج شيء هسه اني
_هوه اني غبيه شلون اساعد واحد،مثلك خاطف مجرم حقير واناني.
تأفف بضوجه غمض عيونه دنك راسه لزمه بثنين اديه وماجاوبني خلاني انزعجت اڪثرر اموت ولا شخص يتجاهل كلامي
_ماعندك حجي تحجي موو وهل ساڪت "
آرون : استغفرالله ياربي ارحم بحالي الهي جاي تشوف انتِ شتريدين بالضبط شبيج اريد افهم
_هم تعرف رب العالمين انتَ المجرمين المثلك حته حرام يذكرون اسم الله بلساناتهم
آرون : رحم الله والديج ديلا ادخلي جوه ماريد اتعارك وياج مالي خلك حته احجي راسي احسه راح يطير مني .
_مادخل موو بڪيفك تتحكم بحياتي من اليوم تبتعد عني حيل لااا والله افضحك كدااام العالم الهنا كلهم واحجيهم حقيقتك وجهك الثاني شلوون خطفتني وسويت كل هل امور بيه اخليهم همه بايديهم يدخلونك للسجن
دار وجهه عليه وهوه ضايج سحبني من ايدي بقوه عليه صارت ايدي علئ صدره رڪز بعيوني وهمس من بين اسنانه
آرون : الياااان روحي تريد تطلع راسي راح ينفجر لاتزودينها عليه ادخلي جوه ماريد أذيج ادخلي بسررعه
_وخر ايدك عني وادير بالك تتقربلي بعد واحد استغلالي شفتني مريضه واستغليت ضعفي وقلت حيلتي ماخجلت من نفسك وانتَ تسوي هيج وياي ماگلت خطيه انتَ شنوو من بشرر
آرون : يالله دخيلك شمسويلج فوك ماهتم بيج غير اداريج اشوفج مريضه اڪول حرام ماساعدها هاي جزاتي انوب مراضيه ابقي موتي شعليه بيج اني كلب ابن كلب اذا ساعدتج بعد بشي بعد ولاتنسين انتِ الطلبتي مني ابقه هنا ولأ انيي جنت راجع.
_مطالبه منك تساعدني خووش لاتسوي نفسك رجال زين رجعني الاهلي لاا والله افضحك كدااام الكل هسه
آرون : انتِ بيج شيء بس فهميني مره تصيرين زينه ومره يطبكن فيوزاتج وتصرفين وتحجين بدون وعي داشوف موو انسانه واعيه ومثقفه لا اشوف .. استغفرالله شلون ويه لساني روحي من وجهي اليان روحيييي ماريد أذيج.
_أي احجي ليش سڪتت دشوف بيه انسانه رخيصه مو هيج تشوفني احجي عبالك اني من هذني الي تستغل بيهن؟ .
فتح عيونه علئ كلامي مصدوم دمعت عيوني وخنڪتني العبره ليش هيج بسرعه احجي الي بداخلي و اضعف وابجي اتحسس من ابسط الامور تأفف بضوجه
تقرب يمي لزم وجهي بثنين اديه رفع راسي ركز بعيوني وهمسلي "
آرون : عمري مافڪرت هيج بيج اعرفج شنوو انتِ وشنوو تفڪيرج بس ثقي بالله ماريد أذيج كل تصرف اسوي وياج من خوفي وحرصي عليج ليش هيج تسوين انتِ ليش خايفه مني اني شسمويلج هسه افتهمي اليان اني شغلي موو وياج ويه ابوج ومستحيل افكرر بيوم أذيج او اخلي أي بشر يسويلج شيء انتِ هسه بأمانتي يعني لاتفكرين بيوم استغلج او العب عليج مستحيل شيلي هل فكره من راسج.
_اذا شغلك موو وياي ليش خطفتني تأذيني هواي واني ممسويتلك شيء كل يوم تأذيني شكدد اتوسل بيك تعوفني متقبل والله ماخليهم يأذونك اوكف وياك اخلي بابا يساعدك بس رجعني حيل تعبت ماكدر اتحمل هل وضع اني
خله راسه علئ راسي يسحب نفس غمضت عيوني واني ابجي.
آرون : أذي روحي وما أذيج لاتبجين بس انطيني صبر هل كم يوم ماكدر ارجعج تورطت بعد اذا ارجعج ادخل بمشكله حييل جبيره وماحصل أي شيء انتِ بس حاولي تفهمين وضعي وتساعديني
_وخر عني ماريد انغش بتصرفاتك انتَ خاطف وبس تكرهني وتكرهه اهلي تفكر بس بمصلحتك ميهمك الناس بشنوو تحس تريد تنفذ شغلك براسي .
