رواية أحببت من لايبالي الفصل التاسع بقلم مجهول
براء : بارتباك مفهوم
زين : خوش جاا سمعي ، اولا ، لازم تلتزمين بلبس محتشم ومستور زائد راح تلبسين عبايه
براء : بس ا..قاطعها
زين : اني ماكملت كلامي
براء : بهمس اسفه
زين : ببرود ثانيا ممنوع الضحك والشقه الزايد ويه اخواني وممنوع الحجي اساسا ويه اي شخص غريب سواء كان ابن خال ابن عم اي ان كان خليج ثكليه ومحترمه نفسج حتى اني هم احترمج ، ثالثا احترام امي اهم شي اذا اجي الكاج متعاركه او مضوجه امي ياويلج مني ومشاكل ويه نسوان اخواني هم مااريد ، رابعا ممنوع تخطين اي خطوه بدون متاخذين اذني لان اذا سويتي شي بدون علمي واني دريت راح تتعاقبين لهنا تمام
براء : تمام
زين : خامسا والاهم اي شي يدور بيناتنه ممنوع يتسولف لاحد مااحب نقل الحجي والقال والقلت فاذا نفذتي هاي الشروط راح تعيشين مرتاحه ويايه بدون مشاكل واذا لا .... وتقربت عليها ....... ساعتها راح اراويج وجهه بحياتج ماشايفه مثله ولا راح تشوفين
براء : اوك
زين : وهو قريب عليها ... وهسه ياام الاوك اذا عندج ملاحظه او شي على كلامي اني استمع بس مااوعدج اوافق
براء : موافقه على كل الي كلته بس اني هم عندي شروط واريد تنفذها
زين : بحده انتي تطلبين مو تشرطين اني محد يشرط عليه شي
براء : ليش تحجي بهالاسلوب اني ماكتلك شي مثل ما انت شرطت عليه اني هم من حقي اشرط عليك
زين : جرها من ايدها عليه وكال ... شنو نسيتي لو اذكرج شنو سبب زواجنه اني وافقت اتزوجج حتى استر عليج لا اكثر ف لتعيشين الدور اكثر من اللازم ...ضغط على ايدها اكثر و هالمره رفعتي صوتج عليه وراح امشيها الج المره الثانيه الطمج على حلكج واخليج تكولين توبه مفهوم
براء : بدموع م مفهوم خللص بس عوف ايدي حباب دتاذيني
زين : من بجت وحجت انتبهت اني ضاغظ على ايدها حيل وخرت ايدي وشفت ايدها صايره حمرره ... هذا عقاب بسيط حتى متعلين صوتج بعد ... واجيت اطلع ورجعت تقربت عليها
: الكلام الي حجينا هسه مااريد احد يدري بي حتى اهلج مفهوم
براء : بخوف م مفهوم مفهوم
زين : عفتها وطلعت شافتني بيبتي
حميده : هاا بيبي شو طولتو عسى ما تهورت وسويتلك شغله منا منا
زين : لا تخافين ام جهاد كلشي ما سويت
حميده : متاكد
زين : بنفاذ صبر بيبي شتردين انتي
حميده : مااريد شي روح الله وياك
_____________
براء : من طلع زين اجني البنات
جميله : شو كومي
براء : ليش
جميله : دكومي ومعليج
براء : كمت ... ضلت تفتر داير مدايري رفعت شعري باوعت على شفتي وصدري رجعت باوعت لركبتي
جميله : ولجن شو ماكو شي معقوله طلع زين بس نفخ بدون فائده
براء : شكو جميله على شنو ادورين وشبي زين
شمس : هههه معليج بيها هاي خبله
جميله : براء انتو ماسويتو شي
براء : لا سوينه
جميله : شسويتو
براء : جن.. تذكرت كلام زين ميقبل احجي .. هاا شغلات خاصه بينه ميقبل زين احجيها
جميله : لج يا شغلات شو لا اثر بوسه لا كرصه حتى حمرتج نفسها
