رواية هموم الشيخ سند الفصل العاشر بقلم ميامين الطائي
- لم أعد أنتظر تبريراً من أحد ، إفعلوا ماشِئتم أو إبقوا على ما أنتُم عليه، فلا روحاً باتت تشعُر ولا قلباً بات يكترث.
سند: الحيره والخوف والقهر بدا ياكل بيه صار اسبوع ماكو والله البيت ماداخله وصلت البيت مالتنه مالي خلك الدنيا طالعه من عيوني شفت هاي البنت تباوع الي مالي خلك دخلت السلام عليكم
الكل: وعليكم السلام
الحجيه: صار وياك يمه لكيتهه كلبي خلص صبره يمه فدوه طمني جدك يدور
الشيخ: اني اكلج ماكو مالكهه فوت اارتاح بعد ابوك ان شاء الله نلكاها هي لو تندل اجت
سند: ان شاء الله صعدت سبحت غيرت ملابسي رحت لغرفتهه اشتم بعطرهه وينج اشتاقيتلي هموم خليت التشيرت علي وجهي.... غمضت عيوني
هموم: كعدت ب 5 غسلت توضيت وصليت دعيت الله يساعدني لفيت الشماغ جراويه لفيت وجهي وطلعنه
المره: خاله لاتنزعين للثام من وجهج لان اخاف تحلين بعيونهم ولد الحرام هواي
هموم: لا ماانزع لاتخافين خاله عليه تباوع الاديه لفتهن اجت ابسياره وصعدنه بيه
الرجال: ام محمد منيلج هاي البنت اول مره نعرف عدج بنت وين ضامتهه
ام محمد: ماعليك انت وصلنه بكروتك ولاضل تحجي حجي زايد
الرجال: ههههه والله لو تشتغلين جان هسه انتي مرتاحه ملكه بس انت مدري شبيج ونسي روحج
ام محمد: سد سالفتك ابخايسه بسك مااريد اسمع صوتك
هموم: رجال يباوع بالمرايه ماارتاحيت الهم اخذت سجينه وياي كلشي يصير. طريق صار شبعده وصلت للكراج انطيته 25 دفعتله كروه رجعلي 15 نزلت هي وياي تصيح سيارات واحد ولد من ابناصريه يشتغل عوزه نفر واحد،
الولد: يلا حله حله وين توصلين خاله عوزي نفر
المره: خاله اريد امنك امانه توصلهه لهذا المكان الاكلك عليك اني جيتك لان دريت من الناصريه انتم معروفين اريد توصلهه للحله لمكان ****-*
الولد: من عيوني علي راسي خليه تدللين خاله يلا خويه صعدت لاتخافين الامانه وصلت
هموم: مشكوره خاله ماقصرتي هاي 15 مصرف لج بالقران مااخذه اي شي تحتاجينه تندلين المكان سلمت عليه
المره: مودعه يحفظج الله توصلين بسلامه
هموم: صعدت اني قررت بس اوصل اخابر خالي يجي ياخذني خلاص بعد هموم الولد ورده مالت الله فعلا ولد من الناصريه شمااحجي قليل بحقهم لدرجه يخاف عليه حسبالك اخته وصلت السياره
الولد: خويه اذا معندج كروه خليه اني وصلت لهذا مكان ااعذريني علي،التقصير
هموم: تسلم الله يخليك ويحفظك لاعندي دفعت 25 نزلت اركض طبيت للبستان جان اكو شوك جلب بيه وكعت طلع. دم اخ كمت بكوه رحت جانت اكو حوض صبه بيه للماطور. اجيت اغسل زحلكت وكعت بالمي تنكعت مي خرب حضي اي والله شعري تبلل ملابسي وين جانت هاي الي
سند: كعدت من النوم راسي مصدع نزلت وسن جاي ثخين باوعت مغرب تعشيت وطلعت ادور علي هموم بالمناطق ريفيه صليت وتعشيت وردت اطلع مااسمع بس صوت رمي علي بيتنه اخذت سلاحي وطلعت ارمي عليهم... شردو
هموم: كمت اشوف دم بملابسي منكعه مي بالكوه امشي اذن اني بالبستان بقيت امشي شفت بيتهم من وصلت هو صار رمي مااحس الاطلقه صارت بجتفي مباشرتاً زحفت وكعت شاغت روحي من وجع خلص الرمي من الوجع صوتي راح ماعندي طاقه صرت ازحف زحوف شماغ سند عندي بالكوه كمت امشي دكت الباب فتح الباب سند واني وكعت بحضنه...