قرب وجهه من وجهي حيل يهمس بصوت هادئ اني مغمضه عيوني وكلبي احسه يرجف من قربه مني
آرون : ماكرهتج بيوم ولا راح اكرهج هوه الي يشوف وجهج هم يكره شيء بيج
_آرون وخر عفيه .
غمض عيونه ومشه ايده علئ خدي بهدوء احس گلبي صارر يرجف رجف بلعت ريكي بتوتر
خلاني اذوب بين اديه مغمضه عيوني وهوه هم مخلي وجهه حيل قريب من وجهي حرك ايده علئ شعري.
حسيت علئ نفسي وتصرفاتي دفعته من صدره حيل وكعته ليورا وكمت بسرعه دخلت للغرفه.
بقيت اتنفس بقوه واني اتذڪر الصار بينه شديصير اليان لا لا تسوين بنفسج هيج لاتحبين هل انسان
خطفج وأذاج شلوون اخلي نفسي تمين اله مستحيل ادوس علئ كلبي ومانزل نفسي اله مراح اخلي يستغلني اڪثر
ڪعدت علئ الارض واني ارجف وعيوني مليانه دموع
خليت راسي بين رجليه وبجيت حاسه بالضعف افڪاري مخربطه حييل كل مايكون قريب مني اضعف واستسلم اله
مجاي افهم شيء من تصرفاتي احس نفسي متناقضة كل شويه بتصرف.
ليش جاي يتقرب مني آرون ليش يضعفني ويستغلني متاڪده ميحبني هوه خطفني علئ مصلحه.
اڪيد راسم شيء باله ومراح اخلي يوصل للي يريده. ابد راح اثبتله اني بنت ابوي ومستحيل اخلي يضحك عليه بهل تصرفاات.
مسحت عيوني حيل وكمت تمددت بفراشي لكيت جواهر فراشتلي يمها.
بقيت اتڪلب بفراشي اريد عيني يجيها نوم ماڪوو
شويه ودخل آرون للغرفه غمضت عيوني سويت نفسي نايمه راح اخذ بطانيه وفراش طلع
بقيت هواي كاعده اريد انام ماكدر لأن الصبح خلصتها نوم وتصرف آرون وياي طارت من عيني النومه.
كعدت علئ حيلي لميت رجليه علئ صدري واني صافنه شسوي شلون اطلع من هل مكان.
اذا ابقه ويه آرون راح يستغلني واني غبيه بسرعه انغش واضعف اله
طلعت من الغرفه جان آرون نايم ومخلي جهازه يمه لوو بس اكدر افتح الجهاز جان تواصلت ويه ابوي وخليته يجيني.
رحت يمه اخذت الجهاز ودخلت للغرفه بقيت احاول واحاول وماڪوو مانفتح وياي.
رجعت الجهاز لمكانه ورجعت لفراشي تمددت بيه مادري شلون دخت ونمت ..
ڪعدت ثاني يوم وحدي اباوع للساعه الي بأيدي بـ 9 الصبح شعجب ليوم جواهر ماكعدتني من و ڪت.
الغرفه فارغه بس اني بيها ڪمت من مكاني وطلعت برا جانت جواهر تنطي للبقرات حشيش وصبيحه عدها تمن عنبر تنظف بيه كاعده علئ صفحه وياها مره ماعرفها تقرب الهم اعتقد.
وآرون مادري وين رايح رحت للجدر غسلت وجهي ورحت علئ جواهر.
_صباح الخير
جواهر : صباح النور
_شعجب ليوم ماڪعتيني من وڪت
جواهر : ادري بيج مريضه وخليتج تنامين وترتاحين
_حبيبتي آرون وين؟
جواهر : مادري بيه كعدت لصبح مالكيته هنا رايح اضن.
_راح !!
جواهر : اي خيه ماڪو كعدت من الفجر وهوه ماكوو.
نزلت عيوني واني مقهوره الحقير شلوون حلف كال ماعوفج واروح وهسه راح هذا درس الي حته مارجع اثق بيه واتعاطف وياه بلعت ريكي وكلت
_خلي يروح اكلج ماعدكم جهاز هنا اخابر بيه؟
جواهر : والله ياخيه محد عده تليفون هنانه
_تمام
جواهر : اسويلج ريوك
_لا اني هسه احمي الجاي واشرب.
جواهر : لا امشينه اسويلج بيض علمود تشربين علاجج.