براء : فهمت قصدها عززه هاي شكد متستحي
شمس : ههه ولج كافي عوفي البنيه بحالها ليش حاركه دمج وبعدين كافي سكتي اكو بنات ما مزوجات واكفات لضلين اجفصين يله تعالي وياي وعوفي البنيه
______________
زين : طلعت من عدهم ورجعت للبيت لكيت الشباب كاعدين
لؤي : بابتسامه هاا زين مبروك تمامه العقد
زين : شكرا
قصي : بشر شسويت هناك وغمزله
زين : ميخصك
قصي : بشرفك كول راح اموت من الفضول
زين : يطبك مرض شسويلك
قصي : الله عليك بس تباوستو لو هم سويتو حبشكلات وغمزله
زين : قصي تادب وارجع واكول هذا شي ميخصك ولتضل تغمز لا اجي افكس عينك
قصي : دخيلك كلشي ولاعيني غير اذا فكستها يموتن البنات
سجاد : شباب شفتو الفيل الطار هسه
الشباب : ههههه اي شفنا
حسن : لا جديات زين شنو شعورك هسه بما انو عرسك بعد اسبوعين
زين : عادي
قصي : يعني مامتحمس اني اذكر لؤي من عرس حتى الليل ما نامه كد ماجان فرحان مااعرف ليش احسك ماراضي على هالزواج
زين : ببرود لا احساسك غلط لو جنت ما راضي او ما مقتنع مستحيل ازوج بس اذا تسألوني شنو شعوري فعادي ماكو اي اشكال عندي وهسه من رخصتكم صاعد ارتاح
الشباب : مرخصوص
الشباب : مرخصوص
زين : تمددت على الجربايه وضليت افكر بسؤال حسن ليش ماعندي اي شعور لعرسي يمكن لان اني من البدايه رافض فكره الزواج وبعدها زواجي من براء الي كرهتني بالبنات اكثر حاليا اريد سالفه العرس تخلص حتى يبرد راسي وبراء من تجي هنا مالي علاقه بيها العليه استر عليها واامن الها مستقبل زين بس قبل كلشي لازم اادبها حتى تمشي عدل
________________
براء : بعد ما خلصت الحفله رحت نمت مااعرف شبيه صايره انام هواي يمكن لان جسمي مامتعود على الفره والحركه هواي داتعب بسرعه واجي انام كتلهم لحد يكعدني على العشه تعبانه
______________
ثاني يوم
ناديه : براء براء ولج براء كعدي
براء : همممم
ناديه : ادري ميته صار ساعه اكعد بيج ومتكعدين
براء : عوفيني ماما حبابه اريد اشبع نوم
ناديه : صارت الدنيا ظهر يله كومي ورانه طلعه
براء : باوعت للساعه بالعشره وربع ماما صدوك تحجين هستوهه بالعشره يا ظهر هذا وبعدين وين تردين نطلع
ناديه : راح تجي مريم ونجمه وجناينها حتى نطلع نشتري بدلات الحنه وبدله العرس وهم نشتري كم شغله للعرس
براء : تره العرس بعد 12يوم عليمن مخبوصات
ناديه : ولج لعد 12 يوم هواي بعد ورانه البدلات وحجز القاعه وحجز الصالون وحجز عند المصوره والمعازيم وعندي بعد تنظيف البيت للضيوف وهم بعد لسه مااتفقنه على التقديم كل هذا المفروض عليه اخلصه ب 12 يوم
:: يله كومي وبدون حجي متجن بالعين والاغاتي ابد
