رواية فصلية ولكن الفصل الحادي عشر بقلم سوزان ليث
كمت جبت صينيه جان اكو نص دجاجه شوي خليتها وطرشي وزلاطه واخذت قواطي بيبسي ورحت للغرفه شفته نازع دشداشته وبس بشورت اني ظليت واكفه وبيدي الصينيه عزه هذا شديسوي خرب
وراها طلع تراك لبس بنطرونه وظل بالفانيله واجه كعد خليتله صينيه عالطبله وكلي تعالي كعدي
كعدت كمنا ناكل وهو كلسع مفلسلي وينطيني
صح هو عصبي ومرات احس نفسي كرهته وبعد ماريده بس كلبه كلش طيب وحنين وبس تروح عصبيته يصير انسان ثاني وماكو منه يكوم يدلل ويخليج ملكه
شويه ودخلت امل شافتنا كاعدين ودناكل ظلت صافنه علينا
خالد: شبيج صافنه تعالي تعشي
امل: استغربت من منظرهم ولا عبالك اكو شي لعد وين بعد ماحجي وياه ولايحجي ويايه والله بالكوه حاصره الضحكه
لابابا تعشيت جيت اشوف حياة لان متعشت يله حروح اني
حياة: اني شبعت حروح للمطبخ
خالد: وانتي شكلتي اكعدي كملي اكلج
حياة: لاوالله اصلا ماحب دجاج كلش
خالد: ادزلج حسين يجيبلج غير شي
حياة: لا ماريد والله شبعت
خالد: لعد تعالي اخذي الصينيه اني هم شبعت
حياة: لا كمل شعليك بيه
خالد: لابويه اني اكلي سريع مو مثلج لكمه ظل ساعه بحلكج
حياة: 😒
رحت اخذت صينيه وطلعت مطبخ كله نسوان
اجتي امل ركض عليه
امل: بعد ماريده بعد ماحجي وياه
حياة: هههههه ولي امل انقهرت عليه اجه كومه اعتذر
امل: مو اكلج تحبيه دكليلي لا
حياة: اي احبه مو بيدي
امل: اويلي واخير اعترفتي
حياة: هههههه كافي عزه خجلت
كملنا الماعين وراها رحنا كعدنا بالهول وكعدنا نسولف ويه ايه شويه اجه ابن علي صغير عليه كلي عمو خالد يريدج بغرفه
حياة: كمت رحت للغرفه فتحت الباب ماكو ماشوف الا واحد جرني من وره الباب فززني
خالد: شبيج شبيج فضحتينا 🤫
حياة: عزه اكو واحد هنا يختل 😠
خالد: هههه
حياة: شردت مني
خالد: جريتها عليه كتلها :: اريدج
حياة: شكد اخجل من هاي تصرفاته ونوب كلبي مدري شبي يكوم يركص
حياة: مو ناس بره هسه شيكلون اثنينا بالغرفه
خالد: قابل صديقتي غير مرتي
حياة : دحجي شتريد داريد اروح
خالد: اني مجلب بيها من خصرها .. وين ترحين
حياة: طبعا من يحجي ويايه هيج صوته يصير هادي ومدري شيسوي بيه .. بره يمهم
خالد: حينامون تعالي احنا هم نام
حياة: منعسانه وبعدين اليوم انام بغرفه امل
خالد: وليش يابه ورفعت حواجبي
حياة: شبسرعه تغير صوتك .. مو تفقنا نام سوه اني وامل وايه
خالد: حتى سهرن مو
حياة: 😁 اي
خالد: ماكو هيج حجي مدكولين رجلي جاي من سفر تعبان البارحه عفته ونمت اليوم اعوضه واكعد يمه
حياة: بس اليوم 🥺
خالد: بشرط
حياة: كتله اشرط ( كلت هسه يكلي سويلي جاي مثل ذيج المره)
خالد: انطيني بوسه تشلع شفتي
حياة: ظليت اباع عليه عزه😱 هذا كل عقله :: كتله شنو هالشرط ماريد بطلت ابقى انام هنا وخرت من عده
خالد: هههههه بالحالتين مستفاد
حياة: عادي من تنام اعوفك واصعد
خالد: ها زين حتى اقفل باب
حياة: زين بدل شرطك حباب تعرفني ماكدر اسويه
خالد: وليش متكدرين ابدي انتي واني اكمل
حياة: عزه ماكدر شنو سالفه😠
