رواية الطالبة والعصبي كاملة جميع الفصول بقلم مجهول
في احد البيوت البسيطة توجد بطلتنة نايمة في سكينة وستقرار لتقاطع عليها صوت والدتها احلامها الوردية وتقول
ام نارين : ولج نعل اكعدي راح صوتي من الستة واني اكعد بيج
نارين : ما هم اتخرجت من المدرسة وهم مارتاحيت من كعدت الصبح
ام نارين : يا ولج اول مرة اشوف وحدة اول يوم الهة باالجامعة وكادة متأخرة
نارين : اي شعندي كاعدة من الصبح حتى ابو البلبي البصف الكلية ممفتح
ام نارين : يا ولج انتي همج بطنج لج اني اشوف البنات البل كلية كاعدات من ٥ ايلبخن ونتي سبعة الة ربع وبعدج منطمرة
نارين : انتي كلتيهة البنات ذنيج مو اني هسة يلا اريد انخمد وحطت الحاف على راسهة
ام نارين : اضاهر انتي ما ينفع وياج السلوب الة بل عين الحمرة
ونزلت جوة صاحت يمة علاوي وينك
علي : ها يمة صباح الخير
ام نارين : لك يمة يا خير اشوفة من اختك من الستة امد بيهة وليجاي وهية ولا يمي
هسة مو هاي اختك اية اشو كعدت من الصبح وكوت ملابسهة ولبست وكملت وهاي كلشي ماكو حتة ملابسهة ما امطلعتهم
علي : ولا يهمج يمة اني هسة صاعد الهة با الله اشوفهة اشون ما تكعد
ام نارين : ماشي يمة بين ما تكعتهة راح اسويلكم ريوك
وصعد علي ايكعد الدبة مثل ما يسميهة
علي : ولججججججج ناررررررررين احتتتتتتركنة ولج اكعدددددددددي
نارين : فزت نارين وهية مخروعة من الصوت وكالت
نارين : وين وين يمة وين الحرك
علي : ههههههههه اخ يمة بطني انتي وهل شعفة جنهة شعفت عبسي
نارين : بعد ما فهمت المقلب السوا بيهة كامت وكعدت وعضتة من ايدة
علي : ولج اخخخخخخخ شبيج جلبة خو ما جلبة
نارين : علمود تتعلم اتكعدني بهيج طريقة
ودارت على الساعة وشافت الوكت وجان اتعيط
نارين : يمممممممة لك اتخرت كل من وراك وراحت بسرعة للحمام
علي : بقة مصدوم نوب عيط ولج دبة اني كلة من وراي لو انتي كعتي متأخرة
بس مو صوجج صوج اليكعدج
ونزل جوة يتريك علمود ايروح للمدرسة
ام نارين : ها يمة كعدت التنبل لو لا
علي : اي يمة كعدت وشاف ابو واختة اية جاي يتريكون
علي : صباح الخير
ابو نارين : صباح انور اوليدي تعال اتريك علمود اوصلك وياي للمدرسة بين ما الاكيلك خط
علي : يابة ولبنات ما لكيتلهن خط
ابو نارين ؛ اي وليدي لكيت خوش رجال اتفقت ويا يجيهن بسبعة ونص
علي : ها خوش انوب شاف اية جاي اترتب ابشالهة ومكياجهة وكلهة
علي : ها ايو مو جنج امطوخة باالمكياج
اية : غير جامعة لازم انحط مكياج خو ما مثل المدرسة
علي: واجة ايرد عليهة قاطعتة امة وهية اتكول
ام نارين : شبيك يمة هية كل البنات هيج اتحط باالجامعة هسة عوف اسوالف النسوان وتريك لا تتأخر فأ اطر يسكت لأن ابو موجود جان يسمع صوت ربدة على الدرج فأضحك وكال منو غير الدبة هيج ينزل
نارين : اشكم مرة كلتلك اني مو دبة وصبح على امهة وابوهة
علي : وهوة يبتسم لختة على لبسهة الحلو والمحتشم بعكس اية ومكياجهة لي اصلن ممبين حاطة لأن حطت بس مسكار ومرطب شفايف وردي ولي عكس جمالهة الطفولي وكاللهة وهوة يشوفهة تاكل ابنهم
علي : ولج دبة على كيفج راح اتغصين
نارين : والكمة بحلكهة انتة بس اسكت اني ما غص قاطعهة اكثر صوت تكرهة وهوة صوت الهورن مالت الخط
ام نارين : يلا يمة اجة خطجن اطلعن لا يعوفجن ويروح
نارين : اهو حتى بعدني ما امكملة ريوك سوتلهة لفة وكام يلا وكالت يلا باي
امهة وابوهة : الله وياجن
راحت نارين واية في طريقهم للكلية وما يعرفن شنو ضام الهن الزمن ..........
