رواية الإرهابي وذات النقاب الجزء الثاني الفصل التاسع بقلم ام غايب
يا ايها العمر السريع خذلتني
ووضعت احمالاً على احمالي
خذني الى عمر الصغار لأنني انتهـ من ضحكة الاطفالِ
حمصه .. من شفت علي بحضن خالد وخضر احس الدنيا سودت بعيوني ردت انقذ سلمان تالي خسرت سلمان اخو مااتحمل اخسر علي ... الي هو اعز من روحي ... كلهم افديهم بروحي ...مااتحمل يصيرلهم شي لا و بسببي هواي هذا الشي عليه حسيت نفسي حالي حال فواز ماافرق عنه
شاهين .. حمصه ...لك حمصه مخبل وين واكف بالنص . لك مطي ... انتَ روح راح ياخذوك اذا مرحت .. عوف الطفل بالكاع وروح وووولي
حمصه .. احس حتى السمع ...ما اكدر اسمعه ... بقيت واكف صافن وفاصل عن الدنيا ،،شسويت اني كل هدفي انقذ سلمان وفلك وبعدين هسه صار رزان لان رزان الشخص الوحيد الي مااقلق علي لان ابوهه هو سبب دمار الكل مستحيل يدمرهه او يأذيهه ابوهه
شالو خضر وخالد واني واكف جان بعد بس سيارة خالد واصله والي ويا احتاروا ب علي جنت بيد شايل علي الصغير والايد الثانيه المسدس ضجيج عالي من جهه صياح خالد وخضر بتوسل ل علي يسيطر ميفقد او يصير بي شي والجهه الثانيه علي ابن فلك يبجي
ذكريات من الماضي اخذتني بهالوقت ثواني قليله بعدتني عن الحاضر ورجعتني للماضي جانت كاعده رغم صغر عمري بس ذاكرتي مستحيل تنسه او تكدر تستثني هاي الاحداث جانت كاعده وشفتهه بيهه دم من الجانب وشعرهه منفوش ومكطع ودشداشتهه هد
ام حمصه -كله منك انت نقطقةضعفي انت(وتدك على وجهه ) ....لو مو انت بحياتي جان كاتله روحي من زمان لو هاجه
حمصه-ضميت راسي وره الباب ..بخوف من امي وبنفس الوقت عليهه هالحدث ووكعة علي الي بسببي ذكرتني الكلام امي كله منك
هالشي محاسب حسابه مره ثانيه اصير سبب بموت واحد من الي اغلى من روحي واعتبره واحد من اخوتي همه اخوتي مو غيرهم ....
سحبني من ايدي شاهين ...
شاهين .. مخبل انت واكف شتنتظر امشي اطلع مادام بعدهم مواصلين كلهم ،،لك متسمع شبيك
حمصه-مو قصدي علي يتأذه
شاهين ،لك طبعا ..غبي واكف وبيدك السلاح وببيت ضابط ،،وانت رميته ,امشي سحبني من ايدي وجنت اشبه بالمقيده رجله
شاهين-شوصيت اني مو كلت لحد يسوي شي يسحبني واني بيدي علي ابن فلك ... طلعني من نفس الباب الي دخلت منه ....مريت من يم رزان جانت على نفس نومتهه ... ممدوده بالكاع يمكن لو مو شاهين بظهري مااطلع منا باوعت عليهه
حتى ريجي مااكدر ابلعه كأنما بحلم اني امشي بس بلا وعي كل الي بمخيلتي علي مات رزان تدمرت اني سجن
من تتقيد ومتكدر تسوي شي والمصيبه من تنرسم ويسبق ذهنك احداث وتعيش الحدث المرسوم بذهنك وتتصرف ويا مثل ميريد ذهنك وتعيشه وصلت للباب طلعت كال
شاهين .. انطيني علي وروح فضهه ولك مخبل شبييييك متتحرك