خالد: اي لعد مصعدين
حياة: ظليت اباع عليه وبكلبي اريد اروح ابوسه واتهور بس بعدين اكول عزه لا ماكدر استحي
خالد: هسه شكلتي تقبلين بشرطي لو لا
حياة: 🙄 لا
خالد: رحت يمها كتلها اليوم اني اكعد اسولف وياج خوش سوالف وغمزتلها 😉
حياة: اباع عليه نظراته وحجيه يخوف ... اصلا نعسانه حنام رستا
خالد: هههههههه اويلي عرفت حتكوليلي هيج
حياة: زين نبدل الاتفاق
خالد: شون
حياة: اصعد انام يمهم اليوم وبعدين اسويلك الشرط
خالد: ههههههه عساس انتي لوتيه حتى بعد ماشوف منج شي
حياة: طبعا جنت افكر هيج اني ..كتله لا اسوي بس مو اليوم عود باجر
خالد: باوعت عليها عرفت تريد تقشمرني بس هي متعرف ويه منو دتلعب كتله ماشي صعدي
حياة: شبسرعه صدك .. اوكي يله حروح اني
طلعت من الغرفه رحت للهول لكيتهم ديفرشون امل كلتلي تعالي نصعد فوك يله
صعدنا فوك ظلينا سوالف وضحك وحسين كلسع داك الباب وجايب شغله لايه ويكعد شويه يسولف وامل طرد بي عزه موتنا ضحك وراها تاخر الوقت فرشنا ونمنا طبعا اني ظليت اتكلب بالكوه نمت يمكن تعلمت على فراشي
كعدت صبح لكيت امل يمي وايه ماكو جانت بتسعه كمت لابست شالي ودانزل لمحت ايه وحسين بالهول ويمكن جان ديتوسل بيها يريد بوسه وهي متقبل بكلبي كلت خرب طالع على اخوه يموت بالبوس نزلت مشافوني رحت للغرفه لكيت خالد نايم رحت للحمام غسلت وطلعت رحت يم خالد اعدل الغطه مالته جان مكشف غطيته وطلعت حضرنا ريوك وكملنا
وايات وزينه بس يحجن بيناتهن واحسهن ديتفقن على شي بس مكدر اسمع شيكلون مهتميت بيهم سوالفهم تعبانه كلش مثلهم
خالتي اجتي عليه كالت كعدي امل خل اساعدج بالتنظيف يوميا عليج كل البيت
صعدت كعدتها بالكوه شلعتها من الفراش
نزلت تريكت وكمنا تنظيف وتعزيل لحد مكملنا يمكن 11 جنت بالمطبخ داطلع جدوره لخالتي واجانه خالد يصبح علينا
خاله : هلا بهطول الحلو
خالد: بست راس امي .. هلا بيج يمه
خاله : حياة يمه سوي ريوك لرجلج
حياة: اي خالة.. هسه اسويه واجيبه للهول
خالد: ماشي
حياة: رحت سويتله ريوك وكملته وديته بالهول جان كاعد حميد وعلي يمه ديسولفون خليته عالطبله وطلعت
رحت كملت شغلي اجه حسين عليه صاحني
رحت عليه بطومه وكفنا
حسين : حياة فدوه اريد منج طلب
حياة: اي كول
حسين : ايه زعلت مني عفيه بس اخذيها وياج لغرفتج وصيحيني بس خل احجي وياها فدوه
حياة: اي ماشي شوكت هسه تريد اخذها
حسين : اي والله لان العصر حيرجعون البيتهم
حياة: ماشي هسه اروحلها
حياة: رحت لايه كعدت يمها وشويه كتلها تعالي شوفي غرفتي وكومتها طببتها للغرفه شويه ودك الباب حسين
اني باوعت على ايه عرفت متفقين
كتلهم اني حوكف يم الباب اوكي اخذو راحتكم وعفتهم وطلعت يم الباب شويه وسمعت امل صيحني رحت للمطبخ اشوفها
وره شويه اجتي ايه للمطبخ صايره حمره والا شويه تبجي وراها طلع حسين هم مثلها ظليت اباع عليهم ذوله شبيهم
رحت على ايه كتلها شبيج مصالحتو باوعت عليه
ايه: حياة والله حبجي من الخجل عزه شيخ دخل علينا بالغرفه
حياة: منو خالد
ايه: اي وحسين جان حاضني
