رواية بنت النصاب كاملة جميع الفصول بقلم جمانه السعيدي
احب ااكدلكم القصه حقيقيه
بعد ما نشرت قصة رنا ومعاناتها ويا ابوها
اجتني ااكثر من قصه
عن معانات البنات وياا ابائهم اختاريت منهن قصتين
هاي وحده والثانيه انشاء الله انشرها قريبا
رحمه اني من أب كردي وامي كرديه
احنا الأكراد الي عايشين ويا العرب بالمحافظة الجنوبيه
يعني مو أكراد الشمال
اب عن جد احنا عايشين بهاي المحافظه
اهل امي وأهل ابوي من سنوات طويله هما ساكنين هنا
احنا لقبنا بلمنطقه بيت النصاب
ابوي اكبر نصاب ومحتال بلدنيا مستحيل اي واحد يخلص منه
ومستحيل يشوف وواحد اذا ما يفكر شلون يستغله
ويستافد منه
اهل بابا كلهم حلوين عيون ملونه ابوي عيونه خضر
بشره بيضه بس هما ناعمين
هم عماتي وهم عمامي
يعني بابا اطول واحد بيهم طوله ١٦٧
عماتي ااكصر منه
جمالهم ماخذي من بيبتي بيبتي تخبل جمالها ماله مثيل
بيضه وملامحها عبالك مرسومه رسم
عيونها خضر شعرها يجنن
اني طالعه نسخه منها كل الي يشوفني يقول
انتي نسخه ثانيه من ام ابوج
ابوي قبل مزوج بت عمه زواج تقليدي
بس هذا الزواج مادام هواي هنا اربع سنوات ونفصلو
لان المشاكل بينهم ما تخلص
ابوي ماعنده احساس بلمسؤليه ابد
انفصلت عنه بت عمه وعنده منها بنيه
اسمها حنيين
بت عمه انهزمت منه ومن مشاكله والديون الي علي
رحمه....بابا قبل كان يشتغل ويا جدي جدي عنده مطعم
ابوي وعمامي ثنيين يشتغلون بي
هذا المطعم ااكبر مطعم بلمنطقه
بحيث الصبح يصير عليهم ازدحام مو طبيعي على الكباب
يجيبون لحم ذبح
طعم الكباب يخبل
جدي وعماني يروحون قبل صلاة الفجر يفتحون المطعم
ويبدون يجهزون الكباب
الازدحام على المطعم مو طبيعي
طلاب وسواق سيارات والعوائل تجي تأخذ وزن
والناس الي تشتغل بلسوك
تجي تتربك يمهم
كتلكم شغل خير من الله
جمانه السعيدي
جدي وسط كل هاي الهوسه اكتشف ابوي جاي ياخذ
نص الوارد يخلي بجيبه
وهذا الشي بين من يجمعون فلوس الشغل الضهر
لمن جدي اكتشف اول مره النقص
سئل ابوي وعمامي بس كلهم نكرو
المطعم مابي عمال اغراب هما ابوي وعمامي
ليش اكو نقص بلفلوس
جدي كان حريص وذكي
هو الي يشيش الكباب الصبح ويعرف هاي كمية اللحم
شكد اطلع كباب
ليش ااكو نقص
من بعدها جدي بدا يراقب ابوي وعمامي
الحد مااكتشف ابوي هو الي جاي ياخذ الوارد
طبعا جدي عصبي نار وما يتفاهم بسالفة الفلوس ابد
الضهر جدي دز على ابوي بعد مااتاكد هو الي جاي ياخذ
الفلوس
جدي....طلع الفلوس
خلدون...اي فلوس
جدي....فلوس الكباب الي خليتهن بجيبك
خلدون...انت تشك بيه
جدي صاح على عمامي لزمو ابوي وطلعو الفلوس من جيبه
جدي...هااا ذني شنووو
خلدون...فلوسي
جدي...ذني فلوسك منيلك ولك اني ابوك تبوكني
خلدون....واني وياك شنو غير واحد
جدي...لا مو واحد انت حرامي وغير امين
اطلع برا وبعد مااشوف وجهك هنا بلمطعم هاي اخر مره
طبعا هذا الحجي باانفعال وعياط
طبعا ابوي كام يصيح شنو تطردني واني شماخذ منك
واليوميه الي تنطينياها قليله
واني عنده طفله زغير تريد مصرف
ابوي يهوس وجدي يغلط علي ويصيح ااكثر منه
سامعين المثل الي يكووول فوك شينه كواة عينه
ابوي يهوس حتى يضيع المصيبه الي صارت
كعد بابا بلبيت بدون شغل
كلما زوجته تطلب منه مصرف يتحجج ماكو شغل
منيين يجيب
خلدون...حبيبي شنو رائيج تنطين ذهبج وافتح مشروع
ووحدي بمكان ماابوي مان عليه
بشغل المطعم
ساره...وشنو هذا المشروع بله
خلدون...اشوفلي مشروع واشتغل بي
ساره...يعني تريد تاخذ الذهب وانت بعدك ما تعرف شنو المشروع
خلدون....اذا تنطيني من باجر ااجر محل واجيب ملابس
منزليات واشتغل
ساره...وشيضمني راح ترجعلي ذهبي
خلدون...وسفه عليج قابل ااكلج