حمصه .. علي راح يموت مووووو
شاهين ... علي سبع لتخاف علي ....اختفي حمصه لترجع ابد لمنطقتنا بسرعه روح ولك ضابط هذا وكلب ابن كلب لتخاف علي ميصيرله شي بس دروووح انطاني السويج وراد ياخذ علي مقبلت
.. رزان .. علي .. عل اقل ارجع الطفل لحضن امه وماخلي يعيش الي عشته
الشغله الوحيده الي بيهه خير .سويتهه بعمري كله وهم خربت .. اخذته وركضت شاهين عتني مطي الطفل عوفه وين مودي
مسمعتله عفته ورحت ماارتاح اله اشوف لمتهم ... جنت متشوق اششوف ردة فعلهه اسأل بيوم الي فترقنه اني وامي هم فرفحت عليه هم جانت تحبني لذلك متشوق الردة فعلهه
الاول مره كلشي بيه يتقيد بحيث حالي حال الا شي بس همي اشوف جمعتهم
توجهت البيت خالد ... دموعي نزلت الاول مره ما اضمهن واسيطر عليهن حسيت نفسي ذاك الطفل الي فز وملكه اثر الامه بجيت وبحرگه مثل ذاك اليوم اتذكر بوقتهه كمت من الفراش
(ماما ،،ماما )دورت عليهه بكل مكان ضحك مرت ابويه وفرحتهه
اخذت نفس ووكفت السيارة وعلي بحضني يبجي مخترع مني لان ابجي بصوت واصيح الله ___الله يا الله تعبت والله تعبت تعبت من الحرمان ماريد اخسررررر اخوتي ماعندي غيرهم بهالدنيا خليتهم اخوان وروحي تتعلق بيهم وكتال اخويه
علي لتموت .. ... اموت والله اذا تموت اخ الله شسويت اني .. شسويت الدنيا صارت صغيره بعيني حتى نفس ما اكدر اتنفس طلعت موبايلي وصوت علي ابن فلك مال بجي خلاني ارتبك بس مااكدر مااكدر اخطي وما اعرف وضع علي شنو
اتصلت ٣ مرات ب راشد ... ومرتين ب عزوز مالي اي عين اتصل ب خضر نهائي ... جاوبني عزوز
حمصه .. صدك تحجي لك راح اتخبل علي شنو وضعه عزوز احجي رحمه لدينك ... لا تكولهه
عزوز .. ماادري اجرنه تكسي وراهم احنه
حمصه .. شتكول يصحى لو يموت ... جاوب والله مو قصدي
عزوز .. ادعي ميصير بي علي شي لان بيدي اخذ روحك كله بسببك لان تريد تثبت الوحده الله اعلم هيه شنو ... حبك ... ضحيت ب الكل بلا عقل
حمصه .. لك عزوز انت تعرف علي اخويه ومو قصدي
عزوز .. كل الي اعرفه انتَ واحد مصلحجي واناني و علمود مره لعبت بينه لعب لك علي حيموتتت علمود وحده
حمصه .. كل الكلام بهاللحظه اختفه و الساني صار ثكيل سديت الخط بوجهه شكله وهو يعرف اني مو هيج .. وباوعت على علي ..... نايم يمكن من كد ما بجي تعب ونام
شكد شفت بي نفسي .... شفت احمد من جديد لذلك مردته يعيش العشته ... مردته يتعير مثل متعيرت هواي شغلات شفتهه بحياتي .... شكد مااريد امحيهم ما اكدر ردته يبقه يصير خيال ال امه
كملت مشواري الي صار كم يوم اريد اوصله ... خليته بحضني ضايقني هو بالاصل اول مره اخلي طفل بحضني هم مو كلش صغير بالكماط
.....................................
