رواية فصلية ولكن الفصل العاشر بقلم سوزان ليث
خالد: ماشي بويه روحي ارتاحي بس لاتنامين انتظريني كرصتها من خده وطلعت
حياة: رحت لغرفتي اخذت هدومي وفتت لحمام اخذت حمام دافي جنت منتهيه من التعب كملت وطلعت ومشطت شعري وفرشت فراشي كلت خل امدد ظليت العب بتليفون وبعدها غفيت حاولت مانام بس متحمل حسيت نفسي تخربطت مو نمت من تعب
خالد: ظلينا كاعدين صارت ب 12 عمامي راحو والباقين فرشو بالهول عاد كتلهم يله تصبحون على خير عفتهم ورحت للغرفه
فتت لكيت حياة بسابع نومه خطيه مبين عليها تعبانه رحت للجربايه مددت شويه وغفيت
حياة: كعدت ساعه ب 7 جنت محتاجه اروح للحمام كمت للحمام كملت غسلت وطلعت صليت شفت خالد نايم رحت ظليت واكفه يمه ممصدكه نايم بفراشه بعدين عفته طلعت لكيتهم ديشيلون بالفرش وناس سوي ريوك
عاد رحت كملنا ريوك وبدينا نسوي بالغده جانن الجدوره كلش كبار بحيث وره البيت جان يطبخون عالبريمز صارت بالعشره رحت للغرفه اشوف خالد فتت لكيته بعد نايم
رحت يمه كعدت على حافه الجربايه يمه هو رستا فتح عيونه
- صباح الخير
- صباح نور
- شونك نمت زين
- الحمدلله
- يله كوم حتى اسويلك ريوك وتاخذ دواك
- انتي دوايه
- بتسمت كتله يله كوم
-بارحه مو كتلج لتنامين
- والله ماعرف شون نمت واني جنت منتظرتك
حياة: كعد خله ظهره على جربايه كلي
خالد:منو اكو بره
حياة: الكل بره نص بالمطبخ نص وره البيت
خالد: خوما اكو ولد فات بالمطبخ
حياة: اخذت صفنه داذكر كتله لا ماكومن الباب ياخذون شغلات ليش تسئل
خالد: بارحه رزلتهم شنو يدخلون جوه وكلها نسوان شعدنا
حياة: هههه همه كلهم ولد عمك والي بالمطبخ خواتهم وامهاتهم
خالد: خل يولون سرسريه
حياة: يله كوم حتى تتريك
خالد: ماشي هسه اغسل واجي روحي حضري الاكل
حياة: ماشي كمت دامشي
خالد: ولج تعالي هنا
حياة: نداريت عليه كتله نعم
خالد : تعالي
حياة: رحت يمه كتله ترى هدومي وخلصن والله بعد ماعرف شلبس كلسع دكلي هذا لتلبسيه
خالد: هههههه لا لتخافين نطيني عكازه واكعه
حياه : دنجت داجيب العكازه جرني من خصري يمه
خالد: تعالي يمي لعبالج سامحتج لان البارحه نمتي وعفتيني
حياة: باوعت اني كلش قريبه عليه تقريبا كاعده بحضنه وهو مقرب وجهه يم اذني
. والله انتظرتك وانت تاخرت
خالد: تقربت منها وخرت شالها ظليت ابوس بركبتها وانزل جوه على صدرها بس هي كمزت مني
حياة: تقرب مني وكام يبوس بيه وصارت بوساته جريئه كلش احسه كام يبوس وياها شمه بس اني فزيت منه كتله وخر شدسوي
خالد: داعاقبج لان عفتيني البارحه تعالي بعدني ممكمل عقابج
حياة: خالد كافي لحد يفوت علينا حروح للمطبخ عدي كومه شغل عفته ولبست شالي وطلعت منه بس اني كلبي جان يدك سريع وطلعت احس الكل يعرف جنت اسوي جوة
خالد: حسيتها استحت مني صح اني مداتحمل اشوفها قريبه عليه بدون مااتقرب منها
عافتني وطلعت ركض
كمت غسلت وكملت وطلعت صبحت عليهم بيت هوسه رحت للمطبخ كلهن يشتغلن
حياة: باوعت اجه للمطبخ كتله وين تتريك
خالد: بالهول جيبي عفتها ورحت
حياة : هذا شبي كالب وجهه