ساره...لا اريد ضمان عمي يضمنك يكول اذا مارجع الذهب
هو يجيبلي بمكانه
جمانه السعيدي
خلدون...اهوو هم دخلتي ابوي ما تعرفي شكد عصبي
وخاصه بموضوع الفلوس
ساره...واني ماامن بيك شلون انطيك ذهبي
اذا ابوك طردك من الشغل وماامن بيك وبشغلك شلون اني
اشيل ذهبي وانطيكيا
خلدون...اشتغل وارجعه اللج اضعاف مضاعفه
ساره...لا مااكدر اعذرني روح اتقرض من واحد من جماعتك
حتى ترجعن اله
خلدون...يعني انتي موجوده واني اروح اتوسل
بلناس قابل اني المن اريدها هنا اللج حبيبتي
ساره...ابد مراح تأخذ ذهبي
خلدون...خلاص كلشي لا تطلبين مني اني مااعرف اشتغل
عامل جوه ايد الناس
اصلا منو مايعرف ابوي زحمه اشتغل عامل والناس كلها تعرفني
رحمه...المهم بابا كدر يقنع زوجته تبيع الذهب
خلت علي شهود ثنيين اخوها الي هو ابن عمه وماخذ عمتي
وواخو الازغر منه جاسم
بعد ما قسم لهم بكل الإيمان السماويه راح يشتغل
وراح يتغير ويصير غير انسان
حتى يثبتهم هو يستحق فرصة عمل
وهما جانو ضالمي
اخذ الذهب باعه وبدا يحجي للمشروع كدام زوجته
حتى تقتنع
الشي الي جانت زوجته ما تعرفه
هو اصلا مدمن لعب قمار وجان ياخذ من فلوس المطعم
حتى يلعب قمار
وجدي بعد ما طرده من المطعم بقى يسئل ورا
لمن عرف هو يلعب أقمار
طرده من المطعم حتى لا يخسره شغله
لان اذا بقى بلمطعم راح يخليهم يفلسون من كلشي
المهم ابوي باع الذهب وبد يلعب قمار
وكان يوهم زوجته بالمشروع الجديد
الصبح يبقى نايم يكعد ينزل يم امه يتغده
ويطلع يكعد على الكهوه
ومايرجع اله ١٢ بليل
ساره....الشغل زين
خلدون...خير من الله
ساره...يعني هيج هذا مشرعك ناجج حتى تبقى هيج وقت متاخر من اليل برا
خلدون...حبيبي فلوسج بيهن البركه
اني نفسي ما جنت متخيل الشغل هيج
ساره...زين اذا الشغل زين خلي بحسابك اني اريد ذهب بكد الذهب الي بعته مرتين
لان باعتبار الفلوس اجيب فلوس والذهب يجيب ذهب
خلدون....صار من عيوني بس من اشتغل يعني مو هسه
أقل شي اشتغل سنه وبيج خير ودللي
جمانه السعيدي
ساره...تمام
ساره عقلها بغير عالم تتوقع الخير جاي يمطر على زوجها مطر
والفلوس صارت مالها عدد
مادام هو جاي يطلع كل يوم ومايرجع اله نص اليل
ولا يوم يقبل يرتاح من الشغل
يعني هيه هيج بلامان
رحمه....بابا بعقله لعبت الأقمار احسن استثمار
شغله بسيطه وجيب فلوس
لا تعب ولا جهد لعبه بسيطه يمكن يصادف الحظ
ويصير مليونير
احسن ما يشتغل شغل متعب وارباحه قليله
هذا الشي الشيطان كان يصوره اله بعقله
ويقنعه ممكن لعبه حرام مثل الأقمار تخلي يصير غني بين يوم وليله
بينما هو كل ليله كان يرجع خسران
وبلنهار يقنع نفسه يلعب بليل ويرجع خسارته
يروح بليل يخسر ااكثر
الحد ما خسر كل فلوسه
فاتن ست اشهر وابوي فلس ماعنده ولا فلس
من خلصن فلوس بابا
بدا يبين علي الارهاق والضوجه
معروف مدمن الأقمار ما يكدر يعوف هاي الشغله
ساره... اليوم ما تطلع للشغل
خلدون...شويه تعبان
اليوم الثاني كان رده بعدني تعبان مااكدر
اليوم الثالث استغربت ساره
وين جان من العصر يبدل ويكشخ ويتعطر
ويطلع من البيت وهو كله همه
ووين هسه
ساره...ااكو شي شبيك مهوم
خلدون...محتاج فلوس ااكبر مشروعي
ساره....لعد مو تكول شغل خير من الله
خلدون....اي محتاج فلوس حتى المشروع يكبر ويجيب فلوس ااكثر
ماتكدرين اجيبلي فلوس من اهلج
ساره...خلدون احجي الحقيقه خسرت الفلوس
خلدون...شنو خسرت المشروع ماشي شنو قصدج
اني فاشل
ساره....ولله لو ضيعت فلوس ذهبي مابقى دقيقه وياك
فهمت لو لا
احجي الحقيقه
خلدون...اهووووو انتي شبيج كمزتي عليه
اني صوجي ليش احجي وياج
خل ابدل ملابسي واطلع احسن من هاي الهوسه