فلك .. كعدت ميمونه من النوم ... اول مكامت كالت بيش الساعة لان اخترعت من شافت حبوبه تصلي كالت ما اجا خضر
فلك .. لا
ميمونه .. شنو هاي مو كال ... اجي ... ضجت حيل بوقتها من تأخير خضر الف حسبه بعقلي صارت ...معقوله شنو يضحك عليه اتصلت بي مجاوب اخر شي زهكت و ايست ... ورحت اخذت الماسحه من الحمام وطلعت انظف بالطرمه
فلك .. باوعت عليهه شلون رجع الحزن حاوط وجهه مو حجينه ردنه تسمعين اثق بيه ... ردت اكلهه هالكلام لان بقة بكلبي حسرة ماكو ...كلت خلي اتوضه واجهز روحي سمعت صوت عيطه وراهه بجية ميمونه كبل كلت خضر يمكن طلعت اركض حتى حجابي جنت مخليته على الميز و ورايه صارت تركض رسل هم مدري وين جانت فوك شو فجأة ورايه
طلعت بالباب مال كلدور انصدمت شهكت كبل وجمدت بمكاني مااكدر اتحرك كأنما احد ربط رجلي وايدي وكل جسمي نزلت دمعتي ممستوعبه هاي ميمونه شايله ابني لو شنو منو هذا كلت ابني هذا دارت ميمونه عليه وهو بيدهه
علي ... هذا علي ... كولو والله جنت اخاف خاف حلم ... ومن اتقرب اله ينتهي .... ميمونه كامت تتقرب يمي واني اباوع عليهم ودموعي تنزل .... اخاف اروح ويطلع مو ابني واتخايل صار الحلم المستحيل
ميمونه .. فلك علي هذا شوفي وتبجي
فلك .. علي علي كررت كلمة علي انطقهه بدون توقف ورحت عليهم ... ابني ... اخ ...وج ابني هذا عطت وبجيت بحركه وسحبته بحيث باقي بيدهه واني شابكته هذا ابني صدك اخذته خليته على كلبي وحضنته ... وعلى نفس الونه مال بجي بدون تقطيع وغمضت عيني مكاعد استوعب واصدك ابني رجع صار حلم شوفة رجليه صارت ثكيله وشابكته لدرجه ميمونه كامت توخره مني تحاول ابني ... ابني ميمونه ولج ابني وابجي لج علي علي رجع هذا علي
ميمونه -حتى شويه شدت علي اكثر خفت يختنك وفز هو من بجيهه وكام يبجي ... فلك علي راح يختنك
فلك .. لج رجع لج يعني مو حلم ... ولك يمه شصار بيه ولك يمه ولك حراموني منك ... ولك يمه حبيبي رجعتلي يمه تعال يمه اخ بعد لو اموت لو شيصير لو شسوي ما اعوفك والله ابني حبيبي انتَ والله ... عوفي .. عوفي ميمونه ... مكاعد اصدك والله و بجيت بصوت اعلى اخ وبجيتي جانت بس كلمة اخخ ... اخ يا وجع كلبي المااكدر حتى اوصفه ...
ايام مره متنجرع جنت اكول هم يجي هذا اليوم الي بس يصيرن ذكرى ... ذكرى بس مستحيل تكون عابره الوجع بيهه ينعاد ... بقيت ابوس بي واشبك بي خايفه خايفه هذا حلم ويكعدًني منه
فلك .. صارت عيني بعين حمصه ملحكت حتى اشكره هو جان ديروح بس دار وجهه ولمحته وكبل طلع محجه ولا كلمة .... بس حسيت بعيونه بيهه حزن بقيت اباوع عل باب
انجمعت بأبني وأم خالد ابنهه صار بين الحياة والموت
شنو الحكمه وتصادف تنجمع ام وام على وشك تنحرم من ابنهه
هجمت عليه وحقهه وما الومهه بقيت واقفه وهي تضرب بيه وميمونه تبعدهه عني ... اعرف ومجربه حركة الكَلب خاصه حركة كلب الام محد يكدر يوصل الشعورهه
ميمونه-خاله فدوه بس اصبري والله
توقف الكلام والله شنو شكلهه ال ام خالد شحجي دفعت فلك كوه عنهه وصحتلهه صعدي يمعوده دارت عليه ام خالد دفعتني ااااايني اذا صارله شي روحج بيدي اطلعهه انتي واختج حتى انبح صوتهه
