رواية نورة الفصل الحادي عشر بقلم ام مصطفى
امي احلام سمعت بيه تاركة الدراسه
ماقبلت
اجتنا للبيت
-شلون اتركين دراستج هاي السنه ترجعين
امي كالت الها اي ان شاءالله ترجع
-بس خاله والله الرابع صعب موتني
_اولا كم مره كتلج لادكولين خاله اني امج
ثانيا الي يقره مايصعب عليه شي
شجاج ماما مو جنتي شاطره وتحبين المدرسه ليش هيج تركتي
-مااريد ضجت حياتي بس دراسه
وكعدت بيت
-تعاي يم اخوانج اذا تحبين
حجت امي خديجه
-لا ع بختج وين تاخذيها والله نموت غير اني وابوها
لا هي ترجع هاي السنه وتصير شاطره
ها شكلتي
-اي ارجع ان شاءالله
-عفيه بنيتي بعد روحي
من باجر اخذج اشتريلج ملابس جدد
يكولون شطابه الملابس اشكال الوان
مو انفك الحصار والملابس كلها مستورده تخبل
بالسوك
-هسه اروح مطمئنه ترجعين
-اي ان شاءالله خاله
شفتها هزت راسها
كالت اذا هنا ماكو واهس تعالي وي اخوانج
زين
اختج امل السنه سادس علمي اداوم
وماشاء الله شاطره
انتي شجاج يمةة كليلي
-ان شاءالله ارجع هاي السنه
وصدك رجعت للرابع عدته
كمت ليل نهار ادرس
وابوي وامي ساندوني ووفرولي كلشي
امي حتى صديقاتي دكلي جيبهن يمج
ادرسن حتى يصيرلج واهس
لو انتي اتدرسين يمهم...
فديوم اجت اخت اسلام
خلود بنت عمي
طبت سلمت وكالت نوره عندي حجايه وياج
كتلها كولي
-لا موهنا جوه بغرفتج مااريد عمتي تسمعيني
-يله تعاي نفون
فتنا لغرفتي
وسديت الباب
شنو شكو خوفتيني
- لا ماكو شي لا تخافين خير ان شاءالله
اسلام اخوي يريد يزوجه ابوي
وخطبله من بنات عمي
يريد يزوجهم سوه هو نائل
كال ابوي ناخذ بنات عمهم الهم
بس هو ماقبل
كال اني اريد نور
من زمان خال عيني عليها
ومراقبها كلش ثكيله وعاجبتني
صراحه احنه تفاجئنه لان تعرفين اسلام
ماعده هاي السوالف
ابوي كاله بس عمك مطينه بناته الكم
كال اني مالي شغل اني اريد نور
وماازوج غيرها
فانتي شدكولين
اذا اسلام تقدملج توافقين...
صراحه هي حرجتني ماعرفت شكللها
عاد كتلها افكر
كالت يعني شنو ترديه لولا
انتم بينكم شي
-لا شنو يعني بينا شي
-لا موقصدي
المهم هسه شنو
-مو اكلج افكر
زين لعد فكري ورديلي خبر
راحت
بس ضلت حجايتها ابالي
ياريت ازوج واخلص من الرابع
مااعرف ليش كرهت الرابع
ضجت اريد اطلع واختلط وي ناس
اروح لهلي ماارتاح يمهم
وارجع هنا اضووج
ماارعرف ليش
مر كم يوم كمت اشوف خلود تجي اغلس
ومارديت عليها بشي
لا اي ولا
بس دائما اشوف اسلام بالباب
واحسه يراقبني
لو ينتظرني من اطلع واطب
ضليت بس افكر بيه
هذا اسلام الثگيل شجاه يفتر وراي
كمت حتى الهم مااروح ابد استحي افوت خاف اشوفه
فديوم خلود كالت اسلام يريد يحجي وياج
كتلها شيريد
مااعرف كال بس خلي تجي عندي حجي وياها
كتلها لا مااكدر عفيه ماعندي حجي وياه