اخذت الاكل ورحت خليته عالطبله وهو كعد رستا ولا دارلي بال
كتله : شبيك
خالد: باوعت عليها كتلها تعرفين
حياة: جان ماكو احد بالهول كتله شنو زعلت لان عفتك وطلعت
خالد: باوعت عليها لكيتها الا شويه وتنزل دمعته عاد ضحكت كتلها مابيه شي شبيج حتبجين
حياة: والله عبالي زعلت
خالد: تعالي اكلي ويايه
حياة: لا اني اكلت من صبح
دخلت زينه علينا
زينه : ولج انتي هنا دتلغين واحنا مخبوصين بالمطبخ
خالد: شبيج مشوفيها يمي شنو هالغوه ماتج
زينه : لا اخويه بس كلنا دنشتغل من صبح وهي كلسع مختفيه
حياة: وين مختفيه مو من صبح وياكم وهسه جبت ريوك لخالد
خالد: زينه سوالف الجهال بطليها
زينه : لا والله موقصدي خليها يمك احنا هوايه بالمطبخ
عافتنا وطلعت
خالد: معليج بيها يله روحي كملي شغلج
حياة: ماشي من تكمل صيحني اشيل الاكل
عفته وطلعت لكيت زينه واكفه يم بت عمها ايات الي هي صير حماتها لان زينه ماخذه ابن عمتها اخو ايات
عفتهن ورحت اثرم ويه امل الطماطه والبصل
للظهر كمل الاكل رستا صبو الاكل كامو ياخذون الاكل بره جانو مسوين ميوزه بالكراج والكراج طويل على طوله كملنا اكل رياجيل وكالو من يكملون الرياجيل نصب للنسوان كملنا رياجيل وكمنا نصب للنسوان وكملناهم وراها اجه حسين عليه كال وين امل كتله مادري يمكن دتتغده كلي حياة فدوه دشداشتي عالجربايه بس اكويلياها اذا ماعدج شي حيجون بيت عمي
كتله بيت ايه ( خطيبت حسين بيت عمه ذوله عايشين بعيد عنا مو نفس المنطقه )
حسين : اي حيجون هسه بطريق وشوفيني صاير بيه
حياة: اوكي هسه ارح اكويلك وانت فوت اسبح شي تجي ايه شوفك هيج هسه ترجع لبيتهم
حسين : ها شقصدج
حياة: هههههه ماقصد يله حروح
رحت فتت لغرفه خالتي اخذت دشداشته ورحت لغرفتي داكوي بالدشداشه فات عليه خالد
خالد: ها بويه شدسوين
حياة: داكوي دشداشه لحسين خطيه حيجون بيت عمه
خالد: وليش انتي تكويها جان خليتي امل تكوي
حياة: لا مو جانت تتغده وهو خطيه صاله هواي مشايف ايه عاد مو يشوفها هو مبهذل
خالد: باوعت عليها شون كلبها طيب هالبنيه رحت وكفت وراها جريتها على صدري
حياة: جرني صار ظهري على صدره
.. خالد شدسوي داريد اكوي وخر
خالد: شعليه بيج متكوين
حياة: اويلي يابه من يوصل يمي احس نفسي متخدره
خالد: وخرت شالها وظليت ابوس بركبتها من وره وهي كلسع تدفعني بس موخرت منها
حياة: نداريت عليه كتله شون محكوي اليوم
خالد : شعليه بيج متكوين لازم ايدج
حياة: رجعت كملت اكوي وهو لازك ورايه ثولني ثول نوب اني اغار من ركبتي كلش وكلسع دافعته
كملت بالكوه كوي كتله وخر كملت
خالد: بعد ماعدج كوي
حياة: ههههه لا كملت وخر عاد الولد دينتظر دشداشته
خالد: اويلي لو ادري لام دشاديش الوادم كلها تكوين بيها واني استفيد
حياة: هيج تريد تعبني
خالد: لعد مو حرام انتي هيج متعبتني
حياة: وخرت منه كتله حروح اودي دشداشه
خالد: وديها وتعاليلي عندي وياج شغل وغمزتلها
حياة: رحت يم الباب ونداريت عليه كتله مارجع عندي تل مال اماعين عفته وطلعت مادري ليش من يتقرب مني اريده وماريده بنفس الوكت