حياة:ههههههه اي شكوبيها غير هو رجلج مو عاقدين
ايه: اي بس والله فشلت فشله وهو رزل حسين
حياة: شرزله
ايه:كله متحملت جم يوم لحد متزوجون وتجي لغرفتك
حياة: هههههه لا يله ميخالف ترى عادي تلكين خالد هو الفشل من عدكم
ايه: والله بعد ماكدر اباع على على شيخ
حياة: شدعوه جم يوم وينسى يمعوده
كمت رحت للغرفه لكيت خالد فاتح الكنتور وصاير اعصاب بس فتحت الباب كلي
خالد: تعالي تعالي
حياة:يمه شبي صاير عصبي . رحت يمه ها محتاج شي 😊
خالد: ولج انتي تدري بحسين ومرته هنا بالغرفه
حياة: بلعت ريكي كتله اي مو حسين ديصالح ايه وهو كلي اصيحها
خالد: ولج شون سوين هيج صرت هالكدوتني كدامهم وكمت اخرط عليهم من الفشله
حياة : مو خطيه جانو مزاعلين والعصر ديروحون فكلي دصالحها شمدريني انت حتدخل عليهم
خالد: اويلي عليج ذوله خل نزوجهم بسرعه اني جنت ناسيهم اصلا جان هسه معرسين بس وره سالفتي تاجلو
حياة: اي زوجهم
خالد: باوعت عليها كتلها واحنا شنو
حياة: باوعت عليه كتله شبينا احنا
خالد: بتسمت حسيتها خافت عبالها حكللها احنا شوكت نعرس :: ماكو شي تعالي طلعيلي هدوم داروح ويه عمامي عدنا شغله
حياة: وين تطلع مو تعبان
خالد: تقربت عليها حصرتها بالكنتور كتلها خايفه عليه
حياة: يبو من يتقرب مني اكوم امتمت .. اي طبعا اخاف
خالد: يمه فدوه للي يخاف عليه تقربن من خدها بستها ونزلت على ركبتها كمت ابوس بيها
حياة: خالد وخر شدسوي
خالد: مو ترديني ابقى
حياة: يعني اذا تبقى هيج سوي لعد روح اطلع
خالد: هههههه طلعيلي هدوم ماتاخر هنا بالمنطقه
حياة: ماشي وخر مني داروح احضرلك هدوم
خالد: وينه
حياة: شنوه
خالد: شرط 😉
حياة: بلعت ريكي يمه شذكره بشرط .. راح البارحه
خالد: تعرفين انتي تلعبين ويه الشخص الغلط
حياة: هههه وخر داروح
خالد: محتنطيني الشرط
حياة: لا مانطي شي
خالد: تقربت صار وجهي على وجها بس بدون مابوسها كتلها .. يله نفذي الشرط
حياة: تقرب عليه يمه كمت ماكدر اجر نفس من الارتباك بيحيث بس اتحرك شفتي طخ بشفته
ظليت متخشبه 🥺
خالد: يله ماكو هيج دلال بعد
حياة: باوعت على عيونه 🙄جان يجرني
خالد: احسها تريد سوي وتستحي مني جريتها وكمت ابوسها بوسات تشلع شفه شلع
حياة: ماعرف صار بيه يبوس بيه واني كلش خدرانه احس نفسي ضعيفه وماكدر اقاومه
خالد: ظليت لازمها وهي مستسلمه الي وخرت منها هي مغمض عيونها ظليت اباع عليها
حياة: وخر مني واني جنت بغير عالم فتحت عيوني شفته يباع عليه
خالد: ماحب اخلي شغله الي عد احد
حياة: دفعته وخرت منه وظليت اعدل بنفسي عزه ميته خجل وحس حتريت والله من الخجل
خالد: ههههه حضريلي الهدوم حفوت اسبح
حياة: اي ماشي
حضرتله الهدوم وعفته وطلعت وره شويه رجعت شفته بدل واكف يمشط شعره وعطره اويلي يسطر سطر مالي الغرفه
رحت وكفت يمه كتله مو تتاخر
خالد: باوعت عليها كتله لا ماتاخر
حياة: خالد
خالد: عيونه
حياة: مو تعب نفسك
خالد: شون اني ياج وتقربت عليها
حياة: هههه انت شبيك بس احجي بسرعه تجي عليه
خالد: ماتحمل
حياة: وكفت عدلت ياخه مال الدشداشه وسديت الدكمه وهو يباع عليه
