رواية عهد بين الجحيم والامل الفصل الاول
فى سجن النسا عهد كانت قاعده فى ركن لوحدها بتتفرج على الاتنين اللى بيتخانقو قدامها
إعتماد طلعت حاجه من بوقها وبشر قالت
اعتماد
بقولك ايه انا سوابق أصلا أنا حياتى كلها في السجن يعني دا بيتي الاول بطلع اغير جو وارجع تانى يعنى كلمتى انا اللى تمشي هنا انا الملكه
محاسن طلعت سلاح أبيض برضه وقالت
محاسن
ملكه على نفسك يا الدلعادى زى الشاطره كدا تلمى هدوم المساجين وتمرشيهم بدل ما اخلى وشك حوادث
إعتماد بشر مسكتها من شعرها وقالت
اعتماد
تعاليلي يا روح امك انا هعرفك مين الملكه والله منا سيباكى
عهد حطت ايديها على ودنها وغمضت عينيها ودموعها نزلت وبصوت عالي قالت
عهد
بس بقا كفايه كل شويه خناق مش بتتعبو انا مكانى مش هنا انا بريئه مش انا اللى قتلت ليه مش عاوزين تصدقو
إعتماد قربت منها وقالت بسخرية قالت
إعتماد
والله يا أموره كلهم بيقولو كدا جهزى نفسك بقا عشان دورك فى المرش بكرا
عهد بتهز راسها بعنف وقالت
عهد
انا بريئه والله معملتش حاجه هما جابونى هنا ظلم انا مكانى مش هنا وبتفتكر اليوم اللى اتقبض عليها فيه
فلااااش بااااك
فى فيلا الراوى عهد دخلت واتفاجأت بأمها مرميه على الأرض وغرقانه فى دمها وبذهول قالت
عهد
ماما إيه الدم ده وبصت على أبوها وقالت عملت فيها إيه يا بابا رد عليا أمي جرى لها إيه وحطت ايديها على بوقها وبرعشه قالت دى مش بتتنفس
رأفت بغل سحب عهد من شعرها وقال
رأفت
أمك دماغها ناشفة بقالها شهرين رافضة تتنازل عن الأملاك والشركات اللي كتبتها باسمك عشان تحرمني منها لما واجهتها الليلة وقالت لي مش هتاخد مليم محستش بنفسي غير والسكينة في قلبها
عهد زقته وزعقت فيه وقالت
عهد
أنت مجرم قتلت أمي عشان الفلوس اللى هي أصلا بتاعت جدو مش من حقك أنا هوديك في داهية وهبلغ عنك حالا
رأفت مسك السكينه وحطها فى ايد عهد وقفل ايديها وبشر قال
رأفت
تبلغي مين يا روح أمك السكينة دي هتقعد في إيدك لحد ما البوليس يوصل الأملاك كلها باسمك وأهو نخلص من أمك وتدخلي أنت السجن والورث كله يرجع لي قانوني بالتوكيل العام اللي مضيتيهولي زمان
ميرفت من وراه قالت
ميرفت
ايه يا حبيبي صوتك عالى ليه مش تسيب الجثه ترتاح وبصت على عهد ومدت ايديها وقالت ازيك يا حبيبتي انا ميرفت مرات ابوكي
عهد بذهول قالت
عهد
دا انت مخطط من زمان بقا وبصت على ميرفت وتفت عليها وقالت يلا يا خرابة البيوت يا حراميه استفادتى ايه لما فضلتى تحومى حواليه زى التعبان
ميرفت كانت هتتكلم بس البوليس وصل
رأفت بتمثيل قال
رأفت
هي دي عهد يا حضرة الظابط قتلت امها عشان تورثها
دى حتى ماسكه السكينه وعاوزه تكمل عليا بص على ايديها كدا
ميرفت
وانا يا بيه كنت جايه احوش تفت فى وشي حتى شوف
عهد بصدمه قالت
عهد
اه يا كدابين يا زباله وبصت على الظابط وقالت مش تصدقهم انا معملتش حاجه أنا بريئه
وبعدها الظابط قبض عليها
باااك
عهد فاقت على جردل ميه اتكب عليها وبتبص لقته هو
على بسخرية قال
على
بتبصي كدا ليه مش عاجبك دى ميه نضيفه على فكره ونزل لمستواها وهمس مش لو كنتى وافقتى تلبسي القضيه بدون شوشره كنتى هتلاقي معامله أحسن من كدا
عهد
وانت لو فاكر انى عشان هنا هبقي تحت طوعك واوافق على العرض بتاعك تبقي غلطان مش عهد الراوى اللى تبيع نفسها حتى لو عرفي وبسخريه قالت يا حضرة الظابط
