رواية الإرهابي وذات النقاب الجزء الثاني الفصل الثامن بقلم ام غايب
مدري شگد ..
حزن روحك ولاينعد
و هذاك انتَ
الغريب ،المنسي ،المفرهد
ابو دميعة الحنين الماوگفلة احد.
____________
واني اقره الرساله اتصل هو .... مجاوبته الحلم بعده مأثر على نفسيتي ... شبكت علي ونيمته بصفي على الجربايه وكمت اشمشم بي ... رجعتني الذاكره الذيج الايام
قبل خمس شهور
فلك .. رجعنه من بيت خضر رحنه البيت خالد ام خالد متقبلتني حتى اول يوم سوت مشكله شكبرهه علمود وجودي بينهم طبعاً حقهه لان اني بسبب وجود ابنهه بالسجن عذلت نفسي عنهم خاصه بعد منطوني غرفه فوك بالطابق الثالث وماانزل ماعدا للحمام ...واصلاً لازمه عده
بالصدفه بعد اسبوع رجعتي اجتني رساله من رقم غريب تفاجئت منهه
جهزي روحج ودير بالج تقولين على الرساله صدكيني بعدين تتندمين لان مو قصدي
فلك .. شديحجي هذا ... هو انت منو كتبتهه و مراحت الرساله لان ماعندي رصيد دخت حيل وخفت وقلقني عدم فهم الرساله شكد مقريتهه وعدتهه مفهمتهه دخلت على الفايبر ردت اشوف عنده هذا الرقم فايبر لكيت اكو .... بس صورة بنيه او بالاحرى صوره بنيه وطفل .... اجهز روحي ال شنو منو انتي ... دزيتهه وكت اترقب الرساله انفتحت او لا ابد مفتحوا الرساله عفتهه ونزلت لان الحجيه حاجيه عليه وكايله ال ميمونه انزل تشوفني نزلت لكيت الكل نايم كلت همزين دخلت للمطبخ ميمونه كاعده و عيونهه حمر
فلك .. ميمونه شبيج
ميمونه .. ما بيه شي
فلك .. لا عليج الله شو هاد عيونج
ميمونه .. تخيلي خضر من البارحه ب العشره مجاي و خابرته يشغلني وتالي يفتح خط من اكله انتَ وين يكلي سهران ويه الولد شويه واجي واتصل ماكو الحد هاي اللحظه عود شنو معناهه
ساعة افكر خاف صار عليه شي ساعه اكول خاف سهران بشي
فلك .. هو عنده هاي السوالف رجلج
ميمونه .. لا يتحرم ....
فلك .. يمعوده جذابين كلهم
ميمونه .. يعني يخوني زين ليش جذابين
فلك .. والله ما ادري هو الكلب غير واحد يسكنه
ميمونه .. غير
فلك .. حسين جان من ينزل يم ورود يحجي كلام اذا يسمعه احد يكول مستحيل يخونهه
ميمونه .. وخانهه
فلك .. طبعاً لان من جان يصعد يمي ومن يشوفني يتغزل بيه
ميمونه .. قبضني كلبي و بجيت رأساً
فلك .. شبيج يمعوده
ميمونه .. اموت والله
فلك .. ليش
ميمونه .. اذا خاني اخ يمه كمت كوه اتنفس كمت رأساً اتصلت بي جاوبني
خضر .. ميمونتي
ميمونه .. وينك الحد هسه خضر
خضر ..شبيج حبيبتي شبي صوتج
ميمونه .. شبيه كتلي اسهر واجي ومأجيت
خضر .. تخافين عليه حبيبتي
ميمونه ..ليش مأجيت خضر .... ها وبجيت
خضر ..ليش هذا البجي نمت حبيبتي محسيت على روحي وهسه كعدت راح اجي
ميمونه .. لا والله ... صدك يعني
خضر .. شنو
ميمونه .. خنتني مو ... سهرت وخنتني اموت خضر اذا تخوني
خضر .. صدك حبيبتي تشكين بيه
ميمونه .. شويه عقلي شك
خضر .. وروح امي ما خنتج
ميمونه .. دير بالك تخوني اموت والله
خضر ..شلون اخونج واني عندي ست النسوان كلهن جايج حبيبتي هسه شويه واجي بس الطريق
ميمونه .. ماشي حبيبي سديته منه درت وجهي جانت فلك تغسل بوجهه
فلك .. ها
ميمونه .. بابتسامه ... نام بدون ميحس على نفسه
فلك .. اي وليش الابتسامه
ميمونه .. لان ارتاحيت ... الشك اكل راسي
فلك .. وشنو الكلج بي وريح راسج
ميمونه .. كلام ...