طلعت انطيت دشداشه لحسين وراها رجعت للمطبخ وشغل شغل شغل لحد مكملنا الماعين نوب امل كلتلي احمد وره البيت حروح اشوفه كتلها لتروحين لاحد يشوفج كلتلي ماكو احد كلهن بالاستقبال اروح ماتاخر
امل: رحت اشوف احمد جنت مشتاقتله كلش دزلي مسج كلي تعالي وره البيت
رحت شفته واكف يشرب جكاره تقربت منه سلمت عليه
احمد : شونج ياعمري
امل: الحمدلله زينه انت شونك
احمد: هسه صرت زين بشوفتج
اليوم امي تحجي ويه الحجيه بموضوعنا
امل: اليوم عزه احمد الا اليوم مشرف هوسه البيت
احمد: بعد ماتحمل مصدكت كمل النقل مالتي
امل: خاف ابويه ميقبل
احمد: اخذج اخذج انتي الي وبس
حياة: جنت واكف يم الباب انتظر امل واخاف لحد يروح وره البيت اجه خالد شافني واكفه
خالد: شدسوين هنا
حياة: ظليت ماعرف شحجي كتله حار المطبخ حموت حر
خالد: دطبي جوه لاموتج
حياة: هزيت راسي وطبيت ظل واكف بالمطبخ يحجي ويه بسمه المشكله شباك المطبخ عالممر يعني اذا طلعت امل تبين وخفت لاتطلع ويطلع وراها احمد وخالد بالمطبخ غير يسوينا سالفه
باوعت عليه هو جان مندمج بسوالف بس ردته يرفع راسه عليه باوع عليه اشرتله براسي يلحكني
رحت للغرفه هو دقيقه واجه ورايه
خالد: ها شرايده لازم اشتاقيتيلي
حياة: ظليت ابلع بريكي هسه شكله حجه كتله اي اشتاقيتلك
شو هذا مصدك كام يتقدم عليه واني ارجع
خالد: لزمتها من خصرها كتلها اويلي عليج دمرتيني وعلي
حياة: ظليت ساكته لان مادري شكله والله فشله فشله هسه شيكول عليه جايبته للغرفه اريد منه شغلات
خالد : شبيج
حياة: مابيه بس متعبان انت متريد تسبح
خالد: اي والله ميت تعب اي خل اسبح تحضريلي الهدوم
حياة: اي ميخالف
خالد: تعالي نسبح سوه مو حرانه
حياة: ابتعدت عنه كتله يله فوت اسبح وخزرته .. (هاي صحتك للغرفه كلتلي تعالي نسبح لو ابوسك جان سويت)
خالد: اموت على الخجل ماتج هو الي يخليني هيج ميت عليج
حياة: حضرت ملابسه وطلعت بره لكيت امل بالمطبخ رحت يمها
.. خرب بيج وين جنتي والله متت رعب ونوب ابوج اجه وكف هنا
امل: عزه ابويه جان هنا
حياة: اي اخذته للغرفه بس حتى اطلعه من المطبخ ونوب لزك عباله صحتله لان مشتاقتله
امل: هههههههه خرب
حياة: اي ضحكي ضحكي واني الوكعت بيها
امل: اسكتي عندي اخبار بعدها بالباكيت
حياة: شكو
امل: احمد كلي امه حتحجي ويه بيبي اليوم وتطلبني
حياة: والله اوي عزه حكمز من الفرحه هههههههه
امل: لعد اني شكول كلبي دكاته تقرا الف هههههه
حياة: حيصير عدنا عرس هلا هلا
امل: ابويه خايفه منه كلش
حياة: ولج ليش احمد خوش ولد واهله زينين وشغلته زينه بعد شكو
امل: متعرفين ابويه بعدج
حياة: هسه لتستعجلين بالكي يوافق
رجعنا كملنا شغلنا شويه اجه حسين كلي ابوج اجه
حياة: صدك وينه
حسين : بالاستقبال بس ترى هواي زلم متكدرين تفوتين عود من يطلع اكلج طلعيله بطرمه سلمي عليه
حياة: ماشي عفيه مو تنسى
شويه واجه حسين عليه بالمطبخ كلي تعالي ابوج حيروح
عدلت شال وطلعت لكيته فدوه الكلبه واكف رحت عليه ركض
ابو حياة: هلا هلا شونج