ومن يومها بدت معاناتي ويه امي كل يوم نطلع اني وياها على ابو نجهز للعرس اول يوم طاحت رجليه وكل شويه متعاركه وياهم همه يختارون شكو بدله مشلحه واني ارجعها واخذ وحده تصميمها بسيط وتكب العيطه لحد ما اتفقنه على ست بدلات تلاثه بسيطات وتلاثه مشلحات طبعا هذا اقتراح خاله مريم لان اني وشمس اختارينه المستورات والبسيطات ونجمه وجميله اختارن المشلحات الثكال مااعرف شلون حلبسهن بس الصراحه تنكال هنه كولش حلوات بس مشلحات وحده اطلع الصدر وحده مفتوحه من الظهر والباقيه سكتو وخلوها والله لو اموت مالبسها وبقيت على هذا المنوال كل يوم اطلع وهاي صارلي 9 تيام ركضن ركض حجزت القاعه وبقه الصالون كالت خاله مريم حتحجزلي بمركز تجميل وبعد تلث تيام زواجي خايفه على متوتره كالعاده مااعرف اوصف شعوري
_______________
زين : مرن 9 تيام ماحسيت بيهن بيتنه مكلوب كلاب امي كل يوم تطلع ويه براء وتاخذ البنات وياهاا واحنه هم التهينه بحجز قاعه الحنه الزلم... ابويه يريد يعزم اصدقائه ومعارفنه واني ماعزمت ولا واحد غير صديقي ادم هو نفسه الي جاي يدورلي على عياده والحمدلله لكالي وحده بمكان مناسب وانشالله وره العرس افتحها واليوم اطلع اوصي على القاط اني والشباب
سجاد : زين وينك يله شوكت نطلع نشتري القوط
زين : ماعندي شي يله امشو ... طلعنه بنفس السياره
قصي : تدرون شباب طلعتنا هاي يرادلها نسوان وتصير توب
زين : اني اكول طلعتنا هاي يرادلها انمر على الحلاق حتى يكصلك شعرك لان شكله يزعجني
قصي : والله شعري مااكصه لو يكصون ركبتي
حسن : هسه عاد هو شلونه همزين ملفلف
لؤي : اي والله لا عاب حلكك خويه
زين :وصلنا وشفت القوط والوانها واشكالها مااعرف ياحمار يلبس هالمديلات رحت للقسم الثاني اخذت قاط جوزي غامق ساده والشباب اخذو الي يعجبهم ودفعنه وطلعنا نتعشى بالمطعم لان البنات يرجعن تعبانات ومابيهن حيل يشتغلن تعشينا ورجعنا للبيت
__________________
براء : اليوم كعدت احضر ملابسي حتى ياخذها محمد باجر لبيت خالو جهاد اباوع على غرفتي مااصدك بعد تلت تيام راح اعوفها فزيت على صوت الباب
امير : هلوو عادي ادخل
براء : هلوو حبيبي تعال
امير : دخل وكعد يمها ... براء يعني انتي حتروحين بعد كم يوم
براء : بحزن اي حبيبي
امير : وبعد متجينه
براء :اااااه مااعرف يا امير
امير : اني اعرف انتي ماسويتي شي بس همه ميفتهمون
براء : ههه اروح فدوه للفاهم تعال حضنته حيلل يمهه اخويه كبر وكام يدافعلي
امير : طبعا ادافعلج لان احبج
براء : ههه واني هم احبك
امير : يله اني طالع تردين شي
براء : سلامتك حبيبي
طلع امير واجتي ماما ساعدتني بتحضير ملابسي بس مبين عليها ضايجه
براء : شبيج ماما صاير شي
ناديه : لا بنتي ماكو شي
براء : الله عليج كوليلي شكو
ناديه : تعاركنه اني وابوج
براء : ليش
ناديه : اخذ من المهر اربع ملايين
براء : تدرين اني اصلا ناسيه سالفه المهر
ناديه : شكد ثوله لعد احنه منين دنصرف غير من فلوس المهر واني كلت الباقي منه اشتريلج بي ذهب وابوج من سمع اخذ قسم من المبلغ كتله لتاخذ يكول هواي منطيها رجلها تستخسرهم عليه شفتي بله مااعرف هالرجال شبي
براء : ليش هو شكد طلب ابويه مهر؟
ناديه : ليش يحظي ماسمعتي الشيخ من عقدلكم
براء : لا اصلا بالي مو يمه
ناديه : زين انطه 20 مقدم و 30مؤخر متشوفين ابوج تخبل