خالد: تقربت عليها بستها بخدها يله حروح
حياة: ماشي الله وياك
للعصر البيت خفت الهوس عمات خالد راحن وبيت ايه راحو وبقو بس خوات خالد وايات تعجبت اهلها راحو وهي بقت شكد اكره كلشي مسوي لا ساعد لاشي حتى من شيل الماعين ظل كاعده شكد اكرهها
لليل سوينا عشه وتعشينا وخالد بعده مجاي فتت للغرفه ظل بالي عليه كلت خل اخابر دكيت عليه نطاني رفض وره شويه هم نطاني رفض
هذا وينه كال ماتاخر
دزيتله مسج💬وينك ظل بالي مو كلت متتاخر
وره شويه رجعت دكيتله جان اسمع صوت دكه ماته وفتح الباب
حياة: حمدلله عالسلامه هاي عود كلت ماتاخر
خالد: ولج والله جلبو بينا الانتعشه ومن دكيتي جنت بسياره ماكدر اجاوب عمامي يمي
حياة: مو دزيتلك مسج ليش مجاوبتني
خالد: دازتلي مسج والله مشفته .. تقربت عليه شبيج شنو جاهل اني
حياة: لا مو جاهل بس انت مصالك يومين من جاي غير ترتاح
خالد: مابيه شي الحمدلله بعدين لازمتيني تحقيق .. روحي سويلي جاي يله
حياة: ماشي
رحت سويت الجاي وديته لخالد لكيته مبدل ومدد عالجربايه رحت نطيته وكعدت يمه على حافه الجربايه وهو يشرب ويباع عليه
حياة: وين رحت
خالد: هنا جان اكو سالفه لازم نحلها
حياة: شنو سر متقبل دكلي
خالد: اي سر .. او خطيه يله خل اكلج شافولي مره ازوجها فرحت اشوفها
حياة: باوعت عليه 😠 اي وشفتها
خالد: لعد مشوفيني تاخرت
حياة: اي وعجبتك
خالد: تموت
حياة: عفته وكمت رحت طلعت فراشي وفرشته بالكاع
خالد: ولج مخبله تعالي داشاقه
حياة: ماريد حنام
خالد: حياة تعالي هنا
حياة: رحت يمه وكفت شتريد
خالد: تعالي نامي يمي
حياة: ماريد شكرا عندي فراش وانام بي
خالد: حياة كافي عاد تعالي نامي هنا
حياة: ظليت واكفه بعدين كلت اوكفلي .. كتله حروح ابدل واجي
خالد: ماشي روحي
حياة: رحت طلعت دشداشه فانيله ربع ردن وكصيره جوه ركبه ورحت للحمام لابستها وفتحت شعري سويته ذيل حصان وطلعت رحت تعطرت وخليت مرطب ورحت كتله معليه اني اذا دفرتك بالليل
خالد: طلعت لابسه ثوب ضيك عليها اويلي شون طالعه بي وزنود ظليت صافن عليها اويلي يابه تقربت كعدت عالجربايه وشويه وكامت جابت غطاها وجتي
خالد: ليش جبتي الغطه مو هذا موجود
حياة: لا مو اني اظل بالليل انكلب ويصير جوايه ماريد اضوجك
خالد: اخذت غطاها وشمرته بالكاع كتلها هاج هذا نتغطه بي اثنينا
حياة: عزه حسيت خالد خدر بس شافني وراها فتحت الغطه تغطيت ونداريت عليه كتله تصبح على خير ونطيته ظهري ونمت بس اني حاصره ضحكه بس اريد اندار اشوفه شديسوي
خالد: ظليت ماعرف شسوي اويلي نايمه يمي وفوك الضيم لابسه هيج وعطرها اويلي متحملت كمت ادخن من الضيم
حياة: كام يدخن اني لتافيت عليه كتله ليش هالتدخين هسه
خالد: باوعت عليها ونوب عيوني تجي باماكن اويلي بابه
حياة: باوعت عليه هذا عيونه على صدري يمه شبي هذا وهو رستا وخر وظل يلعب بتليفون وكلي بس هاي
عفته ونمت جنت غافيه محسيت الا واحد ندحس بظهر وخله ايده على خصري بس اني جنت نعسانه كلش بحيث ماعرف صار
