رواية مجنونة في هندسة معمارية ( كاملة جميع الفصول ) بقلم امل فتحي

ميس : صباااح الفل ياااست الكل ...

منار: دا يا صباح الهنا والورد علي ست البنات صباح السعادة ..

أمال خرجت من اوضتها بضيق : ولله بقيت بشك في علاقتكم دي ... 

منار : بنت احترمي نفسك وأنتي بتتكلمي مع أمك وأختك الكبيرة ...

أمال : ياشيخه اسكتي دا انتي محسساني اني من بني قريضه .. ناس تقولها صباح السعاده وناس تقوم علي شبشب ابو ورده ...بطلي عنصرية بقاااا يامنار ...

منار وهي بتوطي تمسك سلاحها : اه شكل أبو وردةٍ هيصبح عليكي قبل ماتنزلي الكليه ...

أمال جريت علي أوضتها : والله هرفع عليكو دعوة لجمعية الرفق بالحيووان ...بس كدا 

ميس ضحكت : ههههه كويس عارفه نفسك حيوانة يااقردة ...

أمال خرجت من الأوضه وفي ايديها كتابها : لو حد عاوز يعمل بحث عن عدم المساواة والظلم ف الكليه هبعتهولك ياماما.... وبصت ليهم بستفزاز... اقعدي بقا أكلي فيها لحد ما بقت شبه نص الجام..وسه اهية...

ميس اتعصبت قامت تجري وراها وآمال فتحت الباب وجريت علي السلم تبرطم : عاالم ظااالمة امتي بقا ياقرة عيني تيجي تنتشلني من الظلم دا .... 

منار : هههههه لازم كل يوم تجري زي حرامي الغسيل كدا ... مش هتعقل ابدا 

ميس واقفه قدام المرايا وقالت بعبوس: هو انا فعلا بقيت نص جا.موسة ...انا تخنت ياماما 

ابوها خرج من الاوضه : هههههه ربنا يهديكي يا أمال يابنتي ...شككت البت في نفسها... 

ميس بضيق : اسكت يابابا كل ماتقول كدا بتتعفرت اكتر ....شكل الدعوة بتيجي معاها بالشقلوب

محمود بتريقة : حوشي يابنت انتي للي عاقلة اووي... تتكو الهم انتو الأتنين اجن من بعض

ميس : متقولش كدا يامحمود دا انا ملاااك ... صح يا نونا

منار ابتسمت : صح يا قلب نونا ... يلا عشان اتأخرتي علي شغلك ...

ميس : يلا سلام وباستهم وخدت شنطتها ... وخرجت ...

منار : ربنا يصلح حالكم يابنات وافرح بيكي يا ميس قريب يارب ...

محمود : امين يارب

بقلمي _____ أمل فتحي ✍️❤️

_________________A________________

في الكلية في قسم الهندسة المعمارية....

أمال بمرح: صبااح الخير ...

منه بغيظ : صباح الزفت ياأمال ...

أمال : أصبحنا... زفت ليه يا ست زفتة ...

منه بحزن: مشروع التخرج مخلصش ياا أمال ...والدكتور المفروض يستلمو بعد اسبوع واحنا مبدأناش اصلا اتقي الله ياابنتي هنسقط بعد عذاب خمس سنيين ...

امال وهي تمسح دموعها الوهميه : كدت ان أبكي من حديثك سيدتي ... وصرخت في وشها ... في اي ياست منه هي دي اول سنه يعني نسلم مشروعنا اخر الدفعه... دا الدكتور ذات نفسة حفظ أننا بنسلم اخر الدفعة 😂

منه بزعيق مسكتها من هدومها : اي يابت البرود دا ولله من حقها طنط منار للي بتعمله فيكي تستاااهلي ...دا انتي بلوة 

أمال بقرف زقت أيدها : طيب يختي كتكوتك جه اهووو هقوم ادخل المحاضرة جتكووو البلا مليتو البلد ...

مروان سمعها : هي البت دي لسانها عشرة متر كدا علطول ..

منة : هههههه سيبك منها انت عامل اي يا حبيبي...

مروان : الحمد لله يامنوش ...تعالي هجيبلك حاجة قبل المحاضرة...

منة بتردد: هتأخر يامروان و آمال هتزعق ...

مروان : تعالي يامنة متخلنيش اتنرفز وأقولك علي المحاضرة وعلي آمال...