فلك-اخذت ابني وصعدت بقيت مكابته وكاعده استغرب مني يبجي مااعرف شيريد اتوقع اكثر جوعان وماعندي شي اله والجوه وضع مو مال اطلب شي حتى من ميمونه الكل مرتبك و بجي ... ام خالد طلعت بسرعه ورسل رجعت هجمت عليه قبل لا اصعد وفوك ومالي اي عين انزل
سلمان وهسه علي واني الظالمه ... و بالحقيقه هم مظلمومه مالي ذنب ولا اختاريت الي يصير اكيد مااختار ينظلم احد لو راجع الاختيار الي صوت بجيته ووياهه
(أمه ... أمه )
فلك .. يروح ماما ...جوعان انتَ ... جوعان يروح امك انت هنا انت هنا يروحي كبال امك لزمت ايده وكمت ابوس بيهه،، علوكي ماماتو ... روحي يروحي وشالته وشبكته حيل وهو يصرخ من الجوع ... افتريت بي مسكتت اخر شي متحملت ونزلت
لكيت حبوبه تبجي وميمونه تفرج بيدهه ورسل كاعده على صفحه وهم تبجي
حبوبه .. ولك ياروحي ياروح حبوبتك يمه عين وصابتك
بجيت ... شبيدي عليهم ... فرحتي بأبني مكتملت ... هجمت عليه رسل شو فجأه كامت عليه ودفعتني وابني بيدي راد يوكع مني عطت بيهه ابني راد يوكع
رسل .. كل من وراجن بعد شييصير بينه شيصير ... شيصير فهميني مو موتونه ساعة السوده يوم الحبج خضر وجبتيلنه اختج الطركاعه الثانيه موتونه ساعه السوده من دخلتن لليوم راحتنه انعدمت طلعن ولن من يمنه
فلك .. احنه لو ابن عمج كلشي هو سبب بي احنه شجابنه حتى المشاكل صارتلنه من يوم الدخل حياتنه ساعه السوده حتى أمنه خسرناهه بسببه ... كلشي عشنا وصار النه من دخل الارهابي ابن عمج ساعه السوده صار روميو براس اختي ووراهه شمرهه هذا كله مينحسب واحنه الظالمات
رسل .. شمرهه اكيد شاف شي بيهه وشمرهه وسحرتنا ورجعتن
فلك .. يااااا سحرناه على حوره بس اختي العوبه الفاهيه امداهه مدري على شنو مجلبه بي شو حتى مرض تمرضت
ميمونه-كافي كافي شدتحجون
حبوبه .. كاافي كافي ولجن احنه بيا حال ودتهامشن
رسل .. هو حالنه من وراهن منين قابل غير من هالمصيبه
فلك .. احترمي نفسج اذا ام خالد تحجي فمعذوره لان ام بس انتِ على اي اساس تحجين وياي
ميمونه .. كافي فلك كااافي صعدي فدوه
فلك .. انتِ كله منج امشي وجرتني ... امشي بدلي خل نولي منا على شنو متحمله لج كرامتج لج ليش دتبقين وهمه ممحترميج
ميمونه .. همه تعبانين وحقهم
فلك .. عضت ايدهه وعافتني .. اخ ... لج انتِ شنو ... دوشك مال رزايل ولا يمج ياهو اليجي يرزلج ويضحك عليج اختي .. امشي خل نولي وسحبتهه
ميمونه .. ابنج فرفح من البجي ... فلك انتِ شكد هجمتي على خضر لان ماما بسببه ماتت
فلك .. جذب لعد
ميمونه .. همه هم الهم الحق يهجمون شأحجي وعلي جان وياهم علمود ابنج وهو هسه ممعروف وضعه
فلك .. لج انتِ شنو
ميمونه .. كل انسان عنده ردة فعل من يتهستر وضعه ذاك اليوم كدامج هجمت على خضر وحجيت ومن صفنت بعد الهدوء خجلت من روحي لان تجاوزت علي كدامج وكدام حمصه لان مو قصدي ومسيطرت على روحي لان جنت تعبانه
فلك .. دروحي ابقي هيج صدكيني راح يجي يوم تتندمين اني راح اخذ ابني واروح ...