فى فيلا الراوى ميرفت كانت قاعده بتعد الفلوس وبلهفه قالت
ميرفت
كل العز دا لينا انا مش مصدقه معقول كنا هنتحرم من دا كله
رأفت بغل قال
رأفت
ما بنت الكلب لسه ليها سلطه على الأملاك حتى بعد ما اتسجنت ولبسناها قضية قتل مش عارف أخد منها توقيع عملتى ايه فى الظابط اللى بيلهف كل شهر قد كدا دا
ميرفت
يخويا حد يزعل وقدامه النعمه دى كلها وبمكر قالت متسربع ليه ما هى كدا كدا الطرق كلها متقفله فى وشها مش هتفضل منشفه دماغها كتير فى الآخر هترضي
رأفت طلع سيجاره وبيشربها بغل وقال
رأفت
خايف اتعود على النعمه وفى الاخر تبقي مجرد حلم انا عاوزها تتنازل عن الأملاك بأى طريقة وبشر قال يإما هبعتها لأمها يونسو بعض
فى مكتب على كان بيتكلم فى التليفون وبزعيق قال
على
يعني ايه الكلام دا ايه اللى يخلى عامر ييجي هنا وكمان هكون تحت إشرافه ايه التهريج دا
احمد بغيظ قال
احمد
بقولك ايه الأخبار جاتلى وقولتهالك عشان تاخد بالك انت عارف أنه مش زينا دا زى السهم عارف هو رايح فين لا بيميل يمين ولا شمال وبسخريه قال واحنا صلاة النبي شغلنا كله شمال
على
انا مش بخاف وخليه ينور وبحقد قال دا انا هفرشله الأرض شوك قصدى ورد وهتبقي دم للركب
احمد
براحتك هتخسر منصبك انا عليا عرفتك وانت حر وبسخريه قال والبت اللى كل شويه تنط ليها السجن دى اقطع رجلك عنها خالص فاهمنى يا على
على بغيظ قال
على
غور يا عم بقا هو انت ولى امرى دا انت غتت وقفل الموبايل فى وشه وبحقد قال لا يا عامر مش كل حاجه الاقيك ناططلى فيها انت كدا هتبوظ الشغل كله
فى السجن إعتماد ومحاسن اتخانقو تانى ومسكو فى بعض
اعتماد
جرى إيه يا حته ضانى إنتي هتعيشي الدور عليا ده أنا اعتماد سوابق كيميا وتثبيت من صغري أنا أصلاً مبرشمين باسمي صنف في السوق ده أنا مسجلة خطر يا بت قبل ما أمك تفكر تتجوز أبوكى
محاسن بصوت عالي قالت
محاسن
صنف إيه يا أم صنف ده إنتي أقصى طموحك تسرقي غسيل من على الحبال وتجري أنا محاسن عضلات اللي قطعت وش شوقي الأعور عشان بصلي وهو بياكل كفتة أنا الإنجاز بتاعي يدرس للأجيال داخلة السجن ده في قضية هزت الرأي العام سرقت خزنة القسم وطلعت لسانى للمأمور وأنا بركب الميكروباص
اعتماد
خزنة إيه يا بتاعة الميكروباصات ده أنا في آخر عملية ليا نزلت من طيارة هليكوبتر فكيت شفرة بنك وخرجت ومعايا تلاتة مليون دولار والبوليس واقف بره بيوزع شربات من الفرحة إني سيبت لهم المبنى سليم إنتي فين وأنا فين يا بتاعة الكفتة
محاسن بشهقه قالت
محاسن
طيارة هليكوبتر ايه يا بومه ده إنتي لو ركبتي مرجيحة في المولد يغمى عليكي اسألي عني في سوق الجمعة أنا اللي هربت تلات تماسيح من حديقة الحيوان في شنطة هدومي وبعتهم لتاجر سلاح عشان يربيهم في البانيو
عهد بصالهم بتوهان ودموعها نازله وبهمس قالت
عهد
يارب انت عارف انى مظلومه ابعتلى اللى يساعدنى ويصدق انى مش قتلت امى
فى الوقت دا عامر دخل السجن وببرود قال
عامر
مش سيرك هو إنتي وهي على الانفرادي حالا ودفتر الزيارات يتقفل لأسبوعين ولو سمعت نفس واحده فيكو هخليها تخدم على القسم كله غورو من وشي
عهد بتبص عليه وبهمس قالت
عهد
يا ترى انت زيهم ولا عندك ضمير وقامت وقفت قدام عامر إلى اتفاجأ بيها وقال
عامر
