رواية اسود توب الفرح الفصل التاسع بقلم خالد أسامه
كعدي اهنا وسمعيني للاخير ولا تكاطعيني ابد
انتي ما سئلتي نفسج ليش زينب لحد هسه مامزوجه وصار عمرها ٣٠ سنه
تعرفين منتصر هذا الشايف حاله اكبر حقير بالكون
ضحك ع عقل اختج وعشمها بالزواج والنذل بعد ما خرب سمعتها والكل دره بأمرها عافها وراح عالغريبه وزوجها
والدنيا شتكول
مثل ماتدين تدان
ياعني ياحبيبتي هباوي كلشي دين ولازم نرده
اني من شفت زينب نعارت وحلفت يمين متزوج اني هم احلفت يمين اسوي شي بخواته ورده الصاع صاعين
شوفي انتي جبرتيني عالحجي اني رغد بيوم الحديقه جنت ناوي عليها نيه كشره وفعلا سويت الي براسي رغد مو ابنيه صارت مره الي هسه
هبه ..شنوووو عقيل انت واعي الكلامك تعرف شتكول
يعني رغد صارت مره يعني نمت وياها عقيل والنوب تحجي وتكول اخوتها ضربوني ولك زين ما كتلوك جان هسه انت بالكبور عقيل
لا لا انت فعلا مخبل لازم احجي الماما
بالقرأن اذا فتحتي حلكج بكلمه اكسر راسج وكص السانج
اني كتلج حتى تعرفين ليش اني اكرهم ابسبب منتصر وضحيته اختج زينب
هبه ..بس هذا مينطيك الحق تاخذ رغد بدون زواج
حرام عليك زين مفكرت بيه انت يمكن يأذوني اني
ميأذوج
شمدريك يمكن يفصلوك بيه يالفهيم
زين رغد تعرف نفسها مو ابنيه بعد صارت
ماعرف بس اني شفت دم اكيد عرفت اني اخذتها لان هي قاومتني بقوه وبجيه حسين كبل لمت نفسها واني ابتعدت عنها
والله ياعقيل اني خايفه لتروح تحجي لهلها شي والنبي يكتلوك خلاص
لا ميلحكون عليه
شلون بله قابل راح اطير
اي اطير التركيا ومناك اطلب لجوء المانيا تذكرين هشام صاحبي كلي بس اطلع التركيا واني احصلك طلب لجوء
اي والله سبع ياخوي تعوف خواتك وامك بسبب انتقامك الي راح يوديك للكبور
هااااااي انتي شبيج اللسانج بس يتمنالي الموت انجبي وسدي حلكج وبعد لا تفتحي وياني اياج اسمع خبر عن الكلته الج وحق الحسين اكتلك خلاص
روح روح عقيل الله يهديك
طلعت والف فكر في بالي زين هاي الثوله شلون وافقت شلون سكتت
معقوله محست بشي لو خايفه ومتحجي شلون يالله اريد التقي بيها واحجي وياها
لازم اليوم اقنع امي نروح عليهم لازم حتى اعرف منها الصار
بان .. اخوتي دزو خبر العقيل حتى يطلك
وعقيل معاند ما يرضه يطلك وهي مقهوره حيل واخوتي متعصبين من هالموضوع
صار ٣ ايام كل ما يرحون البيت خالي ما يشوفون عقيل
منتصر تحلف اله يكتله
اسامه كمت ما اتصل بي لان وضعيه البيت مشنجه حيل لان اخاف
بس اكتبله رساله اوضحله سبب غيابي عنه
خالد ..صارله بالشهر ما مر علينه واليوم مدري شعجب اذكرنه
دك الباب وحسين فتحها تسالموا ودخله للهول
احنه الكرايب الحيل ما ندخلهم للصاله لان نعتبرهم مثل اخوتنه ومن ضمنهم خالد لان صديق الولد حيل
صاحلي حسين
بان سوي اثنين جاي
اي
حضرته وخليت كعك بالماعون وديته الهم
طرقت الباب
دخلي
وبدخلتي جتي عيني بعيون خالد ماعرف حسيت بنظره بيها خوف ورتباك حسيت عيونه بيها حجي
طلعت ابساع حتى نسيت ما سلمت
خالد .يمه من دخلت جنها كمر وتمشي بالكاع
وأناطر چم وكت وعيوني مشتاگات .
