رواية انت البارود وانا النار الفصل التاسع بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ ﴾
هـلي زحـمه من أعاتبڪم
هـلي المفروض حگي انتم تردونة
هلي المفروض من الدنيا تگسرني
اجيگم واكعد بسدكم
هـلي بتگم يبچوها
علي ماترف شـواربگم
هلي چا انا مو منگم
هلي احلامي الذبحتوهن يغثني
وحگ دمعي الچره منگم
اموت وما اسـامحگم.
يريد يشيلها اسـعد بس من المنظر الي هيه بي مايكدر
اسـعد: يمامتي لاتهدين حيلي فدوه رحتلچ
رعبه والخوف احتلنا كل احنه وكلنه ماتت يمامه مالحكنا عليها واكفه وارجف وابجي ع منظر يمامه
واحجي اسعد يرفعهااا بس كاظم هيهات يتحرك ويساعد بنته
رنـا: اسعددددد شبيها يمامه اسعد راح تموتتت بنيه
سالم: رفعهااا اسعد يلااا
شالوها سالم واسعد
سالم: خويهه جيبي عبايتها بسررعه خلي نصعدها بسيارةة
رنا: اجي وياكمم فدوه ماعوفهااا اسعد خليني اجي وياك مااضل هنا
اسعد: خلصيني بسـاع جيبي عبايتچ وتعالي
اخذت عبايتي بساع بساع ولفينه يمامه من الخوف وهبطه مانعرف شنسوي ولحكتنا عمه خديجه
تلطم وتبچي ع وضع يمامه خلوها بسياره واسعد يسوق بكل حيلةةة
رنـا: كعدي يمامه يماممهههه كعديييي جاي سمعينيييي شبيج
ضليت اطكها راجديات بس حته تصحه بس هيه هيهات تفز
خديجه: مـات بتي ولكمممم ماتتتت اختككممممم
سالم: لوووو انتييي خوش ام جان انتبهتي الهاااا
اول مره سالم يحجي حجايه صدك
خديجه: بسرعه اسـعد شوكت نوصل ولك بتي ماتصححححههه
اسـعد: بلعبااااسسسسس تحجييييي وتفك حلكهاااا اشمرهااا من سيارة بسجججننننن لاتسودنيي
خفت احجي ويا وهوه بهاي حاله ضليت ساكته ودموعي تصب ع يمامه
خديجه: ولك يمه اسعد بتي ماتت مووو
اسـعد: اكلبها هسههههه سياره بينا والحسـين الشهيد
كلتتتتتت كااااافيييييي
رنا: عمه فدوه كافي ماشوفينه عصبي خايف ع يمامه
خديجه: سكتي انتي لاتسوين روحج خايفه ع بتي اكثر مني مادري منين جايبينج ولانعرف فصلج وهسه جاي تعلميني الاصولللللل.
1 تع
سكت ماردت عليها لان هسه تهمني يمامه بخير
وصلنا لمستشفى واخذوها دكاتره بسرعه يركضون بيها سئل الدكتور شبيها بس شنجاوب!
احنه مانعرف شبيها وليش صار بيها هيج احنه نريد نسئلهم شبيها
اسعد: دكتور لكيناها بالغرفه هيچ شبيها كلي والله عقل ماضل براسي
الدكتور: انشالله خير تفضلو انتضرو بـره نشوفها
كعد اسعد بالگاع ومخلي راسه ع رجليه وسالم يروح ويجي كعدنا ع كراسي ولفيت روحي وعبايتي عبن مستشفى كلها زلم متروسه شفت اسعد كام رحت وراه
رنـا: حبيبي لاتضعف احـنه نقوه بيك لاتخاف شي اكيد صير زينه
اسعد: بنيتي هاي رنااا اموت اذا صار بيها شي قبل فترههههه صار بيها ذبحه صدريه وهسه الله واعلم راح اموت الله لاينطيهم
رنا: مافهمت شنو قصده ولا أدري يمامه صار بيها ذبحه صدريه وع منو يقصد الله لاينطيهم
اسعد مانعني ادخل بسوالفه عائليه وكايلي من الخطوبه ممنوع تسئليني اي شي عن اهلي ولاتدخلين ساعتها تتندمين لان دخلتي وتصير بيناتنا مشاكل
رنا: الله كريم حبيبي لاتخاف بس لاتضعف ومنا امك ع كيفك
اتذكر كلام امه بسياره اخذ اديه باسني وكلي
اسعد: اسف ع كلام امي مساع الچ مالج علاقه بيها لخاطري
رنـا: لا حبيبي شسالفه فدوه رحتلك اتحمل كلشي انا علمودك ولاتهتم امك مثل امي خلي تحجي تريده
اسعد: شمسوي والله هيج انطاني مره الله لايحرمني منج ياكل دنيتي
رجعنا ونتضر يمامه وطلع الدكتور وصدمنا بالي حجه بس حالتها مبينه اكبر واكو اكبر من الي كاله دكتور
راح الدكتور واحس حيلي نهد سوده عليه
ي يمامه شفتي من حياتج باوعت الها اوكسجين معلك والمغذي بايدها لان ماعدها اي شي بجسمها
شلون طفله بضبط هيـج جانت نايمه مثل طفـل.
