رواية تجميل قلب كاملة جميع الفصول بقلم يمني محمد
في يوم من أيام شهر ديسمبر ....
-استغفر الله العظيم،مش تاخد بالك يا بني ٱدم أنت
-أنتِ اللي خبطيني يا ٱنسـ.......ـه،ايه دا أنتِ دا أنا ربنا بيحبني والله
*زوم كدا على وشي، أيوه أيوه اظبط الكادر
ــ أهلا أنا غِياث ودي بداية قصة حبي مع الإنسانه متبلِّدة المشاعر دي ..
-لا حول ولا قوة إلا بالله، قلت كدا وأنا بمشي بسرعه من قدامه،منا مش طايقه أشوف حد قدامي وخصوصا الكائن دا
-ٱنسه رتيل ٱنسه رتيل طب دكتو...،اختفت من قدامي في وسط الزحمه وحسيت إنه روحي اختفت معاها
-وأخيرًا وصلت للبحر،المكان الوحيد بعد سجادة الصلاة اللي قادر يخفف تعب قلبي وشتات عقلي،وخصوصاً في الشتاء ولمسة الهواء اللي بتعمل قشعريرة جميله كدا في جسمي كله بحس مشاعري بتجدد بالشعور دا
وقفت قدامه وأنا بسترجع أحداث الشهر اللي فات كله حرفيا أصعب شهر يعدي عليا
-أنا رتيل في خامسه صيدلة دخلت الكلية دي صالونات بصراحه، بس أهو بحاول أتعايش علشان أهلي ومش مصدقه إني بقيت في سنه خامسه وبتخرَّج خلاص،رافضه فكره الإرتباط والجواز عموما، بسبب المشاكل اللي بشوفها وبعيشها يومياً،جالي انهيار عصبي الفتره اللي فاتت بسبب ضغط الإمتحانات والمذاكرة ومشاكل البيت اللي مش بتخلص،الشخص اللي خبطت فيه دا دكتور غياث الدكتور اللي تخصصه ملهوش علاقه بحالتي بس يوميا كان عندي،وكل يوم يتكلم معايا وأنا نايمه بسبب المهد*ئات اللي أخدتها،أنا كنت حاسه بيه وبشوفه بشكل مش واضح بس كلامه كان مش مسموع بالنسبالي،شعور كأنه فيديو شغال بدون صوت وصورته مبكسله،حاله زي التوهان كدا،وأتأكدت لما سمعت الممرضه يوم خروجي وهي بتتكلم وبتقول إنه كان بيخرج زعلان من عندي كل يوم،ودلوقت في سؤال واحد بيدور في عقلي !! ليه؟!
–أهلا مره تانيه،أنا غِياث دكتور متخصص في جراحة التجميل
مش أول مره أشوف رتيل يوم لما دخلت المستشفى رتيل حب طفولتي بس متعرفش إنه دا أنا "غيث"
-عودة من الفلاش ....
-فُقت من شرودي فجأه على رنة فوني ومكانتش غير ماما،ايه دا معقوله محستش بالوقت دا كله وأنا قاعده هنا
بجد البحر والهواء وبرودة الشتاء المكس دا رهييب
أخدت نفس عميق و قمت لميت شتات عقلي علشان أروح أكيد عرفوا إنه اتطردت من المحاضرة أصل ابن عمي اللي طاردني هه،اللي مش طايقني بسبب إني مش راضية أوافق على الجواز!!
-أول ما وصلت البيت سمعت الكلمتين اللي بيتقالوا كل يوم من والدتي،وبابا اللي قاعد ساكت وبيبصلي بنظرات حزينه لأنه مش موافقه على ابن أخوه العريس اللقطه اللي مفيش منه اتنين
دخلت أوضتي بعد يوم رهييب وصليت فروضي ونمت على طول مقدرتش ٱكل حتى
-تاني يوم صحيت علشان أنزل الجامعه وبعدها هنزل المستشفى عندي تدريب كلينيكال
-رتيل رتيل !بت يا رتيل
-لفيت بصدمه ممزوجه بفرحه:بيلسان!!
قلتها وأنا بحضنها بكل شوق وحب،وحشتيني يا بيلي أوي
-وأنت أكتر يا قلب بيلي،طمنيني عنك وعن أخبارك،عملتي ايه في أول أسبوع دراسه،ورحتي كورس....
-ايه يا بنتي حيلك حيلك تعالي بس نحضر المحاضرة دلوقت ولما نطلع هحكيلك حاضر..
-بعد حوالي ساعتين
-هو أتجنن دا ولا ايه،وبعدين هو مش متجوز؟؟
-رديت عليها بحزن:أنا حقيقي مخنوقه أوي !!
