رواية سيرة القدر الفصل التاسع بقلم فجر المساري
هذا شبي ابد مو صاحي ..
عمي قاسم سراب ..باركي لمحمد ع شنوو اباركله
عمو ع خطوبته واجه يعزمنة ع الخطوبه… اني
صفنت… هااا الف مبروك وطلعت رحت للمطبخ
هذا مو خطب ليش يغمزلي بس لا مخبل اووووي
واني شعليه بي قطيعة هسه تجي خالتي وتجيب
الاخبار الحلووه شفته طلع وطلع عمي قاسم وراه
وكعدت انتظر خالتي اتاخرت وطلعت تلفوني وكمت
العب بي…
عمي قاسم… سراب نعم عمو بنتي صبينه عشه خلي نتعشه مبين خالتج راح تبقى هناك ..
صبيت عشه وتعشينه اني وعمي كملنا راح فتح
تلفزيون ع الاخبار واني جبتله جاي وكعدت هو
يحب يسمع الاخبار ويحجيلي واني صافنه وساكته
احاول اشاركه بالحديث بس فكري يم خالتي ليش
هالكد اتاخرت لحد هالوكت شنو الي صار كملت
تنظيف المطبخ وغسلت لمواعين وعمي راح نام
وصارت الساعة 10 ونص بلليل شفت خالتي فاتت
مدنكه كمت تلكيتها سلمت عليه وهي متباوعلي
اتعشيتم اي خالة عمي كال يمكن راح تبقين هناك
وين عمج فات لغرفتكم يمكن نام…
سراب خالة شبيج اكو شي صاير شي… احجي ليش
اتاخرتي… لا ماكو شي كلهم زينين ويسلمون عليج
بقينه نسولف ومر الوكت… سراب اي خالة وبعد
شنو الاخبار ..سراب صعدي نامي وراج لصبح دوام
سراب خالة احجي كمت ابجي حضنتني ومسحت
دموعي… كافي حبيبتي الميريدج لا تريدي وبعدج
زغيرة وحلووه والحياة كدامج وباجر يجيج نصيب
زين قحط رياجيل ..
المهم دراستج وشهاتج بس خالة فهميني شصاير
انتي حجيتي وياه…
ياسر سافر لاردن وبعد ميرجع راح وترك كل شي
متعارك ويه ابوه وطارده وانتهت علاقتهم وياه
ويتعذرون منج ...
سراب ..خاله واني شسوي بالاعتذار شلوت اواجه
الناس شلون ارجع احترام الناس الي انهاريت كمت
اضرب ع وجهي واحجي وابجي… ياربي ليش هيج
اني مظلومه ونظلمت هواي محد يحس بيه تدرين
خاله هذا النذل محمد اجه اليوم وعزم عمي قاسم
ع خطوبتة وفوكاها يغمزلي الحقير يعني شنو
قصده اني مطلقة ومحد ياخذني لان مطلقة
وعبالهم المطلقة ماعدهه شرف ولا اخلاق الله
ياخذهم ويخلصني منهم ..
سراب…محد يحس بلي ديصير بيه كلمن يفكر بنفسه
كعدت بالكاع ملخت روحي وكمت مثل المخبلة
ارريد امووت نفسي بلكي ارتاح طبيت للمطبخ
اركض فتحت المجر طلعت سجينة اجتي خالتي
ورايه تركض وكعدت كبالي اني ابجي وهي تبجي
اثنينة نبجي اني وهي…
ع الي صار ويايه خسرت امي وابوية وحجية نعيمة
وطفلي وطلاقي من ياسر انقهرت ع نفسي ..
مدري انقهر ع خالتي واني انهاريت…
خليت السجينة ع ايدي وقطعت اوردة كلها وخالتي
تصيح واني ابجي وكاعده بالكاع اجتي عليه
عزززز ولج شسويني بروحج ..
واني احجي خلي اموت واخلص من هالدنيا ماشفت
بيها بس القهر والضيم ...
