رواية من الذي احبه ( كاملة جميع الفصول ) بقلم لولو وائل

=انا حامل

=نعم انتى بتقولى اى

=زى ما سمعت انا حامل ولازم تتجوزنى

=ايوه انا مالى هو انا اعرفك ولا عمرى شوفتك

=نعم اومال مين إلى كان معايا امبارح

=امبارح اى انا لسه نازل اسكندريه انهارده اول يوم ليا هبقى معاكى امبارح ازاى

=قصدك انى بكدب

=هو انتى مستنيه اقولك انك على حق انا اول مره اشوفك والله شوفى كنتى مع مين وجايه ترمى بلاكى علياا

=انت هتستعبط يا دياب

=دياب مين يا انسه انا أسمى ادهم معرفش مين دياب إلى بتتكلمى عنه ده

=يعنى اى انت عارف انا لو روحت وبابا عرف هيعمل فيا اى

ادهم=والله يابنت الناس لو كنتى خايفه من ابوكى كده وبتحترميه مكنتيش غلطى غلطه زى دى وكمان تلبسيها لأى واحد فى الشارع

نظرة له وهى غير مصدقه اهو يكذب لكى يهرب أم أنه ليس دياب وشعرت بحزن شديد على حالها وعلى ما بقت عليه الآن وبدأت بالبكاء=يعنى انا اعمل اى دلوقتى اروح فين ولا اجى منين والواد إلى فى بطنى ده اوديه فين

شعر بالحزن على حالها وعلى ما توصلت له بسبب افعلها =والله يابنت الناس انا مفيش فى ايدى حاجه اعملها ليكى لو كنت اقدر اساعد كنت ساعدتك بس الى انتى بتقوليه ده مسؤوليه كبيره انا مش قدها دورى على أبوه يمكن تلاقيه

فقدت الامل وذهبت دون الرد عليه وكانت تسير وهى غائبه عن وعيها إلى أن اتت سيارة مسرعه وصدمتها وسقطت غارقه فى دمائها

=لاحول ولا قوة الا بالله باينها ماتت

= لازم نوديها المستشفى بسرعه يمكن نلحقها

وكان هناك فتاتان حملاها وذهبوا الى المستشفى واتى الطبيب وذهبوا بها إلى الطوارئ

واتت الممرضه لتعرف اى شئ عن المريضه =هى ملهاش أهل او حد نكلمه

=مش عارفه حتى مكنش معاها تليفون

وبعد قليل اتت الطبيب وظهر على وجهه معالم الحزن =البقاء لله المريضه ماتت والجنين إلى فى بطنها كمان مات

=لا حول ولا قوة الا بالله هى كانت حامل

نظر الطبيب بتعجب من سؤالها = هو انتى متعرفيهاش

=لا والله ابدا انا اول مره اشوفها انهارده

=واهلها فين

=معرفش والله

=لازم نتواصل مع اى حد من عيلتها علشان يستلم الجثه

= طب انا هتصرف هشوف مكان ما عملت حادثه يمكن الاقى تليفونها

=تمام

ذهبت مرة أخرى لمكان الحادث وظلت تبحث فى كل مكان ولكن لم تجد شئ إلى أن سمعت نداء أحد

=يا انسه حضرتك بدورى على ده

=ده تليفون البنت الى عملت حادثه

=اه بس معرفش انتو روحتو فين ونقلتوها على مستشفى اى علشان كدا قولت اخليه معايا لحد ما اقدر ارجعهولها هى عامله اى دلوقتى

=هى فى مكان احسن دلوقتى هى عند ربنا ادعيلها

=لاحول ولا قوة الا بالله ربنا يرحمها ويغفر لها

=شكرا يا رجل يا طيب هرجع بقى المستشفى واتصل بأى حد من عيلتها

=العفو يابنتى ربنا يكرمك ويكتر من امثالك

=ربنا يخليك

وذهبت مرة أخرى إلى المستشفى وكان الهاتف مغلق وظلت تحاول حتى ظهرت صورتها على شاشة الهاتف وبحثت فى الارقام ووجدت رقم والدها وقامت بالاتصال

= جميلة انتى فين يابنتى قلقتينى عليكى

=السلام عليكم ورحمة الله وبركاته حضرتك والد جميله

=ايوه انا مين معايا هو ده مش تليفون جميله

=ايوه هو بس جميله عملت حادثه

صدم مما سمعه وقلق بشده كاد قلبه يقف من القلق= هى عامله اى دلوقتى يابنتى

بحزن شديد لأنها سمعت فى صوته قلق شديد على ابنته =البقاء لله

نزلت هذا الكلمه كالصعقه عليه سقط الهاتف من يده وهو ينظر فى الفراغ ولم يستطيع الوقوف على قدميه وسقط على كرسيه إلى أن اتت ابنته وقلقت عندما رأت حالته