دخلت يمها كعدت ع كرسي ولزمت ايدها وحسيت انـا امها ع وضع الي هيه بـي همست يمها وانا ابجـي
رنـا: حبيبتي أمي كعدي بنيتي يمامه
احاجيها لگن ماتحچي ونايمه دخل اسـعد وهوه شافها بجه ومسح دمعته كتله
رنـا: تعال حبيبي ادخل مابيها شي
ماخلاني اكمل كلامي وطلع دخت خديجه وره
خديجه: يمه سوده بوچهي بنيتي يايمه عمت عيني عليج
عفت عمتي يم يمامه وكمت لحكت اسعد يحجي وي سالم لان سالم راح ياخذ عمتي ويرجعون للبيت
اسعد: رنا يمامه لازم تبقة بالمستشفى ع اوكسجين لصبح روحي وياهم
رنا: تخبلت انته شلون اروح واعوف يمامه بلكي صار بيها شي رادت شي ماروح انـا يمها ضاله ويمك
اسعد: ماشي اذن سالم اخذ امي وروح بس تطلع من يمامه ماريد دوخه نسوان عقل ماضال براسي
سالم: لايضل بالك خويه مالك علاقه الحمدلله لحكنه عليها ومابيها شي
طلعت عمتي من يمامه وراحت هيه وسالم وعجيبه هيچ ام ليش ضل بكلبي حجايه صح تبجي ع يمامه لكن تحسها مو من كلبها كله تمثيل ماعدها حب ل يمامه مثل الام كعدنا انـي واسعد بره ع كراسي ويمامه نايمه ضليت يم اسعد واسعد طول كعده يهز برجله ومايتحاجه ردت اسئله ردت اعرف هواي شغلات بس هوه مانعني فجاه اتصل عليه وطلع تلفونه جان مكتوب
عضيدي الشيخ
اسعد: الـو ها ضرغام حياك الله
رد عليه ضرغام جنت بصفه كاعده واسمع كلام
ضـرغام: الله يحيك اكلك محتاجك بشغله باچر تكدر تروح وياي عندي كعده وي شيوخ واريدك وياي
جاوبه اسعد وهوه ماله خلك روحه واستحه منه
اسعد: اعذرني خويه بياحال انـا بلمستشفى دهورت
سد تلفون اسعد من كال هيج لان استحه من ضرغام ومايعرف شيحجي لزمت ايده وحاولت اهدي
رنا: اعرفك قوي واادري بيك خايف ع يمامه بس
اسـعد:ولچجج رنا ماجاي تروح من بالي. منظر شفتها لج لسه حيلي مهدود والله
رنا: ع كيفك ياحبيبي انا هم خفت عليها وكلبي متكطع بس لازم واحد يقوي نفسه حته نسندها هيه تعبـانه ضلينه كاعدين وساكتين ماطول لحضات وشفنه شيخ ضرغام اجانه
اسعد: ضـرغام شجابك
ضرغام: شبيك يخوي ليش سديت تلفون وكفت كلبي عبالي صاير بيك شي شصاير
اسعد: ضرغام يمامه جبتها بين حياه وموت ضرغام يمامهه جبتها ميته والله ميته
ضـرغام: ع كيفك اسعد فهمنيي وسفه تبجي وانا اخوك شبيهاا امشي سيارتي موجوده ناخذها احسن دكتور
رنـا: السلام عليكم شلونك خويه
شيخ ضرغام:هلابيج خويه الحمدلله ع سلامه
رنا: الله يسلمك
شفت ضرغام حضن اسعد يحاول يهدي اسعد لسه مهدود حيله ع يمامه
ضرغام: لاتضعف هيچ يخوي والله هسه ناخذها احسن دكاتره
مسح دموعه اسعد ويحاول يچر نفس كله
اسعد: جبتها مابيها نقطه اوكسچين والله وهسه ضاله ع اوكسجين
الشيخ ضـرغام: شني السبب صاير وياها هيج يعني؟
اسعد: والله مادري يخوي مادري كامت رنا شوفها ولكيتها مغمي عليها وزركه صايره لسه منظر مايطلع من عقلي اعذرني خوفتك بهل لليل روح أرتاح احنه هنا نضل صبح نطلعها
شيخ ضـرغام: احجي عدل ولك انا اخوك موش صاحبك تکلي هيچ شني خوفتني اهلك اهلي واختك اختي انشالله.
اسعد: يابعد روحي اخوي
رنـا: من رخصتكم أسعد انا داخله يم يمامه بالغرفه اشوفها
اسعد:تمام احـنه بره كاعدين لاطلعين ضلي هناك
عفتهم ورحت لكيتها نايمه وضليت كاعده ع قنفه افز واكعد افز واكعد اشوف يمامه لحد ماصبح صبح غفيت مادري وفزيت ع صوت مضمده دخلت وكعدت لكيت يمامه فازه
_زينه احسن من امس تكدرون تخبرون اهلكم طلعونها بس لازم تكملون اجرائات
شكرت منها وعافتنا وطلعت
رنا: رايحه اصيح اسعد يم ضرغام حته اكله نطلع
نصدمت يمامه من كتلها شيخ هنا كالت
يمامه: ضـرغام؟ هنااا شجابه
رنـا: من البارحه اچه يم اسعد ماقبل يرجع وضل منتضرنا يلا طالعه اصيح الهم واجيج امي انتِ .
يمامـه: بعد مافزيت لگيت روحي بالمستشفى وحجتيلي رنا صاير بيه ماذكر اي شي بس لسه تعبانه واحس واحد ساد نفس بيه ماعرف شلون يكولون زينه يمكن لان شافو بيه نفس كًالو بخير.
نصدمت من عرفت شيخ ضرغام موجود
اجذب اذا كلت مافرحت وكلبي رجف وماعررف اوصف مشاعري راح اشوفه لمره ثانيه يي هذا شخص الي نهوست بي من صغري وانا اسمعهم يحجون عنه وكبرت وانـا كل مايجينا اضل اصفن عليه وع ريحته تعبي البيت وعلـى ثكله وهيبته وحضوره.