براء : شدعوه هالمبالغه وانتو ليش قبلتو
ناديه : تتوقعين ابوج يشوف هالمبلغ ويكلهم مااريد اصلا هو يكيف على الفلوس
براء : مااعرف ماما من غير شي اني مالي خلك وروحي طالعه وامنيتي هسه افركش الزواج كوله
ناديه : براء شكتلج اني ارضي بقسمتج وكولي الحمدلله وكعدي وسكتي
براء : الحمدلله
ناديه : يله اعوفج تنامين تصبحين على خير
براء : وانتي بخير
تصبحين على خير
براء : وانتي بخير
_____________________
صباحا
زين : كعدت الصبح على المنبه كمت دخلت للحمام حتى اسبح واطلع للقاعه كون الكه كلشي جاهز وماكو نقص سبحت بسرعه ولفيت المنشفه وطلعت شفت نور بت عمي ماجد
: شعندج هنا
نور : وعيونها على جسمه بدون خجل ... هلوو زين شلونك اجيت اباركلك
زين : رحت اطلع ملابس الي من الكنتور ... وماكدرتي تنتظرين لحد ماانزل وتباركيلي
نور : مو تاخرت اجيت اشوفك واباركلك خاف باجر مااكدر اشوفك
زين : خوش الله يبارك بيج اطلعي بره اريد ابدل
نور : تقربت عليه ... ليش
زين شنوه الليش
نور : ليش براء بالذات
زين : سوه نفسه مافاهم ... شبيها براء
نور : ليش خطبت براء هاي بناتنه كومه وكولهن احلى من براء ليش خطبتها الها بالذات ... تحبها؟
زين : احبها او مااحبها هذا شي ميخصج بس ميخالف خل ارضي فضولج اي احبها ارتاحيتي وهسه يله طلعي بره عيب ادخلين لغرفه شاب وانتي بنيه يله بره بره ... طلعتها وسديت الباب عايزني اني كل يوم طالعتلي وحده جديده هسه اني شرجعني للعراق لو باقي بلندن احسن على الاقل هناك حياتي روتينيه مو مثل هنا كل يوم دراما شكل ... جنت متعمد اكلها اني احب براء مااريد احد يحجي عليها صحيح اني مااحبها بس مادام صارت مرتي يعني احترامها وكرامتها من كرامتي بدلت وطلعت للقاعه
____
براء : باجر عرسي واليوم اخر يوم الي عد اهلي كمت ابجي مااريد اروح اريد غرفتي اريد امي اريد دراستي وهنا جان اصحه على شغله اني ناسيتها عطله نص السنه خلصت وهسه بده الكورس الثاني اذا مااداوم تروح عليه السنه يااربي دخيلك وين جانت عني هالسالفه وزين هم مانطاني مجال اكوله لا لازم اكوله هذا مستقبلي ومستحيل اتخلى عنه حتى اذا ماقبل اكل لخالو جهاد سمعت ماما تصيحلي
ناديه : تعالي بنتي اليوم اريدج تكعدين ويانه اني كلت لابوج تكعدين ويانه اريد اليوم اشوفج كدام عيني لتصعدين لغرفتج اريد اشبع من شوفتج
براء : رحت حضنتها اروحلج فدوه ماما ... ضليت كاعده يمها نسولف ونحضر للعشه اجوي الكل ورحنه كعدنه على السفره
واشوف بابا يباوعلي بنظرات كرهه اريد اكوم بس ماما تخزر بيه
محمد : عاشت ايدج ماما الاكل كولش طيب
ناديه : مو اني سويته براء الي سوته
براء : باوعلي محمد وكال بصوت ناصي عاشت ايدج ... عبالك ما كلي عاشت ايدج احس ملكني الدنيا ابتسمتله ابتسامه صادقه طالعه من كل كلبي ... سبع عافيات
ماجاوبني .. اعرف بي لسه زعلان مني بس ميكرهني مثل بابا
روان : اكول براء مهرج شراح تسوين بي مدام مو كوله صرفتي