شنووو ذنبي صرت مطلقة… والدم ترس الكاع
واجه عمي قاسم يركض شكوو ..شافني بالكاع
والدم تارس ملابسي بقه صافن ومصدوم
واني غركانه بدمي وخالتي تعيط يمه بنتي ..
وخالتي ركضت ع بيت محمد ..
محمد جنت بالحديقة العب رياضه تقريبا ساعه
11ونص تقريبا اندكت باب طلعت اشوف منوو ..
شفت خاله حميدة تحجي وتبجي مفهمت شي
وكالت تعال راح تموت اني… من سمعت هيج
خفت ..طلعت بالتراك حتى ملحكت اغير ملابسي
بسرعه فتت وياهه للبيت شفت سراب ..غركانه
بدمها شافتني… وكامت تحجي وتصيح انت السبب
ياحقير يانذل واغمى عليها واخذناها للمستشفى
جنت اتمني احضنها واكلها اسسسف …
محمد وصلنه للمستشفى ورحنه الطوارئ وماكو احد
رحت لدكتور اصيحه وهو يكلي خلص دوامي
روح ع الخفر وسراب غركانه بدمهه خفت عليها
لا تموت ..وتعاركت ويه الدكتور ..
وجبته واجيت خيط ايدهه وعلكولها مغذي وجيك
وضعها وكال لصبح وتكدرون تطلعوها ...
سراب ..ماحسيت ع نفسي الا واني بالمستشفى
فتحت عيوني شفت خالتي يمي وعمي قاسم
بالغرفه فوك راسي عمي الحمد لله ع سلامتج بنتي
وخالتي تبجي ليش هيج ياعيني،.. محد يستاهل
اتسوين هيج بنفسج انعل ابوهم…
ولج سراب موتينا من الخوف عليج واني دموعي
تنزل…
ليش مخليتوني اموت وارتاح واخلص من هالدنيا
شفت ايدي مشدودة بالشاش من احركها كلش
توجعني . .منوووجابني للمستشفى …خالتي محمد
خاله اريد احجي وياه صيحوا… .
محمد جنت دالعب رياضة بالحديقة وسمعت
صياح وعياط واجتي خالتج تركض تقريبا الساعة11 ونص بلليل اندكت الباب ..
هذا منو جاينه هسه…
طلعت اشوف منووو… فتحت الباب شفت خاله حميدة
تبجي وتحجي مفهمت شي وتكولي تعال راح تموت
حتى مغيرت ملابسي طلعت ركض بسرعه فتتنه جوه للبيت و شفت سراب ..
بالكاع كاعدة وغركانه بدمها…
شافتني كامت تحجي وتعد عليه حقها…
ياحقير يانذل وتصيح وتبجي واغمى عليها
شلتها وصعدنا بالسيارة واخذناها للمستشفى
سراب ..ماحسيت ع نفسي الا واني بالمستشفى
فتحت عيوني بتعب…
شفت خالتي وعمي قاسم فوك راسي اني وين…
بالمستشفى…
وعرفت محمد جايبني لهنا كتلهم صيحوا اريد احجي
وياه وحدنه…
هما طلعت من الغرفه خالتي وعمي قاسم ..
محمد اخذنه سراب للمستشفى لطوارئ بقت خالتها
وزوجها قاسم يمها بالغرفه اني مفتت اخجلت منها
بقيت انتظر برا…
طلعوا كالوا سراب تريد تحجي وياك اني اتفاجات
لان اعرف متريد تشوف وجهي…
سراب دخل محمد اباوع عليه عبالك باجي عيونه
مورمه من البجي…
وهو مدنك ميباوع بوجهي ..
سراب ..اشكرك لان انقذت حياتي وتكدر هسه تروح
لبيتكم وياريت بعد مااشوف وجهك طووول حيااتي
مفهوم استاذ محمد…
محمد دخلت واني مرفعت عيني بعينها جنت خجلان
من الي سويته ..