دخلي اسعد يركض وحضني كانما فاقدني
اسعـد: ياكلبييي ياخوية هديتي حيليييي
يمامه: زينه انـا اسعد لاتخاف علية يروحي
اسعد: شيوجعج هسه كليلي بيج شي تردين نبقه هنا
يمامه: والله زينه حبيبي لايضل بالك اختنكت من مستشفى نطلع احسن
ضل يبوس بايده وراسي ويشم شعري ويحضني حيل
اسعد: بس اكمل اجرائات ونطلع ياعزيزه اخوج
دخلت رنا وكالت
رنـا: اسعد حبيبي شيخ ضرغام كمل اجرائات بمكانك ودفع فلوس ينتضرنا بره يكول ارجعكم بسيارتي
وكف كلبي ونخمش من كالت رنا هيچ
اسعد: بدلي يمامه ولبسيها عبايتها اكوم اشوف شيخ شكد عيببب تعبت زلمه وياي
بدلت وخليت عبايه ع راسي بس ماكدر امشي
لزمتني رنا ونمشي ع كيف لحد ماطلعـنا يم اسعد وضرغام
اسعد: خويه والله تعبتك انـا روح اخذ سياره منا ونرجع مااكلفك
شيخ ضرغام: والله عيب عليك تكلفنييي شني تعرفني ماحب هذا كلام وحاسبك اخوي
صاحت رنا ع اسعد لان ماكدر اوصل لسياره نهد حيلي
رنـا: اسعد تعال الزم وياي يمامه
اجاني اسعد وكل واحد لزمني منا لحد ماوصلنا سياره شيخ ضرغام تمنيت رجليه مايمشن وانـا بهاي حاله وضعيفه وهوه شافانـي ضليت مدنكه راسي وكلني ارجف مجرد ماسمع اسمه تتخربط اوضاعي
بس اشوفه احس صعبه وصلت يمه وكـالي
شيخ ضرغام: الحمدلله على السلامة خويـة.
تمنيت اجاوبة بس شيفتح حلكي من الخوف فتحولي الباب وصعدت طويل طريق رنا تمسح ع ايدي وتخلي راسي ع راسها وتكلي نامي لاتعبين
هاي مو مرت اخ هاي اختي ضلت طويل لليل يمي
وهيه عـروس وامي امي ماموجوده ماعرف شلون انطاها كلبها تتركنـي جان ضرغام يسوق سياره ويحجون هوه اسعد بامور شيخنا وهواي امور
وصلنا البيت اسعد راد شيخ ينزل ويانا ويشكره
بس كله عندي شغل مستعجل الحمدلله على السلامتكم مره ثانيه
ردت رنـا بمكاني
رنـا: الله يسلمك خويه لا على مريـض حرج هههه حسيتها قصفتي بس اخخ يارنـا لو تعرفين قصص ماي هوبس نزلنا من سياره وشفت امي وسعاد ومسـره
اول مره سالم يهتم الي
سـالم: ع اساس طالع اجيكم ياهو وصلكم جا شلونچ خويه الحمدلله على السلامة بيج شي
يمامه: سلامتك الحمدلله
مسـره: شبيج يمامه خوفتينا عليچ
سلمت عليهم وامي جـان سلامها عادي ماعبالك جنت بين حياه وموت
رنـا: يلا حبيبتي امشي سبحي وبدلي وارتاحي حته تتغدين
سـعاد: جنبيتچ يالحنينه شنهي هاي حنيه عليها
رنـا: ليش شكم يمامه عدنـا وهيه مثل اختي وبنتـي
اخذتني رنـا للغرفـه وطلعت الي هدوم
رنـا: اذا مابيج حيل انا اسبحج
يمامه: لا شويه احرك روحي تعبانه
رنـا: هذني هدومچ أمي ورايحه اجيب الج اكل لاطلعين
عافتني وراحـت سبحت وبدلت وكعدت ع جربايه
وانـا كاعده شفت مثل طفل صغير يباوعلي فركت عيوني راح كلت ممكن اتخيل احس كلشي. بالغرفه يباوعلي حته الاشياء موجوده تباوعلي وتراقبني
متت من الخوف بس شسـوي تعودت وانا اشوف يوميه شغله وساكته
رنـا: دخلت لغرفه لكيت اسعد يسبح طلعت اله هدوم وصحت اله اسبح وانزل راح نحضر الاكل
نزلت جوه وانا ميته عصبيه شلون هيج ام خديجه ماهتمت لبتها ولاحضرت الهاااا غده نزلت لمطبخ
خليت الها بصينه اكل صاحت سعـاد
سـعاد: شني مكرمه يمامه ماتطلع تاكل
رنـا: عمه البنيه مريـضه شنو يعني اذا وديت الها البشر يبين بـ المواقف وهيج خوه تبين
تعمدت احجي هيج لـ خديجه ومسره بس هنه جبل مايهزك ريح اخذت صينه حته ماتناقش وياهم زياده
اسعد محذرني بس هنه يمشرن سم ماعرف شلون تكضي وشلون اتحمل
دخلت حسيت يمامه تباوعلي بستغراب عيونها عبالك شايفه شي مو انا حاجيتها وخترعت
رنـا: حبيبتي يمامه جبت اكلچ تعالي اوكلج
يمامه: تسلمين رنا اسفه تعبتج وياي وانتي عروس وخليتج تفترين وياي
رنـا: عيب عليج حبيبه انتي اختي يلا اوكلج
اصريت اوكلها عبن البنيه جاي تگضي
يمـامه: ولج گافي شبعت
رنـا: يلا يلا بس هاي لكمه
يمامه: والله شبعتت
رنـا: يلا يلا جنج ماتدرين