جايه فى ايه انتى كمان آداب ولا سرقه ولا مخدرات
عهد
قتل جايه فى قتل بس والله بريئه واغمى عليها بين أيديه
عامر بذهول قال
عامر
قتل نهارك مش فايت انتى باين عليكى انك مش سوابق وشالها وراح بيها على مكتبه
عند على كان قاعد بيشرب سيجاره دخل عليه احمد وبغيظ قال
احمد
الدنيا مقلوبه برا وانت هنا بتحشش انت بتستعبط يا على عامر هنا بقاله ساعه واستلم كل القضايا اللى انت ماسكها بما فيهم عهد
على
هو لحق يعمل دا كله امتى وماله جاى حامى كدا ليه وبغل قال دا لو قاصد يحرق دمى بس تمام عاوز يلعب بالنار وانا مستعد
احمد بغيظ قال
احمد
مستعد لإيه بالظبط دا احنا شغلنا كله شمال وهو رتبته أعلى مننا يعنى مش هيسمي علينا
عند عامر فى المكتب كان ماسك ملف القضيه بتاعت عهد وبذهول قال
عامر
يعني ايه الكلام دا ازاى مفيش محامى اترافع عن القضيه دى وازاى مفيش ولا زياره ليها وبص على عهد اللى مغمى عليها وقال يا ترى حكايتك ايه انا مش مصدق إن الوش البرئ دا يقتل لا ومين مامتك
على دخل من غير ما يخبط واتفاجأ ب عهد وبمكر قال
على
الله سيادة المقدم مش بتضيع وقت جاى وعارف شغلك كويس اوى
عامر قام من مكانه ووقف قدام على وببرود قال
عامر
تانى مره لو دخلت بالطريقه دى هتشوف منى تصرف مش هيعجبك وافتكر انى أعلى منك رتبه فكلامى انا اللى هيمشي
على بغيظ قال
على
انت جاى ليه ها بتتدخل فى شغلى ليه وشاور على عهد وقال أنا اللى ماسك القضيه مالك بيها
عامر
كنت فاكر إنك ضابط شاطر يا علي بس الظاهر إن طمعك عمى بصيرتك ملفها كله تلفيق تهم
علي
تقصد إيه يا سيادة المقدم ولا بلاش المقدم خليه سيادة الواصي اللي جاي ينضف ورانا
عامر
أقصد البنت دى عهد ملفها ده فيه تلاعب أنا كشفته من أول ما استلمت القضية
علي
تلاعب إيه التحقيقات خلصت والشهود اتكلموا والسكينة عليها بصماتها فين التلاعب مش فاهم
عامر
اوعدك هكشف العبث اللى بيحصل دا قضية عهد من اللحظة دي في إيدي وأي محاولة منك للتدخل هتعتبر عرقلة سير عدالة وهتتجازى عليها قانونياً وبسخريه قال مفهوم يا سيادة الرائد
على
تمام وريني هتوصل لإيه اوعدك انها فى الاخر هيتحكم عليها بالاعدام لأن القاتل بيتعدم وسابه ومشي
عامر جاب كرسي وقعد قريب من عهد وقال
عامر
شغلنا دا بنمحى فيه القلب والعواطف ونستخدم العقل لكن معاكى مش عارف ليه قلبي حاسس انك مظلومه
فى فيلا الراوى ميرفت ورافت كانو قاعدين دخل عليهم على وبعصبيه قال
على
عهد مبقتش تحت سيطرتي يا رأفت والباشا الجديد اللي جه حط إيده على القضية وبدأ يقلب في كل حاجة
ميرفت
يعني إيه يعني كل اللي عملناه هيروح في الأرض
علي
ده اللي هيحصل لو معرفناش نتصرف. عامر ده مش زيي، ده جاي يفتح الدفاتر القديمة كلها وشكله ناوى على خراب
رأفت
طب ما تخلص عليه يا علي ما أنت بتلعب في كل الملعب بدل ما يهد المعبد علينا
علي
أخلص عليه إزاي يا غبي ده عامر لو اتلمس شعرة منه أمن الدولة كله هيقلب الدنيا أنا كنت بساعدكم عشان مصلحة مشتركة بس دلوقت مصلحتي أنا في خطر
ميرفت
مصلحتنا واحدة يا علي أنت عارف إننا مش خدنا حاجه ولا ورثنا لسه كل حاجه تحت سيطرت مقصوفة الرقبه
علي
أنتم أغبياء عامر لو عرف إنكم بتتاجروا في المخدرات هيفتش في كل ركن في حياتك وهيفتح عليكو أبواب جهنم وهيعرف موضوع قتل أم عهد أنا داخل في حوار ممكن يوديني ورا الشمس بسببكم