ويســـئلِي يگولــــــن ماتمر لحظــــه .
مـــانكســـر خــواطر ماتحن فد يوم .
وأتــمتع إبشوفــــــك وشكلك إنحفظه.
اووووف ياضيم كلبي لشوكت تظل تعاني
يابان لو تعرفين شكد حضني مشتاك يضمج
ويخليج بين اضلوعه مثل الكلب من محبوسه خايفين عليه لا تطلع روحه
انه الطفل الي متيه امه انه هيج احسن من ما اشوفج يا بنت كلبي
يمته تنقفل علينه باب انه وانتي وحيدنه
حسين ..وين صفنت خالد
هاااااا لا وياك
ولك يا وياي ..انت غير درت الجاي ع نفسك وما حسيت جنك حتى ما نجويت
لا انجويت بنار كلبي
شنو
لا مو وياك
ههههه اليوم انت مو ع بعضك خيرك جنك عاشك يخوي
اي ااااي
هاااا خالد يجر حصره
احجيلي اححيلي
شحجيلك وضيم البكلبي ما ينحجي ولا ينسمع
لا بشرفك احجي
خليها ياحسين مو وكتها وسولف بيها
خلهن مو ....وكتهن
خاطر. ...احجيهن
يجيني. ..الليل
واكعد ....وانفرد بيهن
وافتح. ...بابهن
فتحه ....جناح الطير
واراويك ....الجروح ألما مراويهن.
خلهن مو وكتهن.
حتى اسولفهن.
اطلع ضيم گلبي من اطلعهن
چثيرات الجروح. وصعب اشدنهن
و اعز من روحي ذاك الي مسببهن
يجي يوم. انتلاگه وينكشف سرهن
خلهن مو وكتهن
حتى اسولفهن
حسين ..خايب سالفتك جايده حيل
خالد ..اي والله يخوي
انه واكع والوكعه وكعه
حسين .شنو بس لا تكلي انت تحب
خالد .اي ليش لا قابل وحد عن اليحبون
حسين .خالد بس انت مزوج
واذا مزوج يعني المزوج مايحب
لا مايحب غير زوجته وزوجتها ع حب والنوب
لا لا وسن مو ع حب ازوجتها جانت اختيار امي بس اني الاحبها بعدها صغيره وتانيها تكبر اشويه
حسين .خايب تحب طفله شنو شبيك تخبلت
لا مو طفله بس كتلك صغيره
حسين..اي يعني طفله
خالد ..حسين شو جاي تخنكني بالكلام شبيك وياي
خليني احب ع راحتي
عمي حب بس اني انصحك حب مرتك وطفلتك احسن من هالعب
منو كلك العب اني ناوي ازوجها
وهي تدري انت مزوج
اي تدري
زين هي موافقه
هذا هو المحيرني
شلون يعني
اني ياحسين ماعرف هي تحبني اولا
لعد شلون راح تخطبها
لان اعرف من اتقدم اهلها ما يرفضون
وانت شلك بهلها اهم شي هي البنت يمكن ما تحبك او ترفضك
ما ترفضني او ما اخليها ترفضني
والله سالفتك تحير العبد
خالد ..خلينه من سالفتي احجيلي انتوا اسويتوا ويه هذا الارعن عقيل
حسين ..اليوم اخر يوم اله يجي يطلك اذا ما اجه نروح احنه الولد نضربه ضربه معدله ونطلكه من خشمه
بان .. اوووف لشوكت يبقى هذا يوميه جاي علينه والله طكت روحي منه ومن حياته والنوب ما يستحي كدام اهلي يدلعني ويطلب مني جايات وغدوات وكيك والله يا الله يضم جوعته يمنه يجي ياكل
