رواية كان اخي الفصل الثامن بقلم مجهول
فتحت الكتاب وكمت اقرة بي.اسمو(احرقتني بحبها)
يتكلم عن واحد يحب وحدة حييل بشكل موطبيعي وهي مومهتمه اله او ماتدري اصلا..كاعد اقؤة وسمعت صوت السيارة اجت عرفت انو اجه كبل رجعت الكتاب وطلعت من الغرفه شافني
هيثم:ها لازم مانمتي
ملك:لا
هيثم:تداومين باجر
ملك:اعتقد اداوم اشوف شماخذين دروس
هيثم:اي احسن روحي شوفي دروسج
ملك:اي هم هيج
هيثم:............
ملك:........... شبيك ليش دتباوعلي هيج
هيثم:لا ابد هيج ماكو شي
ملك: اول لعد تصبح على خير
هيثم:وانتي بالف خير ديري بالج على نفسج
رحت نمت وكعدت رحت للدوام استلمت درجتي بامتحان الانكليزي اخذت88 رجعت من الدوام بدلت وتغديت ونمت كعدت العصر وعاونت البنات بالشغل سوينه عشه وكعدنه نتعشه دك الموبايل على هيثم.وكام من العشه.بعد شوي رجع
هيثم:يووم
سميه:هااا
هيثم:تعاااي
سميه:خير اكو شي
هيثم:تعاااي هس
راحت عمه سميه وياه
هبه:شبي هيثم
هديل:ماعرف
خلصنه عشه.وطلعت اغسل شفت هيثم وعمه سميه بالطارمه كاعد يحجون بصوت ناصي.رحت سويت جاي
وصبيت النه.باوعت هبه وهديل يحجون ويه عمه سميه من شافني كبل سكتن وغيررن الموضوع.عرفت اكو شي بس كلت يجوز مايريدوني اعرف.
وديت جاي لهيثم وعمه سميه بس ماقبلو يشربون
رحت على هديل وكتلها
ملك:خير شكو خما اكو شي
هديل:لالا ماكوشي
ملك:مادري بس احس هيثم وعمه سميه موطبيعين حتى جاي ماشربو
هديل:لايمعودة يجوز مومشتهين بس ماكو شي والله
رحت للغرفه كمت اقرة شويه وفات هيثم.شكلو ابد موطبيعي وحسيتو مقبي حجي
هيثم:شدسوين
ملك:ادرس
اجه كعد يمي وخله ايدو على كتفي وحضني وباسني من راسي
تفاجئت وعرفت اكو شي
ملك:شبيك..اكو شي
ماجاوبني ضل ساكت
ملك:كولي شكو ترى اعرف اكو شي
هيثم:والله ماعرف شكلج
ملك:ترى بديت تخوفني احجي شكو
هيم:شوفي شكلج اريد تكونين قويه وتصبرين لان هاي سنه الحياة وكلشي بيد الله......ابوج توفى
مادري.شنو صابني من كالي هيج احس الدنيا فترت بيا
ملك:لالا موصحيح.....كمت على حيلي وبس افتر واكول جذب موصحيح شون هيج
هيثم:اهدي اهدي
كعدت بالكاع وكمت ابجي احس الدنيا صارت ضلمه معد اشوف شي من النار الي بكلبي قصص عراقيه واقعيه
ملك: اخخخخخخ عليك يابابا ليش رحت وعفتني موكافي امي راحت ليش رحت انت هم
اجه هيثم كعد يمي وحضني
ملك:كتلك ودييني خلي اروووح ليشش مقبلت
فاتت عمه سميه والبنات وكامن يبجن وياي اجت عليه عمه سميه وحضنتني وكامت تبجي وياي
ملك:ودوني هس يله ودوني
هيثم:باجر الصبح اوديج..
ملك:لاااا هس هس توديني يله
هيثم:يله امشي .
سميه:باجر الصبح تعال اخذني اني والبنات
اخذني وياه.كل الطريق افتح بالشباك مال السيارة وابجي احس الهوى ماكو مكطوع مكدر اتنفس.احس نفس الشعور وكت امي ماتت رجعلي
كامت تلعب نفسي واحس اريد ازوع
ملك:نزلني هين
هيثم: ليش
ملك:نزلني بسرعه.
وكف السيارة ونزلت كمت ازوع .راح جابلي مي شربني وغسلي وجهي.
رجعت صعدت بالسيارة وصلني البيت.فتت هوسه باوعت بوجهي اخوي الجبير سالم حضنتو وكمت ابجي وهو يبجي وياي بعدين شفت خواتي فرح ومرح هم حضنتهم وضلينه نبجي
ملك:بس فهموني شون هيج مات
فرح:صارلو كم يوم مريض وجان يهذي بيج يريد يشوفج
كمت ابجي بالزايد من هيج كالتلي
ملك:زين ليش مكلتولي مريض جان جيت وشفتو
فرح:ماردنه نشغل بالج حسبالنه مثل كل مرة يتمرض ويرجع يصير زين ماحسبالنه يمووت
بقيت كل الليل ابجي.
وهيثم خطيه ماعافني ابدكل الليل يروح ويجي عليه ويهدي بيه
صارت الدنيا فجر حسيت نفسي فقدت اريد انام تمددت بحضنو ونمت كعدت ورة 3ساعات هيج الدنيا صبح ورجعت تذكرت وهم كمت ابجي
هيثم:كافي يمعودة عيونج راحت ..هاي اجه يومه كولي الله يرحمه صيري قويه لاتضلين بس تبجين لان مايفيد ولاراح يرجع احد البجي كومي غسلي
ملك:ماريد
هيثم:كومي
ملك:ماريد خليني هيج ماريد اكوم
هيثم:يله براحتج..اني اروح هس
ملك:وين
هيثم:اروح للبيت شوي ارتاح واجيب امي والبنات واجي
ملك:لاتروح
هيثم:ليش
ملك:هيج لاتروح ضل وياي
هيثم:ماطول بس اجيبهن واجي
ملك: اوك..
هيثم:ديري بالج على نفسج ..والبسي زين ترى الجو حيل بارد برة
ملك:اي
بدت الناس تجي الصبح كمت اني وخواتي نشتغل ونقدم ونأخر للناس والجو بارد ومطر ..كل شوي اذكر ابوي ارجع ابجي بعدين الهي نفسي بالشغل...ورى شوي اجه وجاب البنات وعمتي وياه
سميه:ها بنتي شون صرتي
ملك:زينه الحمدلله
هديل:طمنينه عليج شونج
ملك: على الله الحمدلله
هيثم:اكلتي شي؟
ملك:لا
هيثم:عرفت ماراح تاكلين.اخذي هاي جبتلج وياي من السوك
اخذت علاكه باوعت بيها كباب وعصير
ملك:لعد تعال اكل معاي
هيثم: اكلت اني اكلي انتي
ملك:ميخالف تعال وياي
صعدت فوك اكو غرفه فوك لان البيت مليان وصعد وياي
كمت اكل..رجعت اختنكت من تذكرت ابوي عفت الاكل وكمت ابجي
هيثم:استغفر الله كافي تبجين
ملك:هيثم لاتعوفني امي راحت وهس ابوي هم راح ماضلي احد
جرني لحضنو وحضني قوي
هيثم: ولج اعوف روحي وماعوفج كل عقلج تحجين
اني اصير ابوج وامج وكل اهلج وابد ماخليج تحتاجين شي ولج انتي بنت روحي
من توفى ابوي احس صرت حيل متعلقه بيه احس رجعت مثل كبل طفله صغيرة ومدي يبقه وياي ومايعوفني ابد ويضل وياي....