=بابا مالك اى إلى حصل

بدموع وحزن شديد= اختك ماتت يا هدى جميله ماتت وسابتنا

صدمت هدى مما قاله والدها وبدأت فى البكاء مما سمعته= ازاى ده حصل هى فين دلوقتى

مد يده لها واعطاها الهاتف لعدم مقدرته على تكملة الحديث وأخذته هدى منه=الو الو

=الو مع حضرتك

=ممكن تقوليلي هى مستشفى اى

=مستشفى *****

=تمام احنا جايين حالا

وأغلقت الهاتف وظهرت علامات تعحب على وجهها أنهم كانو يتسألو عن جميله ولم يتسألو عن الجنين= هو محدش كان يعرف انها حامل ولا اى طب اقولهم ولا بلاش شكلهم ميعرفوش مش هقول وخلاص وبالمره هنبه على الدكتور ميقولش هما مش ناقصين صدمه

وذهبت لمعرفة اين الطبيب وذهبت للغرفه التى بها = ممكن كلمة لو سمحت

ذهب الطبيب إلى خارج الغرفه لسمعها =اتفضلى

=بص انا مش عارفه إلى بعمله ده صح ولا لا بس ممكن متقولش لاهل المريضه أنها كانت حامل

ظهرت علامات تعحب على وجه الطبيب من طلبها =ازاى يعنى أخبى حاجه زى كده

=انت عندك كامل الحق طبعا بس هما فى الاغلب ميعرفوش حاجه لو هما عرفو بطريقه دى الله واعلم ممكن يحصلهم اى هى ماتت محدش كان يعرف انها حامل وربنا سترها مش هنيحى احنا ونفضحها انا عارفه أن ده مخالف بس حرام هى دلوقتى ماتت وبتتحاسب ربنا اكيد هيحاسبها على طفل ده اذا كان جه بالحلال أو بالحرام مش عايزين نعيش أهلها بالذنب ده وكمان يدعو عليها اكيد انت فاهمني.

تفهم الطبيب ما قالته وقال بإبتسامه = تمام هعمل إلى انتى عايزاه

= شكرا جدا

وكادت أن تذهب ولكن أوقفها صوت الطبيب ونظرت له مره اخرى

=انتى اسمك اى

=روح أسمى روح

= وانا مراد

=اهلا بحضرتك لازم أمشى بقى عن اذن حضرتك

بإبتسامه خفيفه= اتفضلى

وظل ينظر لها إلى أن اختفت من أمامه

واتى صديقة ووجده يقف وينظر عند الباب ومبتسم

=انت اهبل

ونظر له مراد بغضب = اى اهبل دى انت كمان عايز اى يا اسر

=واقف ومبتسم كده ليه اى حد هيشوفك هيقولك اكتر من إلى قولته

نظر له مراد بسخريه = هما كلهم زيك كده انت جاى ليه

=فى حالة جت جديده ياريت تشرفنا وتيجى تشوف مالها بدل ما انت واقف بتوزع ابتسامه

ادهم= يلا يا خفيف

وذهبوا الى المريض ليكملو عملهم وكانت روح تسير وهى شارده وتفكر ماذا سوف يحدث لعائلة هذه الفتاه وهل هذه الفتاه متزوجه ام لا ومن والد الجنين وفى لحظه بدأت ابعاد كل هذه الأفكار = انا عماله افكر فيها ليه هى ولا قريبتى ولا ليا صله بيها هى مجرد حالة انسانيه خلينى ابطل تفكير بقى وأشوف حياتى وربنا يرحمها بقى ويغفرلها ويسامحها

وظلت تفكر مره اخرى طوال الطريق إلى أن وصلت إلى منزلها ودخلت =السلام عليكم ورحمة الله وبركاته

=وعليكم السلام ورحمة الله وبركاتة كنتى فين يا روح

وحكت روح كل ما مرت به ولكن دون أن تذكر حمل الفتاه أو ما قالته للطبيب

حزنت والدتها كثير على الفتاه= لاحول ولاقوة إلا بالله ربنا يرحمها يارب

حاولت روح تغير الموضوع بشئ اخر = عامله اكل اى يا ست الكل

=كشرى

روح ببعض من المزاح= طبعا انهارده الاربع يوم الاكل الشعبى العالمى عندنا وانا إلى قولت هاجى الاقى شاورما