بعدين مليت لان بس افكر بجيت الغثيث طلعت تلفوني وراسلت حبي الوحيد
هلو يا روح روحي شلونك
هلو حياتي اني بخير بشوفه حروفج
حب اليوم اني بالدرس وكتبت الك هذا الكلام
ياهو حبيبي خلي اقراه دزي
اي صار
اريد اكتب شعر عن اجمل انسان
واحله اشعار عندي بلا عناويين
عن عشكي الجديد وبيه ولهان
وصرت اول ياناس اعله المجانين
اذا قلمي خلص والحبر مابيه
هاك اكتب ابدمي والشرايين
واذا دفتر اشعاري خلص ابساع
اكوم اكتب شعر فوك الحياطين
راح اكتب بعد مااحمل الشوك
ماتهمني بعد كل الموازيين
يادلة عشكنه وهيل وظيوف
وخل نشرب غرام م̷ـــِْن الفناجيين
الله هذا كله الي
اي بس الك ينكال الغزل وبس الك احب اتغزل
فدوه الكلبج يا عسل روحي
حبيبي اريد اشوفج فدوه خلينه فديوم نطلع
عزه اسامه وين اطلع غير يذبحوني اهلي
حبيبي هم شمدريهم
شلون شمدريهم
حبيبي انتي مو اداومين
اي
اكيد همه بهذا اليوم عبالهم مداومه بس انتي راح تكونين ويايه
لالا اسامه شتحجي انت ما اسويها اختي شكللها
مو اله اختج تدري
شلون متدري
شوفي حبي
اني دوم اشوف اختج غايبه
بيوم التغيب تعالي يمي للمحل ومناك نطلع محد يشوفنه
لا اسامه والله صعبه
وعيونج سهله فكري بيها عدل ورجعيلي خبر
عود افكر
لا فكري انتظر منج رد
ان شالله
اسومي ..تدري اني شكد احبك
واني ميت عليج .صدكي ماتحله ابنيه بعيوني غيرج بس ساعديني محتاج اشوفج بان
ميخالف حبيبي نشاوف عود
يله باي
سديته منه وفكرت هواي بكلام اسامه صح صعبه وعيب اطلع مع غريب بس اني احب اتعرف عليه واعرف كلشي عنه
خوما اصير مثل سالفه رغد خطوبه وبعدها طلاك
لا ما اغلط نفس غلطتها ابد
راسي تعب من كثره التفكير نمت وصحيت احس راسي مسطور
كمت رحت للمطبخ سويت جاي وطلعت قطعه كيك
انتهاء ..شعجب وحدج كاعده تاكلين
بان..شو الكل نايم صحيت راسي يوجعني
كمت سويت جاي وشربت تعاي تفضلي ويايه خل ناكل
اي صبيلي جاي خل اطلع الكيكه
شربنه واكلنه
كمت رحت لغرفه وهم رجعت افكر بالموضوع
رغد ..بان عندي موضوع وياج
اي كولي
انتي تعرفين قضيه الحديقه الخلفيه
اي اعرفها شبيها
اكلج تره عقيل مو بس باسني
بان..عزه لعد اسوالج
وندكت باب غرفتنه .منو اني انتهاء منتصر يكول نصن صوتكم لان مد يكدر ينام
اي تدللين
يله كملي رغد .اوكفي هذا اسامه دك عليه
دك عليه اسامه ما احجي اتصال بس مراسله
🗨ها قررتي
🗨اي بس منروح في اي مكان
🗨لعد وين نبقه
🗨بالمحل منروح ولا نطلع
🗨بس اني ويايه عمال شلون
🗨ماعرف
🗨هااا الصبح يجي بس عامل واحد
🗨بهذا اليوم ما اخلي يجي
🗨اي اوك
🗨شوكت
🗨يوم الاحد متفقين
🗨اي
......