براء : لارد
غيث : اختج مو تحاجيج ليش متجاوبيها لو هو فوك شينها كواه عينها فوك ما عملت العمايل واستقبلناها فوك ماا هي الزعلانه امشييي وليي لغرفتج لا بارك الله بيج
براء : عفتهم وكمت لغرفتي اول ما دخلت دموعي نزلت الله لا يوفقج يا روان دومج مسويتلي مشاكل ركضت خليت وجهي بالمخده وكمت اصرخ بصوت مكتوم مااريد احد يسمع صوتي بقيت اشهك وابجي وراسي بالمخده لحد ما هدئت ونمت
__________
زين : كاعدين نتعشه
لؤي : اكول ابو الزون شلونها المعنويات
زين : مثل معنوياتك من اتزوجت
لؤي : ههه اكل حبيبي اكل لازم تخزن طاقه وراك شغل هواي باجر بس كلي تسيطر لو تحتاج مساعدات طبيه
حسن : والله اني وانت نحتاج مساعدات طبيه مو هو دشوف جسمه وعضلاته يمعود
قصي : والاحلى مرته جنها برغي وهو جنه عمود مدري شلون راح ترهم العمليه باجر بنجاح هه
زين : خزرهم واشرلهم عود البنات كاعدات .. وانت قصي الزم لسانك لا اكوم اطيح حضك
قصي : دخيل ربك شكد عقده الله يساعد كلبج يا براء
جهاد : ولكم كافي سكتوو راسي راح ينفجر ... وانت هيوو اكل على كيفك راح تختنك محد راكض وراك
سجاد : وياي ؟
جهاد : لا ويه الحايط
سجاد : الله واكبر متخلون الواحد ياكل براحته شو بطلت مااريد
جهاد : باوع لماعونه فارغ ... لا ياكلب واني عبالي زعل طلع مخلص ماعونه
الكل : ههههه
__________
صباحا / يوم العرس
براء : سحولتني ماما وعمتي ندى من الفراش كوه هنه يجرن من جهه واني اجر من جهه اخر شي شبعت مدمغه وكمت مثل المؤدبه بدلت وانتظرتهن
: يعني ميصير مكعداتني من التسعه الصبح ودرت وجهي على البنات
براء : وانتن شمكعدجن من الصبح شو اني العروس وكعدت وراجن
نور : والله انتي بطرانه اكو وحده تاخذ زين وتنام والله لو اني بدالج ماانام من اسبوع من الحماس
حنان
: والله يخيتي حظوظ
ندى : قل اعوذ برب الفلق صلن على محمد بنات شجاجن
نور : خاله دنشاقه
ندى : حتى اذا بشقه بنتي يصير حسد ... يله انتي سبحي ودنت يمها .... سوي جسمج واذا تحتاجين شي صيحيلي لو صيحي لامج
براء : لا عمه مسويته جسمي مااحتاج بس اسبح بعد
ندى : خوش
براء : رحت سبحت وطلعت مشطت شعري ولفيته ولبست بنطرون اسود وتيشيرت ابيض ولفيت شالي وطلعت اجه علينه علي ابن عمه ندى ومحمد اخذ البنات للصالون الي حاجزات بي
علي : هاا بروئه الف مبروك
براء : الله يبارك بيك يوم الالك
علي : انشالله ونصيحه من اخوج دير بالج على رجلج تره صاك وشخصيه ينلكف بسرعه الله وكيلج
براء : عاطت بي عمه ندى
ندى : دكافي شجاكم راح تموتون الرجال بليله عرسه من العين صلو على محمد عمه بعينكم اي والله
علي : هههه شبيج يمه منحسد والله
ندى : اكول سوق وانت ساكت
براء : والله مااعرف عليمن حاسديني
وصلنا لمركز التجميل لكينه خاله مريم والبنات
مريم : هله هله بمرت ابني الورده
براء : وبوستها هلوو بيج خاله
نجمه : شوفي ولج اني صرت حماتج ومن باجر تنفذين اوامري تره اخلي اخويه يطلكج من ثاني يوم