حياة: بوسته لابويه كتله زينه انت شونك
ابوحياة: الحمدلله شو تعبان وجهج شبيج
حياة: اي والله هالايام تعبانه تعرف خطار وهوسه شونك انت شبسرعه حتروح
ابو حياة: حبيبتي زياره المريض كصيره صير بعدين ابو محمد بره دينتظرني
حياة: عمو مثنى برة (رجل عمتي ابو محمد كلش احبه واصلا اني رابيه يمهم ) دخل يجي بس اسلم عليه ماكدر اطلع بره
حسين واكف كتله عفيه كول لعمو ابو محمد بس يجي اسلم عليه
راح وكال هسه يجي
ظلينا نحجي اني وابويه وجان اسمع صوت خالد ورايه هاابوحياة دتعال اكعد جوه شنو هالوكفه هنا
ابو حياة: تسلم شيخ بس كلت اسلم على حياة
اجي خالد وكف يمنا وشويه واجه عمو مثنى يمنا اني رحت بوسته وسلمت عليه .. رجل عمتي اني كلش احبه يعني حتى يكلولي من جنت صغيره وابويه يروح للجيش اني وره يومين اكوم اصيح لرجل عمتي بابا يعني هلكد ماجنت يمهم فيعني اعتبره ابويه ثاني
خالد: شفت حياة شون فرحانه وتضحك من ابوها يمها وسولف وياه نوب اجه رجل عمتها شو هاي روحي بوس وحضن بت النعال عبالك ابوها ردت اللزمها واجرها من شعرها بس ظليت ضابط اعصابي بالكوه اعرف هو رجال جبير وبكد ابوها بس ماكدرت اشوفها تبوس وتحضن بي
ابو محمد : ولج شو ضعفانه مدتاكلين
حياة: لا والله داكل بس داتحرك هواي
ابو محمد : دتعالي يم عمتج جم يوم خل تردلج خدودج
خالد: يحجي وياها ونوب يكلها تعالي لعمتج تردلج خدودج ولزم خدها كرصها
اني من يمي صرت نار اغلي من جوه
حياة: وراها سلمو علينا وراحو التافيت على خالد
خالد: ولي للغرفه اريد احاجيج
حياة: باوعت على خالد يمه شبي عصبي خاف لان طلعت بطرمه بس حتى فارغه مابيها احد طبيت ورحت للغرفه ورايه بشويه دخل وركع الباب كل قوته بحيث اني فزيت من يمي ظليت اباع عليه هذا شبي
خالد: اشتعلت شعل من وره رجل عمتها لك اني رجلها ومتحضني وتبوسني هيج والله لاكسرها تكسر رحت عليها للغرفه واني اعصاب صاير دخلت شفتها واكفه بس تباع عليه بنظره كلها خوف لان عرفت صرت عصبي رحت يمها لازمتها من ايدها
ولج شنو الكلان الخ...... الجان بره بت الكلب كاعده تبوسين وتحضنين برجال غريب
حياة: عزه مصورته ابد كل هالعصبيه لان سلمت على رجل عمتي .. كتله.. منو الغريب هذا رجل عمتي واني من صغيره رابيه عدهم
خالد: متحملت نوب تحجي بكل صلافه وتراددني ضربتها راشدي بدون ماحس على نفسي
حياة: ظليت مصدومه هذا مد ايده عليه اني دموعي رستا نزلن وكمت ابجي وظليت ارجع ليوره
خالد: ماعرف شون مديت ايدي عليها ونوب كامت تبجي والله حركتني حرك تقربت منها وهي عافتني وركضت للحمام
حياة: دخلت للحمام وقفلت الباب وظليت ابجي ومن صدك عمري محد ماد ايده عليه ابويه الي اسمه ابويه مضاربني ولا مره بعمري كله يجي هسه رجلي يضربني ظل يدك الباب عليه ويكلي طلعي
خالد: متحملت رحت وراها ظليت ادك الباب بس هي مجاوب بس اسمعها تبجي ظليت واكف يم الباب اكلها بس فتحي والله مو بقصدي ماعرف شون مديت ايدي عليج
حياة: كرهته كلش بوكتها لخالد حسيته باي وقت يتحول وحش ويايه وهاي مو اول مره هيج يصير عصبي عليه بس متوصل وياه يضربني