ميرفت
وأنت فاكر إننا هنسيبك تخلع أنت شريكنا في كل شحنة دخلت، وفي كل قرش دخل جيبك من تجارتنا لو وقعنا هنوقعك معانا يا سيادة الظابط
علي
بتهدديني يا ميرفت وقام وقف قدامها وخنقها والله لو سيرتي جت لأموتك
رأفت بغيظ زقه وقال
رأفت
انت جاى تتهجم عليا فى بيتي هى حصلت دا انا اروح فيك فى داهيه جاى سانن سكاكينك علينا ليه
على بشر طلع مسدسه وقال
على
اقسم بالله ادفنكو مكانكم مش انتو اللى تقتلو وتمشو فى المخدرات وكمان مش عاجبكم انا مجنون بلاش انا عشان لسعتى والقبر
فى المكتب عند عامر فضل قاعد مستنيها تفوق ولما فاقت بسخرية قال
عامر
اخيرا الاميره النائمه كل دا وبسخريه قال يلا عشان ارجعك السجن إحنا مش فى اوتيل هنا
عهد جريت عليه ومسكت أيده وقالت
عهد
ساعدنى كلهم اتفقو عليا وانا والله ما عملت حاجه أنا دخلت لقيت ماما غرقانه فى دمها وأبويا هو اللى قتلها ولبسني انا الليله كلها وبصتله بدموع وقالت خلانى امسك السكينه عشان تبقي بصماتى أنا وطلع متجوز على ماما صدقنى انا مش الجانى انا المجنى عليه
عامر بصلها بغموض وقال
عامر
مصدقك يا عهد وواثق انك بريئه كمان ووعد انا اللى هجيبلك حقك والغلطان هيتعاقب
عهد بذهول قالت
عهد
مصدقنى بجد ونطت عليه وحضنته وبدموع قالت انت الوحيد اللى صدقت كلهم كدبونى وحطونى مع المجرمين انا والله بريئه فضلت أقولهم كدا بس هما مش صدقونى
عامر اتجمد مكانه لثوانى وبعدين طلعها براحه من حضنه وقال
عامر
وانا القدر بعتنى عشانك عاوزك تحكيلي كل حاجه عن ابوكى وعن على ومرات ابوكي دى عاوز ابدأ اجمع الخيوط ونفتح النار عليهم
عهد حطت ايديها على بطنها وبكسوف قالت
عهد
انا واقعه من الدور العشرين وبقالى فتره مش كلت وبصت فى عيونه وقالت أنا جعانه اوى
عامر بمكر قال
عامر
شكلك خدتى عليا اوى وواخده راحة راحتك وبخبث قال تاكلى بيتزا
عهد بذهول قالت
عهد
بيتزا مره واحده دا انا اقصي طموحاتى كان ساندويتش جبنه وكوباية شاي بس طالما أصريت على بيتزا فأنا عوزاها بالببرونى
عند على كان بيتخانق مع رأفت وقال
على
انت مجنون شحنة ايه اللى تتسلم دا احنا علينا العين هروح اقولهم أيوه انا فعلاً ابن كلب
رأفت
قولي لي يا علي عامر ده وراه حد ولا هو جاي يستعرض عضلاته لوحده مفيش طريق ندخله منه يعنى
علي
وراه جهاز كامل وأنا بدأت أشم ريحة مراقبة على الميناء عشان كدا لازم الشحنة الجاية تتأجل
ميرفت
تتأجل إيه دي فلوسها مدفوعة والزبون مش هيستنى لو الشحنة مجتش هيقطعوا رقبتنا
علي
وأنا مش مستعد أضحي ببدلتي عشان شحنة مخدرات
عامر عامل زى الكلب بيشم من بعيد وممكن يطربقها على دماغنا كلنا
رأفت
لا أنت هتضحي وهتخلصنا من عامر وهتخلي عهد تتنازل ولو مش عاجبك في تسجيلات لكل مكالماتنا ولعمليات التسليم اللي تمت وساعتها مش بس بدلتك اللي هتروح ده رقبتك هتبقى في المشنقة
علي
أنتم فكرين إني خايف أنا اللي كنت بحميكم وأنا اللي كنت ببعد البوليس عنكم وقادر انى احمى نفسي
ميرفت
وأنت اللي كنت بتاخد نصيب الأسد من كل شحنه كفاية تمثيل إحنا كلنا في المركب يا نغرق سوا يا نوصل سوا
علي
تمام هشوف صرفة مع عامر بس لو حصل أي غلط أنا مش هعرفكم
رأفت
غلط إيه مفيش غلط. إحنا هنمشي في السكة اللي رسمناها واليومين الجايين هيحددوا مين اللي هيكسب