خالد: متحملت اشوفها قريبه هيج يمي ومالزمها محسيت على نفس الا لزكت بظهرها وحاوطتها من خصرها هي جانت نايمه وخرت شعرها وظليت ابوس بركبتها مثل الواحد المشايف
حياة: حسيت عليه ديبوس بركبتي بوكتها وخرت منه ونداريت عليه كتله شدسوي
خالد: شفتها ندارت عليه واخذت شفتها وظليت ابوس بيها
حياة: يبوس بيه واني احجي خالد ميصير هيج بس بصوره متقطعه لان مديخليني مجال اكمل كلسع ماخذ شفتي
خالد: بعد ماتحمل كافي عاد
حياة: سحب شفتي بكل قوته حسيتها نشلعت وكتها محسيت على نفسي الا دابادله الفعل وهو مصدك كام يزيد
خالد: اول مره حسيت حياة متفاعله ويايه وكامت تبادلني بوكتها انتهيت عليها
حياة: وخرت راسي منه كتله خالد كافي
خالد : شنو الكافي يولي شبيج
حياة: وخرت منه عدلت نفسي وهو رجع لمكانه
خالد: شبيج
حياة: ماريد
خالد: مترديني
حياة: لا مو ماريدك بس احس نفسي مجاهزه لهذا الشي
خالد: صح جنت مشتعل نار بس حسيتها اصلا خايفه من هذا الشي : جريتها عليه وخليت راسها على صدري بست راسها كتلها محوصل يمج الا برغبتج
حياة: ارتاحيت من كلي هيج وراها شويه وغفيت واني نايمه على ايده
عدت اسابيع على رجعت خالد وخالد رايح جاي لبغداد علمود علاجه الطبيعي بس هاي الفتره ابد متقرب عليه وحتى محاول مثل قبل ويايه وحتى كام يخليني اروح لابويه وميرجعني الا اني اكله تعال اخذني يعني ماعرف شبي هيج صار اني كمت اضوج من هذا البرود الي صار بي حتى رجعت انام بالكاع هو ابد محجه ومكلي ليش
بيوم جنت كاعده يم ساره دنسولف ونحجي خالتي صاحت عليه رحتلها للهول كلتلي تعالي كعدي داحجي وياج
خالة: يمه حياة انتي وخالد صارلكم فتره مزوجين وياخاله لحد الان ماخذج قبل جان تعبان ويجوز جنتي تخافين لان متعرفينه ومتعلمتي عليه بس هسه شوفي شحلاته والله كل البنات بس يتمنن يباع عليهن شيخ خالد و خالد يايمه ماعده ولد يشيل اسمه يايمه ماصدكت تصير مره عده وره المرحومه حتى جيبله ولد يصيرله سند بكبرته وهو اشوفه تعلم عليج ومن تكعدين يمه عينا ماتنزل من عليج واي شي ترديه يسويلجياه بعد كافي لازم تحلون هالسالفه
حياة: ظليت ساكته ماعرف شحجي شكول صح اني اريد اصيرمرته من صدك بس بنفس الوكت خايفه وماريد ماعرف صح هسه هو ديعاملني برود بس هذا البرود موتني
خالة: يمه لا ظلين ساكته احجيلي شنو ترديه .. مترديه لخالد حتى يايمه اشوفله مره يتزوجها وجيبله جهال
حياة: من حجت هيج خالتي احس ضربتني راشدي وكمت امتمت
كتلها: ليش هو كلج تحجين ويايه
خالة: لايمه هالرجال لايحجي ولايكول جم مره اريد احجي وياه يعصب عليه ويكوم بس يايمه الى متى يضل هيج قبل جان ماعده مره ومتحمل ويكابر بس هسه انتي 24 ساعه كباله اذا مضعف اليوم باجر يضعف
حياة: يعني يروح يزوج عليه
خالة: اي اذا انتي مناطيته حقوقه يزوج ليش لا
حياة: ظليت ساكته ومدنجه راسي وماعرف شحجي
وره يومين جان بغداد فرجع اني بوكتها جنت محضره نفسي لابسه ومتمكيجه ومتعطره فجنت واكفه بالمطبخ هو فات سلم علينا وراح للغرفه هذا شبي حتى مكلي شونج بس السلام عليكم وفات رحت وراه دكيت الباب لكيته دينزع ملابسه