فلك .. شفت بحياتي فطيرات مثلج مشفت
ميمونه .. ليش يعني
فلك .. دروحي نامي عيونج حمر
ميمونه .. لا انتظر خضر مااكدر انام
فلك .. مجنت اغار او ازرع شك بعقلهه بس احسهه ساذجه ابسط شغله كلمه وحده قشمرهه بيهه .... مثل ما قشمرهه وخلاهه تتهزم ويا ومتفكر بشي هذا الشي يستفزني بميمونه .... ما اهضم خضر لان يوم من الايام بسبب خسارتي الاغلى ناسي ... امي حرمني من الامان من ملجئي من سندنه وحمايتنا بهالدنيا مااعرف ميمونه شلون كدرت تحبه وهو سبب خسارتنا امي بهاي الدنيا دخلت يم حبوبتهم كعدت وكعدوا اهل البيت كلهم نفر .. نفر نفرات رسل الي ... حقد ...ليش ما اعرف ...
لو ما اصرار حبوبه مستحيل انزل .... باوعت على ميمونه غفت على مخدة حبوبه باوعت على الساعة ... الوقت مشه فوك الساعتين من اتصلت علي ميمونه ... زاد عدهم هضمي ال خضر قررت بس اخلص من هاي الازمه لان مجبوره ابقى لان السيد خالد ميقبل ... ونقطه ثانيه محبيتهه بخضر على اي اساس يخلي ابن عمه يتحكم بي ... مااعرف شنو الحبيتي بخضر ياميمونه ... ووين بعد راح يوصلج حبج اله ... بلكت تعرفه او تكشفه على حقيقته حتى اخذهه واروح خلص بعد ما اسمح لاحد يدوس على طرف النه بس ارجع وافكر خاف يتخلى احمد عن وعده الي وعده خلاني اتأمل واعيش لامل مع ذكريات وكلام هيفاء الي ترسخ بعقلي ... كمت مستحيل اغفه وما اتذكر كلامهه واعيشه ويه ابني اتخايله نايم بصفي
.......................................................
خضر ..اتصل بيه حمصه تقريباً بال ٧ بليل البارحه .... جنت يم شاهين استفسر منه عن موضوع حسين زوج فلك وعن ابنهه والتحقيق وشسوو اخذنه النقاش وتطرقت المشكلته هو وحمصه لان مااعرف تفاصيلهه ناس تكول غلط حمصه وناس تكول شاهين
شاهين .. ماكو شي
خضر .. لعد ليش هيج ماخذ موقف شنو معناهه محد بيكم يكلي السبب ويا هوه الي اسئله يكول ماكو شي او يلومك او يلوم حمصه تره دوختوني
شاهين .. يا كلب يكول اني غلط
خضر .. شنو المشكله غير افتهم طفرت عل جلب الي لامك
شاهين .. انت شعليك شو كوم وتوكل
خضر ..احجيلي شاهين حمصه غلطان بشنو قفلتك تخوفني وتقلقني
شاهين.. يابه لتلح مشكله بيني وبينه
خضر.. شمعنا اني متريدون اعرف مو گام عقلي يشطح ياخويه
شاهين.. شلون يعني يشطح تاكل نعل فهمت وديربالك يشطح عقلك وحق الله ارميك
خضر.. احد شنووو مو خبلتوني
شاهين.. بابا مشكله متخص احد بيني وبين واحد من اخواني العوجان
خضر.. بهاللحظه دگ موبايلي حمصه هاي الاعوج جنه گلبه حسه نحجي علي جاوبته الووو هاا ولك
حمصه.. خضر بسرعه انت والولد تجون
خضر.. شبيك حمصه
شاهين.. شبي يمعود
حمصه.. تعالو بسرعه كون حسده مااريد احد يسمعني حدز العنوان
خضر.. سده واني القلق والخوف اكلني
شاهين.. شبي يمعود
خضر.. والله مااعرف لك خاف يصيرله شي حتى موضح بس مبين اكو شي
شاهين.. دخابر على الولد خلي يجون والاسلحه بسرعه
خضر.. هاي العنوان دزه وگال لتجيبون سيره لخالد شي متعلق...
