رواية كان اخي الفصل التاسع بقلم مجهول
اجت فرح
فرح:هاي انتو هين دورتلج ماكو
ملك:هيثم جابلي اكل ردت اكل بس تعرفين البيت مليان عاد صعدنه هين
هيثم:اني اروح هس....فرح ديري بالج عليها
فرح:لازم جاهل تادير بالي عليها
ملك:وين تروح
هيثم:اروح اكعد ويه الزلم خما اضل مكابلج
ملك:حسبالي تروح بعيد
راح هيثم وجت فرح كعدت وياي
فرح:اي اخبارج بيت خالي شونج
ملك:حيل زينه
باوعتلي وغمزتلي وكالت
فرح:شونج انتي وهيثم
ملك:شونه يعني زينين بعدين ليش دتغمزين.
فرح:يعني بس زينين.ماكو غير شي
ملك":شتقصدين
فرح:مبينه شقصد..اهتمامو بيج مومال ابن خال وبس
ملك:لايمعودة لاتفسرين الامورعلى هواج..هو دايما هيج من قبل
فرح: يجوز انتي مومنتبهه اني بأول يوم انتبهت من خلال تصرفاتو واهتمامو بيج
كاعد نحجي واجت مرح
مرح:هس وكت سوالفجن امشن عدنه كومه شغل اجو ناس نوب
نزلنه ..وضل كلام فرح بالي.مدري ليش من افكر بهيج شي اتنرفز وتلعب نفسي ماكدر اتخيل هيج شي ابد
رحت للمطبخ وسوينه غدة بقيت كل النهار بالمطبخ تقديم وتأخير.ردت اسبح تذكرت ماجبت هدوم وياي رحت على هديل سالته
ملك:هديل ماجبتي معاج هدوم ليه
هديل:اي جبتلج لان ادري ماخذتي وياج هدوم
ملك:خوش
اخذت الهدوم وفتت سبحت طلعت من الحمام واخذني برد لان ماكعدت يم الصوبه ورتفعت حرارتي حيل باليل وصخنت...
سميه: ها ماصرتي زينه
ملك:لا ..
فرح:اخذتي بندول
ملك:ايي.
اجه هيثم من الصيدليه
هيثم: هاي كبسول وابرة اخذي هس الكبسول واذا ماصرتي زينه اضربي الابره
اخذت الكبسول وماكواي فايدة احس بزايد صخنت وعضامي كلهن يوجعني.ضربت الابرة ونمت
كعدت بنص الليل على وجع بلاعيمي وجسمي
مرح:ها شجاج لي هس ماصرتي زينه
ملك:ترى بعد ماكدر ..
مرح:اني اكول تروحين للطبيب يشوف حالتج احسن
اروح اكعد هيثم يوديج
كعدت هيثم واجه
هيثم: ها شون صرتي
ملك:موزينه
هيثم:امشي خلي اوديج
ملك:وين اكو هس طبيب
هيثم:موجود امشي هس
وداني للطبيب واجت مرح ويانا.انطوني علاج ورجعنه
نمت كعدت الصبح باوعت هيثم نايم يمي
احس نفسيتي حيل تعبت من جيهه ابوي ومن جيهه تمرضت مالي خلك اي شي كعدت وكعدت هبه وهديل ويايه
ملك:هديل عفيه سويلي ريوك ترى مكدر اسوي كلشي
هديل:هس اسوي
راحت هديل سوت ريوك كعدنه نتريك وكعد هيثم هم تريك ويانه
هيثم:هاشون صرتي
ملك:يعني
تريكنه وخلصنه هيثم راح كعد ويه الزلم واني بس احوس مال خلك شي..كلت لابن فرح حمودي ينادي هيثم على مود من يروح ياخذلي اجازة من المدرسه
راح واجه حمودي
ملك:ها ناديتو
حمودي:اي كال هس اجي
ضليت انتضرو ماجه كل شوي ادز حمودي علي مااجه
احس صرت كفررر معد اكدر اعصابي تالفه..كل شوي اكتل واحد من الجهال
صدت فوك بالغرفه واجه
هيثم:ها شرايدة
ملك:مارايدة شي
هيثم:شكو شبيج شو كل شوي يجي حمودي يكلي ملك تصيحك
ملك: هااا يعني كل شوي يجي وفوك هذا ماجيت