وكلتنا الصحن كله وكتلها ارتاحي نامي عفتها ونزلت احضر الغده النه وناكل أصب الكل وحدي بس خديچه تساعدني ب طبخ مسره ماتسوي أي شي تشوفني تعبانه البارحه كله ب المستشفى بس هيه كاعده حالها حال زلم وتنتضر اكل يجيها والله لو ماخاف من اسعد اركع صحن براسهـا
تغديـنا وكال اسـعد ل كاظم
اسعد: شني من كلب عندك ماتحن. ع بنتك وهيه بين حياه وموت ومارحت سلمت عليها
كاظم: شني تعلمني ع ابوه ولك بعدك ماصرت اب هستوك تزوچتتتت
اسعد: سمعوني كلكم اي شخص يحاول ياذي يمامه ولو بحجايه راح يلكاني كدامه ماعندي استعداد اخسر يمامه مره ثانيه
سـعاد: واحنه شمسوين الها ع بختك كاظم ماتحجي وي هذا فرخ
اسعد: انا ماكلت مسوين طبـعا ماتسون شتسوين يعني بس جاي احذركـم
خديچه: هاي رنـا عبت راسك علينه مو يمه طبعاً رنـا هسه صارت حبيته البيت لان وكفت يم يمامه لليل كله وانتضرت ع راسها وهيه واكف تعلمنا شلون نتعامل وي بناتي
رنـا: عمـه حرام ضلميني شعليه انـا اتهمچ
خديجـه: صمي حلكچ عسى الله لايترس حضنج جهال ويحرمج منهم
كالت هيچ واحس روحي وكلبي تكطع شلون هيج ام تدعي ع ابنهااا هيجج كام اسعد من الغده
اسـعد: عچيب شلـون هيچ تحجيننننن كدامي ع مرتي وتدعين الله مايترس حضنها جهالل والله مامحسوبه ع امهات انتيي
خديجـه: هاي من هسه عمتك بعدهي ماصارله شهر سحرتك شنهي
ضليت ابجي وهيه تحجي هيج واسعد ضل يردها وكاظم طول الاكل ماحچـة ولاعبالك زلمه كاعد بالبيت كمت من الغده للغرفه وابچـي
شـويه واچاني اسـعد
ضليت كاعده ع جربايه وابچي نهد حيلي شلون هيج تدعي عليه وتمنيت اكدر اردهاا
اسـعد: اخخ يامحبوبتي دموعچ يتعبني والله
لاتبجين ياذيچ يلكاني كباله
رنـا: اسـعد والله ماحجيت شي انـا شلون هيج دعي علينـا
اسعـد: تبقه امي رنـا شسوي هذول اهليييي انـا وانا ماسكتت وحقج رديته وحجيت وصرت وياج
رنـا: فوكاها صيح علية
اسعد: جا شسوي ياعزيزه روح اسعد انتِ ماعرف بسوالف نسوان شلون اسكتج لاتبجين
ضحكت من كال هيج ويريد باي طريقه يسكتني
ضل شابكنـي وخله راسه بين رجليـة وشبكني
رنـا: احبنـكككك هوووايه
اسـعد: انـا ميت بيچ يلا هسه لخاطري مسحي دموعچ وعد مايتكرر هذا شي
رنـا: اسعد امك ليش هيچ يعني حته مااهتمو يمامه وحته مسره احجيلي
اسـعد: انـا مو كايلچ موضوع اهلـنا ماينفتح ولادخلين روحج بسوالفنـا ماتكدريهم
رنـا: ليش ماكدرلهم تـرا انا مو كليله شـر
خزرني وكال
اسـعد: اها ولچ شني جسمچ يحكج يريد كتله
رنـا: لا يريدگ حبيبي
اسـعد: ها تعلمتي ع فساد ولچ
ضحكـنا وشبكني واجه باسني وباس اطراف شعري
اسـعد: أحب ريحه شعرچ طويل يام شامه
رنـا: امم وبعد شتحب
دراني عليه وباوعلي بنـضره احتلتني
اسـعد: وشاماتچ مطشرات ع جسم اعشكهن
رنـا: خجلتني أسـعد
اسـعد: كلشي بيچ ألـي رنـاوتي.
باسني واخذني بين احضانه وبسته بشواربه وباسني وحاولت أنسي همه وخوفه ع يمامه
كال راح انـام كعديني العصر امر ع شيخ ضرغام
عفته نايم طبيت سبحت وطلعت اشوف يمامه شويه نسولف مـدام كلها نايمه وظهر
نزلت واسمع صوت مسـره وسعاد يضحكن وصوت جاي من غرفة سعاد عفتهم وكلت مالي علاقة مااريد اسمع شي عبرت وكفتني كلمه خلتني ارجف من الي سمعته
سـعاد: بعد شويه شويه يبدي السحر مو بس يجسمها بعقلها واخليها تصرخ والله اسودنها الچ
مسره: ههههههههههههههه اييي ولچ يمـا أي اريد حته الجني يتزوجها
رنـا: مستحيللللل الي جاي. اسمعه مستحيل سعاد ومسره مسوين سحر سحرر لمنوو يمامـه
ولجن ماخفتن الله حوبتها وين توديچن
ردت عليها سعاد
سـعاد: بس كون خليتي كتلج عليه بهدومهـا
مسره: اي گلشي خليت ويوميه بليل ارش غرفه نايمه بيها هيه
سـعاد: حلو عاشت ايدچ حته تبدي تشوف الاطفال والاكبار
رنـا: ماكدرت اسمع حجيهن ضل يحجن بـ السحر والشعوذه وشنو تشوف ويطلعن جنونه الها
خليت ايدي ع ذانيي تمنيت اصرخ بعلووو صوتي بس شحجي شسوي شكول مادري تجهت غرفه يمامه وأنا ارجف اكثر منها طبيت وشفتها كاعده وحاضنه روحها وترجف وتبجي بصوت ماينسـمع شغلت الضوه عليها وحاجيتها
رنـا: ها يمـامه شبيچ كاعده ضلمه