منه ضحكت : هو انت كده لسة مقولتش ... هز راسه لا مقولتش ...

منة : ههههه طب يلا بينا واتحركو بضحك...

في المحاضرة ...

أمال بغيظ لنفسها : ااااه يااابنت اللذينة يعني تمشي مع خطيبك وتسبيني مرزوعة في المدرج لوحدي... دا انا للي هبقي ليكي مش هووو انا للي هشيل خشبتك مش هووو....

الدكتور بزهق : أمااال بررررره ...

أمال قامت : تصدق يا دكتور اتاخرت النهارده في طردي دا احنا في نص المحاضرة ...

الدكتور : طيب ملحوقة...بررة ياأمال

أمال لمت حاجتها واتحركت : ماشي هروح افطر بقااا يادكتور ماجد ... الدكتور هز راسه بيأس من تصرفاتها وللي مصبره عليها من اشطر بنات الدفعة...

عز الدين معدي من قدام المدرج وشاف امال قاعدة وضحك : كالعادة مطرودة...

أمال بحرج : اي يا دكتور عز انا بقيت مشهورة للدرجة دي ..

عز الدين : يابنتي انا بعرف الدور لما بشوفك مطروده برة من محاضرة دكتور ماجد 

امال بهزار : مش عارفه الشهرة عاوزه مني اي ... بس هي الزفته منة السبب مشيت مع كتكوتها وسابتني من غير كتكووت ...

عز الدين ضحك من قلبه : طيب همشي انا عندي محاضرة قال كتكوتها قال يخربيت عقلك... 

امال مشيت بضحك : لايمكن يكون دا قرة عيني ... دا بيهزر ومش شرير مش هينتقم مني ويبعتر كرامتي في الأرض لالا مش دا.... انا عاوزة الجلاد عااايزة حياااة مأساوية... 

منه قابلتها ع السلم: اييي انطردتي بردو ...

أمال بغيظ : يلا يابتاع مروان مش عااوزة اشووف وشك تااني خلي سي مروان ينفعك بقا ..

منة طلعت قدامها شكولاته وقالت: متأكدة انك مش عاوزة تشوفي وشي تاني ....

أمال خد منها الشكولاته : انا بقول بردو الواحدة ملهاش غير قره عنيها وخطيبها بلا صحبتك بلا بتاااع ....

منة ضحكت جاامد علي جنانها وراحوا علي الكافتريا ...

عند عز دخل المحاضرة ولسة هيبدا شاف اتنين داخلين وراه ايديهم في ايدين بعض وزعق : انا قولت ميه مرة محدش يدخل بعدي المحاضرة ... يلا يااستاذ خد كتكوتك واتفضل برة ... سيف افتكر أمال و ضحك لما افتكر وهي بتقول كتكوتها ... 

البنت : سوري يا دكتور ولله اول مرة ...مش هتتكرر

عز الدين : اتفضلو برة... وابتدا يشرح محاضرته ..

بقلمي ___امل فتحي ✍️❤️

__________________A_______________

عند ميس ...

نور الدين بزعيق : اززاي يعني ...

ميس بنرفزة : يافندم هو اي للي اززاي يعني هي مفهومة ....خسرنا المناقصه هي فيها ازاي ..

نور الدين بنرفزة : اززاي خسرناها احنا عااملين مشروع مينفعش يخسر ...

ميس ببتسامه باردة : للاسف يا نور بيه خسرت ودا شئ ممكن جداا في شغلك ...

نور الدين : اطلعي برة يا ميس واعتبري نفسك مرفودة ..

ميس خدت الملف من قدامة : اطلع بره اووك دا من حقك لاكن مرفودة دي مش من حقكك ... وخرجت ...

نور الدين حدف مج القهوة وراهاا وقال بنرفزة : يااانا يا انتي يا ميس ...

ميس دخلت تاني ببرود : لو انا ياانت يبقي انا يامستر نور ...وبصت للقهوة علي الارض ...ابعت حد ينضف مكان القهوة ولا انت هتتولي الأمر.. 

نور الدين قام من ع المكتب قرب منها بغيظ وهي جريت علي مكتب المدير الكبير ...

أنور خلع نضارته وسمع زعيق نورالدين وشاف ميس دخلت : عملتي اي تاني يا ميس ...