هيثم: ماكو احد ويه الزلم بس اني خما اعوفهم انتضرت سالم يجي واجيتج
ملك:لعد هذا هو روح ارجع
هيثم:هس شون يعني متكوليلي شبيج
ملك:بيه وجع زين
هيثم:هاي ندري بيها اريد شي جديد ههه
ملك:شنو تتقشمر علي... مومضحكه كدامك صار ساعه اناديك ماتجي روح من هين روح
هيثم:اول شي كتلج ليش ماجيت.وثاني شي لاتكوليلي روح من هين
ملك:اكول ونصص
هيثم :شو لسانج طولان
ملك:اي واذا خل يطول لليستاهل طبعا يطول
هيثم:يعني اني استاهل موو
ملك:ايي
هيثم :خلف الله عليج
دارلي ضهرو وطلع
عرفت زعل مني وراح..نزلت تلكتني فرح:شبي هيثم
ملك:ليش شبي
فرح:شو نزل ضايج وكال لعمه سميه يله تحضرن تانروح
ملك:اهاا
فرح:شصاير
حجيتلها السالفه
فرح:والله انتي المتعديه علي لعد جاهل هو يمج تكوليله روح من هين وتكوليله تستاهل يطول لساني عليك
ملك:ادري زودتها وياه بس شسوي جنت حيل متعصبه
فرح:مايصير هيج ماشفتي خطيه كل الليل شايل همج واخذج للطبيب وحتى نام يمج هيج تجازينو..
باوعت عمه سميه والبنات تحضرت تايروحن
ملك:شو تاتروحن
سميه :اي والله كافي خالج محمود وحدو بالبيت
ملك:هديل تعااي
هديل:هاا
ملك:بس صيحيلي هيثم
هديل:هس
راحت هديل ورجعت
ملك:ها وينه
هديل:برة صاعد بالسيارة.كلتلو بس مارد علي..خما اكو شي
ملك:لا هيج...قصص وروايات عراقية.
ضجت حيل من زعل اعرف نفسي زودتها وياه اوووف شون هس شسوي
راحو ومااجه اكيد زعل
كامن يحجن عليه فرح ومرح ويلومني على كلامي وياه
اخذت موبايل فرح وخابرته
هيثم:الوو
ملك:الوو هاي اني
من سمع صوتي كبل سد الخط
ملك:سدو بوجهي
فرح:مايلام بيج
ضليت احوس ماتحملت رجعت خابرت على هديل
هديل:الو
ملك:هلا هديل شونج
هديل:هلا ملك الحمدلله
ملك:ها وصلتو
هديل:اي هس وصلنه
ملك:وين هيثم انطيني احجي وياه
هديل:هس
انتضرت شوي ورد
هيثم:نعم
ملك: شبيك ليش سديت الخط
هيثم:احجي شتريدين
ملك:ماريد شي بس ردت اكلك تاخذلي اجازة من المدرسه
هيثم:انتي بس وكت مصلحتج تعرفين هيثم وراها تضربيني عرض الحايط
ملك:لاتكول هيج...والله موقصدي جنت متعصبه حيل
هيثم: واني اضل اتحمل يعني..
ملك:اسفه
هيثم:ماصار شي حصل خير
ملك:شوكت تجي
هيثم:ماجي.عندي دوام وماكدر اعوف البيت
ملك:هااا
هيثم:ايي
ملك:براحتك
هيثم:يله دروح مشغول هس
ملك:اوك باي
سديتو وضليت ضايجه عرفت بعدو زعلان
رحت كعدت ويه البنات
مرح:ها حجيتي وياه
ملك:اي
طلعت من الغرفه وسمعت فرح ومرح يتسولفن
مرح:شتكولين فرح احس هيثم مهتم زايد بملك
فرح:اي لاحضت وكلتلها الصبح بس نكرت
مرح:يمعودة هاي ملك مطفيه كلشي ماتفتهم ترى مبينه وواضحه هم
فرح:اي والله لعد ليش لي هس ما تزوج يجوز ينتضرها تكبر
مرح:والله عاد هيثم ماكو منو شرايحلها تاخذو
من سمعتهن هيج يحجن معد اكدر احس جسمي يتكصكص واقرف ..ماتحمل هيج تفكير ابد انو يحبني او هيج شي.....