مجرد ماكتلها هيج تغيرت يمامه شكلياً وصوتها تغير
يمامه: طـلعيييييييي بررررهه ليش اجيتييييييي كله من وراج راحووو
رنـا: شبيج منو راحو يمامه لاتخبليني هدي بسم الله الرحمن الرحيم
كتلها هيج وضلت تلطم ع روحها وتركع شنو اكو بالغرفه الكل نزل ع صوتها
يمامه: لاتحجينننننننن لاتكولين بسم الله لاجبين طاريي احد عوفونيييي طلعووو
اجت مسره تلزمها صاحت بيها
يمامه: وخرييي عني شيطان وخريييييي ليش جاي ضحكين بوجهي عوفونيي
اسعد يريد بس يلزمها وهيه ماتقبل احد يكضها وتصرخ ع مسره تكلهم طلعوهاااااا
اسعد: طلعيييييي مسرههههه البنيه راح تموت صمله يمامه صمله انـا اخوچ شبيج هدي
رنا جيبي قران ع راسها نخلي لزم ايدها منا ومنا وهيه حجت بصوت يكسر خاطر وتبجي
يمامه: ولك خوووويههه هدنييييي لاشغل القران ياذوني ولك جاي اتعذب ماشوفنيييييي
كلشي صار والسحر بده يجيب معفول وسعاد سوت ويمامه راح نخسرها تمنيت احجي واكول هيج وهيچ بس شسوي خديجه واسعد وسالم يم يمامه
بس هيه ماتخلي احد يتقرب الها بس اسعد شويه
اسعد: هذا انـا وهاي اختج رنـا لاتخافين كلبي محد يوصلج
يمامه: محد يوصلنييييي شوف جاي يباوعلييي شوفه يريد ياخذنييي هذا رجال جبير لابس دشداشه
اسـعد: كافييييييي يمامه جاي اكلج جاي تتخيلين
ع كيفج خلي نفهم محد بالغرفه
أشرت ع خديجه وسعاد وسالم
يمامه: طلعهم طلعهممم من يمي اسعددد شيطان شوف وجوهم تضحك
خديجه: ولچ شنهي هذا الحجي بنيتي انـا امج شبيچ يمامه دخيلك ياعلي بس لابنيه تخبلت
اسـعد: ولـكم سكتوو عوفها طركاعه عليكممممم
حجيت وكلت شصير خلي يصير وكتلها
رنـا: امشي بغرفتي يمامه اسعد طلعها من الغرفة يجوز ترتاح
اسعد: ترحين يمي بغرفتنا كلبي خويه
يمامه: ماموجودين يمگم يعني
اسعد: لا حبيبتي محد موجود جاي تتخيلين
يمامه: لاتكليييي اتخيللل ولك خويه جاي اتعذب
يوميه يجينييي واحد ساعه طفل ساعه رجال جبير
وهسه جانت كاعده كبالي مره جبيره بس من اجت رنا شغلت كلوب راحتتت
تحجي يمامه واسعد مايعرف شيكلها وضل مصر ع انو هيه تتخيل طلعناها من الغرفه وهيه ضامه روحها بحضن اسعد
يمامه: احضني اسعد لاتعوفني يكتلني والله يكتلنييي
اسعد: محد يوصلج كلبي انتي محددد امشي غرفتنا
طلع بوجنها كاظم شمر حجايه وگال
كاظم: شني هاي عيارتچ يمامه وخبصتي ألبيت
اسعد: بويهههه وكتتت هذا الحچيييي جاي تتخيل مابيها شي
ڪاظم: هذا بيها شي فـ حوبه مسره هاي سوته بيها موش قليل
اخذت يمامه من أيـد اسعد وطبيتها غرفتي
وضل اسعد وكاظم يتعاركون وهي تبجي وترجف مافاهمه أي شي فاصله عن كلشي
طبيتها غرفتي شغلت اضويه ارتاحت شويه
رنـا: يلا حبيبتي ماكو شي انا يمج وغرفتي محد يوصل. الها
يمامه: انتي صدكيني مو رنـا انا والله ماجاي اتخيل والله بغرفتي جاي اشوف ناس
رنـا: ادري بيج ياأمي انتي حاسه بيچ لاتخافين صيرين زينه بس لازم تسمعين قران
يمامه: لالا والله ياذونيييي رنا ياذونييي اخاف منهم
رنـا: واجهي الخوف حته تعوفينهم وماشوفينهم سوي العلاچ وصيري اقوه منهم محد يوصلج اذا سمعتي قران وكلتي ياعلي محد يكرب صوبج
ضلت حاضنه روحها وتكول
يمـامه: يـاعلـي احرسنـي ياعلـي ابعدهم عنـي
بغرفتي يمـامه تغيرت مو مثل ماجانت لان غرفتها جان مرشوشه ب سحر لكن كساع تلتفت وتحس اكو احد وراها ماكدرت ماكول اسعد ع الـي صار طفح الكيل البنيه كدام عيني مثل مسودنه
اجتني وكالت
يمامه: نوميني بحضنـچ وسدي الباب واكف بالباب يريد يدخل لغرفه بس ماجاي يدخل
من كالت هيج حسيت راح يوكف كلبي بس قويت روحي وكمت فتحت القران ع سوره وقفلت الباب شغلت اضويه ونومتها بحضني
رنـا: انا يمچ نامي وشفتي هذاك القران مفتوح هوه مايدخل لان يخاف من القرآن
يمامه: يعني مايوصلنـي ولايكتلـني جسمي ياذيني
رنـا: محد يوصلج وعد مني يأامي انتي
يمامه: لاتخلين مسره تجيني شيطان هاي مسره شيطان كعدت تريد تخرمش روحها وتلطم ع روحها