خالد: عفته وطلعت ادور امل حتى تروحلها
امل: اجه ابويه عليه وجهه ميتفسر مبين عليه صاير بارود
خالد:امل روحي على حياة بالغرفه ابقي يمها لتخلين احد يفوت عليكم
امل: ليش بابا شكو شبيها حياة
خالد: دروحي يمها بعد تعرفين
امل: رحت ركض لغرفه فتت ملكيت حياة رحت يم الحمام اسمعها تبجي دكيت الباب عليه حياة فتحي شبيج تبجين
حياة: سمعت امل دك عليه الباب طلعت اول مشافتني كلتلي
امل: ولج منو هذا الضاربج
حياة: باوعت على امل نصدمت شون عرفت مضروبه كتلها محد ضاربني
امل : ولج يامحد تعالي باعي خدج شون صاير
حياة: رحت للمرايه والله اصابع مطبوعه على خدي من قوة الراشدي بس باوعت على نفسي كمت ابجي مره ثانيه
امل: هذا ابويه ضاربج مو احجي
حياة: اكتفيت بس ابجي وخاله ايدي على خدي واحس مشتعل نار والله
امل : والله كلبي لعب من ابويه اجه يكلي روحي لحياة ولتخلين احد يفوت
ليش ضربج كليلي تعاركتو
حياة: احجي وابجي كتلها ضربني لان سلمت على رجل عمتي
امل: عزه لج باعي خدج كله هذا علمود سلام
حياة: والله بس سلمت عليه ولان سلامي بوسته لرجل عمتي
امل: اي واذا سلمتي عليه وبوستيه اني مو ابوس رجل عمه بسمه من يجي وبعدين رجل عمتج بكد ابوج شفته من شباك المطبخ
حياة: والله لوما اكو ناس جان خابرت ابويه يرجع ياخذني وياة كافي عاد والله بزعت روحي من تصرفاته
امل: ميخالف حبيتي اهدي هسه هسه شويه وشوفيه جاي يعتذر منج
حياة: ماريد لايعتذر ولابطيخ ماريده بعد يحجي ويايه اصلا
شويه وندكت الباب جانت امل قافلتها صاحت منو خالد كال اني فتحي
امل كامت فتحت دخل خالد اني جنت مدنجه وابجي كلها لامل طلعي بره يردوج
امل: باوعت على ابويه عرفت ديزحلكني من الغرفه عفتهم وطلعت
خالد: تقربت منها هي جانت تبجي بحركه :: حياة والله موبقصدي امد ايدي عليج
حياة: ظليت ابجي وماجاوبته ابد تقرب مني اني رجعت ليوره يمكن خفت منه بوكتها
خالد: حياة جاوبيني لظلين ساكته وتبجين تقربت منها رفعت راسها وعيونها وخشمها صايرات حمر من البجي وخدها احمر صاير من ضربه تقربت من خدها بستها .. اسفه والله موبقصدي انكسرت ايدي ولا مادها عليج
حياة : اني وخرت ايده وجيت اروح للحمام هو لزم ايدي وجرني عليه
خالد: ولج لسوين هيج بيه هاي دموعج سجاجين بكلبي كافي ياعيني
حياة: ظليت ساكته وخرت ايده وعفته ودخلت للحمام غسلت وجهي واباع خدي احمر شون حطلع هسه ياهو الي يشوفني يعرف مضروبه راشدي مو ايد عبالك توثيه. طلعت من الحمام هو مدتجي عالكنتور وديشرب جكاير من طلعت رحت عالميز تواليت طلعت باودر ظليت اخفي الحمار من خدي هو تقرب مني وخله ايدة داير مداير خصري من وره
خالد: دفنت وجهي بركبتها وظليت حاضنها اريدها بس تحاجيني
بس هي دفعتني وراحت لابست شالها وطلعت من الغرفه
حياة: عفته وطلعت ورحت للمطبخ شفت امل واكفه دسولف ويه عمتها بسمه شويه وجتي يمي كتلها خدي مبين الحمار
امل: لا ممبين خالتله باودر
حياة: اي خليتله
امل: ابويه اعتذر منج مو
