رواية جبروت كبير البلد الفصل الاول
رقيه
اللي انت عايز تعمله ده حرام انا متجوزه وحامل ازاي يعني عايز تتجوزني
عصام
انا مش بقول كلمتي كام مره انا قولت هتيجي الفيلا وهتكوني مراتي هاتي بعضك وتعالي ورايا بدل ما اخلي الرجاله يجبوكي وساعتها هتندمي اكبر ندم
قال كلمته دي وبعدها راح ركب الحصان ومشي
وبعدها حماتها قالت بدموع
الحمااا
كان نفسي اقولك هقدر احميكي يا بنتي بس انتي عارفه الراجل ده مفتري ازاي واكيد يعني مش هيخليكي تعيشي مرتاحه
رقيه
شوفتي ابنك واللي بيعمله فيا حرام عليه والله
انا عمري ما هسامحه علي اللي هو عمله ده
وبعدها مشيت من البيت ودموعها
عصام كان واقف في وسط الفيلا مستنيها بعينه اللي فيها قسوة ولما شافها داخله من البوابه بص لها بنظره تقيله وقال
عصام
كويس انك جيتي من نفسك بدل ما كنت جيت وجبتك قدام الناس كلها وساعتها مكنتيش هتعرفي ترفعي عينك في حد
رقيه وقفت قدامه وهي ماسكه بطنها بإيديها وخايفه بس عنيها فيها تحدي وقالت
رقيه
انا صحيح جيت بس عمري ما هخليك تلمسني الا علي جثتي حتى لو هموت هنا مش هكون ليك
عصام ضحك ضحكه خفيفه فيها استهزاء وقال وهو بيبص لها من فوق لتحت
عصام
انتي لسه فاكره ان الموضوع بايديكي ده انا لو عايز كنت خدت اللي انا عايزه غصب عن الدنيا كلها بس انا ليا طريقتي واللي بيدخل بيتي بيكون تحت امري برضه
وبعدين زعق بصوت عالي وقال
عصام
يا سعديه تعالي خديها فوق خليها تستحمي وتهدي كده وبعدين حطي لها اكل عشان شكلها مش واكله بقالها يومين
سعديه جت جري وبصت لرقيه بشفقه وقالت
سعديه
تعالي يا بنتي متخافيش انا جنبك اهو ومش هسيبك لوحدك
ورقيه وهي طالعه على السلم لفت تبص له تاني فقال لها بصوت اوطى بس كله تهديد
عصام
انا برضه عمر ما عملت حاجه حرام وانا مش هاجي جنبك الا لما تخلفي ساعتها تبقي مراتي قدام ربنا والناس كلها
رقيه طلعت وهي قلبها بيدق جامد ومش عارفه اللي جاي مخبي لها ايه
وفي بيت حماتها الباب اتفتح بعنف ودخل محروس وهو متعصب ووشه كله نار وقال
محروس
هو في ايه مالبيت مقلوب كده ليه واختي فين ومراتي راحت فين
امه قامت من على الارض وهي بتعيط وبتخبط على صدرها وقالت
الام
منك لله يا ابني انت اللي دخلتنا في البلاوي دي كلها بسبب ضعفك وسكوتك على الظلم شوف مراتك راحت فين وشوف اخوك عمل ايه فينا
محروس مسك راسه بايديه وهو مش مستوعب وقال
محروس
انا كنت فاكر اني بحل المشاكل مش بوقعنا فيها اكتر من كده بس واضح اني ضيعت كل حاجه بإيدي
وامه فضلت تدعي عليه وهي منهاره وقالت
الام
ربنا ينتقم منك زي ما كسرت قلبنا وضيعت بيتك بايدك وربنا يوريك في نفسك يوم زي اللي انا فيه ده
والمكان كله كان مليان صريخ ووجع
وبعدها كانت رقيه في السرير وسعديه قالت ليها
سعديه
انا مش عايزكي تخافي يا بنتي خالص عصام بيه والله كويس اوي وعمرو ما بيعمل حاجه وحشه في حد
رقيه
هو انتي عارفه هو بيعمل فيا اي عايزني اطلق من جوزي واتحرم منه وبعدها يتجوزني غصب عني
سعديه
انا مش عارفه هو مالو من ناحيه اخو والله المفروض لو جه علي الدنيا كلها عمرو في يوم من الايام ما يجي علي اخو بس ربنا يهدي
رقيه انصدمت من كلامها وقالت ليها بزعل
رقيه
انتي بتقولي اي هو مين ده اللي اخو انا مش فاهمه منك حاجه ازاي يعني
سعديه بصوت واطي وهي عامله تبص حواليها
بقولك اي انا مش قولت حاجه الله يخليكي خليني في اللي انا فيه انا هنا بشتغل خدامه وبس ومش عايزه اي حاجه تانيه
وبعدها خرجت جري وكان عصام قدام الاوضه وأول لما شافته سعديه قالت
سعديه
بسم الله الرحمن الرحيم عصام بيه هو فيه اي مالك واقف كده ليه هو فيه حاجه
عصام
كنتي بتتكلمي معاها في اي
سعديه بصت في عيونه اللي كانت كلها خوف وقالت ليه
سعديه
ابدا والله انا كنت بحاول اطمنها من ناحيتك مش اكتر والله ولو مش عايزني اتكلم معاها تاني والله ما عندي مشكله
وبعدها هو فاضل باصص ليها ومبرق وبعدين قال ليها
عصام
اتفضلي علي المطبخ يلا ومش عايز كلام كتير انتي سامعه ولا لا