هزيت راسي بأي شغلت نار وراحت جابت بيض وزيت وكلتلي بيضاات وحمت الجاي.
خلتهم الي بصينيه كعدنه اني وياها نتريك شويه وشفت آرون اجه وشايل بايده سناره مال صيد وسمج.
جواهر : يااا ثاري رايح يصيد سمج
سكتت اني بقيت مدنكه واكل راح علئ صبيحه انطاها السمج واجه علينه
آرون : صباح الخير
جواهر : صباح النور هلا خويه جنت تصيد سمج؟
آرون : أي والله ضايج ورحت اغير جو واصيد حلوو الجو هنا.
جواهر : والله عبالي ماتعرف تصيد
آرون : لا يابه شسالفه كلش سهل واني متعلم علئ كلشي بحياتي.
جواهر : اي والله معدل
آرون : اكول خويه ماكو صابونه تايت اغسل ايدي تزفرت
جواهر : الماي حار مساعه حميته ادخل وسبح وانه هسه انطيك صابونه ودشداشه من دشاديش ابوي.
آرون : اي والله ياريت
عافتنه وراحت دخلت للغرفه تطلعله دشداشه كعد علئ ركبه يباوعلي اني ماشلت عيني ولا فتحت حلكي بحرف مدنكه اكل بسرعه بسرعه علمود ماحجي وياه
آرون : شلون صرتي اليان.
مجاوبته بلعت الكمه وشلت الصينيه ودخلت للغرفه اكمل اكلي ماريد اشوفه ولا احجي شيء وياه.
جواهر : ها خيه شو طبيتي
_أي طلعت الشمس حاره ودخلت جوه
جواهر : ها خوش هاج هاي الدشداشه انطيها اله وانه رايحه انشد امي وين مخليه الصابونات شو مالگيتهن
_جاي اكل انتِ روحي وانطيها اله
جواهر : ياا شمالج تستحين منه شنهي تنطيها ورجعي اكلي
_بطريقج وانطيها اله
جواهر : غير اريد اشوف امي
_استغفرالله ياربي
جواهر : يلا خوش ضلي انه راح انطيها
_لا عادي جيبي
جواهر : خاف متڪدرين
_لا اڪدر
اخذتها من ايدها لأن شفتها ضاجت عافتني وراحت اخذت الدشداشه ورحت للحمام مالتهم مخلين برده همه وكفت برا وصحت
_هاي الدشداشه راح اخليها هنا
رفع البرده بسرعه وطلع مجان نازع بس مدخل جدر المي ابتسم بهدوء وكال
آرون : شكراً
مجاوبته انطيته الدشداشه اخذها من ايدي درت وجهي اريد امشي لزم ايدي وكال
آرون : اليان لحظه
درت وجهي عليه سحبت ايدي بسرعه منه راح خله الدشداشه واجه يمي باوع لعيوني سحب نفس وكال.
آرون : شوفي لبارحه جنت مو واعي علئ تصرفاتي والله لأن مريض وهيج سويت لاتضوجين مني
_مايهمني اصلاً هذا وجهك الحقيقي موو لأن مريض من الاول عرفتك واحد نذل وستغلالي.
آرون : ميخالف مقبول منج هل حجي شغله وحده اريدها منج متحقدين عليه لأن متعرفين بشنو أَمر وليش هيج اتصرف أني.
_هههه من الاول اني حاقده عليك وكارهتك موو هسه وكتلك عمري مراح اسامحك علئ ڪل تصرف سويته ويايه.
آرون : ماتعرفين الحقيقه لهذا عاذرج بكل تصرف وكلمه تحجينها بس متاكد من تفهمين كلشي راح تتغير نظرتج.
_ وشنوو هيه الحقيقه منوو المسجون وليش ابوي سجنه وشنوو علاقتك باأهلي وليش خطفتني تكدر هسه تجاوبني تكدر تحجي لوو بس طلع نفسك كدامي فقيرر ومظلوم.
آرون : بس اسبح واطلع احجيلج كلشي وانتِ بعد بكيفج تصدكين ماتصدكين.
_تحجيلي؟
آرون : أي والله احجيلج ڪلشي بالتفصيل اريد ارتاح منج ومن اسلوبج ع اقل اذا تعرفين تستجنين وتكعدين بمكانج تنتظرين ابوج ينفذ كلامي.
