رواية الكبير وعشق الخدامة ( كاملة جميع الفصول ) بقلم هويدا زغلول

في قصر كبير وسط الجبل كان نوح الكبير واقف في نص الصالون بعصبيته وهيبته المعتاده وكانت حواليه مراتاته التلاته وسميره مراته الأولي قالت 

سميره

مالك واجف اكده ليه يا كبير ما تطلع تشوف عروستك اللي جبتها ليك دي المره انما ايه حاجه تشرح الجلب وترد الروح وتخلي الواحد ينسى كل اللي شافه في حياته

نوح بص لها بطرف عينه وقال بغضب وهو بيشد سبحة ايده

نوح

على اساس اني هصدقك يعني وانتي طول عمرك ما بتعرفيش تجيبي غير اللي تشبه وش الغراب لا شكل يسر ولا روح تتحب انتي لو خيروكي بين الجمال والعما هتختاري العما برجلك ويدك

وبعدين لف ناحية مراته التانيه وقال بصوت كله تهديد

نوح

كنتي اختارتي ليا اللي قبلها على راسها تكون زينه لكن اعملي حسابك اني كده كملت الاربعه ولو ما جبتوش الواد اللي يشيل اسمي واسم ابوي وربعي لاكون مطلقك انتي وهي واتجوز غيركم كمان

سميره قربت منه وقالت وهي بتحاول تضحك

سميره

وهي ابوي يا نوح معجول تطلق بنت عمك اللي متربيه وياك من واحنا عيال صغار وتكسر بخاطر اهلها اكده

نوح زعق فيها بغضب

نوح

ايوه اطلق بنت عمي وارميها في الشارع كمان اللي ميعرفش يجيب طفل يشيل اسمي ملوش لازمه في دار الكبير

وبعدين لف وطلع على السلم بعصبيه لكن فجأه وقفته الخدامه زينه وكانت واقفه وهي ماسكه صينيه النحاس وعينيها مليانه خوف وبعدها قالت بصوت واطي

زينه

متاكلش من العشا اللي متحطوط ليك الليله يا كبير لو عايز ربنا يرزجك بالولد اللي نفسك فيه

نوح وقف مكانه وبصلها بصدوم وقال بضيق

نوح

ايه الكلام الغريب اللي بتجوليه ده وانتي مالك اصلا بعشايا واكلي وشربي

زينه بصت حواليها بخوف وقالت بسرعه

زينه

لو عايز تخلف الولد اللي بتحلم بيه اوعى تدوج حاجه من اللي متجدم ليك الليله وكفايه اكده عليا مش هقول كلمه تاني 

وبعدين جرت بسرعه ونزلت تحت وسابته واقف مكانه وعينيه مليانه شك وغضب وبعدها راح ناحية اوضة ناهد وفتح الباب بالراحه وكانت ناهد قاعده مع مريم ووشوشهم كلها خوف وارتباك

مريم قالت وهي بتبص حواليها بتوتر

مريم

اني خايفه جوي يعرف ان احنا بنحطله حاجات تمنع الخلفه في اكله ساعتها لا هيخلي ليلتي ليله ولا ليلتك ليله وهيجلب الدار جحيم فوق راسنا كلنا

ناهد ردت عليها بغل وهي بتشد الطرحه على راسها

ناهد

وهو انتي عايزه اللي زي ده يخلف اصل لو خلف من غيرنا هيرمينا كلنا بره الدار ويتجوز علينا واحنا نبجى خدامين بعد ما كنا ستات القصر

مريم 

ومين قال ان هيعمل كده وبعدين انتي متاكده ان انا كمان مش بخلف زيك 

ناهد 

تاني هنتكلم في الحديد الماسخ ده قولتك الف مره اه 

وفجأه الباب اتفتح بعنف شديد وظهر نوح واقف وعينيه كلها نار وبعدها قال بصوت رج القصر كله