سند: اني روحي طلعت والله اله علمهم خابرت دوريه عليهم راح يلحكونهم عرفتهم حموين المره الدخيله ااندك الباب رحت فتحته انصدمت هموم ....وطاحت بحضني هموووم تباوع كهله دم مباشرتاً شلتهه جيبووووو سياره بسرررررررعه
الشيخ: بويه سند منو هااي الشايلهه منو واكف حاجينه هاي ياهي
سند: فتح باب السياره جدي هموم هااي صعدت سياره جدي يصيح تحملي ياابعد اهلي وعلي ردت اسوي حادث مرتين وصلت للمستشفي هي تنزف اني شايلهه وينكم تعالووو اخذوها مني خلوها علئ سديه الغرفة عمليات الحمد الله من رجعت ربي احفظهه لي
الشيخ: وين سند هموم وين شلون
سند: بالعمليات ضاربينه طلقه ادعيلهه جدي لان تحملت ذنب مو الهه
ابو سند: سند خل الدكتوره تفحصهه تتاكد محد متقرب الهه بعدهي بنت بيت
سند: عوفك من هل حجي كاافي حجي مااصخ كلامك الي مابيه خير
فيصل: والله اذا مافحصتوها وتاكدتو لو اعرف تبرون مني اكتلهه مااخليهه عدله
الشيخ: رجال يتكرب الهه اني ااعلمكم بسيطه يصير خير
سند: سهله تجي الدكتوره وتفحصهه بقينه ننتظر تخلص العمليه طلعو دكاتره
دكتور: بنية جسمه ضعيفه وتعبانه من تعرضهاا لجروح الحمد الله الطلقه طلعناهاا بس شويه يراد الهه راح يومين او 3 الا تكعد الحمدالله علئ سلامته
ابو سند:،دكتوره ممكن طلب تفحصينه تتاكدين اذا بعدهي بنت بيت لان جانت مخطوفه وخايفين عليه
الدكتوره: تمام هسه افحصهه تتاكد انتظروني
الشيخ: مع الاسف انت ابني ياريت الموت اخذكم مااخلاكم عايشين شكون بنت علي
سند: اول مره اخجل انت ابوي مااعرفتك هيج جنت اشوف كرهك لعمي علي بس هسه ثبتت تفكيري صح بعد شحجي وياك
الشيخ: مااريد اشوف وجهك بيتي خل اشوف النتيجه ويصير خير
الدكتوره: الحمد الله البنت عذراء محد متقرب الهه تطمنو والحمدالله علي سلامتهه
سند: طلعو هموم شكله تعبانه.. ابوي وعمامي جانو رايدين حجه ادري الحجي من نسوانهم حتي يكتلون هموم بس مالكو وراحو بقيت اني وجدي ننتظر بقيت 3 ايام كعدت هموم
هموم: مااعرف منين اجتني هاي المصايب مااعرف شنو لي صار فتحت عيوني ميته وجع شفت الاجهزه كعدت احس نفسي عايشه بغير عالم شويه اجه دكتور
دكتور: الحمد الله علب السلامه ياحلوه مابيج بس العافيه
هموم: الله يسلمك دكتور بس وين اني منو جابني لهنا
دكتور:،شيخ سند والشيخ *** براا ينتظرون هسه راح نشيل عنج الاجهزه ونخليج ترتاحين
هموم: هزيت راسي كرهانه اشوف واحد ييهم ذكرت كلشي صار بيه بتالي شمروني للموت محد يدور عليه
الدكتور: شيخ الحمد الله مريضتكم كعدت تعدت مرحلة خطر تكدرون طلعونه بس دير بالكم 10 ايام وتشيلون الخياط.
سند: الله يسلمك دخلت شفته مغمضه عيونه مااعرف بشنو تفكر بستهه براسه الحمد الله علي سلامتج بنيتي مااحاجتني ولا كلمه
الشيخ: بويه الحمد الله من رجعتي جنت خايف عليج وين جنتي،
سند: هموم كلمه مااحجت اني راح كمل الاوراق حتي نطلع واخابرهم يحظرون الذبايح علمود رجعت هموم
هموم: كلمه مااحجيت ساعدتني الممرضه لبست ملابس جسمي كل يرجف وجع مو طبيعي بكتفي، صرت الزم الحايط وامشي بيدي والثانيه راد يلزمني سند دفعته
سند: كملت الاوراق وقعت دفعت الفلوس لكيته تريد تمشي ردت اسندها دفعتني هموم ماله داعي هاالتصرفات بعدين نتفاهم هسه ماتكدرين تمشين
هموم: الي اجه منك انت وجدك يكفي خليكم بعيدين عني شنو مصيبه جديد بعد راح تورطوني بيهه تبيعوني
سند: تمام براحتج صرت امشي وراها جدي راح قبلنه يحضر ويجهز الامور وصلت فتحت السياره شفتهه توجعت
هموم: جسمي تعبان كله احس مابي روح الوجع يدك بكلبي بالكوه امشي صعدت بالسياره ماكدرت من وجع الطريق كلهه،ساكته وصلت شفتهم محضرين طليان ولاهتميت
الحجيه بقت تهلهل وطش جكليت
الحجيه: هلا بيج وبرجعتج الحمد الله علي سلامتج يالغاليه اسم الله عليج
وسن: اسفه هموم الحمد الله علي سلامتج ونور البيت برجعتج يعمري
هموم: سلمن عليه الله يسلمجن وسن صعديني ارتاح فدوه لان مااكدر
وسن: تدللين تريدين تبقين وياي بغرفتي اخاف جرح تحتاجين شي،
هموم: ذبحو طليان دخلت لا صعديني بالكوه صعدت بس كل ساعه ارتاح وصلت للغرفه وسن جهازي وين اريده
وسن: عد سند هسه اجيبهه الج ارتاحي انتي شنو تحتاجين كليلي،
هموم: تمام باوعت لحالي وين جنت وين صرت فتره وتعدي هموم انتي اقوى من هالشي تمددت بس بالكوه جابت الجهاز طافي شحن خليته علي شحن خليت راسي علي مخده اذكرت كلشي صار وياي
الشيخ: شبيهه هموم سند حتي مااهتمت للشي الصار وياها حاجيني
سند: مااخذها بخاطره كم يوم وارضيهه اجت وسن ردات جهازها انطيتهه الهه رجعت راسي ليورا تعبان هوااي اووف ياهموم صعدت سبحت فتحت الباب شفتهه نايمه بسته وغطيته وطلعت لغرفتي اول مره راح انام مرتاح من بعد 10 ايام خليت ونمت
