رواية فصلية بديلة كاملة جميع الفصول بقلم ام ملكوت
.
مرحبا جميعا راح نبدي وياكم قصه فصليه غير شكل بيهه التضحيه والقوه والتعذيب والندم والتنازل والحب واخيرا العوض واتمنى تنال اعجابكم...
شكرا على المتابعه ولا تنسوا التصويت ومتابعه الحساب وشكرا....
.
.
_______________
البطله "سماء"_
بنت حنطاويه جميله عيونهه عسليه ورموشهه كثيفه انفهه جميل وشفايفهه كذلك ملامح وجهها ناعمه وبسيطه ...
عايشه مع عائلتهه المتكونه من ..
الاب_عمره ٤٥
الام_عمرهه ٣٨
الاخوات _[حلى_غزل_شهد]
الاخوان_[حسن_احسان]
مانحس فجاتا تفلش باب البيت اختفت البسمه عن وجهنه واختفى صوت الضحك والسوالف وبقه بس صوت خالي الصغير وهوه يصيح ويدك على راسه وهوه مجروح الحكني بويه..
طلعنه كلنه واني قلبي طاح عالارض لمن سمعته يكول لجدي..........
***********************
#قبل شهرين...
اسماء_
كعدت الصبح على رنه المنبه كمت طفيته ب نيه اني اصحصح واكوم بس للاسف كالعاده تاخذني نومه وامي تكعدني ..
فزيت مخروعه لكيت الساعه ب٧ ونص واني لازم ب٨ بالمدرسه كمت بسرعه بسرعه واني احس عيوني مغمضه من النعاس..
5 تع
جانت المدرسه قريبه علينه نروحلهه مشي وصلنه للمدرسه دخلنه ورن الجرس وانقفلت الابواب مايستقبلون بعد طلاب طبطبت على قلبي براحه ..اففف همزين دخلنه قبل الوقت .
.اصطفينه بالشمس ربع ساعه لحدما صكعتنه ياله دخلونه للصفوف رحت لصفي بمشيتي الشامخه🤭 ...
(صح اني شخصيتي مرحه بس مع اصدقائي واقاربي الاحبهم فقط اما مع مدرساتي وزميلاتي بالصف تكون شخصيتي شامخه وجديه)..
7 تع
دخلت للصف وكعدت بالرحله والتفتت على صديقاتي التؤام المقربات [ ديان_كوثر ] سلمت عليهم وبقينه نسولف ونحشش..
_اكول بنات اليوم اول درس شنو عدنه..
كوثر: يعني انتي ماتوبين شكم مره كتلج سجلي الجدول يمج..
سماء: مسجلته بس مخربط ماعرف منو الاول ومنو الاخير ..
سماء: شصار ياساتر كلما اغيب يصير شي..
قبل لا تحجي اجت مدرسه الكيمياء واخذنه درس نص ساعه صح اني مايعجبني اسلوب المدرسه بالشرح بس احب الكيمياء ولازم افهمه مو بيدي..
16 ت
خلصنه الدرس وطلعت المدرسه واجت بعدهه مدرسه الرياضيات..بصراحه كلش احب مدرسه الرياضيات لانهه حبابه واسلوبهه بالشرح والتعامل ويه الطالبه كلش راقي
5 تع
خلص الدرس بسرعه بدون مانحس عليه ياريت الدرس ماخلص وطبعا الكل يتفق على كلامي مع ان الرياضيات صعب حيل بس هذي المدرسه مسهلته علينه كلش لهذا السبب الكل متفق على حبهه..
ديان: اكلج اني تكسرت خلي نطلع نفتر مدام دك الجرس..
سماء: اي يله امشن..
طلعنه نتمشه اني بالنص وديان على يميني وكوثر على يساري وكالعاده الكل تتلفت علينه متعجبين لان نفس الطول والجسم ولاني امشي بين تؤامين..
حتى من نطلع بمكان او نروح لاحد هم يسالون هل اساله مليت وعلي لو ماجايه ويه كوثر احسلي ..
كوثر: اي والله شني السالفه ماشايفين تؤام..
سماء: خيه انتن منا وهيج كلمن تكتب اسمهه على صدريتهه وخلاص اليسال اشريله عل اسم وطلعي..