يمامه: ولچ شيـطان ولج تضحك بوجهيي ولك اخخخخخخ بويه احوي احـوييييي اريد الطـم الطممممممم
طلعت يمامه عن سيطره وضلت تلطم ع روحها وتخرمش بايدها ماعرف شسوي ركضت اسـعد
رنا: اسعدددد الحكككك
اسـعد: شبيجج رنا شبيج شبيها يمامه
اجه يركض
رنـا: جاي تلطم اسعدددد وطلع دم من روحها اسعد فدوه الحك
وصلنا لغرفه وكل صعد ونلكه يمامه قافله الباب وصرخ
اسعد: ولج يايمامهههههه ولج خويه فتحي الباببببب
يمامه: عوفنييي لحد يدخل لغرفه عوفونييي لازم اكتل روحي اذا ماكتلها ياذونييي ليش فتحتو القران
اجاها اسعدددد ولزمها من ايدها وهيه صرخت
سعاد: ولك تكضني يابن خديچه ولك بكدك انا تريد طكنييييي يابن خديجه
اسـعد: سعععاددد ادوسج دوس اذا فكيتي حلكچ ع يمامه ترحين فدوه لتـراب رجليهااااا
دفعها وهيه ضلت تصرخ ع كاظم ودعي ع يمامه
سعاد: عساج لاصحيتي يايمامه يـلعياره مخليتهم جواج
رنـا: سالم خويه فدوا الحكها اكسر القفل يولي يمامه تاذي روحها لو تعرف شسولفتلي
حاولو يحجون وياها تفتح الباب مارضت
وانا اتمنى أشرب من دم سعاد ومسره
كسرو الباب وشفنه حال يمامـة وهيه مكسره كل شي بالغرفه والفراش شامرته وكاعده بين كنتور وجربايه وتهز بروحها وتحجي كلام ماعرف اوصفه واحجي من الرعبه
اسعد: تخبلتيييي انتي تخبلتييي شبيججج شنهي هاي حركات سودنتييييي
يحجي وياها وهيه ماتفك حلكها بس تعض ب ايدها وتهز بروحها
سالم: خلي نفتهم منـها شبيها أسعد يجوز نلزمت البنيه
اسعد: منين لزمت شنهييي هذا حجيك بمكان ماترفع معنوياتها تكول لزمت
راد اسعد يلزمها دفعته
يمامه: وخر انت تاذيني مثلهم انت بيك ريحه دم
لمحه مسره تباوع الها من الباب وصرخت
يمامه: طلعوهاااااا شيطان هذا شيطان طلعووو
سالم: اجي هسه اكسرج تكسر طلعيييي منا ماشوفين حالتها
مسـره: وانت صدكت شنهي شبيكم تتعاير والله
ماتحملت اسكت وكتلها
رنـا:أحترمي نفسج وانتي تحجين ع اختج شي مو زين الها يرجع عليج وهاي اختچ مو عدوتچ اذكري
صاح بيه اسعد
مسره: هيج مره تجاوزين عليييي غير اهلهل بغرفتچ
اجاها اسعد وهوه ينط من عصبيه وكضاها من شعرها
اسـعد: مسره شنو هذا الحچييي احترمي روحچ واحترميهااا
مسره: كول طكني علمودها سويتها مره سويها مره ثانيه
اسعد: تره اذا كلمة ثانية تطلع منچج اجرم بيج
طلعها سالم من غرفه وصاحت يمامه
يمامه: طلعووو من غرفه رنـا تعالي يمي بس انتي
طلعيهم ماريدهممم
رنـا: اسعد فدوه طلعو شوف حالهااا لازم تشوفلنه سيد الها
اسعد: خليج يمها والله كريم
نزلو وضليت يمها انـا حاولت اهديها وتنام ماترضه ترجف بايدي شكد صعبه يمامه هادئه ماذت بشر هيج يصير بيها ضليت امسح ع راسها وحجتلي وهيه بحضني
يمامـة: مسره مسره بسببها صار بيه ذبحه صدريه ابوي كتلني من وراها
رنـا: تحجين صدك؟ شلون هيچ صار شسوتلج تكدرين تحجيلي
________يمـامه__________
بعد كلشي صار بيه وعذاب عشته بالغرفه وناس اشوفها طفل صغير ورجال ومره خلوني ادمر اذي نفسي الطم ع روحي حته يبتعدون عني
محد جان واكفلي غير رنـا تحضني وتخليني بحضنها وتحاول تاخذ حمل مني نمت بحضنها وهيه تمسح ع راسي وحجيت كلشي الها
گلشي يخص مسره ومعتز وكلشي يخص شيخ ضرغام
رنـا: يامعلونه ولچ طلعتييي عاشكه الشيخ
يمامه: ولچ سكتي لااكتلچ لايسمعج اسعد
رنـا: والله هسه انتي بحاله تخوفين صدك تكتليني
بس شلون مسره هيج تسوي وتحب معتز؟ استغفرالله والله يايمامه صح اختچ بس مسره عبالك عدوتج
يمامه: بس هسه هيه مو مسره شكلها شيطان
رنـا: نامي بعد روحي ارتاحي فدوه
يمامه: ضلي يمي خلي انام
ضليت اقره ع راسها لحد ماشفتها غفت نزلت چوا وشفتهم يحجون
رنـا: اسعد موضوع مو مال دكتور مال سيد والله بنيه مسويلها شي
خديجه: شلج بهل خرافاتتتتتت هاييي شقصدج سحارات احنه ام سحوره بكتي ابني مني
اسعد: يماااا حيري بنتج عوفيييي رناااااا
باجر اخذها لدكتور ونسد موضوع وينه هيهه
رنا: نامت نومتها
سـعاد: تتعاير كاظم شني تخسر فلوسك توديها لطبيب
كاظم: اخوها تبرع يوديها موش انـا.