ميمونه .. مشت سحبت ايدهه ... وين رايحه احنه علمودج هنا انتِ مخبله سمعي كلامي ابنج توج خليتي بحضنج
فلك .. ماابقه هنا تعبت
ميمونه .. فلك صعدي كافي بجيت بساعتهه من عنادهه ومن الموقف
فلك .. وخري من يمي خليني اروح عندي بيتي بكرامتي اعيش
ميمونه .. يا بيت تخبلتي انتي .... صعدي خلي ابنج بحضنج وسكتي خل يجي خضر الي ماادري وينه من البارحه افتهم ونشوف
فلك ... اني جبيره
ميمونه .. مو وكت كباريه احنه بوضع تعبان منعرف شنو انتِ بطرانه
ميمونه .. عناد فلك وتصرفاتهه المتسرعه دوم توكعنا بمشاكل اني مشايفه شي من رسل محلو اله هالمره وانطيت مبرر عصبيه مو مسأله ماعندي كرامه ... انقهرت وحسيتهه زادت وبالغت بردة الفعل بس مو وقت مشادات لذلك سكتت واساساً قلقه على علي وخضر تأخره من البارحه لليوم وعلي ابن فلك يبجي والوضع تعبان وفلك بعدهي عدتهه
دكيت على خضر مجاوب لبست عباية فلك واخذت فلوس وكتلهه راح اروح اجيبله ممه وحليب وارجع
طلعت والمحل هم جان قريب كلش جبتله ديالاك وممه وحفاظات ورجعت للبيت بسرعه سويتله ممه خطيه حتى صوته انبح وبلاعيمه ورمت من كدما بجه ....
شويه الوضع استقر شويه وهدأ مال بيت ... والولد ولا واحد منهم بين وحبوبه كالت علي بخير وطمنتنا .....
للعشرة بليل يالله انفتح الباب جنت كاعده على الدجه مال مطبخ احس نفسي ضيق كل ما اتصل ميجاوب من البارحه لليوم
وبالفعل هو جان ... وخالد بدلته العسكريه كلهه دم رحت عليهم
ميمونه .. الله يساعدكم شلونك ابو محمد
خالد .. هلو ميمونه
ميمونه .. الحمدلله الحمدلله على سلامة علي وجان خضر واكف يمه ضايج انطاني ايده بعد ما سلمت على خالد وقرب روحه ودنك باسني ابتسمت سبقنه خالد دخل للبيت وقبل لينطبك باب الكلدور كال ال خضر
خالد .. استعجل بس ابدل بدلتي وانزل
خضر .. ماشي اني هم بس ابدل بسرعه
ميمونه .. وين رحت خضر كم مره كتلي اجي وتختفي
خضر .. مردت اكلج علمود موضوع علي ابن فلك ... شخبارهه من شافت ابنهه
ميمونه .. زينه كلش ... أم وبعد ولكت طفلهه بعد غياب مكابلته وكاعده وتكول مكاعد اشبع منه
خضر .. ميمونه بسرعه جهزيلي الحمام اخذ دوش سريع لو تجبيلي ملابس للحمام واني اسبح كبل
ميمونه .. انهضمت لان حتى من يحجي مااعرف شلون صدك والله كلام فلك بس محجيت رحت كبل صعدت بس انكسرت ولمت روحي لان ابتسمت من شفته امدايه دوم اتندم مااعرف اتحكم بروحي
....بس اني لان شفت وجهه تعبان مردت اضوجه واحكم علي قبل لا اسمعه وين كمت اقنع بروحي واحاول امنع دموعي وابتسم
دكيت الباب علي للحمام طلع راسه شويه ...