_المشكله ماكدر اثق بيك ولا اصدك كلامك
آرون : باوعيلي اليان تشوفين بعيوني انسان جذاب. ؟ مجرم؟ لاا اكيد لأن تعرفين كلش زين اني موو هيج ومن احجيلج راح تفهميني اكثرر.
بلعت ريكي ومجاوبته بقه يباوعلي شتت نظري عنه عفته ورجعت للغرفه ماكلت بعد انسدت نفسي شلت الصينيه وغسلت المواعين عيب من جواهر كله هيه تخدمني.
بقيت واكفه برا منتظره يطلع آرون ويفهمني كلشي اريد اعرف الحقيقه احس صار عندي فضووول كلش قوي اعرف ليش سوه هيج
اريد اسمع شنوو يكول ياترئ. ابوي صدك ظالمهم او همه مفتهمين الموضوع غلط بغلط.
شويه وطلع آرون من الحمام ينشف براسه عقد حواجبه مستغرب من شافني واكفه ومنتظرته.
آرون ; ها شبيج
_يلا تعال احجيلي.
آرون : ههههه علئ هذا الموضوع واكفه استعداد موو علئ أساس متثقين بيه؟
_اي ماثق بس مليت اريد افتهم ليش اني مخطوفه وشنوو السبب ومنوو المسجون وهاي اذا قتنعت بالجذبه الي راح تحجيها.
آرون ; تتعالي خليني اضربلج ابره بالكانونه ونحجي بالموضوع.
_عوف العلاج هسه مابيه شيء احجيلي يلا.
آرون : احجيلج والله بس واحنه واكفين تعاي ندخل للغرفه ع اقل.
سحبت نفس بقوه ومشيت ڪدامه دخلت للغرفه شويه ودخل ڪعد علئ الحصيره رحت كعدت مقابيله اعصير باصابيعي واباوعله منتظره يحجي.
آرون : جيبي الابره وتعاي اضربج
_ماريد احجي يلااا لاتغير الموضوع
آرون : احجيلج والله بس خليني اضربلج الابره
_احلف
آرون : والله احجيلج كل الحقيقه وافهمج السالفه كلها بالتفصيل اني هم اريدج تعرفين
هزيت راسي بأي ڪمت ورحت طلعت الابره وانطيتها اله فتحها وعبه الدوه بالابره مديت ايدي اله
لزمها فتح الكانونه وشكل الابره وبقه يمشي بيها شويه شويه حيل تووجعني من يمشي بيها العلاج بقه يمسح علئ ايدي بهدوء
آرون : هسه يروح الوجع
_ختولي كافي تأذيني
آرون : لأ شلون غير نخلصها كلها حته تصيرين زينه.
_توجعني ايدي كافي
آرون : هسه خلصت مابقه شيء بيها.
خلص الابره طلعها وسد الكانونه بقيت احرك بيها تأذيني .
آرون : بعدها توجعج
_لأ يلا احجيلي شنوو الحقيقه.
آرون : شنو الي تردين تعرفينه اول شيء
_منوو المسجون الي خطفتني علمود طلعه. ؟
آرون : ابوي ...
....
تيمور : اني جنت ناوي اخطبج
فتحت عيوني مصدومه هذا يحجي صدك لوو ديشاقه وياي ويريد يختبرني بلعت ريكي وماعرفت. شنوو اجاوبه
تيمور : شبيج مصدومه
_ڪم بنيه لحد الأن لعبت عليها تريد تورطني مثلهم عبالك اصدك كلامك شفت بعيوني شلوون تتحرش بالبنات
تيمور : ليش شبي كلامي اريد اطلب ايدج علئ سنة الله ورسوله
_بس اني مستحيل اوافق علئ انسان يلعب علئ البنات شوف وحده غيري تناسبك
تيمور : كتلج مابيني وبين شذر شيء مجرد بنت عمتي وسلمت عليها ليش مكبره الموضوع هيج.
_واني شعليه بيكم ليش جاي تحجيلي هسه روح اخطبها هيه ليش جاي عليه.
تيمور : معجب بيج اني
صدمني بكلامه احس عقلي تشوش هذا شوكت حبني ابد ممرتاحه وخايفه من هل حب المفاجاه.
تيمور ; وبعدين وياج تبقين تصفنين انتِ موو تحبيني
_ماحبك اني منوو ضحك عليك وكلك هل حجي
تيمور : لاعبالج غشيم ومادري بيج انتِ من زمان معجبه بيه بس ماعندج إجرائه تحجين
_غلطان كلش اصلاً اني من غير خوانك ماحب حته احجي وياك مغرور ومتكبر علئ الكل.