لأني مفطرتش الصبح يلا بينا نفطر
ردت عليا بكل صدمه :يبنتي أنا بقول ايه وأنتِ بتقولي ايه،دايما كدا هتفضل دماغك كلها مش بتفكر غير في الأكل
-يلا بينا بقاااا بقولك جعانهه
-يلا يلا دا أنا خايفه تاكليني والله
صحيح مين دكتور غياث اللي طلع فجأه دا
-حقيقي مش عارفه بس،بيفكرني بحد كنت أعرفه زمان
بس هما لا نفس الشكل ولا الاسم حتى
-تقصدي غيث؟؟
-قلتلها بتعب: أيوه معرفش ليه دايما بحس إنه قريب من كل مكان أنا فيه
مع إنه سابني من عشر سنين بدون ما يكلمني ولا يطمن عليا حتى،ٱخر حاجه كان فرحان إنه اتخرَّج من كلية الطب،ومن وقتها مشى ومشفتوش
-لسه بتحبيه؟
-لا طبعًا أنا نسيته أصلا من زمان،أنا بس كنت عاوزه أعرف ليه؟
ليه يسيبني ويمشي بدون وداع حتى،ليه مكلمنيش طول السنين دي كلها،ليه ليه ليه !
قلت كدا ودموعي نزلت بصمت
-بيلسان:اهدي يا حبيبتي اهدي، ما يمكن كان مضطر أو لا قدر الله جراله حاجه مش كويسه
-مستحييييل!!!
-بعد مرور يومين
-يومين عدوا عليا بعذاب وتفكيير مش بيخلص دماغي من وقتها واقفه عن جملة (يمكن جراله حاجه)
نفضت الأفكار السئية دي من دماغي وأنا ناسيه حاجه
-يلهوي يلهوي بيلسان واقفه بقالها ساعه تحت
- احم احم ..صباح الخير على أحلى بيلي في الدنيا
-...
-طب مساء الخير طب
-...
-ايه في ايه أنت بتبصيلي كدا ليه،مكانتش ساعه تأخير يعني!!
قلتلها كدا وأنا بهرب بعيوني وببص على ايدي،الله الله ضوافري شكلها تحفه النهارده
-رتييل لولا إني جايبالك خبر كويس النهارده كنت سبتك ومشيت
المهم غيث..
-....
غيث عايش يا رتيل،بس أخباره انقطعت من ست سنين،عرفت إنه ٱخر أخباره إنه كان في روسيا وكان ..وكان
-وكان ايه...!!
-عمل حا*ثه كبيره هو وأهله ومحدش فضل عايش غيره،وعمل عملية كبيره أوي ومن وقتها مفيش أي أخبار خالص عنه
-رتيل ..رتيل،أنتِ سامعاني،ألوو
-يلا نطلع عالجامعه
-؟؟؟
-البنت دي حقيقي هتجل*طني ياهتجل*طني مفيش
أوبشن تالت
-رتيل:نزلنا الجامعه وخلصنا المحاضرات اللي علينا وأنا بحاول مفكرش في اللي هي قالته أو بمعنى أدق بحاول أهرب من فكرة إنه في احتمال حتى لو بسيط إنه مبقاش موجود
بس أنا حقيقي بحس إنه حواليا،هحاول أصدق الشعور دا مفيش أوبشن تاني
-يلا يا ريتو نروح المستشفى،بقالك يومين محضرتيش،كان نفسي أقولك فاتك نص عمرك،بس حقيقي كانوا يومين بدون استفاده
-ههه طب يلا نروح علشان منتأخرش على دكتور خااالد ههههه،قلتها بغمزه وخبث
-رتيييييييييل!مش هسيييبك بجدد
-ههههه ههههه
-يا أهلا وسهلا ب بنت عمي الغالية،بتجري ليه بس مش تحاسبي
-وقفت مصدومه ل لحظات ورجعت خطوتين تلقائي وقلت بخفوت:يا فتَّاح يا عليم يا رزَّاق يا كريم، أهلا دكتور عِز قلتها بابتسامه موصلتش لعيوني حتى ..
أستأذنك بس علشان متأخره قلتها وأنا بحاول أسرَّع خطواتي،حقيقي الكائن دا لا يُطاق
-استني عندك متتحركيش
-!!!
-جه و وقف قدامي وقال بكل حنيَّه:حقيقي متزعليش مني لما طردتك من المحاضرة،بس أنا قلتلك مليون مره مشوفكيش واقفه مع أي ولد في الجامعه دي كلها صح ولا مش صح؟؟
-أوعوا تنخدعوا بالإعتذار دا أنا لولا إني حافظاه كنت اتخدعت بالحنيه دي زيكوا بالظبط..
-بس دا المعيد بتاعي،وكنت بسأله على حاجه بخصوص السكشن اللي شرحه
تخيَّلت نفسي برد عليه وبقوله كدا !!بس حتى التوضيح مش لازم أتعب نفسي فيه،وبعدين هو ماله أصلا!!
-لفيت وأنا بمشي بدون أدنى اهتمام
بس اتفاجأت بصوت عارفه صاحبه كويس أوي
-ايه يا واد يا عِز والله وكبرت وبقيت بتعرف تحط أوامر على الناس ههه
-لفيت بصدمه: دكتور غِياث!!
-عز بصدمه وقال بخفوت: غيث..!!!