حياة: ماريد لايعتذر ولا يسويلي شي اكظي هالجم يوم وياه وارجع لابويه جابرني اني هنا باقيه رزاله وحجي عليه ونوب هسه ضرب
امل: دكافي اهدي هسه انتي عصبيه والله ابويه كلبه طيب وحنين صح عصبيته محلوه بس شويه ويهدا والله
حياة: امل ماريده بعد ويصير عصبي من اسوي شي غلط هو اذا شافني احجي ويه اخوة يصير عصبي
امل : ظليت ساكته لان ماعرف شكول لحياة حقها والله
حياة: ظليت كاعده بالمطبخ لان استحي اروح اكعد بالهول خاف ينتبهون لخدي الي صاير طماطه
امل جانت تباع من شباك المطبخ كالت بيت ايه جوي
حياة: صدك كمت اباع وياها بس مشفت شي بس حسين الابتسامه مالته من الاذن للاذن
امل: باعي عمو حسين هههههههه
حياة: ههههه اي باع السعاده
امل: والله من اجه ابويه من الهند مجان فرحان هلكد
حياة: ههههههه لج خطيه صاله كومه مشايفها
امل: اي خل يشبع منها حيبقىن عدنا
حياة: حيباتون هنا
امل: اي شيرجعهم لبيتهم شبعده
حياة: يله زين حتىنتعرف على ايه
امل: اي حبابه كلش وفقير وكلشي دكليلها صدك
حياة: حسين هم فقير والله ورده
امل: اي فديته لعمي طالع عليه
حياة؛ ههههههه خرب بيج
كمنا حضرنا ضيافه ورحنا قدمناها خالتي عرفتني على ايه
صراحه شفتها حبابه وكعدت يمها اني وامل ظلينا نسولف ونحجي فقيره وصدك مثل مكالت امل اي شي دكليلها صدك
وحسين كلسع مسوي نفسه ايفوت من الممر ويباع على ايه خرب موتنا ضحك
وراها كمنا للمطبخ نحظر العشه كلنا شويه واجه حسين كالت لتحظرون شي حنجيب من بره اكل
كيفنا همزين لعد كتلها لامل حروح اسبح بعد ماتحمل
رحت للغرفه اخذت هدومي وفتت سبحت وطلعت لابست كلابيه وردي فاتح وبيها شغل بالردان كله تطريز بسيطه وبنفس الوكت حلوه مشطت وجففت شعري وخليت مكياج خفيفه تعطرت ولابست شالي طلعت لكيت خالد كبالي واكف ماد راسه بالهول يمكن ديسلم على ام ايه طلعت للمطبخ لكيت حسين ديتوسل باامل بس ماعرف ليش
حسين : من شفت ايه جتي واني احوالي تخربطت صالي هواي مشايفها واويلي صايره كيكه رحت لامل اريدها صعدها بغرفتها حتى اصعد اشوفها
امل: والله مابيه حيل اصعد باع رجلي توجعني
حسين: امل والله بعد كلشي ماجيبلج
امل:عمو حسين شوكت تريدني اصعدها
حسين: اي الا بالتهديد . وره العشه من اشرلج صعديها
امل: اي ميخالف غير تزوج وتفضنا كل متجي هالسالفه عبالك غرفتي ملتقى العشاق
حسين: لسان دلاله شكول
خالد: من طلعت حياه من الغرفه طلعت وراها ورحت للاستقبال عمامي وربعي كلهم كاعدين صح يحاجوني بس اني بالي مو وياهم بالي عد حياة ومن صدك جنت كاره نفسي لان مديت ايدي على حرمه بس مكدر اضبط اعصابي واني لحد الان نار مشتعل كل ماذكر رجل عمتها شون جان حاضنها
حياة: رحت كعدت بالهول يم خالتي وجانو عمات خالد وبناتهن وايه وامها واختها صغيره هم وخوات خالد جانت هوسه كل يسولف ويحجي ناس تحجي على عمليه خالد ناس تحجي على زواج حسين وايه ناس تحجي عالملابس اني جنت اباع عليهم بس مالي واهس وجنت مقهوره على نفسي كلش
اجه حسين مد راسه وطبعا يستغل الفرص صاحني
حياة: كمت رحت كتله ها