نوح

وانتي فاكره اني هسيبكم عايشين بعد الكلام اللي سمعته ده يا بنات الافاعي دانا كنت فاتح بيتي ليكم وانتو بتاكلو في ضهري زي الديب الجعان

مريم قامت بسرعه وهي بتترعش وقالت بدموع

مريم

والله يا كبير اني ماليش صالح بكل اللي حصل دي هي اللي كانت بتحط الحاجات في اكلك وكانت كل شويه تجولي اعملي واسكتي وخفت منها  وخفت على نفسي

نوح مسك الاتنين من شعرهم بعنف وقال بصوت كله قهر وغضب

نوح

اللي زيكم ما ينفعش يعيش تحت سقف واحد ويا نوح المنشاوي والنهارده يا تدفنو نفسكم برجليكم يا تدوقو الويل اللي عمركم ما شفتوه في حياتكم واللي يخون الكبير نهايته معروفه من زمان

وبعدها نزل نوح وهو بيجرجر ناهد ومريم من شعرهم على السلم وصوت صريخهم مالي القصر كله والخدم واقفين مرعوبين محدش قادر ينطق بحرف وسميره جريت عليهم بسرعه وهي بتحاول تبعد ايده عنهم وقالت بخضه

سميره

خير يا ولد عمي ايه اللي حصل علشان تعمل في حريمك اكده دانت مجطع شعرهم في ايدك زي الديب اللي هيفترس فريسته

نوح بص لها بعين كلها نار وقال بغضب

نوح

اني مش هسيب حد فيكم الليله الا لما افهم كنتو بتعملو ايه في ضهري وازاي بقالكم سنين تضحكو عليا وتحرموني من الواد اللي نفسي اشيله على 

اسمي

مريم قربت منه وهي بتترعش ودموعها نازله وقالت بصوت مكسور

مريم

اني هجولك على كل حاجه بس والنبي يا كبير سامحني اني كنت خايفه ومكنش جصدي اخرب دارك ولا اكسرك بالشكل دي

وفجأه سرحت بعنيها وافتكرت اللي حصل زمان

                       فلااااش بااااك

مريم كانت قاعده في اوضتها وهي ماسكه تحليل في ايدها ووشها كله خوف وفي الوقت ده ناهد دخلت عليها وقفلت الباب وراها وقالت وهي بتبصلها بمكر

ناهد

زي ما كنت متوجعه بردك عندك مشكله في الخلفه يعني احنا الاتنين غرجانين في نفس البحر ولو ما لجيناش حل نوح هيجوز علينا كل يوم بواحده شكل

مريم بصتلها بقلق وقالت وهي بتشد الطرحه على 

صدرها

مريم

طب ونعمل ايه بس يا ناهد انتي عارفه نوح نفسه في عيل اكتر من نفسه ولو حس ان في حد بيمنعه عن الخلفه ممكن يولع فينا واحنا عايشين

ناهد قربت منها وقالت بصوت كله خبث

ناهد

عشان اكده لازم نسبجه بخطوه ونخليه عمره ما يعرف مين فينا العيب عندها ولا حتى يفكر يجيب عيل من غيرنا اصل الوحيده اللي هتفضل في القصر هي اللي هتعرف تجيب الولد واحنا لا انتي بتخلفي ولا اني بخلف ولو سكتنا هنبجى مرميين بره الدار زي الشحاتين

مريم قامت من مكانها بخوف وقالت بسرعه

مريم

لا لا اني ماليش صالح بالحاجات دي ولو نوح عرف اننا بنحطله حاجات تمنع الخلفه هيطج رقابنا كلنا انتي متعرفيش اني بحبه ازاي وخايفه اخسره من يدي

ناهد ضحكت بسخريه وقالت وهي بتقرب منها اكتر

ناهد

حب ايه اللي بتتكلمي عليه يا عبيطه انتي فاكره لو حتى ربنا رزجك بطفل سميره هتسيبك تعيشي يوم واحد في الدار دي دي هتاخد الواد وتنسبه ليها وتخليكي خدامه تحت رجليها انتي ناسيه انتي بنت مين وهي بنت مين دي بنت عم الكبير واحنا مجرد ستات دخلنا عليهم من بره