وبعدها مشيت وهي مرعوبه جدا ومش عارفه تعمل اي
وبعدها نزل عصام واقعد تحت وفي الوقت ده حماتي رقيه راحت ليه وعصام قام وقف وقال ليها
عصام
انتي ازاي يا ست انتي تيجي لحد هنا انتي مش عارفه
ان حالف لو شوفت وش حد فيكم مش هيحصل كويس
وبعدها هي نزلت علي رجله وقالت ليه
الام
ارجوك يا ابني رقيه ملهاش ذنب في اي حاجه انا اللي غلط زكاه خليها تمشي معايا وانا والله هاخد ابني وبنتي ومراته ونمشي من البلد
الام كانت واقعه على رجله وبتبكي بصوت مقطوع وقالت
الام
ارجوك يا ابني رقيه ملهاش ذنب في اي حاجه دي غلبانه ومرات ابني حامل ومش مستحمله اللي بيحصل فيها وابني نفسه ما لوش ذنب في اللي حصل زمان ارجوك سيبها تمشي معايا وانا هاخد عيالي ونمشي من البلد خالص ومش هنرجع تاني
عصام بص لها بنظره كلها نار ووجع وقال
عصام
والله بعد ما موتي امي وقلبها اتحرق بسببك متعرفيش انا ممكن اعمل فيكي ايه ولا ممكن اوصلك لايه انتي فاكره ان الموضوع هينتهي بكلمتين لا ده انا لسه حسابي معاكي تقيل اوي
الام فضلت تتحايل عليه وهي بتعيط وبتترعش وقالت
الام
ابني ما لوش ذنب هو ومراته والله العظيم ما يعرف حاجه عن اللي حصل زمان ومراته حامل وممكن تموت من الخضه اللي هي فيها ارجوك سيبها تمشي من هنا
عصام زعق فيها بصوت عالي وقال
اطلعي بره من هنا حالا ومش عايز اشوف وشك تاني ولو فكرتي تيجي هنا تاني والله ما تعرفي انا هعمل فيكي ايه
الام قامت وهي بتترعش ومسكت في هدومه شويه وقالت
الام
ربنا يهديك يا ابني ويرد لك عقلك ويبرد نار قلبك بس سيبنا نعيش في حالن
ا
عصام زقها بإيده بعيد وقال
عصام
امشي قبل ما اندمك على كل لحظه عيشتها في الدنيا
الام خرجت وهي منهاره ودموعها مغرقه وشها
وعصام فضل واقف مكانه ساكت فجأه وعينيه
فلاش باك
كانت ام محروس واقفه قدام ام عصام وشايله طفل صغير على ايديها وقالت بصوت فيه تحدي صحيح
سنيه
انا الخدامه بتاعتك بس قدرت اخد جوزك منك واتجوزه وخليته يبقى ليا انا مش ليكي
نجيه كانت واقفه مصدومه وعينيها مليانه دموع
نجيه
انتي بتقولي اي مش فاهمه انا ازاي عمل كده
انتي اكيد كدابه
سنيه
لا مش كدابه وانتي عارفه الكلام ده كويس اوي
وجبت ليه الواد اللي هيشركك ابنك في كل حاجه
نجيه
انت بتحلمي يا سنيه انت ما تعرفيش محروس بيحب ابنه قد ايه وحتى لو غلط هيصلح غلطته دي وهيرميكي في الشارع لا يمكن يخلي واحده زيك على ذمته
وفي الوقت ده قلبها مش مستحمل الكلام اللي سمعته وفجأه حطت ايديها على صدرها ووقعت من طولها على الارض
ودخل محروس و جري عليها وهو بيصرخ وبيقول
سليمان
قومي يا حب عمري قومي ارجوكي اوعي تسيبيني
وبعدها شاف سنيه واقفه وقال ليها
سليمان
هو انتي عملتي اي بالظبط الله يخربيتك انا هوديكي في ستين داهيه لو حصل ليها حاجه
وشالها بين ايديه وطلع بيها على المستشفى وهو قلبه هيقف من الخوف
وبعدها خرج الدكتور وقال
الدكتور
للاسف ما قدرناش نعمل لها اي حاجه الحاله توفت
وبعدها فضل يعيط ومش عارف يعمل اي و رجع وهو مكسور وعينه كلها دموع وبص لأم محروس بنظره كلها كره ومسَكها وفضل يضرب فيها وهو بيصرخ ويقول
سليمان
انتي السبب انتي اللي موتيها بايدك وخربتي بيتي وضيعتي حياتي
وام محروس كانت بتصرخ وبتحاول تدافع عن نفسها وهو مش سامعها
سنيه
والله العظيم انا عملت كده عشان بحبك وقلت لازم اعيش معاك هنا بدل ما انت سايبني انا وابني
سليمان
هو انت فاكره كده ان انتصرتي عليا انا مش هسجل ابنك ده باسمي وروحي بقى وخليه يعيش طول عمره ابن حرام
سنيه
حرام عليكم وانا كنت عملت فيك ايه علشان خاطر تعمل فيك كده ارجوك انا من حبي فيك بس ما قدرتش امسك نفسي اكثر من كده اني كنت عارفه انك هتسيبني بسببها
وبعدها زقها بره البيت وقال لها
سليمان
اطلعي بره حياتي خدي الواد اللي على ايدك ده وامشي من هنا انا مش هعترف بيه ولا هكتبه باسمي طول ما انا عايش
وام محروس خرجت وهي شايله ابنها ودموعها نازله ومش عارفه تروح فين
باك