= انتى بتتريقى

= لا طبعا كل حاجه من ايدك حلوه الحمدلله أن فى اكل فى البيت

واتت اخت روح الصغيره فور سماع صوتها

= فشتى

= كرشتى

= اى المسمط إلى قاعده فى ده الله يقرفكو

وذهبت الام إلى المطبخ لتحضير الطعام لهم

روح=عجبك كده

= الله يعينى مدلعش اختى

= لا دلعينى طبعا يا كرشتى

= كنتى فين يا فشتى

= كنت فى مشوار كده قوليلى عامله اى فى جامعتك

= كلو تمام وانتى لاقيتى شغل

= كنت هقدم فى مستشفى بس ملحقتش اروح هروح بكره بقى

= ربنا معاكى

ونادت الان عليهم للعشاء

وصل ادهم إلى المنزل الجديد الذى استأجره للتو وبدأ فى ترتيبه ونام من كثرة التعب فى اليوم التالى استيقظ وبدأ بتجهيز أوراقه للذهاب للتقديم فى عمل جديد له

فى منزل روح استيقظت وذهبت للاغتسال وأدت فريضتها وذهبت إلى المائدة وشرعت فى تناول إفطارها

= جهزتى كل ورقك

روح= كلو تمام همشى بقى علشان الحق

= ماشى يابنتى ربنا معاكى ويوفقك يارب

= يارب يا ست الكل يلا سلام عليكم

= وعليكم السلام ورحمة الله وبركاته

وتجهزت روح وذهبت إلى المستشفى التى كانت تبعد سكنها ب ١٥ دقيقه تقريبا وذهبت إلى الاستقبال لتعرف اين سوف تتقدم وطلب منها الاستقبال الانتظار لانتهاء دور من بداخل

ذهبت روح وجلست على كرسى وظلت شاردة حتى يأتى دورها

كان ينزل من سيارته ببدلته الأنيقة للتجهيز لعمله وذهب إلى الداخل ولكن سقط نظره على روح وعندما رأها ابتسم على الفور وذهب إليها

مراد= انسه روح عامله اى

روح= اهلا بحضرتك

مراد= بتعملى اى هنا

روح= كنت جايه اقدم بس مستنيه دورى

فرح مراد عندما علم أنها تريد العمل فى نفس المستشفى وأنه سوف يراها كل يوم = ربنا معاكى انا هتضطر ادخل بقى علشان اشوف الحالات إلى عندى

روح= اه طبعا اتفضلى

وذهب مراد وجلست روح مره اخرى الى أن ندت لها الفتاه لتقول لها أن الان دورها ودخلت روح بعدها

ذهب إلى الاستقبال بعد ما قال له الطبيب أنه وافق على تعينه لكن كا طبيب مساعد كتدريب له وسوف يكون مدربه الطبيب مراد المحمدى وذهب ليسأل عنه = حضرتك الاقى فين دكتور مراد المحمدى

=هو كان لسه داخل دلوقتى هتلاقى فى اوضه تسعه

ادهم = تمام شكرا

وذهب إلى الغرفه حيث ما قالت له الاستقبال

كانت روح قلقه قليلا من عدم قبولها وبعدما اطلع الطبيب على أوراقها = اسمك روح حسن نصر انتى بنت الدكتور حسن نصر رحمة الله عليه

روح= هو حضرتك تعرف بابا

= اه طبعا ده كان أستاذى هو إلى معلمنى كل حاجه واتمنى انتى كمان تبقى زيه

= إن شاء الله

= ماشى يا روح انتى هتبقى طبيبه مساعده لازم التدريب فى البدايه وتبقى مع الدكتور أسر سليم

= تمام شكرا جدا لحضرتك وان شاء الله هبقى عند حسن ظن حضرتك

= بإذن الله تقدرى تتفضلى

= عن اذن حضرتك

= اتفضلى

خرجت روح وهى سعيدة للغايه بقبولها وهذا كان بفضل والداها ذهبت لتعرف من الطبيب التى سوف تكون معه وسألت عنه حتى ووجدته فى غرفت الأطباء

= السلام عليكم ورحمة الله وبركاته

نظر إليها مراد بتعجب = وعليكم السلام ورحمة الله وبركاته فى حاجه ياروح

روح= كنت بدور على دكتور أسر سليم

شعر مراد بضيق عن ذكر اسمه رجل آخر امامه= عايزاه ليه

= هبدأ تدريب معاه أن شاء الله

وجاء الرد من أسر فى هذه اللحظه= اهلا بيكى يا روح انا دكتور أسر

ومد يده إليها نظرت له وفهم ما تريد وانزل يده مره اخرى تحت نظرات اعجاب مراد الشديد بها وبإحترامها

روح= اهلا بحضرتك

أسر= تقدرى تغيرى هدومك وهنبدأ إن شاء الله

روح= تمام

ودخل ادهم فى هذه اللحظه

= السلام عليكم دكتور مراد المحمدى موجود

نظرت له روح بصدمة كانت غير مصدقه مما رأته = ادهم انت عايش

ادهم بصدمه = روح.....