شاهين.. بمنو
خضر.. بنفسك... شنوا فهمت شي
شاهين.. انعل ابو هذا شوف بشنو مورط روحه الطايح حظ... اله يصير بي شي ويخبلنه يالله يرتاح متتصل شبيك أنت الثاني
خضر.. ركبنه شاهين كالعاده مريت للبيت من الباب وطلعت گبل بس صعد علي جاب سلاحي وسلاحه وراشد وعزوز ويمكن الطريق سوينا خطوتين من كدما ساق شاهين سريع وطول الطريق ويا السرعه يحقق ويا عزوز وعلي وراشد ويگلوله منعرف
شاهين.. وحق الله اليعرف بيكم لخلي جوه السياره وبالتاير ادوس عليه واحد يطمطم للثاني ويوگعه بمشكله جبيره يالله يحجي
دز رساله لتتصل خاف يسمعون الاتصال خل نفهم كله وصلنا و واگفين وين مگاللنا
خضر.. دزيتله رساله و واگفين نباوع على الطريق فرع بس بيوته تقريباً مهجوره
شاهين.. هاك باوع وين حايبنه لمكان مهجور اكيد عصابة اذا ماهو هم عصابة
راشد.. يعني يعلسنه
علي.. اي خاصه انت لحمك طري
شاهين.. هذا التافه سكته لا اخلي طلقه براسه
- [ ] بعدني توني احجي مااحس اله انفتح الباب الخلفي ملحكت انتبه لان صوت راشد خرعني من كال سلاااااحك لا سكطك
حمصه-بسرعه طلعووووا بسرعه
خضر-ربكنه كلنه جابنه وطلعنا بسرعه
وكفها شاهين للسياره وكال
شاهين-خضرررر أسأل الناس الي بس تحب المشاكل شكووووووو جابنه مثل المخابيل عبالي الكه دمه بطوله
حمصه-خضررررررر كل للناس الباطلين محد اتصل عليهم
خضر-كبل دار علي شاهين .....اني باطل يا عارررررررر
راشد -استغفروووووووا شباب وصلو على النبي
شاهين-حتى الاستغفار مايفيد بوجود الشياطين
حمصه-تره وصلت الخشمي وبعد ماتتحمل تتجاوز
وخررررررر بابا شبيك علي لتلزمني
خضر-كلمه منا بكلمه منا كبت العيطه بالسياره عزوز وعلي يلومون بحمصه وعلي وراشد يلزمون ويسكتون بحمصه الحد ما غلط شاهين عل كل سب وصياح
بحيث صوته طرشنه هدء الوضع صار سنطه
اني صافن بوضعهم الي يدوخ
واباوع علي شاهين لازم سبحته ويسوق وكل شويه يحرك بيعه وحمصه صافن عل جامع ويلعب بلحيته
راشد-مكلتلنه شصار وياك
حمصه-جنت اراقب العار فواز
وشفته شال طفل
كبل درنه اني وشاهين
شاهين-اااي
خضر-احجي يمعود كمل
حمصه-بابتسامه .....علي
خضر-لا برررررربك والله وروح امك تحجي صدك
حمصه-وحق الله غير هو تك وتك على اختنه
خضر-يعني علي عايش
حمصه-اي وداعتك
خضر-ابتسمت ممصدك
شاهين-اليوم جهزو روحكم .....الطفل بحضن امه ينام
حمصه-اي بعد شويه عنده طلعه ابن المسموط
وراهه راح يروح البيت اهل زوجته
أأمن شي النه للهجوم لان مانعه ابو مرته يجيب جنوده او حراسه مسحب يلفت انتباه
دار شاهين علي وسأله نفس السؤال الي اريد اجابته
اني ..... ين الطفل وين بهالحاله معناهه يم اهل زوجته
لا بنته مراح تروح .....الاي مكان وحتبقي الطفل يمه
خضر-انت شمدريك بكل هالمعلومات
معناهه تعرف وجود الطفل من زمان مو مال اليوم
حمصه-نزلوني هنا من تحددون وين نلتقي دزولي رساله
شاهين-خضرررر كله وين مولي
حمصه-ماكو داعي تعيد بأهم شغله .رايح