ميس وقفت جمبه : انا عملت حاجة ابنك للي ماشي يزعق ويتنرفز من غير سبب كل دا عشان خسر المناقصة ...

نور الدين دخل بضيق : بص بقا يااأنور بيه .. ياانا ياهي في الشركة دي ...

ميس : كل دا عشان خسرت المناقصة يا متكبر... اي يعني مناقصة وخسرتها بطل غرور بقااا اعترف ان نور الدين الصياد بيخسر عادي ..مش نهاية العالم هي

أنور همس لها : اسكتي الله يخربيتك ياميس هيطردنا انا وانتي من الشركة...

ميس بنفس الهمس : اجمد كدا ياأنور هو مين فيكو أبو التاني ...وبعدين متنساش اني ميس حبببتك اوعي تتخلي عني ...

أنور زقها بغيظ : اخرسي حبك برص دلوقت... اتكتمي خليني امتص غضبة ومسمعش صوتك ... ميس هزت راسها بحاضر ...

أنور: يابني ياحبيبي انت عارف اني مقدرش استغني عن ميس في الشركة ....دي ميس ...

نور الدين بمقاطعة : ميس دي بقالها سنين معايا في الشركة وقفت جمبي سنين وانت مسافر واخوك مشغول في محاضراته ... انا بعتبرها بنتي .... حفظت كل الكلام دا يا بابا ونا جبت اخري منها ... فاضل ليها غلطه واحدة وهرميها برة ...

ميس بعصبيه : ترمي مين ياا باشا ... هو انا عشان ساكتة يعني لا دا انا ساكتة عشان الراجل الجميل للي واقف دا مش اكتر...

أنور بيخبط علي راسه بشكر : علي راسي ياامحترمة ...يسلم زوقك 

نور الدين بص ليهم بخنقة وهز راسة بمعني مفيش فايدة وخرج ...

أنور بتنهيدة: الحمد لله مشي ...وبص لميس ...مش هتجبيها البر معاة يا ميس ..

ميس : هههههه الشركة دي وحضرتك عارفين معزتكم عندي بس مش هيجي بقا نور الدين باشا في شهر ونص يتنطط عليا ... لم ابنك ياحاج بدل مااقدم استقالتي وامشي...

أنور بضحك: قدميها يااختي وامشي دا ماهيصدق ...

ميس بعند وهي خارجة : نونو علي قلبكم ...انت قاعدة ومربعة

أنور هز راسة بضحك وقال : ولله لو ربنا كان رزقني ببنت مكنش هحبها قدك يااا ميس ...

___________________A______________

 بعد يوم طويل.... في فيلا الصياد ...

أنتصار بضحك: هههههه وللة ميس دي قمر ...

نور الدين: حتي انتي ياأمي ...اي حكايتها البنت دي معاكم ...

أنتصار :بص يانور انا هريحك .. وقت ماباباك جاله الازمة القلبيه كنت انت مسافر واخوك كان عندو مؤتمر برة مصر اسبوعين ومعرفناش نقول لحد فيكو ...للي كانت واقفه معانا ميس ويشهد ربنا ياا بني كانت ماسكة الشركة كلها لوحدها وممشياها گأن باباك هناك بالظبط وكانت تخلص يومها وتيجي المستشفى تطمن عليه وتشوف لو محتاجين اي حاجة وهي اصلا مفهاش حيل من مرمطة اليوم ف الشركة ... وربنا يبارك في عمرها ولدتها كانت كل يوم تبعت أكل المستشفى مع ميس وهي ولا تعرفنا اصلا بس عشان دول اصلهم طيب ... بنت جدعة وبميت راجل يانور يوم لما باباك تعب في الشركة كانت هتموت من الخوف علييه وكأنه باباها بجد بقت تعيط وتقول للدكتور بابا لازم يقوم بالسلامه وتزعق.... البت دي مفيش منها ... قعدنا اسبوع علي الحال دا ... وبعدين عرفت انت وسيف وهو نزل قبلك بيوم ...بس كان باباك خرج من المستشفى الحمد لله..

عز بتذكر : فعلا انا قولت هاجي الاقي الشركة فيها اهمال وكدا بس روحت لقيتها هههههههه واقفه فوق المكتب وعماله تزعق عشان المناقصة مخلصتش .... والشركة كلها بتلف حوالين نفسها ..