مريم بصتلها بدموع وقالت بتردد

مريم

بس الحرام عمره ما يدوم يا ناهد والكدب لو طال لازم ينكشف في يوم

ناهد مسكت ايدها بعنف وقالت بتحذير

ناهد

اسمعي كلامي يا مريم لو عايزه تفضلي عايشه في النعيم دي وتاكلي من خير القصر يبجى تنفذي اللي هجولك عليه بالحرف الواحد غير اكده هتلاجي نفسك مطلوجه وراجعه دار ابوكي اللي كان بيشتغل خفير عندهم

وبايد مرتعشه خدت مريم الزجاجه من ايد ناهد وهي حاسه ان روحها بتتسحب منها

          بااااك

مريم وقعت على رجلين نوح وهي بتعيط وقالت بصوت متكسر

مريم

والله يا كبير اني كنت ضعيفه وخفت من كلامها وخفت اترمي بره الدار سامحني المره دي واني هفضل طول عمري خدامه تحت رجليك بس اوعى تكرهني

نوح كان واقف وعروقه نافره من كتر الغضب وبعدها بص لناهد وقال بصوت مرعب

نوح

وانتي يا بنت الافاعي كنتي فاكره ان لعبتك دي هتفضل مخفيه طول العمر دانا هخليكي تتمني الموت ومش تطوليه واللي يحرم نوح المنشاوي من ضناه يبجى حكم على نفسه بالهلاك بيده

ناهد رفعت وشها لنوح وعينيها كلها تحدي وقالت بغل وهي بتضحك ضحكه مستفزه

ناهد

هو انت عايز ايه من الدنيا عاد مش كفاياك الفلوس والسلطه والجاه والناس كلها بترتجف من مجرد ما يسمعو اسمك انما اني بقى لا عمري خفت منك ولا هخاف وهاجولها في وشك اني بكرهك وكارهه اليوم اللي دخلت فيه الدار دي وبجيت مرتك فيه

نوح قرب منها لحد ما بقى نفسه في وشها وقال 

بصوت كله وعيد

نوح

وطالما بتكرهيني اكده يا ناهد كنتي مكمله وياي في الجواز ليه وليه عايشه من خير داري وبتاكلي وتشربي من رزجي انتي فاكره انك لما تعملي روحك جامده هخاف منك لا ورب الكعبه لاهخليكي تكرهي اليوم اللي اتولدتي فيه وتتمني الموت وما يجيكيش

وبعدين لف ناحيه عصران اللي كان واقف مرعوب وقال بغضب

نوح

يا عصران خد الحريم دول على المخزن وارميهم فيه زي الكلاب ومحدش يدخل لهم لا مايه ولا لوجمه ناشفه الا لما اني اجول غير اكده واللي هيخالف كلامي هادفنه مكانه

عصران هز راسه بخوف وقال بسرعه

عصران

حاضر يا كبير من عنيا الاتنين محدش هيجرب يجرب ناحيتهم حتى

وبعدين قبل ما يخرجوا نوح زعق بصوت رج القصر كله

نوح

استنوا عندكم اني مش ناقص احمل اسمكم على زمتي لحظه واحده بعد اللي عرفتوه انتي يا مريم طالق بالتلاته وانتي يا ناهد طالق من ساعتها لا رجعه ولا عوده واللي بيني وبينكم انتهى من الليله دي

مريم صرخت ووقعت على الارض وهي بتعيط بحرجه

مريم

لا يا كبير بالله عليك ما تعملش فيا اكده اني مليش مكان اروحه ولا حد يسندني غيرك

لكن نوح لف وشه الناحيه التانيه كأنه ما سمعهاش بس  ناهد بصتله بكره وقالت

ناهد

حتى وانت بتطلقنا شايف نفسك كبير وجبار بس والله يا نوح الظلم عمره ما يدوم والايام دواره

