رواية احببته لكنني متزوجه الفصل التاسع بقلم مجهول
الجزء التاسع
كعد يونس وما اكل شي وكام يبجي ويحجي ويا نفسه ويكول اني ليش ماعندي حظ ليش واني فرحت كلش لان يونس حب وحدة ويريد يتزوجها بلكت اخلص منه بس فكرت هواية اشلون احل الموضوع ما وصلت لاي نتيجة حجيت السالفة لاحمد فرح كلش وكال :
أحمد : خلي نفكر شلون نحل الموضوع وتطلكين منه .
سهى : ما اعرف فكرت هواية وماكو اي حل .
احمد : ممكن اسئلج سؤال شخصي ؟
سهى : اي تفضل ...
احمد : انتم ليش لحد هسه ما خلفتم طفل ؟؟
سهى : لان يونس يستخدم الواقي الذكري مانع الحمل .
احمد : خوش فكرة اجتلي روحي احجي ويا زوجج وقنعيه بحجاية انتي ماتخلفين .
سهى : خايفة لا اكوله ويشك بيه ؟
احمد : انتظرنه هواية وهاي فرصتنه .
سهى : خلي اكوله والي يصير خلي يصير .
رحت لغرفة الاستقبال لكيت احمد مشغل اغاني حزينة وديشرب وبيده الموبايل كتله :
سهى : اكدر اكعد وياك واحجي بموضوعك ؟
يونس : اذا ماعندج حل لاتحجين ولا كلمة الي بيني مكفيني .
سهى : بصراحة اني ما احبك ولا انت تحبني بس لكيت حل واحد .
يونس : شنو هووووووووووا !!!!؟
سهى : كول لامك سهى ما تخلف اجهال وصارلنه سنتين ودنحاول ورحنه دكاترة هواية ومافاد وفكرنه بموضوع اطفال الانابيب بس ماقبلت لان اني ضد هاي الفكرة وتقاليدنه ما يسمحلنه بهذا الشي .
يونس : والله خوش فكرة تعالي جيبي راسج ابوسه .
راح يونس وهو طاير من الفرح وحجه لامه وكاللها عليه واني ما اخلف وهو يريد اجهال امه كالت شنسوي ابني هاية بيد الله بعد مرتك ما تخلف وانت تحب يصير عندك اجهال خلي يرجع ابوك واحجيله بالموضوع . صارت الساعة 8 مساءا ورجع يونس و امه وياه .