مرن أسبوعين على نفس حاله يمامه اخذوها كل طبيب يكولون الهم مابيها اي شي وانا ساكته حجي سمعته واعرفها مسحورة ولسه ماحجيت
قبل. فتره وهمه ياخذون يمامه لدكاتره الشيخ ضرغام عارض ع اسعد ياخذها سيد زين يعرف بهاي سوالف بس اسعد ماراضي وقافل ع موضوع ويكله مابيها أي شي
ضلت يمامه بغرفتي تنام واسعد نام يمها مانكدر نعوفها وحدها بالغرفه تاذي نفسها ومحد وصل الها
لا ام لا اخت لا ابو غيرنا انا واسعد وسالم
چانت يمامه نايمه بليل ونزلت لكيت اسعد بدوانيه يخابر وي شيخ ضرغام ويسئل عن حالتها وكله بعدهي نسدالخط وقررت احجي اليوم كلشي صار
رنـا: حبيبي عادي احاجيك بموضوع وحدنا
اسعد: اسمعچ حبيبتي تعالي كربي صوبي كلش مشتاكلج
رنـا: حته انـا مشتاكتلك ابو بيتي بس خلي اقفل الباب دوانيه
اسعد: هيج موضوع قوي لو تردين شي ثاني
رنـا: ههههه ولك شني اريد
كمت قفلت الباب وهوه ضل واكف خايف من موضوع
اسعد: حاجيني رنـا شني
رنـا: انـا اعرف شبيها يمامه
اسعد: نفس موضوع ماخذها سيد لاتلحيننن
رنـا: شنيي الح شوف بنيه انتهت الى متى تضل بهذا عنادك جاي اكلك بنيه راح تموت وبيها سحر
اسعد: وانتي شنهي منجمه تعرفين شقصدچ سحر منو يسوي مثلا بيتنا احترمي نفسـچ رنا
رنـا: لا مسويلهااا سحررر كافي عاد
يمامه مسحوره
مجرد كتله هيج صم حلكي بايده حيل. وخنرزني
اسـعد: صمي حلكچ لااكسر سنونج بحلكچ تتهمين منو مثلا من اهلي
وخر عني وانا متت من عصبيه معناها راح نخسر يمامه وساعتها اسعد يضل مقهور ويحس بالذنب
رنـا: الزممممم اختك ومرت ابوك مسويات سحر الها
سمعتهن بذانـيييي والله ولك سمعتهننن الحك اختك راح تمووووتتتت
صطرني راچدي فر وجهي فر خلاني انشاغ من البجي نصدمت هاي اول مره أسعد يرفع ايده علية
أسعد: ولچ اجرم بيج هسههههه طلعيييي منااااا شنهي هذا كلامچ رنـا شلون تحجين هيج لاتخليني اموتچ
رنـا: شتريدددد سوي بيه سوي زلم ماترفع ايدها ع نسوان هاي مرجلتك قوتك عليهههه وتعرفني كلش زين انـا ماجذب
راد يحجي عفته ومشيت
وسحبني حيل من شعري وجراني وصلني يمـه
اسـعد: ولچ من احجي انـا مادورين ظهرج وتمشين رنـاااااا
رنـا: عوفنيييي اسـعد تخبلتتتتتت وخر ايدك عني ماتخوفني ب الكتل
اسـعد: رنا اكص لسانج رنا اموتچججج بايدي
تحجين ع اختي كداميييي
طول ماهوه يحجي وياي لازمني من شعري بكل قوته
حسيت شعري تكطع بين ادي وحلفت وعد ع نفسي بهذيج لحظه اندمچ يامسـرة
وخر ايده عن شعري وشمرني على حايط بكل قوته
وفرك حلكي بايده وكلي
اسـعد: حلكج هذا الي تجاوز اليوم اشكه الج فاهمه
وخر عنه وكتله
رنـا: من هاي لحظه بعد ماتوصلنـي فاهمممم
اسـعد: تحرمين علية من هاي لحـظه ولو ضلين بس انتي ماوصلج وغرفه مادخل الها طلعي منا لاا اكتلچ ومحد يدري
طلعت ونا ابجي ضليت بره ب البستان
وكطعت روحي من البجي تاذيت حيل راسي يوجعني وخدي صار احمر من اسعد مسحت دموعي وطبيت جوه تلكتني خديجه
خديجه: شبيكم اسعد صوته عالي بيكم شي
رنـا: لا عمه سلامتچ جنه نحجي علمود يمامه وعصب
عفتها وطبيت يم يمامه
يماممه: جا وين اسعد مايچي
رنـا: لا نامي راح ينام جوه
يمامه: شبيكم تعاركتو رنا من وراي
رنا: لا والله ماتعاركنا خية مابينا شي بس كال علمود ترتاح
مر اسبوع ثاني اسعد مايدخل للغرفه بس ياخذ غراضه ويطلع واذا شافني بالغرفه يصيح ويتامر علية واسكت يمامه كالت اختنكت راح انزل جوا بالبستان اشم هوه كتله ابدل وانزل وراج
نزلت وبدلت ودخل اسعد وكلي بصوت معصب
اسعد: طلعيلييي ملابس بساع اريد اولي واسبح
رنـا: طلعت اله هدوم بدون ماحجي ويا
رجع كلي
اسعد: طلعيلي دشداشتي سوده وكويها الي يلا
عرفته. يدور مشكلة ضليت ساكته
طلعت دشداشته وكويتها وخليتها ع جربايه
ردت اطلع وجرني سبحني من ايدي
اسعد: بدلن انتي ويمامه راح يجي شيخ ضرغام ونروح
رنـا: وين نروح
اسعد: سيد يعرفه شيخ ضرغام بساع بدلن بدون كلام
نزلت صحت يمامه ومارضت تكوم لحد ماكتلها
رنـا: ويانا شيخ ضرغام يلا كومي لاتفتوين فرصه