نور الدين : دي هتجننني يا عز ولله مش عارف دي دخلت شركة معمار اززاي ... لا بجد دماغها فيها حاجة .... دي مبتشتغلش غير وهي قاعدة في الأرض 

أنور بضيق : بقولك اي يا نور باشا ... ميس دي مصممه قد الدنيا ومنورة شركتي انا عرفتك اهوو..ملكش دعوة بيها وبراحتها هي قاعدة في مكتبها 

نورالدين بصلة برفعة حاجب : انت واقع فيها ولا اي يا أنور .... شكلك كدا بتعلب من ورانا 

انتصار بسرعة : بس ياولاد دي بنته حبيبته ... وقالت بتلميح ..يمكن ناس تانيه للي تقع أبوك ملهوش غيري ...

عز الدين ضحك : طيب انا هقوم ارتاح شويه ...أنور...خدني معاك مش قادر اصلا..

بقلمي امل فتحي ✍️✨

__________________A_______________

في بيت البحيري ...

ميس فتحت الباب ودخلت : بااااابااااااا ماااااماااا ياااااا عاالم يااللي عاايشين هنااا ...يااااهل المنزل الكرام 

أمال طلعت بهزار وبتقلد مامتها : يبنتي شوية عقل مش كدا هتكبري امتي.... تؤتؤ... هتجننوني 

منار طلعت من اوضتها وحدفتها بالشبشب : بتتريقي عليا يااخرة صبري ... ماشي ياأمال الكلب

أمال بصت لميس بغضب : عجبك كدا اديني انضربت ... ع العموم انا حبيبت اعرفكو ان امتحاناتي هتبداء الاسبوع دا .... هريحكو مني واقعد في اوضتي اخلص مشروع التخرج واذااكر .. يلا سلام اشوفكم بعد اسبوع وجريت علي اوضتها ..

منار نادت عليها : مش هتتغدي الاول ياأخرة صبري ...

أمال طلعت من الاوضة بتأثر : حنيتي عليا يا مرات ابوياا واخيرا هتعتبري اني بنتك وتأكليني ... ومسحت دموعها الوهمية ...

منار جابت الفردة التانيه وحدفتها بس كانت أمال قفلت الباب بسرعة وصرخت من جواه : مجتش فياااا ياامرات ابويااا...هههههه

ميس وابوها واقفين يضحكو علي عصبيه منار... 

_________________A_______________

 

بعد يومين في الكلية ...

 أمال قاعدة تعيط قدام المدرج وعز الدين شافها قرب منها بضحك : لا كدا كتير حتي ايام الامتحانات مطرودة.. طيب دكتور ماجد مش هنا مين للي طردك ...

أمال رفعت عيونها ليه وهو شافها بتعيط قال بقلق : اي يا أمال في اي بتعيطي ليه ...

أمال بشهقات : دكتور منتصر هزقني في وسط الدفعة وأنا ولله معملتش حاجة المرة دي ... وعيطت اكتر ...

عز قعد قصادها بقلق : طيب اي للي حصل اهدي ...

أمال بعياط : كنت طالعة علي المدرج وأبو كرش دا قابلني وقالي امووول انا دلوقت محاضرتي ... فأنا قولتلو عارفة يادكتور ...قالي طيب تعالي نطلع سوا ومسك ايدي بطريقة وحشة فااانا اتعصبت وقولتله احترم مكانتك ياادكتور بدل مهزق حضرتك ... وشديت ايدي واتحركت علي المدرج ودي اصلا مش اول مرة يتصرف بقذارة ... لما دخلت المحاضرة لقيته دخل وقام مزعق لي وقالي انتي اصلا مش نافعة وهتسقطي وطردني من المحاضره ...من غير سبب

عز قام وقف : تعالي معايا وخدها وطلع علي مكتب عميد الكلية....

عز بهدوء : ممكن ادخل ...

محسن : اتفضل يا دكتور عز ...

عز الدين دخل ووراه أمال متوترة وعز قعد وقالها اقعدي ياأمال ...

أمال قعدت وباين عليها العياط سيف بص للعميد وحكي له كل للي حصل ..

عز الدين : أظن حضرتك دي مش اول طالبة تشتكي من اسلوب دكتور منتصر ... أنا جيت لحضرتك لان هو زودها اووي ... 