براء : هههه وتالي وياج نجمه
جميله : ولج خاف هي انوب تخلي زين يطيح حظج على مودها وغمزت لنجمه
براء : لا والله ماعندي هيج شي
الكل : هههههه
مريم : تشاقه وياج حبيبتي راح تعيشين ويانا وتشبعين من سوالفهن والمشكله متعرفين صدكهن من جذبهن
الخبيره : وين العروس
مريم : هاي
الخبيره : يمه فدوه اكول شعجب مزوجيها بهيج عمر بعدها طفله
نجمه : لا مو طفله عمرها 17
الخبيره : تشاقن ؟
نجمه : لا والله منشاقه
الخبيره : والله عبالي 13 ولا مبين عليها الله يحفظها ... يله نزعي الصايه وتعالي نسويلج عنايه بالبشره حتى نبدي بالميكب
براء : اوك ... نزعت الصايه والحجاب وبقيت بالنطرون والبدي
الخبيره : ما شاء الله جسمج كولش حلوه
. نزعت الصايه والحجاب وبقيت بالنطرون والبدي
الخبيره : ما شاء الله جسمج كولش حلوه
براء : اني
الخبيره : اي جسمج متروس بالمكانات الصحيحه مو مثلي اكبر منج وحتى صدر ماعندي
براء : الكبر هاي مستحتي تحجي بهيج مواضيع ... رحت كعدت على الكرسي وبدت تخليلي ماسكات حسيت براحه نفسيه رجعت راسي وغمضت وهي بقت تشتغل واني اسولف ويه البنات
نجمه : اكولج اني صفطت ملابسج بغرفه زين ودزيت جنطه للفندق حتى تلبسين الي يعجبج بيها
براء : مغمضه عيوني واحجي .. خوش خو ما نسيتي تحطيلي شي مريح حبابه اكو تراك ستن اريده لان ماارتاح اذا ماالبس شي خفيف
جميله : تهمس لشمس ... ليش منو كال هي اليوم راح تنام بملابس
شمس : هههههه شكد ادبسزز
نجمه : عليمن تضحكن
شمس : عليج صار ساعه جميله تكول نجمه راح تطلع جنها مطي
نجمه : صدوك متستحن اني اعلمجن اذا مااكل لاخواني
جميله : ولج والله تضحك على عقلج جنه نحجي بشغله مو يمج
نجمه : وشنو هي
جميله : شغله مال كبار من تزوجين تعرفين
نجمه : عوجت حلكها وسكتت
براء : كملت جلسه الماسكات وكمنه اني والبنات حتى يبدون يسوولنه مكياج اني استلمني الخبيره كتلها
: رجاءا لتبالغين بالمكياج اريده بسيط هو والتسريحه
الخبيره : لتخافين سلميني نفسج ومعليج بالباقي
: بدت تشتغل الخبيره واني العب بجهازي اريد اضيع وقت وماما وصلتني ورجعت للبيت حتى تطلع ب تلاثه باوعت للساعه عززه هاي شبسرعه صارت بال2 الظهر كملت الميكب وبقت التسريحه بدت تسوي بيها وبعد ساعه كملت وكالت هاا شنو رائيج
: باوعت على روحي شكلي طالع احلى من العقد المكياج ثكيل بس يجنن والحمره خلتها مارونيه غامقه برزت شفايفي درت وجهي عليهم شلون طالعه ؟
مريم : اللهم صل على محمد وال محمد طالعه تخبلين
نجمه : عاشت ايدج والله طالعه تجنن
جميله : هي اصلا من البدايه حلوه وهسه المكياج برز ملامحها طلعها بعد احلى
شمس : تخبلين الله يحفظج حبيبتي
براء : بابتسامه شكرا ... شفت عمه ندى اجت
ندى : بعد كلبي هاي شطالعه تعالي ابوسج
براء : ابتسمتلها صدوك بس بهالموقف يبين الي يحبك يفرحلك من كل كلبه والي يكرهك يحسدك
مريم : يله بنتي جابو البدله تعالن بنات ساعدنها تلبسها بعد نص ساعه كون احنه بالقاعه