ديان: هههه لا هاي هيه
كوثر: ربحنه هههههه
سماء: ععههه والله ماكو غير هل حل..
ديان: والله فلك ياخيه..
سماء: اكلجن اني جعت
كوثر: اي وعلي حتى انه
ديان: ام بطن كوثر مو تريكتي قبل لا تجين شبسرعه جعتي
رحنه للحانوته اشترتلنه ديان اندومي واجباس وعصاير وكعدنه بالساحه على كتر ناكل وجنت حيييل جوعانه حسيت الدم توه صعد لراسي.. 8 تعليق
_اي ديان مساع ماحجيتي شصار امس..
ديان: ها اي ولج لو تشوفين المعاونه شسوت امس بزينه وساره
سماء: شسوت بيهن هذن مشاكلهم ماتخلص
ديان: خيبه جانن كاعدات وكلمن تحجي على صاحبهه وشنو يحجون بالليل بالنقال ووحده من الجواسيس سامعتهه وراحت بلغت المعاونه عليهن..
سماء: يا فلك هذن مو صاحيات اكيد
ديان: اي وعلي هم يسون شي عيب وهم يحجن بي بكل عين صلفه.
سماء: جا شكد برابي.ك
ديان: والله وطلعت المعاونه وهاي زينه تسوي نفسهه بس هيه وبس وكفت وضلت تصيح عل بنات
منو فتنت علينه وليش تتبلن علينه وانتن منو سمحلج تتنصتن على كلامنه وهسه صرتن شريفات براسي وانتن كل وحده حاطه جوه ايدهه عشره..وخلن وطلعن..
سماء: خيه كلمن يشوف الناس بعين طبعه همزين اني ماموجوده جان عرفت شلون الطمهه على حلكهه الشريفه هاي..
كوثر: يمعوده وعلي ماتستاهل حتى حرف منج ولا تستاهل توصخين نفسج بيهه..
سماء: والله انه من المعاونه اخلي واطرد كل وحده هيج لانهن عاق عل مدرسه ومن وراهن ينحرفن الطالبات..
سماء: انتي شسويتي بالارض حفرتيهه حفر خطيه
كوثر: هههه حاله نفسيه خيه
ديان: جبح دائما تفاول على روحهه العوبه هاي
سماء: ههههه والله ياخيه كل واحد عايش بهل بلد بي حاله نفسيه بداخله وبيهم يلي تبين عليه وبيهن لا..8 تع
كوثر: اي والله ياخيه جا شنسوي بعد سادس وكذا
ديان: ماضل شي شهرين ونخلص منهه ..
سماء: اكلجن بعد انه ماجي للمدرسه اذا ماعدنه شي اكعد ادرس للامتحانات احسن
ديان: لااا ولج المعاونه امس من شافت غياب كالت محد تغيب بعد وكالت المدرسات راح يراجعن مواد الامتحانات وياكم كل يوم..
كوثر: انتي ماميته عل دراسه تردين تسهرين على مسلسلاتج الكوريه..
8 تع
سماء: هههه لا والله باليوم اشوف حلقه وحده للترفيه عن نفسي قبل لانام..
ديان: زين شلون تباوعين مسلسل ماتخافين الماده تطير من مخج
سماء: شسالفه خيه اليدرس زين مايطير شي من مخه
كوثر: اني وديان اذا درسنه للامتحان مانسبح واذا سبحنه مانخلي ماي يوصل لراسنه
1 تع
اسماء: ليشش
ديان: حتى لا تطير المعلومات😆😆
سماء: يا فلشجن ههههههههه
كوثر: ههههه وعلي نخاف كلشي يصير..
كوثر: لا يمعوده خليهه لابسته لا تضيع نوب شلون نفهم بالصف..هههههه
سماء: على كولتج ههههه..
دخلنه للصف واخذنه درس فيزياء وبعدهه اخذنه عربي ودك الجرس ورجعنه طلعنه بالساحه..
سماء: اي خياتي سولفن شصار من تغيير بحياتجن ماصار
ديان: خيه يوميه تسالين هل سؤال
سماء: جا خيه انتن ماتحجلي
كوثر: ديااان احجي شصار امس😉
سماء: احجي شصار نوب