كتله: جوعان احضرلك شي تاكله
خالد: لا ماريد حفوت اسبح
حياة: ماشي ححضرلك ملابسك .. هو فات يسبح اني حضرت ملابسه وظليت انتظره وره شويه طلع لاف المنشفه على خصره ويمه كلبي ظل يدك واني اباع على جسمه وشون ضخم وجتافاته عراض ونقطه ضعفي اكو شعر بصدره مادري ليش احس برجولته ظليت اباع من جوه ليجوه بس بعدين كتله حطلع اسويلك شي تشربه وعفته لان الرجال ديريد يبدل واني لازكه بالغرفه رحت عصرتله برتقال واخذت فتت لكيته ديصلي ظليت اباع عليه هو يصلي عالكرسي لان رجله بعد مساعده بس هو اصلا كلش تحسن وره مرجع من الهند حركته كعدته كومته يعني الحمدلله شويه شويه دتتحسن يعني حتى مرات يمشي بدون عكازه
كمل وكام راح عالجربايه مدد اني رحت يمه نطيته العصير وهو ظل يشرب بي وميحجي ويايه ابد
حياة: شبيك ويايه
خالد: مابيه شبيه بس تعبان
حياة: ماقصد بس اليوم انت كلش متغير ويايه لاسولف ويايه ولاحتى تشاقه مثل قبل
خالد: تعبت
حياة: من شنو
خالد: من تصرفاتج
حياة: ليش اني سويت
خالد: حياة انت مدتحسين بيه . مدكولين هذا بشر عده حساس ومشاعر واله طاقه تحمل ..
حياة: وشسويت اني
خالد:جم مره حاولت اتقرب منج وانتي صديني جم مره كتلج بس حسسيني انتي ترديني بكلام بالافعال بس انتي ماكو حجاره ويايه اني تعبت كل ماتقرب ظلين بس تردين شردين مني
حياة: ظليت اباع عليه وماعرف شحجي اريد اكله والله اريدك والله احبك بس هو مديفهمني اني ماريده بس يتقرب مني وهاهيه اني اريد يحسسني بحبه يحجيلي مو بس يبوس ويحضن
خالد: احجي لظلين ساكته كليلي شنو ترديه صيرين مرتي من صدك لو تردين ترجعين لابوج
حياة: صح قبل جنت بس اريد ارجع لابويه بس هسه مادري ماريد اعوفه لخالد احس روحي مرتبطه بيه ماكدر اذا ماشوفه او اسمع صوته ونفس الوقت ماكدر اتقرب منه احس نفسي مجاهزه لهذه الخطوه
خالد: كليلي شون ترديني ماتغير وياج وانتي حتى متحجين الي بكلبج كومي من يمي لخاطر الله اريد انام كافي مغثه
حياة: كمت من يمه وطلعت بره رحت كعدت بالهول وحدي ظليت افكر بكلامه صحيح بس هو مديفهم شنو الي اريده واني مدافهمه اصلا
وره ايام قررو يزوجون حسين وبدينا كلنا نحضر اني وامل نتفق على اللبس وخالد ملتهي بشغل وعلي وحسين ديجهزون غرفه حسين وهوسه كلش بس هوسه تونس مادام اكو عرس جنا اني وامل وخالتي يوميا تقريبا نطلع للسوك نجهز للحنه والعرس وخالتي تشتري شغلات لايه بحيث مجنت التقي هواي ويه خالد يعني هو يطلع صبح يرجع بالليل ومرات يرجع واني نايمه لان كلش يتاخر
خالد: هاي الفترة جان عندي شغل كومه وشغلات مكومه عليه من وره الحادث فجنت اريد اصفيها كلها قبل عرس حسين وجنت ماتواجد بالبيت هواي على كد النومه واطلع من صبح ماعدا شغلي الي بغداد لازم اروح فجنت كلش ملتهي يمكن هذا الشي خلاني اتحمل تصرفات حياة ويايه واصلا ابتعدت عنها حتى تجي ايام ماحجي وياها مو لان زعلان منها بس لان تعبت منها ماعرف شتريد اتقرب منها ترفض ابتعد ترفض مجنت اعرف شتريد