صار الموعد ورغد غابت لان جانت مريضه فلاونزه خطيه
واني نسيت اسئلها عن خبرها الضامته عليه لان التهيت بالامتحان واسامه
رحت وصلت للمحل ماكو احد شفت الباب مغلقه
ظليت متردده
عبالي امشي للمدرسه مشيت ورجعت تقريبا مرتين اوصل وارد ارجع والباب مغلق
كلت في نفسي خل ادح باب المحل دكيت الباب
طلع اسامه
فوتي فوتي ابساع
هلو
شلونك
زين
دخلت سد الباب هو
هاي اسويت
سديت الباب
ليش ...حتى محد يضوجنه
خفت لان هاي اول مره اسويها والتقي مع شاب وحدنه وبمكان مغلق
زادت دكات كلبي وبده جسمي يرجف
اسامه ..شبيج بان شنو بردانه
ماريد ابين اله اني خايفه كتله اي ياريت تشعل مدفئه
مو تدللين
شكرا
سحبلي كرسي وجابلي مي وكعد اكبالي سحب يدي بيده صارت
ولج شدعوه هالخوف
صدكي وحق الله الفوك سماه ما اسويلج شي بس حبيت التقي بيج نكعد نحجي نتعرف اكثر
تره اني ابن اصول ورايدج بالحلال
متجي لعد تتقدم شمتاني
بس تخلصين هالسنه دراسه اجيلج
اي موت ياحمار
لا وغيونج اني صادق وياج
من خلال كلامه ارتاحيت اله هواي
كانت اسوالفنه حلوه وشكد حسيت بي يحبني
متمنيت الوقت ينتهي
بان تعرفين شكد احبج واتمناج الي
بان انتي انسانه نادره الوجود عقلج اكبر من عمرج
اسامه انت هم اجمل رجل شافته عيني بيك كل الموصفات الحلوه
وياك احس بالامان والحب والراحه
اسامه طلبي منك لتعوفني
ماعوفج للموت اني ما صدكت لكيتج شلون اضيعج
قرب وجهه عليه وصارت انفاسه اتنفسها اني عطره يموت ولحيته الناعمه ذبت في جماله
باسني وبعدها حضني كانت لمساته تجذبني اله اكثر واكثر
بان ..عطرج وجسمج ودلعج موعن كلبي ما اتحمل بعد ارحمي كلبي الصغير
يله اسومي خلي اطلع الوكت انتهى
اوك حبيبي بس عيديها لا تبخلين عليه
ميخالف يله باي
طلعت واني طايره من الفرح والسعاده مرسومه بعيوني وشفايفي
الحب حلو لو كان نظيف وعفيف وبريء
ظليت ادعي في كلبي يكون اسامه زوج الي ويكون شريك حياتي طول عمري
بطلعتي شويه وطلعت المدرسه انتظرت شهلاء
هلو حب
ولج انتي مو غايبه شلون هسه جايه ابملابس المدرسه
شهوله جنت يم اسامه
لا صدك ولج احجيلي لعد
مو هسه احجيلج غير وكت بالمدرسه
وشيصبرني عيني
لعد اراسلج عود من ارجع للبيت
اوك راح انتظرج حتى مراح انام
اي يله وصلت للبيت
باي
رغد ..بان اشوفج اليوم حيل فرحانه خيرج
اسكتي رغد اليوم اجمل واحلى يوم في عمري
اليوم نولدت من جديد
شكو ليش
لج التقيت مع اسامه
عزه بعينج وين التقيتي بي وما خفتي من اخوتج الناس يشوفوج
لا ما خفت لان حبي اله صادق وهو ايضا مجان ناوي يلعب ويايه
وحلفلي اديان يجي يتقدن الي
وين التقيتي بي يامصخمه
بالمحل وحدنه
عزه العزاج يابان بس لا سوالج شي يامصخمه
لا ولج اصلا ولد محترم ابشكل ميطلع منه الغلط
تغدينه ودزيت رساله الشهلاء
🗨 شهوله وعيونج من اصحه من نومتي كلشي احجيلج وعيونج
صحيت العصريه شفت تلفوني مكلوبه الكائنات بي شهلاء ممخليه برنامج يعتب عليها كلها رسائل والاصال بالميه اتصال
رجعت راسلتها وحجيت كلشي الها رسائل
خطيه اتمنتلي يكون من نصيبي
وبعدها سديته منها وضلينه نسولف اني ورغد حتى نص الليل
بس بان بعد لتعيديها تره اخوتج من يسمعون ما يرحموج والله
اعرف وانتي ويايه هم راح اساعديني
لا عيني اني خارج قوس
ليش رغد مو انتي اختي ولازم اساعديني
ولج صدك مكتيلي ع موضوعج احجي هسه يله
ماعندي موضوع
انتي كتيلي عندج سالفه
اي ع باجر من تجي هبه احجي
وليش اله هبه
لان هي دازه خبر علمود موضوع عقيل الحقير
اي انتي مو اطلكتي منه بعد شكو
بان اكو سالفه انتي متعرفيها واني اريد اعرف ليش هيج سوه عقيل ويايه حتى افتهم
احجي رغد تره وكع كلبي
باجر بان لتلحين عليه فدوه