 محسن بص له بضيق ورفع تليفونه : ابعتيلي دكتور منتصر... وبص ل أمال بلطف .. تصدقي ياأمال بقالك خمس سنين في الكليه اول مرة اشوفك هادية كدا ...

عز ضحك : فعلا ... بس هي زعلانه لانو قالها انتي ساقطة ...

محسن ببتسامة : لا مين دي للي ساقطة دي مشاء الله عليها رغم جنانها ...بس كل الدكاترة بيشكرو في مشاريعها للي بتيجي متأخرة بس بتكون مميزة ويكفي انك من الاوائل الاربع سنين ورا بعض اهو ... 

دكتور ماجد من علي الباب : هو انا مصبرني عليها غير كدا ياا دكتور محسن... لو بس تعقل شوية 

أمال بصت له.: عاااااااا اوعي تكون جاي تطردني من هنا كمان .... ماأنت متخصص في طردي حضرتك.. 

ماجد ابتسم : هههه لا وانتي غلبانة وانا بفتري عليكي ...

أمال بمرح : يا دكتور أنا قد بنتك اتقي الله فيا متظلمنيش ...

ماجد بصلها بيأس : أمال هي أمال مش هتتغير ... المهم حضرتك طلبت دكتور منتصر وهو مش هنا استاذن ومشي ...

محسن : تمام بكرة اول مايجي تبعته ليا ...

عز الدين بص ليهم : طيب عن اذنك يا ياسيادة العميد عشان عندي محاضرة يلا ياأمال عشان محاضراتك... 

أمال بمرح اتعدلت علي الكرسي : اسبقني حضرتك وانا هشرب قهوة مع سياده العميد واحصلك ...

عز بنرفزة : أمااال قداااامي ...

أمال جريت قدامه : طيب براحة لأحسن تطب سااكت يادكتور اعصااابك انت لسة صغير.....

محسن و ماجد ضحكو عليها وعز رفع ايدو بمعني مفيش فايدة وخرج....

بقلمي _____امل فتحي ✍️❤️

__________________A_______________

في شكة الصيااد ...

 ميس قاعدة وحواليها ملفاات كتير قامت بزهق : يووووووة... منك للله يا نور الدين ماانت لو كنت ربيته ياأنور مكنش عمل فيا كداا اهئ اهئ... 

قامت لفت حوالين نفسها بزهق... وطلعت قعدت فوق المكتب وسط الملفات ومش عارفة تبداء منين ....

نور الدين خارج من مكتبة وغصب عنة ابتسم علي منظرها وبعدين قال : انتي يابنتي متترزعي عدل ...انتي قردة ولا بني ادمة

ميس بغيظ وقفت علي المكتب وشاورت علية بالقلم : بص يانور انت ليك ملفااات طلبتها ملكش فيه بقا اقعد علي الحيط اقعد علي الارض ميخصكش ..وبعدين حتي لو انا قردة ملكش فيه..

نور ببرود : أنا بتكلم معاكي ليه متولعي المهم تخلصي الملفات ...

أنور خرج علي صريخ ميس: انتتتتت مستفززززز ليية كل الملفات دي عاوز منها اي دي من سنين ...ولا هي رخامة وخلاص 

أنور ضحك عليها وهي فوق المكتب : انزلي ياميس ...

ميس بصت له : اصبر يا أنور عشان بس اعرف اكلم عمود النور دا بحس اني قزمة قدامه ...كنتو بتأكلو اي دا 

أنور ضحك و نور شدها من ايدها نزلها من علي المكتب وقال بصوت خوفها : زوايا مخك دي لو مااتظبطتش صدقيني هظبطهالك يا ميس ياا نص متر انتي ...

ميس بصت ل أنور بستغراب : هو بيهددني باين...وبيقول عليا نص متر... 

أنور هز راسة : ااااه ...

ميس بصت ل نور وشافته متعصب رجعت ل أنور : يلا ربنا يسامحة بقا هنعمل اي .... القادر عليه ربنا 

نور مشي من قدامها وضحك عليها وهي رجعت تكمل الملفات بغضب ....

________________________*_____________

ونقوووول بعد مرور شهر....

ميس بعياط : أنور رد عليا يااأنوووور ... وبصت لعز بدمووع ... قولو يرد عليا ياعز قولو ميسبنيش... بابااااا

   

يتبععععععع_بقلمي ______ امل فتحي✍️

💗

مجنونة في هندسة معمارية 💗💫