خضر-تعال يمعووووووود فهمنه
شاهين-واحد منكم يروح ورا
خضر-اني رايح
علي-جاي وياك ممرتاح ال حمصه
خضر-نزلنه اني وعلي ....مشينه ورا بدون مسحي
هم بعده يداوم بالجيش
علي-شتشوف لحيته مال جيش
خضر-شكد مطي هالولد لو ما مرض ميمونه مستحيل اعوف هالشغله
علي-الأمر عنده شغله يم خالد يتلوكله كله الخاطر عينك ممسجله غياب
خضر-والراتب منو يعلسه
علي-الأمر ....اوكف اوكف شكله وكف يم الباب المنو رايح هذا
خضر-مكاعد افهم حمصه ابد ومو بس حمصه ولا واحد بيكم
باوعنه انفتح الباب طلعت بنيه تبتسم
علي-لك يااابه قنبله هاي ال............منين عرفهه
خضر-زاني هالبشر متصيرله جاره
علي-تستفزني من تحجي سوالف شاهين
خضر-انجب لك يايوم متقربلهن حتى من جنتوووو تجيبون شسوي اني بس اباوع استحرم
علي-اني شعليه خررررررررب
خضر-وجعه شبيك خبلتني
علي-لك ....لك هذا
خضر-مفتوح خط هههههههه واعتراف صريح منك
سده كبل وكال
علي-خرب بالحظ السكط سراح يقنعهه وراح تاخذ عني فكره ساقط
خضر-هو انت هيج قابل جذب دمشي أمشي شكو بعد باقيين خل اروح هم اني اشتري جهاز الميمونه
علي-لعد منين كاعد تخابرك
خضر-من حبوبه
علي-منين دبرتهم
خضر-دبرن اكلك شنو ام تك وتك شخبارهه
علي-والله صراحه
خضر-ااااي
علي-شبيك هيج هجمت
خضر-ام تك وين
علي-عفته الي جنت مسوي علاقه وياهه
خضر-والبرونز شعليهه
علي-ماادري
خضر-انهزم من يمي مشه الوقت ومنتظرين حمصه تأخر
.................
حمصه-نزلت من سيارة الولد .....بعد مطلعت من يم جماعة فواز خابرتهم لان حسيت انكشفت
عدلت روحي ووكفت كبال البيت ابتسم
تذكرت رياض
رياض-مو بنيه
حمصه-ااااااحجي شمدريك
رياض- حتى بيتي تجيني بس اتصل بيهه
فتحتلي الباب سافره هيه بس شنو ماخذه دور الشريفه
كلش اول مدخلت الباب الحوش سحبتهه عليه
دفعتني ......احمددددددد هاي شتسوي كتلي انطيج شغله واروح
احمد-ماعندج ثقه بيه تالي نتالي انت حلالي
رزان .-من اصير حلالك
احمد-نومتي اخوج
رزان-احمد فدوه روح لا بابا وماما يجون
احمد-عطشان
رزان-شنو الي كلت لازم انطي الج
احمد-عطشان ....روحي جيبيلي مي وانطيج الشغله واروح اصلا هم يالله بعد ماالحك لازم التحق
رزان-بعد مدخلت جنت حاسه بقلق رغم حيصير شهر من عرفته ودوم بحدود يحجي وياي وبأدب بس هم قلقت وقلقي بمحله بحيث محسيت علي من دخل فجاه شبكني من وره
جمدت بمكاني ......ردت اعيط خله ايده علي شفتي
حمصه-لتخافين حبيبتي اني الشخص الوحيد الي مستحيل يأذيج
رزان-بعد ما وخر ايده كتله ...ليش دتخوفني منك احمد
احمد-اريد اتزوجج وماكو غير هاي الطريقه ينجبر ابوج يقبل
رزان-لا فدوه
احمد-انتي تريديني لو لا كتلج من اول معرفتج اريد اتزوجج ومتقبلين تكليلي ابويه ميقبل احبج اني
مااتأخر عليج نتزوج اول ماارجع من اللالتحاق اجيب امي وروح ابويه مااتخلى عنج
زعجني وترني ادعائهه الخجل اولهم صديقي الي استفسرت منه بخصوص حسين وعائلته هم جابلي سيرتهه
........................