حسين : العشه ترى بالمطبخ تعالي
حياة: رحت شفت ساره وامل وبسمه كلهن ديحضرن بي بس حسين لازم يستغل فرصه حتى يظل يباع على ايه
حضرنا الاكل وفرشو للرياجيل وفرشنا للنسوان واصلا الاكل جاهز بس مجرد مفرغنا بالاماعين
الكل راح ياكل اني دافوت للهول باوعت ماكو مكان اكعد محبيت افشل نفسي طلعت رحت للمطبخ مابي احد رحت فتحت ثلاجه جبت تفاحه ورحت وكفت داكشرها ماحس الا واحد حضني من وره وانفاسه باذني
خالد: نصب العشه واني صراحه مجان الي نفس اكل كمت رحت للهول لكيت نسوان كلها تاكل وتسولف دورت حياة ماكو رحت للمطبخ لكيتها واكف ناطيتني ظهرها تقربت منها وحظنتها وحجيت باذنها ... بعدج زعلانه مني
حياة: ظليت ساكته محجيت بس ابتعدت عنا ورحت كعدت عالكرسي هو كام يتنهد تنهيدات يمه كلبي يرجف منها
اجه كعد يمي طلع جكاره وكام يدخن بس ساكت
خالد: ماعرف شسوي حتى اخليها تصالحني اني شيخ خالد رحت واعتذرت منها وهي حتى مدايره بال الي ظليت كاعد يمها ادخن وافكر شون اخليها تحجي ويايه
حياة: ظليت كاعده واكل بتفاحه وهو يدخن ويتنهد
صح اني جنت ضايجه منه من شفته اجه وكعد يمي بالمطبخ كلش نقهرت عليه وكلسع اريد اكله روح تعشه وراك دوه لازم تاخذه واسكت احس كرامتي تنزل اذا حجيت
خالد: شون حنظل هيج محتحجين شي
حياة: ظليت مدنجه واكل بالتفاحه ومجاوبته
خالد : حياة يابه غلطت واجيت و اعتذرت منج وتاسفت بعد شنو الي اسوي كليلي ترى تعبتيني والله
حياة: لتافيت عليه :: ليش سهله عدك تغلط وتعتذرعادي ترزل وتجي تعتذر تضرب وتجي تعتذر عادي مو
خالد: والله وداعت عيونج مو عادي ولج نار مشتعله بصدري
حياة: خالد عوفني بحالي
خالد: ولج شون اعوفج بحالج وانتي حالي
حياة: تفاجئت بخالد وخر جكاره وجوه ايده ايده الي ضربني بيها
عزه اني فزيت من يمه ::: شكاعد سوي انت ليش هيج
خالد: هذا عقاب الها لان تمدت عليج حتى كل ماشوف جويه اذكر اني شون غلطت حتى بعد ماعيدها
حياة: تصرفه مال مخابيل صراحه واصلا مجنت متوقعه احد يسوي هيج بنفسه اني لازمت ايده ...ليش هيج سويت دتاذيك
خالد: انتي تاذيني من متحجين ويايه
حياة: ظليت اباع عليه واني بكلبي اريد احضنه ابوسه كلش نقهرت عليه ظليت لازمه ايده
خالد: وعد مني بعد ماذيج ولا اضوجج مني اخذت ايدها وبستها
حياة: متحملت ابتسمت كتله لسوي هيج بنفسك بعد اني ماتحمل اشوفك متاذي
خالد: اخذت ايدها وبستها
حياة: يله كوم تعشه
خالد: لا نتعشه اني وياج بغرفتنا
حياة: ماشي روح للغرفه هسه اجيب الاكل واجي
كمت جبت صينيه جان اكو نص دجاجه شوي خليتها وطرشي وزلاطه واخذت قواطي بيبسي ورحت للغرفه شفته نازع دشداشته وبس بشورت اني ظليت واكفه وبيدي الصينيه عزه هذا شديسوي خرب
وراها طلع تراك لبس بنطرونه وظل بالفانيله واجه كعد خليتله صينيه عالطبله وكلي تعالي كعدي
كعدت كمنا ناكل وهو كلسع مفلسلي وينطيني
صح هو عصبي ومرات احس نفسي كرهته وبعد ماريده بس كلبه كلش طيب وحنين وبس تروح عصبيته يصير انسان ثاني وماكو منه يكوم يدلل ويخليج ملكه .....