نوح زعق فيها بغضب

نوح

خديها من جصيرها واغوري من جدامي بدل ما اخلي الليله اخر يوم في عمرك

وبعدها عصران خدهم ومشي بيهم وسميره قربت من نوح وهي بتحاول تهديه وقالت بصوت ناعم

سميره

ما ينفعش اللي بتعمله ده يا ولد عمي الدنيا مش مستاهله كل الغضب دي كله اطلع فوج وشوف عروستك الجديده يمكن ربنا يجعل فيها الخير اللي مستنيه من سنين

نوح بص لها بضيقه شديد وقال وهو بيفك زراير جلابيته بعصبيه

نوح

اني مش طايج اشوف وشها ولا طايج اشوف حد في الدار كلها حاسس ان كل اللي حواليا خونه وكدابين وحتى الجوازه دي غالبا نهايتها طلاج زي اللي جبلها

سميره قربت منه وقالت بمكر

سميره

بس دي غير كل اللي شفتهم يا كبير دي زينه البت اللي جمالها يتغزل فيه القمر نفسه

نوح زعق فيها بغضب

نوح

جولتلك اني مش عايز اشوفها يعني مش عايز اشوفها ولو كانت مين ما تكون وخديها من جصيرها اني طالجها من دلوجتي

وبعدين طلع فوق بعصبيه ودخل اوضته ورمى يمين الطلاق عليها من غير حتى ما يشوف وشها الحقيقي وقفل على نفسه الباب وفضل طول الليل قاعد لوحده والدخان مالي الاوضه وعنيه كلها غضب ووجع وخذلان

وفي المطبخ كانت زينه واقفه ووشها شاحب وخايفه  وكل شويه تبص حواليها بخوف لا تكون سميره عرفت انها السبب في كشف السر وبعدها مسكت صينيه 

الفطار وطلعت بيها لفوق وهي بتاخد نفسها بصعوبه

خبطت على الباب بخفه ودخلت لقت نوح قاعد على الكرسي وعينيه حمرا من السهر والتفكير وبعدها قالت بخوف وهي بتحط الاكل قدامه

زينه

لازم الكبير ياكل زين عاد اني مش فاهمه ليه عامل في حالك اكده المفروض تكون فرحان ان ربنا نور بصيرتك وكشفلك اللي كان بيحصل في ضهرك من سنين

نوح رفع عينه عليها لأول مره بتركيز وكأنه بدأ ياخد باله من ملامحها وصوتها وقال بهدوء غريب

نوح

وانتي مالك انتي بزعلي وفرحي يا زينه وليه حاسس انك خايفه عليا اكتر من كل اللي في الدار دي كلها

زينه اتوترت اول ما سمعت سؤاله وحاولت تنزل عينيها في الارض لكن قلبها كان بيدق بسرعه وبعدها قالت

زينه

فعلا يا كبير اني بخاف عليك اكتر من نفسي انت ما بتشوفش اول ما بتدخل الدار الفرحه بتكون عامله كيف في جلبي ولا كيف عيني بتفضل تدور عليك وسط الناس كلها انت مش عارف انت ايه بالنسبه ليا من يوم ما فتحت عيني على الدنيا واني شايفاك كبير البلد وسنده وكل ما حد يقرب منك بحس كأن حد بيجرب يجرب من روحي نفسها

نوح فضل باصص لها بتركيز واستغرب رعشة صوتها وبعدها قال بهدوء غريب عليه

نوح

وانتي ليه حاسه بكل دي ناحيتي يا زينه انتي مجرد خدامه في الدار ولا في حاجه اني معرفهاش

زينه ارتبكت اكتر وحاولت تغير الكلام بسرعه وقالت وهي بتفرك في ايديها

زينه

سيبك من الكلام دي دلوجتي المهم ان ربنا كشفلك الحقيقه قبل ما عمرك كله يضيع ويا ناس ما تستاهلش