خضر-تأخر حمصه وينه
راشد-هاي طلتك تكسي بابك
خضر-جنه ملمومين ببيتي لان فارغ وبعيد عن الانظار
دخل حمصه مو على طبعه سألنا مجاوب
حمصه-منكدر هسه نروح راح الحيوان للمكافحه
خضر-احسه مختتم بحيث حتى زكم قميصه مفتوحه وصوته يوحي للخنكه شاهين وحمصه ميتحاجون منتهين منهم من الملل كمنه نسترجع الذكريات
كل واحد بينه يسترجعله ذكرى وحمصه يدخن جكاره وره الثانيه كل واحد بينا حجه وجع كلبه
خضر-الحد الان احلم الكه كتال اهلي غصه بگلبي بعدهي خانكتني ماارتاح اله اخلص من هالحمل والحمل مينتهي اله بكتله
راشد-اااخ اخ
عزوز-شكبرهه هالحسره
راشد-مشتاقين الجهالي
عزوز-وهيه
راشد-لا طبعا
عزوز-يجوز من تشوفك هسه ضعيف ترجعلك
راشد-اني ماريدهه
علي-والله جذاب ذيج المره من شربت بس تصيح بأسهمه بس كبريائك ميسمحلك
شاهين-الانسان من يصير بحالة عصبيه كلشي يحجي وانت خنتهه هواي شتريد تصفكلك
عزوز-عرفكم من النكد علي راح يخطب
خضر-ولك ناقص متكوووول بس لا
علي-يا اخطب هو غير اذا باعوت بخلقتي
بعد
حجينه وضحكنه وبينا الي بداخله حركه مايكدر يحجي بيهه
شلون حبيتهه اشو اني مكاعد احب ليش
علي يكول اول مشفتهه وخضر ادري شفتهمتو
علي-اول مره احس بالحب شكد سويت علاقات بس هاي تختلف حبيتهه بسرعه دخلت كلبي
باجر اروحلهه اكلهه اريدج حلالي
عزوز-مخبل
علي-لك احبهه
شعرفت عنهه
بقو يسولفون شاهين صافن وحمصه صافن اول مره اشغل اغنيه ميعترض شاهين الكل سكت راشد يردد ويه ياس خضر وعلي اخذ جكاير
لان ماريد ازعلك ماحجيت وياك
مطرت الصبر وانطيت نيران
انا ما طاوعت غيضي ورفعت الصوت
ما ما طاوعت غيضي
الم جرحي واشوفك تلجم المجروح
رجعت طلعت ليش الدنيا تفتر ويانه عصر راسه وغمض عينه جان كاعد عل فنفع بس منطيني ظهره درت علي بعد مااخذ حسره وياااهه اااااااااااااه ااااااه اي والله منين ماجيبهه تصعب علينه
درت علي وخليت ايدي على ظهره دار وجهه وجكارته بيده
شبيك حمصه
غمض عينه واخذ حسره
حمصه-مابيه شي وكام
شاهين-شبي
خضر-ماادري
شاهين-وضعه مو طبيعي
علي-مع العلم جان يم وحده يتونس
خضر-انلصم
شاهين -وصخ استغفررررر الله دطفىووووو الاغاني شعدنه وكومو صلووووو
خضر طلعت وره حمصه بالباب كاعد جريت منه الجكاره
سابع باكيت من اجيت الحد هسه شبيك ولك متحجي
وجهك يخوف
بقه يباوع عليه مثل المخبل
ااااااحجي حمصه شصاير
نار بكلبي يا خضرررررر لك ناررررررررررررر ماادري شلون تطفه بعد غمضت عيني واتذكر كلامهه
اخاف احمد فدوه من ترجع
واني اتقرب منهه جنت اتذكر كلامهم عليه