يمامه: اخاف رنا شتردون سون بيه والله اخاف
رنا: لاتخافين ثقي ب. اسعد وضرغام سيد يكون صاحبه مستحيل ياذيچ
يمامه: وضرغام شافني بهل ضعف هذا مو
رنـا: انتي اقوه بنيه شافتها عيني يلا كومي
فدوة اسعد يحجي عليه اذا تاخرنا
صعدنا وبدلنا واسعد خبر الكل بانو ماخذها لسيد
مسره وسعاد خافن كانما راح ينكشفن بس فرحت يارب ينتصر الخير ع الشر
طلعنا وجان منتضره شيخ ضرغام
شيخ ضرغام: تاخرتو صارلي شكد انتضركم
اسعد: اعذرنا شيخ بعد تعرف تاخير نسوان
شيخ ضرغام: يلا عادي مهم سلامتكم
كعدنا وره واسعد يوصف حال يمامه لـ ضرغام
ويمامه طول طريق ترجف وتصفن ع ضرغام
ضرغام: انشـالله طيبه خوية مالك علاقه من زمان اكلك امشي ناخذها ماترضه هسه نعرف شبيها ونشوف شيسولها
حجت يمامه وهيه تبجي
يمامه: شسون بية تردون لاتاذونـي والله اخاف
شد ضرغام ايده حيل ع سياره وكال
شيخ ضرغام: وسـفه انتي بحمايتي محد يوصلچ
اسعد: لاتخافين خويه رايحين صديق ضرغام ونشالله تصيرين زينه أعرفج قويه مو ضعيفه بنيتي
دخلنه واسعد حاضني واني ارجف بشي بداخلي مايريد يدخل احاول الفت من اسعد ماكدر حاضني حيل كعدنه واني ضامه راسي بحضن اسعد
حجه اسعد حالتها لسـيد وكال
السيـد: بعد ماحجيتو حالتها هاي بنيه مسحوره
والي ساحرينها نسوان ثنين وحده حديثه وثانيه مره جبيره
مجرد ماكال هيج باوعلي اسعد وكانما فعلا صدك بكلامي وتندم ضل صافن واحسه يريد يحرك كاع بينا
شيخ ضرغام: شنو مفروض تسوي سيد سوي رجاءا
السيد: لازم طلعون راح اسخر يعوفنها وتضل وحدها اقره عليها
صح جان سيد موثوق بس يمامه غبلها الخوف ولتفت الشيخ ضرغام
يمامه: لا فدوه لاتعوفونييييي ماضل يمه اسعددد لااااا
شيخ ضرغام: هدي يمـامه خوية مانعوفچ يمج مانطلع واسعد موجود
اسعد ضل مثل منصدم مايحجي من صدمه
كعدت يمامه بنص وغرفه ضلمه وضل يحجي كلام يخوف ويوكف العقل رحت يم أسعد ولزمت ايده من الخوف
رنـا: اسعد انا خايفه
اسعد: انعل والديهم ياذونج والي اذوج يـارنا شوفي شسوي
رنـا: انت اذيتني يااسعد
نغمه ع يمامه وهيه واكفه وطاحت صاح اسعد وضرغام
سيددد شبيهاا
اسعد: اختيييي شبيهااااا ولك سويتتتتت
ضرغام: اوكف اسعد هوه يعرف شغله
ضلت يمامه مغمي عليها وشويه وكعدت
السيد: طلعو منها وهسه انطيها تشرب هذا ماي
وراح تضل تتقيئ بس لاتخافون هذا حرز بسمها تخلو جوه راسها وهذا ماي تسبح بي يوميه مغرب
وشغلات نرش بيهن الغرفه بس كون محد يشوفهن
وضل يشرح سيد على الشغلات الي نطاهن النه
وكال نشاء الله تتحسسن ولازم نلتزم بلي كاله
مانخربط بشي ابد كل اسبوعين كال جلسه الها لحد ماتشافى كلش
يمامـه: كعدت دايخه واحس نفسي خفيفه مابجسمي اي ثكل باوعت اسعد وضرغام
اجه عليه اسعد كومني واخذني
شربت الماي وكمنا
طلعنا بره انا ورنا وشيخ ضرغام واسعد ضل جوه حجه وي السيد وطلع
اجه اسعد ركض كبل لسياره وطلع منها ثنين دبات
مانعرف شنو بيهن
ركضت اله رنا وكانما تعرف شي انا ماعرفه وركض اله ضرغام
رنا: شتريد سوي اسعد انعل شيطان شنو هاي بيدك مهم يمامه بخير صارت
اسعد: ضرغام صاحبي اختي ومرتي امانه يمگ رجعهم من ترتاح يمامه وانـا راجع قبلكم
سوه بَ يمامه هيج اليوم احركه واحرك البيتتتتت عليهم
رنـا: فدوا رحتلك اسعد لا
شيخ يحجي ويا وهوه فاقدددد
اجر سياره وركب وراح
ركضت يمامه ضلت تتقيء شي اسود وطلع كل سم الي بجسمها
انطاني ضرغام ماي اغسل وجيها بماي
وضلت كاعده تخنكت طلع شعرها من حجاب شويه
وكلي ضرغام
ضرغام: خويه عدلي حجابها بلازحمه وخلي نرجع م نلحك اسعد
صعدت بسيارة وانـا دايخه وضرغام طول الطريق يباوعلي من جامه بسياره بس ارفع عيوني
ينزلها نضرته حتلت جسمي وانا ارجف
ومن طلع شعري كله رنـا خلي تضم شعرها
دك تلفون ضرغام وفتح سبيكر واجانه صوت سالم
سـالم: وينك شيخ الحك النااا اسعد راح يموتهن
لاتخلي يمامه تجي للبيت ترس البيت نفط
ونكطع الاتصال.
ياترى شنو الي صار شراح يسوي اسعد بيهم
ضرغام شنو موقفه شراح يسوي
