رواية احببته لكنني متزوجه كاملة جميع الفصول بقلم مجهول
اني سهى : بنية عادية محلوة هواية وسمينة ومحجبة خلصت الكلية وتزوجت بأبن عمي ( يونس ) بس ماكو جان بيناتنه علاقة حب فقط اتقدملي وابوية قبل لان هو ابن اخوه وعائلتنه مقيدة بتقاليد عشائرية . اتزوجت وصار عندي بيت لوحدي وزوجي يونس يشتغل بشركة نفط شخص واني ما توظفت لان ميصير البنت تتوظف وتشتغل فقط مكاني البيت انظف البيت واغسل وكوي الملابس وحظر غدا واكون ومارس طقوس الحب مع زوجي وهو ممارسة الجنس. اما يونس ( زوجي ) يطلع الصبح ويرجع الظهر يتغدا ويمارس الجنس ويايه وينام ويكعد العصر ويبدل ويتكشخ ويطلع ويرجع العشا سكران ومرات لا , وياكل ويكضي وقته على الفيس بوك من محادثة الى كروب الى صفحة الى فيديوهات وبعدين يمارس الجنس ويايه وينام وهكذا هي الايام معادة و معادة و معادة ومرات ايام الجمعة نروح لبيتهم ولبيتنه حيل اتونس من اشوف اخواتي واخواني واخوانه واخواته نكعد نسولف ونطلع الضوجة الي بداخلنه ومن يصير الليل ينتهي فقرة الونسه ونرجع لبيتنه السجن الكئيب. وراها بأسبوع اخو يونس ( زوجي ) اتزوج ورحنه لعرسه لبست احلى الملابس وتمكيجت وكلت :
سهى : يونس ملابسي حلوة لو لا ؟
يونس : اي عادي حلو .
سهى : لا امانة عليك حلوة لو لا حتى ابدلها ؟
يونس : يالله فضينه راح نتأخر وبعدين اشما راح تلبسين متصيرين حلوه !!
سهى : صدك تحجي لو تشاقة يونس ؟
يونس : يالله سهى بسرعة مو وكت الحجي خلي نروح ترا اني اخو العريس .
سهى : تمام خلي نروح .
وبطول الطريق واني بكلبي حسرة بحجاية يونس اشما تلبسين متصيرين حلوة ؟
انقهرت كلش بس شسوي مو بيدي شي وهو اصلا حياتي مابيها شي جديد غير الشغل والطقوس الزوجية واذا حجيت كلمة راح يحجون عليه كلهم وينتقدوني وصير حجاية بحلوك الكرايب وخاصة ابوية العصبي وعمي العصبي بس شسوي رحنه للعرس طبينه لبيت عمي وصرنه نركص ونهلهل ونصفك ونردح والشباب جانو يركصون جوبي انتهى العرس بس نحن البنات ضلينه نركص يونس صاح اختها اسمهاء وكاللها
يونس : اسماء وينها سهى ؟
اسماء : دتركص جوااا اصيحها ؟
يونس اي صيحيها كولليلها خلي تجي بسرعة لان باجر وراية دوام .
اسماء : تمام .
سهى : ها يونس نروح ؟
يونس : لعد شنو نبقى وبعدين ليش تركصين والركص ما يلوكلج وانتي سمينة !
سكتت كلشي ما حجيت كعدت بالسيارة وهو كام يسوك وطلع جكارته وكام يدخن طول الطريق وصلنه للبيت طبيت وكلي :
يونس : روحي حضريلي الحمام .
سهى : تمام هسه راح احضره .