فطلعت وطلعت وراها
جان واكف بطرمتنه لكيته
امي وابوي موهنا
شافني ابتسم
كال
- نور انتي بنت عمي واني رايدج بالحلال
اذا اتقدملج شتكواين
توافقين
كتله
انت ابن عمي وشكو بيها
وطبيت اركض جوه
ماادري شلون هيج طلعت مني والله
يمكن استحيت منه
لو اني حجيت بلسان مشاعري
المهم طلعت مني
عاد ثاني يوم اجت امه تخطبني
امي خديجه رفضت
كالت الها
-والله نور تدرس واني وابوها نريدها تكمل
مانزوجها هسه
-اذا تردون نخطبها وخلي تكمل
-لا والله مااريد شي يلهيها ع درتستها
جيتج ع عيني وراسي
واسلام الف واحد يتمناه بس بنتي صعيره
مو مال زواج وعيال
- واحنه شعدنه واني اداريها
ويمكم هم قريبه
-اعذربني نائل بنتي ماازوجها
ولو زوجتها ذاك الوكت عاتبيني
طلعت مرت عمي زعلانه
اجه اوبوي وامي حجتله
-والله اسلام خوش ولد مايتعوض
بس اني اريدها تكمل دراستها
ولو يريدها يتانيها..
اني كتلها مانزوجها هسه ولا نريد نلهيها ع دراستها وراحت
زين تسوين
من يومها امه راحت بعد ماسمعت شي
ولا شفته
بس خطب اخوه نائل وهو مخطب
ورحنا لخطوبته
هو طول اليوم يطب ويطلع عينه مني
بس اني اسوي نفسي ممنتبه
هو كلش ضاج احسه لان ولا اباوعله
وهو يطب ويطلع
ويشاقي
يحجي وي اخته
اني مثكله عليه
بس كلبي يدك من اشوفه مااعرف ليش،
احس اريده
بس كاتمه مشاعري مااحب اطلعها
خلصت الخطبه ورجعنا
بعدها مشفته
خلصت الرابع بالف ياعلي والحمد لله نجحت
ورحت للخامس
وبديت اداوم
فديوم طالعه وي صديقاتي من المدرسه
جان اشوف سياره تطبگ
فتح الجامه هذا فراس
كال اصعدي
لا شكرا
اصعدوا كلكم اوصلكم
عاد كلت للبنات هذا ابن عمي
خلي يوصلنه عادي
صعدنا ليوره
وهو موجه المرايه علي
نزل البنات
وبقيت بس اني
-نور اني بيه شي ماعجبج
-ليش، يعني عادي مابيك شي
-لعد ليش هيج تعامليني
اني رايدج وانتي ولا يمج
-بعني شسوي مثلا
خطبتني واهلي رفضوا
عادي مصار شي
فتحت الباب ردت انزل
-بس اني احبج
نزلت وطبكت الباب حيل
مااعرف ليش هيج اصرف
طبيت لبيتنا ارجف
خفت اكولها لامي
دكلي لعد ليش صعدتي وياه
فبقيت ساكته محجيت
بس اريد اعرف اني اريده لولا
افكر ادزله خبر
اني مااحبك ولا اريدك ياريت تبتعد مني
بس كلبي ميطيني
اكول لا بلكت ازوج واخلص من الوحده
وهيج جانت مشاعري متلخبطه
جنت اتمنى احجي لامي وتفهمني
بس استحي منها
مااكدر اكوللها شي
جنت محتاجه احد احجيله بس محد الي
صرت مثل جثير الخالات
عندي اثنين امهات بس استحي احجيلهم شي
وره كم يوم هم اجه للمدرسه بسيارة عمي
وصاح علي نووور
درت وجهي
كال اصعدي
كتله مااريد اصعد
اصعدي اوصلكم
لا شكرا حجيتها بعصبيه
نندل الطريق زين
شبيج شجاج
كتلك مااصعد متفتهم
سد الجامه وشخط السياره حيل وطلع
بس التراب خلاه
شكرا لزيارتكم عالم روايات سكيرهوم