خضر .. خوما خالد نزل
ميمونه .. لا ، صعدت اجهزله جواريب وحذاء واني انزل صعد هو
خضر .. وين
ميمونه .. هو دانزل اشوفك بالعافيه ، غمض عين وحرك راسه
خضر .. شبيهه عيونج
ميمونه .. مابيهه شي
خضر .. متأكده
هزيت راسي... مابيه شي... ليش مامنشف عدل قميصك مبلل جان لابس قميص اسود وبنطرون جيبنز ازرق طوخ
خضر.. مااعرف نشفت.. وصعد بقيت واگفه توني ردت انزل وصاحني وين نازله تعالي
ميمونه.. صعدت وراه... مشط وهو يلبس حذائه
خضر.. شبيج ميمونه اكو شي صاير
ميمونه.. لا
خضر.. متأكده
ميمونه.. لا
خضر.. لعد ليش تگولين ماكو شي شصاير
ميمونه.. مااعرف... مو وقتهه
خضر.. ليش
ميمونه.. مااعرف... بس وين جنت خضر
خضر.. مو گلتلج
ميمونه.. مگتلي
خضر.. گتلج... غير علمود علي ابن فلك... مردت اقلقج او تعرضين... وهيا صارت صدفه والوضع ساء حمصه كتل فواز
ميمونه.. لا مات يعني ... عزه.. عزه شلون صار هيج وحمصه وين هسة
خضر.. بالسجن
ميمونه.. يااا.. عود صدگ يالله... بگلبي گلت عزا بعينج فلك... تقرب يمي وحضني... ميمونه ليصير ببالج شي مو زين والله علمود سالفه فلك
ميمونه.. اي بس ردت اسئلك حتى اطمئن
خضر.. اطمئني لج هو اني شبعان منج شو باوعيني هاا أصار توني اجيت والمصايب وحدا ورى الثانية
ميمونه.. دگ الباب خالد دكتين سريعات... يلله يامعود شنو قصتك
خضر.. اجيت... اجيت
ميمونه.. باسني وطلع بسرعه... فكرت فلك شسوت يالله سلمان و وراهه علي و وراهه حمصه اووف يالله
رحت لملمت المطبخ شويا ودخلت ام خالد جنت توني مكمله وگاعد اصعد صارت بوجهي گبل خزرتني وبقت واگفه متتحرك وعيونه يردن ينطن... اني گبل نزلت راسي استجمع قواي
بعد گل هاي النظره وراهه گلتلهه الحمدلله على السلامه
ام خالد.. الله لا يسلمج ان شاء الله بت شوارع دخلت بيتي مو كافي علينا واحد لمينا وبقى على گلبي سنين النوب جابلي وحدا بت شوارع ولا مكفاهه جابلي اختهه هم
ميمونه.. عيب هالكلام
ام خالد.. عيب اذا نحجه لوحده بت اوادم مو وحدا مهزومه ويا واحد ومسويه روحهه شريفه
هيه الي تنهزم ويا واحد شتوقع منهه
ميمونه.. جنت متوقعه تحجي هيج جنت متوقعه من نظرة عيونهه تضربني بجسدي بس بحجيهه هذا ضربتني بگلبي
ميمونه.. مگدرت ارد عليه لان كلامهه سكتني لان بسببي بالفعل اني استاهل الكلام ومااگدر اجاوب لان اني بيدي خليت الناس تحجي... وخليت اليسوه والمايسوه يحجي بسيرة اهلي
صعدت واني اصعد الدرج بعدما دخلت هيا نزلت دمعتي وگمت امسح بيهه بيدي بس هواي دموع مسحت بشالي
_______________________
حمصه.. بعد مارجعت ابن فلك.. طلعت بالسياره
وبطريقي ل علي اشوف وضعه... ومااحس اله سياره المكافحه تكسر عليه... كلشي بسرعه صار جنت اعرف راح تصير هاي السالفة مامستغربهه بس ردت اطمئن على علي وبس وراهه كلشي عادي هو اني ضايع من طفولتي شيهم اذا هسة ضعت او لا
حاولو يمدون اديهم عليه جنت اهجم عليهم اكو واحد خله الكلبشات بيدي
حمصه.. وروح امك حفظتك.. على أيدي
.. تهدد... بأبتسامة استهزاء
حمصه.. استهزء...استهزء ظربني على بطني
اذاني بس مجنت اطلع صوت بالعكس ابتسم... أقوى... لك بابا لتصير فاهي وبعدين الرجوله مو تضرب واحد مربوط رجله وايديه
بمشادات اني ويا وكلام منه ومني
فجأه حسيت بليل واني اصلا محترك گلبي لان ولا واحد بيهم اجاني وارجع اكول معقوله صار شي ب علي محترك وخايف من الخساره والموت لعزازي والغرفه ظلمه فجأه بدون مقدمات انفتح الباب كمت بسرعه مشفت شي غير وجع شي حاد اخترق بطني وحراره ......
