رواية كان اخي كاملة جميع الفصول بقلم مجهول
تتكلم عن فتاة عاشت حياتها في بيت خالها فكيف لابن خالها الذي تعتبره اخاها والذي يكبر عنها ب13سنه قد اغرق في حبها وهي لاتعلم!!
اني ملك عمري18سنه من يوم توفت امي جان عمري5سنوات عشت حياتي بيت خالي .حيل جنت متعلقه بيهم واحسهم اهلي. عندي خوات2 فرح ومرح اكبر مني مزوجات واخواني 3 هم كلهم مزوجين اثنين منهم عازلين وواحد كاعد ويه عيلتو مع ابوي بيتنه الاصلي
خالي اسمه محمود ومرته اسمها سميه عدهم 2بنات و3 ولد
الجبير بيهم عمرو31سنه اسمو هيثم.والثاني اسمو حسن عمرو23 بعدين هديل عمرها20 سنه وهبه عمرها18 بعمري واخر شي مصطفى عمرو10سنوات.
راح احجيلكم مقدمه عن القصه
اني ملك من يوم امي توفت عشت عمري بيت خالي ..مرت خالي مثل امي حيل تحبني وتعتبرني مثل بناتها دايما تكول اني عندي3بنات مو2.وخالي هم نفس الشي.من جنت زغيرة جنت اذكر دايما هيثم ياخذني للمحلات ويشتريلي ويحبني حيل هو كان هس بدة يشب واني بعدني طفله.شريد يجيبلي وين مايروح اروح وياه حتى شعري جان يمشطلي اياه ازود من اخوتي احبه وعلاقتي بي قويه .اذا احد يزعلني اويضوجني جنت اروح علي كبل...مرت السنين وكبرت وصار عمري18وهو عمره31 هو كلش واعي ويفتهم بكل شي مخلص دراسه قسم هندسه وموضف بالكهرباءبقت علاقتي بي قويه وماتغير شي واكثر الوقت اكضي وياه....
الدنيا شته وباردة وجو مطر...
ملك :يمااااه شنو هاي ثلجت
سميه:ولج شعرج اخضر روحي فيري بالفير هس يبرد وتتمرضين
ملك:هس
رحت افير شعري طفت الكهرب
ملك:اهووو شنو هالحض
سميه: هديل بنتي روحي شغلي الصوبه الكازيه هاي ملك سبحانه وهس تبرد
هديل: اي هس.......تعاااي ملك هين للغرفه شغلت الصوبه
ملك:اي هيااان جيت
كعدت يم الصوبه ومثلجه وشعري اخضر بعد مامشطته هيثم كاعد عالقنفه ماسك اللابتوب
اجت هبه
هبه:شو وخري خلي اكعد يم الصوبه باردة حيل
ملك:ماكاعد تشوفيني سبحانه
هبه:شنو يعني بس السبحان يكعد يم الصوبه شو وخري لي غاد
ملك:امشي من هين ماروح
هبه:شنو مسجله بأسمج الصوبه يعني شو زولي
هيثم: يمعودة متشوفينها سبحانه هاي شبيج
هبه:سبحاان الله....اروح احسن
ملك:هيثم تعال مشطلي مثل قبل
هيثم: اي بس هاي ضلت
ملك:عفيه...
اجه يمشط شعري اتكيت على رجلي وبدة يمشطلي واني مخليه رجليه عالصوبه اخذني الواهس وغفيت.فجاة سمعت
هبه:هلا والله ماشالله الصوبه الها وفوكاها يمشط شعرها.شو اني ماتمشطلي
ملك:اي اني كتله يمشطلي وانتي شكو. طلعت هبه من الغرفه مبينها زعلت
هيثم: ها ملك خانم ارتحتي هس
ملك:اي شنو يعني واذا
هيثم: هي عادي ومابيها شي بس متعرفين هبه شويه تغار
رجعت الكهرب وصارت الدنيا مغرب وباجر عندي امتحان انكليزي
درست نص المادة وبقه موضوع اسمه المبني للمجهول ماعرف بي هواي موضابطتو رحت على هيثم يدرسني اياه
ملك: بس اريد تدرسني هذا الموضوع
هيثم:ياهو
ملك: المبني للمجهول
هيثم :سهل هذا شو طلعيلي اياه
بدة يدرسني ويشرحلي الموضوع بديت افهمو واستوعب شوي شوي
هيثم:راح انطيج جمله تسوينها مبني للمجهول
ملك:اوك
انطاني جمله حليتها ونطيتو اياها....
هيثم:شو خلي اشوف.......لاياااغبيه ولج اني انطيتج اياها معلومه وانتي تسويها مجهوله مسويه بالعكس طاح حضج صارلي ساعه شنو جنت اشرح بالهوى
ملك: اووووف ياربي والله صعب شون راح اجاوب باجر
هيثم: شوفي صديقي هس عازمني راح اروح من ارجع عود اكملج الشرح وانتي ارجعي اقري الكتبتو الج
ملك:اوك
هديل:تعاي ملك عاونيني بالعشه
ملك: هيان جيت ...رحت للمطبخ كمت اعاون هديل بالعشه
هديل:اكلج خلي نستعجل بسرعه اريد اصب العشه من وكت اليوم
ملك: ليش
هديل: امي كالت اكو خطابه جايين اليوم باليل
ملك:شنووو خطابه..المن؟
هديل:ماعرف بس المرة كايله لامي والرجال هك كايل لابوي راح نجيكم اليوم باليل خطابه وامي كالتله هلا بيكم......انشالله عليه جايين يارب كولي امين
ملك: وشعندج مستعجله بس تريدين تخلصين
هديل:لاولج موشغله اخلص ومدري شنو بس هيج يعني اريد يكون عندي خطيب احبه ويحبني مثل اي بنت واتزوج يعني مابيها شي هاي سنه الحياة
ملك:انشالله حياتي يصير الي تريدي ..لعد راح اروح اعزل البيت وانضفه .
هديل :اي والله ياريت .وصيحي هبه تجي تعاوني
رحت عزلت البيت ونضفته وصبينه العشه وكعدنه نتعشه
محمود: لعد وين هيثم
ملك:كال معزوم يم صديقه
محمود: سميه عود خابري خلي لايتأخر على مود الجماعه جايين
سميه:انشالله..تعشينه وخلصنه
هديل :عفيه ملك روحي انتي اغسلي المواعين اريد اروح ابدل وحضر نفسي. رحت غسلت المواعين وخلصت .فتت للغرفه اباوع هديل وهبه لابسات ويتحضرن .
هديل:تعاي انتي هم حضري نفسج شبيج
ملك:واني شعليه
هديل:يعني خما اله يكونون جايين عليج تاتحضرين نفسج بس لازم الناس يشوفونه مرتبات وحلوات موصحيح
هبه:زين منو هم ماكال ابوي منو؟
هديل:والله ماعرف بس ابوي كايل لامي يعرفهم خوش ناس
رحت لبست فستان بسيط وخليت شويه مكياج خفيف.......