__________________
وهس اروح الى بيت اشبه باالقصر
موجود بي بطلنة وعائلتة الكريمة
ام سيف: صباح الخير ابو سيف اريوك جاهز تعال اتريك
ابو سيف : صباح النوار اجيت ويسحب كرسي ويكعد على الطاولة ويكول
ابو سيف : لعد وين سيف شنو ميروح للجامعة
ام سيف : هسة ديلبس وينزل قاطعهم صوت خشن والة هيبة
سيف : صباح الخير وراح باس راس ابو وامة
ام سيف : اصباح النور هلا يمة تعال اكعد اتريك اوليدي
سيف : والله عذريني حجية كلش متأخر وعندي محاضرة با ثمانية لازم اطلع وراح باس امة وطلع بسيارتة للكلية ما يدري القدر شنو ضاملة بهل سنة .....
—————————-
نارين : الللللللللللللله لج اية شوفي الجامعة اجكد حلوووووووووة
اية؛ ولج واجع حتى وجع شبيج اتعيطين هسة يكولون الطلاب ما شايفين
نارين : شبيج ايو غير الجامعة حلوة
ايه :ايو بعينج احنة بل جامعة مو بل بيت حتة تكولين ايو
نارين:حاضر بعد ما اكول ايو
اية: يلا هسة روحي لقسم علم الافيزياء وسئلي على قاعتنة
نارين : لعد ليش ما تجين وياي
اية : اضوج من الهوسة وهسة اكيد صايرة هوسة يم القاعات فأ راح انتضرج باالسنتر اوك
نارين : اوكي رايحة
اية : ولج شنو اوكي يعععع هسة اليسمعج ايكول هاي وحدة بيئة كولي اوك
نارين : خلاص اوك بعد اتأمرين بشي ثاني
اية : اوف لا ماريد بس روحي لأن متت حر
نارين : حاضر وراحت ادور على قسمهة وهية جاي ادور انضربت بشخكص وكالتلة
نارين ؛ يا اس ما كملت كلامهة وهية ترفع راسهة وتشوف صدك
سرى : هههههههه اي صدك
نارين : لج كلبة ليش ما كلتيلي جاية مو كلتي قدمت على تربية انكليزي
سرى : ههه ما هان علية اعوف صديقتي فا قدمت قسم علم الافيزياء شون مفاجئة
نارين : لج احلة مفاجئة وحضنتهة نوب كلتلهة يلا تعاي خن ندور قاعتنة
سرى: بس كون اني وياج بنفس القاعة لأن كالو على تسلسل الأسماء
نارين : لا انشأالله بنفس القاعة هسة خل نروح انشوف ذيج المجموعة يم قسمنة
سرى: اي ماشي
نارين : بس خوية وين اسماء القاعات مال قسم
الولد : هناك على ذاك الباب
نارين : شكراً
سرى : ها جكلج
نارين : كلي على ذاك الباب راح اشوف اسمائنة واجي ضلي اهنا
سرى : ماشي
نارين : رحت اشوف الأسماء با القائمة وجان انصدم لا يربي ..............