واني اسمع كلامها وساكت… بس من كالت
اشكرك انقذت حياتي وياريت بعد مااشوف وجهك
طول حياتي…
متحملت لازم احجي…
سراب اجه قريب عليه سحب الكرسي وكعد يمي
ولزم ايدي بقوة…
اخ محمد دتاذيني وخر ايدك مااريدك تلمسني
اكرهك… وخر ايده…
حط ايدية ع وجهة حسيته مثل مسح دموعه
واباوعلي وكلي…
يابنت الناس اني اعتذر منج وجنت فاهم لموضوع
غلط بس صدكيني، اني حيل ندمان…
وكارة حتى نفسي شلون فكرت هيج بيج واني
اصوم واصلي…
واني اسمعه وساكته…
سراب ..خلصت حجي تعبانه واريد انام وياريت
بعد مااشوفك ..
محمد… لا مخلصت حجي خليني اكمل ولا تقاطعيني واروح…
اول شي… انتي انظف وحدة شفتها بحياتي واني
مااستاهلج والجمعة راح تصير خطوبتي من بنت
عمي بس صدكيني انتي معتبرج غير شكل ..
سراب ..اييي اعرفت معتبرني عندك ..سكت
ورجع كال اني راح احجيلج الصدك اني حبيتج
وعشقتج بس مشكلة مجتمعنا ميتقبل المطلقة
حاولت ويه اهلي هواي بكل وسيله ان اخطبج
رفضوج وسمعوني حجي ..
وجانوا يريدوني اخذ بنت عمي واني مااريدهه
الى فد يوم الي شفت ياسر شلون اخذج من كدام
المعهد كدام الكل وكدام عيني…
وانتي وافقتي،ورحتي وياه… واني مشيت وراكم
بالسيارة وشفته صعدج للعمارة وصعدت وراكم
ودخلتوا للشقه…
سئلت واحد جان واكف برا من صعدتواكتله تعرفهم
هذوله كلي اييي اعرفهم هذا اسمه ياسر ابو البنات
هو واصدقائه يوميا يجيبون بنات ليل وسهر
وهالسوالف… اني اتخبلت من سمعت معقولة
انتي هيج تسويين وردت انتقم منج لان حبيتج
وبنفس اليوم رجعت للبيت مثل المخبل وفاقد
وكلت لاهلي هسه تروحون للبيت عمي وتخطبولي
وصارت الخطوبة ع اعصابي الليل كله
مانمته جنت انتظر شوكت يطلع الصبح حتى اخذ
حقي منج وافضحج بالمنطقة بس من حجيت
وياج ..انصدمت بالحجي مالتج ومن شفت الاوراق
ومن تصرفاتج حاولت اعتذر منج بس انتي
جنتي حاظرتني من كل الوسائل مكدرت اتواصل
وياج والدووام خط ياخذج ويرجعج واجيتكم
للبيت بحجة الخطوبة حتى اشوفج خفت لا تسوين
بنفسج شي بس بالعكس شفتج قوية فرحت…
ومامهتمة…
وراها دالعب رياضه بالحديقة سمعت صياح واعياط
وخالتج اجتي عليه تركض من اجيت وشفتج متت
خوف عليج وغركانه بدمج ردت احظنج واكلج
لا تعوفيني والله مااكدر بدونج بس استحيت
من خالتج وزوجها ومن وصلنه المستشفى تخبلت
عليج وتعاركت ويه الاطباء…
بس ردت انقذج حـبـيـبتي وهاي اول مرة اكولجياها
اني انسان فاشل مكدرت احافظ على حبي الـج
مكدرت اصير الج ذاك اليـحميج من حجي الناس
اسسسسف…
سراب ..جان يحجي ويبجي .اني ساكته ودموعي
تنزل واسمعه ..بكلبي متحملت كلامة ليش هيج
ياربي ليش ليحبوني،يرحون ويعوفوني ..
كام ومسح عيونه واقترب مني وباس راسي وكال
اوووووف…
ياروحي خسرتج يااغلى مااملـك سسسامحييني ..
وطلع تلفونه وكلي بـاعـي شوفي شكاتب ع رقمج
شفته كاتب عليه نـبـضـي وحــبــي…
من شفته اووووف متت اني،…
سراب… محمد روح كـافـي…