تيمور : ارفعي راسج واحجي هل شيء وانتِ تباوعين بعيوني
رفعت راسي اباوعله وكف السيارة وبقه صافن بوجهي توترت كلش وماعرفت شسوي احس كلبي راح يوكف من الخوف .
تيمور : احجي اريانا ليش ساكته
_ماحبك ولا اريدك اصلاً راح اتزوج ابتعد عن حياتي رجاء .
تيمور : ماتزوجين غيري خلي هل شيء بالج
_منووو انتَ وتقرر عني اخذ الي اريده وماتكدر تجبرني عليك
تيمور : واني هم من اخلي شيء براسي اخذه لوو الكل يوڪف ضدي .
_انتَ شتريد مني هسه
تيمور : اريدج بحياتي
_بس اني ماريدك
تيمور : عادي اخليج تريديني
_كوه يعني
تيمور : متعود اخذ كلشي بالقوه اني
_انتَ واحد مغرور ع فڪره
تيمور : ادري وعاجبني هل شيء
سكتت عنه تيمور نرجسي حيل منغر بنفسه ويحب تصرفاته واسلوبه الئ ابعد حد لزمت يدت الباب اريد انزل مقفل السياره
_افتح الباب اريد انزل
تيمور : ترفضين الزواج تمام
_مارفض
تيمور : اريانا
_شوف تيمور اذا انتَ متسلط علئ الكل وتمشيهم علئ مزاجك هل شيء ميمشي وياي تمام اختار الي يناسبني واتزوج بكيفي وانتَ مالك اي دخل بحياتي لا ابن عمي ولا ابن خالي متقربلي ابدد اليان الوحيده الي مخليتني اجي عليكم فأ رجاءٍ خليك بعيد عني ماريد مشاكل ولا احب اتعارك وياك.
درت وجهي اريد افتح الباب سحبني من ايدي عليه قربني حيل منه ركز بعيوني ثواني وباس شفتي
جمدت كل اطرافي ماعرفت شنوو اتصرف شلوون يتجرا يبوسني حاولت ابعده ضربته علئ صدره ماعافني بقيت ابجي واضرب بيه ابتعد عني وهوه مرسومه ابتسامه خبيثه علئ وجهه
_حقيرررر نذل الله ياااخذك شلووون تسوي هيج
تيمور : ترافه موو طبيعيه بشفتج وطعم بيها حيل طيب
_انتَ واحد نذل والله اذا ماخليتك تتندم
درت وجهي اريد افتح الباب مقفل السياره شلت القفل بيدي رجع قفلها درت وجهي اباوعله واني عيوني مليانه دموع.
_افتتتح الباب احسلك افتحهههه يلااااا
تيمور : اعصابج يحلوة ميلوك عليج الزعل شسوينه هسه احنه هيه بوسه
_تفتح لباب لوو اصرخ وافضحك كدام العالم كله افتح الباب اكلك
تيمور : محد يسمع صوتج السيارة مضلله ومقفلها علينه
طلعت تليفوني من جنطتي اريد اتصل علئ اخوي سحبه من ايدي حاولت اخذه منه بس هوه يدفع ايدي
_جيييييب جهازي. جيييبه
تيمور : علئ شنوو شايفه نفسج هسه وتبيعين ثكل عليه غيرج يشمرن بروحهن شمر بس حته اباوعلهن لو لأن ردتج بحلال رافضه تحبين الي ياخذج بحرام موو.
ضربته راجدي قوي علئ وجهه واني احس بركان بداخلي يفوررر
_تخسئ يانذل انزل روحي الك انتَ واحد مريض و متستحي ومامربه عدل اذا ماخليتك تتندم علئ هذا كلامك اني موو اريانا.
تيمور : ضربتني؟
_اكسر راسك واعلمك شلون يصير الحجي لأن ضاهر انتَ الفلوس عاميه عيونك ومخليتك متعرف شتسوي.
تيمور : اعلمج شلون تمدين ايدج عليه
ساق السياره احس بطني صارت تلويني وجهي اصفررر بقيت اصرخ وابجي اريده ينزلني ميقبل
لزمت الستيرن صارت السيارة تروح يمين يسار دفعني بايده لزكني بالجام
رجعت تهجمت عليه هذا شيطان شنوو ناوي يسويلي وين ماخذني
بهل اثناء اني وياه نتعارك والسيارة تمشي صارت كدامنه سيارة ثانيه داس بريك حاول يوكفها ماسيطر عليها خليت ايدي علئ وجهي وصرخت بصوت عالي ..