نوح قرب منها شويه وقال وهو مركز في عيونها

نوح

اني عايز اعرف عرفتي منين حكاية الاكل دي ومنين جالك اليجين انهم بيحطولي حاجه تمنع الخلفه

زينه خدت نفس طويل وبعدين سرحت بعنيها وقالت

زينه

اني هجولك على كل حاجه من اولها يا كبير حتى لو بعد اكده رميتني بره الدار كلها

                  فلااااش بااااك

كان المطبخ يوم فرح الكبير   ناهـد واقفه قدام الحله ومريم جنبها ايديها بتترعش وهي ماسكه زجاجه صغيره وفي الوقت ده كانت زينه داخله تشيل صينية العشا لكنها سمعت صوتهم فوقفت ورا الباب من غير ما يحسو بيها

مريم قالت بخوف وهي بتبص حواليها

مريم

اني خايفه جوي يا ناهد بلاش الليله نحط الحاجه دي في اكل الموضوع دي مش هيعدي على خير ونوح مش هيسكت وهيفضل يتجوز ويطلق لحد ما يلاجي اللي تجيبله الولد ويمكن المره الجايه الدور يكون علينا احنا

ناهـد ضحكت بسخريه وهي بتفضي نقط من الزجاجه في الاكل وقالت ببرود

ناهـد

هو انتي لسه هتجفي ترتعشي اكده عمره ما هيطلق واحده منينا يا هبله هو دايما بيكب الطين على دماغ الجديده والجديده هي اللي بتتشال من السكه لكن احنا اساس الدار وافهميها بقى

مريم قالت بدموع وهي بتشد ايد ناهد

مريم

بس الحرام عمره ما يدوم ولو عرف حاجه زي دي ممكن يدفنا واحنا عايشين انتي عارفه نوح لما بيتجنن بيعمل ايه

ناهـد زعقت فيها بحده

ناهـد

ما تبجيش جبانه وخلصي يلا بدل ما حد يدخل علينا عايزين نطلع العشا لفوج جبل ما الكبير ينده

وفي اللحظه دي دخلت زينه المطبخ ووشها كله توتر وناهـد اتفاجئت بيها وبعدها زعقت فيها بعنف

ناهـد

انتي ايه اللي جابك اهنيه يا بت مش جولنا احنا اللي هنحضر عشا الكبير ولا ودانك ما بتسمعش امشي اطلعي بره يلا قبل ما اكسرلك رجلك

زينه خافت وخرجت بسرعه لكن كلامهم فضل يرن في ودانها طول الليل

بااااك

زينه بصت لنوح وقالت بدموع محبوسه

زينه

ومن ساعتها  واني كل يوم بجى قلبي يتقطع واني شايفاك بتاكل من ايديهم وساكت ومش عارف ان اللي حواليك بيخونوك يا كبير ووالله لو كنت سكت اكتر من اكده كنت هكره نفسي طول عمري

وفجأه باب الاوضه اتفتح بعنف ودخلت سميره وهي باصه لزينه بنار وغيرتها باينه في عينيها واول ما شافتها واقفه جمب نوح قريب اكده شخطت فيها بصوت عالي

سميره

انتي ايه اللي موقفك اهنيه لحد دلوجتي يا بت مش خلصتي كلامك مع الكبير يلا اطلعي بره من غير ما تخليني افجطك من شعرك قداميه

زينه اتخضت ونزلت عينيها في الارض وكانت هتمشي بسرعه لكن نوح رفع راسه وبص لسميره بغضب شديد وقال بصوت خشن

نوح

ومن امتى الحريم في الدار دي بتمشي كلامها واني واجف جدامها انتي اتجنيتي يا سميره ولا ايه كيف تدخليني اوضتي وتزعجي البنيه بالطريجه دي