براء : اخذنه البدله الي كانت فخمه الى درجه ودخلت لغرفه تبدليل ابدل والبنات ويايه
براء : اخذنه البدله الي كانت فخمه الى درجه ودخلت لغرفه تبدليل ابدل والبنات ويايه
نجمه : يله نزعي
براء : دورن وجهجن اني البسها وانتن سدنها
جميله : شنو يمه تستحين
براء : اي حبابه دورن وجهجن
جميله : وهاي درنه وجهنا تستحي يبعد كلبي جاا وزين متستحين منه هاا مو راح يشوف الماينشاف اليوم
شمس : هههههه والله انتي الحمايه مو نجمه خرب يومج
براء : طبعا هالجميله كارثه منحرفه الى درجه ماعدها سيطره على لسانها بس صراحه دمها عسل ... لبست البدله واجن سدنها
جميله : حبيبتي خو زعلتي تره اشاقه وياج والله اني هذا طبعي
براء : لا عمري عليمن اضوج ادري بيج دتشاقين وابتسمت تعالن حطلي الطرحه ... حطلي الطرحه وطلعت اشوف
الخبيره : واو بدلتج تجنن
براء : شكرا والتفيت شفتها صدوك حلوه
ندى : يله عمه لبسي الكبوس محمد راح يجينه
:بعدها اجه علينه محمد وصلنا للقاعه وراح
دخلنا للقاعه واستقبلنا الكل بالهلال... دخلت لغرفه التبدليل ذبيت الكبوس وطلعت عززه صوت الديجي شعلاته طرش اذاني والبنات يرعصن مو يركصن
رحت كعدت على الكوشه وبدو الناس يجون يباركولي واني بس اوزع ابتسامات مصطنعه كامن البنات يركصن وخالاتي وعماتي يسوون كولات اجواء حلوه بصراحه
بشرى : عروستنه حديقه والورد بيها خذتلها شاب يعتني بيها اي اي اي اي
جميله : هاي لحمايه
اسمر ويخبل كل القوط تلوك عليه هههههه اي اييييييييي
نجمه : اليوم اركص ركص واشلع الكاشيه اني اخت الولد مو اخت البنيه
::استمرت اجواء الاحتفال والونسه بالحنه
__________
زين : الكل توجه للقاعه واني رحت جبت القاط من المكوى لبست ومشطت شعري بالبيت وتعطرت وطلعت للقاعه وصلت تلكوني اخواني باب القاعه
لؤي : زيوني يا جكليته حامض حلو وباكيته
حسن : وعرس زيوني هيل وطش بالولايه
سجاد : وهاي فرحتنا الجبيره فرحت كل العشيره بزواجك زيوني
قصي : كلها تزوجت بس احنه ضلينه وين ام البنين نسوان تطينه
زين : ههه لا يا ناقص ياقصي ... طبعا كلش فرحت بهوسه اخوتي الي احس احنه ايده وحده محد يكدرلنه مادام كلب على كلب شفت ابويه تقدم يمنه وكال
جهاد : مااصدك ولدي الكبرتهم بايدي وذاك اليوم اجو للدنيا اليوم صارو زلم وعرسو
: طبعا المعازيم هواي والقاعه مخبوصه والولد يركصون خاصتا اخواني ذبو لحم وكامو يردوني اركص ماقبلت اكرهه الركص وبنفس الوقت احس عيب الرجال يركص كملنا صارت الساعه بثمانيه طلعنا حتى ناخذ العروسه ونروح للفندق اجيت اصعد بالسياره واجتني رساله من رقم غريب
: مبروك عريسنه دير بالك تره الكيمر يكعد يحضنك اليوم صحيح اكو غيرك ضايكه بس مامخربه بس ضوك وداعتك بس هو شلون كيمييير اويليييي يخبل عود من تضوكه تذكرني وهاا على كيفك وياها تره متتحمل جسمها ضعيف اسالني الي يله بيباي
زين : اني قريت الرساله وعيوني صعدت براسي وحسيت روحي راح انفجر اني اعلمج يا براء الكح....