سميره اتصدمت من طريقته معاها وقربت منه وقالت وهي بتحاول تهدي صوتها

سميره

اصل اني كنت عايزاك في موضوع يا كبير ومجصدتش اغلط بس البت دي شكلها عماله توجع دماغك بالكلام والحوارات من الصبح

نوح فضل باصص لها ببرود وقال وهو بيقوم من مكانه

نوح

وانتي مالك هي بتجول ايه ولا ما تجولش اني لما احب اسمع لحد هسمعله وانتي روحي على اوضتك دلوجتي ولما اخلص كلام وياها هاجيلك

سميره حسيت ان الكلام نزل عليها زي النار وعينيها لمعت بالقهر لكنها حاولت تخبي غيرتها وقالت بصوت مكسور

سميره

اللي تشوفه يا ولد عمي اني بس خفت عليك من كلام الخدم اصل الخدم عمرهم ما يجلبو غير الهم

نوح رد عليها بحده

نوح

والهم الحقيقي كان نايم جمبي على سريري سنين يا سميره روحي دلوجتي بدل ما غضبي يطلع عليكي انتي كمان

سميره بلعت ريقها بالعافيه وبصت لزينه بكره شديد وبعدها خرجت من الاوضه وهي حاسه ان في حاجه كبيره بتتغير في القصر كله

اول ما الباب اتقفل زينه كانت واقفه مرتبكه وبتفرك في ايديها بخوف فقال لها نوح بهدوء غريب

نوح

تعالي اهنيه يا زينه ومتخافيش محدش هيجدر يمس شعره منك طول ما اني عايش

زينه قربت بخطوات متردده وقالت بخوف

زينه

اني اسفه لو كنت سببتلك مشاكل ويا حريمك بس والله ما كان جصدي غير انك تعرف الحجيجه وبس

نوح فضل باصص لها شويه وبعدها قال بصوت واطي

نوح

انتي اول واحده في الدار دي كلها تخاف عليا لجل نفسي مش لجل اسمي ولا مالي واصل اني مش فاكر اخر مره حسيت فيها ان حد صادق وياي اكده

زينه قلبها دق بسرعه ونزلت عينيها وقالت بصوت مرتعش

زينه

اصل الكبير مهما كان راجل زين وما يستاهلش الغدر اللي شافه من كل اللي حواليه

نوح قرب منها اكتر وقال وهو مركز في ملامحها

نوح

وليه حاسس انك كل ما تتكلمي جلبك بيرتعش اكتر من كلامك يا زينه

زينه ارتبكت واتراجعت خطوه وقالت بسرعه

زينه

اني لازم انزل المطبخ دلوجتي زمان الشغالين بيدوروا عليا

وبعدها زينه كانت بتشيل صنيه الاكل

لكن قبل ما تتحرك نوح مسك طرف الصينيه من ايدها وقال بهدوء

نوح

استني انتي جولتيلي انك بتخافي عليا اكتر من نفسك واني عايز افهم ليه حاسس ان في سر كبير مخبياه جوا جلبك

زينه عينيها اتمليت دموع وقالت بصوت مخنوج

زينه

اصل من زمان جوي واني شايفاك حاجه كبيره جوي في حياتي يا نوح بيه وكل يوم كنت بدعي ربنا يبعد عنك الشر حتى لو اني اللي هشيله بدالك

نوح سكت للحظه وهو باصص لها وكأن الكلام لمس حاجه جواه اول مره يحس بيها وبعدها قال بهدوء

نوح

اول مره اسمع حد يجول كلام يدخل الجلب اكده من غير خوف ولا طمع

وفي اللحظه دي سمعوا صوت حاجه وقعت برا الاوضه فنوح فتح الباب بسرعه لكنه ما لاقاش حد غير طرف عبايه سوداء مستخبي عند اخر الطرجه فعرف ان سميره كانت واقفه بتتسمع عليهم وعينيه اتمليت غضب وهو بيقول